A EDIUS ten como obxecto a xestión e coordinación das ensinanzas de doutoramento da USC, así como os procesos que conducen á obtención do título de doutor. A súa finalidade é concibir un modelo de formación doutoral flexible, interdisciplinar e de calidade, orientado a potenciar as liñas de investigación de maior interese e proxección da universidade. A EDIUS está organizada en catro seccións: Artes e Humanidades, Ciencias Sociais e Xurídicas, Ciencias da Saúde, Ciencias e Enxeñarías.