Programa de Doutoramento en Economía e Empresa

• Perfil de ingreso

  Requisitos de acceso específicos:

  É requisito obrigatorio para a admisión no programa de doutoramento a presentación dun informe de viabilidade por parte do/a estudante, isto é, unha carta de referencia dun(ha) profesor(a) do programa que avale a viabilidade da futura tese no marco da liña de investigación á que se vincule.

  Perfil de ingreso:

  De forma xeral, poderá acceder a este programa sen necesidade de realizar complementos de formación, o alumnado que cursase algún máster adscrito á/s rama/s de coñecemento de Economía e Empresa.
  Para calquera outro perfil, a CAPD estudará os casos individualmente, podendo admitir ou non as candidaturas e establecendo complementos formativos en caso de ser necesario. No caso de que o alumnado careza da formación previa esixida no programa, a admisión poderá quedar condicionada á superación dos complementos de formación que estableza a Comisión Académica. Estes complementos non poderán superar os 15 ECTS.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  A selección de estudantes para a súa admisión no programa de doutoramento realizarase en función dos seguintes criterios:
  1. Expediente académico (30%): O criterio será as cualificacións obtidas no máster (ou DEA ou suficiencia investigadora).
  2. Experiencia investigadora previa e os seus resultados (30%): neste apartado valoraranse publicacións, comunicacións e outras contribucións científicas a congresos e a súa adecuación ás liñas de investigación do programa de doutoramento. Os/as candidatos/as deberán presentar documentación xustificativa.
  3. Experiencia profesional (10%): neste apartado valorarase experiencia profesional relacionada coas liñas de investigación do programa de doutoramento. Os/as candidatos/as deberán presentar documentación xustificativa (certificación de vida laboral, copia de contratos, bolsas, etc.)
  4. Outros aspectos acreditados no currículo do candidato/a (10%): neste apartado valoraranse as estancias de investigación, cursos realizados e cursos impartidos relacionados coas liñas de investigación do programa. Coñecemento de lingua estranxeira e coñecemento doutros idiomas distintos da lingua materna etc. Os candidatos deberán presentar documentación xustificativa.
  5. Entrevista persoal (20%): unicamente pasarán á fase de entrevista persoal aqueles/as aspirantes que obteñan como mínimo unha puntuación do 50% da puntuación máxima conxunta dos apartados anteriores (1-2-3-4). Na fase de entrevista valoraranse motivación, actitude, aptitude e capacidade de comunicación etc.
  Aplicaranse os mesmos criterios para admitir a todos/as os/as estudantes independentemente de que a súa dedicación sexa a tempo completo ou parcial.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Economía sectorial e desenvolvemento internacional

  Profesores	Área
  Maria Teresa Cancelo Marquez	Economía Cuantitativa (propia da USC)
  Maria Emilia Vazquez Rozas	Economía Cuantitativa (propia da USC)
  Eva Maria Aguayo Lorenzo	Economía Cuantitativa (propia da USC)

• Indicadores para a análise económica. Turismo, emigración e benestar

  Profesores	Área
  Rosa Maria Verdugo Mates	Economía Aplicada
  Maria Dolores Alvarez Perez	Organización de Empresas
  Fidel Martinez Roget	Economía Aplicada
  Maria Del Pilar Murias Fernandez	Economía Aplicada
  Beatriz Valcárcel Aguiar	Economía Aplicada
  Alexandre Vecino Aguirre	Economía Aplicada

• Economía ecolóxica e patrimonio natural (Bioeconomía)

  Profesores	Área
  Maria Luisa Chas Amil	Economía Cuantitativa (propia da USC)
  Xoan Ramon Doldan Garcia	Economía Aplicada
  Rosa Maria Regueiro Ferreira	Economía Aplicada
  Carlos Sebastian Villasante Larramendi	Economía Aplicada

• Economía do sector público

  Profesores	Área
  Miguel Angel Vazquez Tain	Economía Aplicada
  Jose Caamaño Alegre	Economía Aplicada
  Juan Jose Nieto Montero	Dereito Financeiro e Tributario
  Maria Cadaval Sampedro	Economía Aplicada
  Francisco Reyes Santías	Escola de Doutoramento Internacional
  Francisco Jesus Ferreiro Seoane	Economía Aplicada
  María Pilar Gago De Santos	Escola de Doutoramento Internacional

• Innovación, Desenvolvemento e Economía Circular

  Profesores	Área
  Gonzalo Rodriguez Rodriguez	Economía Aplicada
  Xavier Vence Deza	Economía Aplicada
  Oscar Rodil Marzabal	Economía Aplicada
  Manuel Gonzalez Lopez	Economía Aplicada
  Maria Angeles Pereira Sanchez	Economía Aplicada
  Maria Del Carmen Sanchez Carreira	Economía Aplicada

• Investigación Aplicada en Economía Financeira e Contabilidade

  Profesores	Área
  Ana Iglesias Casal	Economía Cuantitativa (propia da USC)
  Luis Alberto Otero González	Economía Financeira e Contabilidade
  Sara Fernandez Lopez	Economía Financeira e Contabilidade
  Noelia Maria Romero Castro	Economía Financeira e Contabilidade
  Maria Isabel Neira Gomez	Economía Cuantitativa (propia da USC)
  Maria Celia Lopez Penabad	Economía Financeira e Contabilidade
  Jose Manuel Maside Sanfiz	Economía Financeira e Contabilidade
  David Rodeiro Pazos	Economía Financeira e Contabilidade
  Marta Portela Maseda	Economía Financeira e Contabilidade
  Oscar Suarez Fernandez	Economía Financeira e Contabilidade
  Maria Milagros Vivel Bua	Economía Financeira e Contabilidade
  Pablo Duran Santomil	Economía Financeira e Contabilidade
  Ruben Lado Sestayo	Economía Financeira e Contabilidade

• Dirección e xestión das organizacións

  Profesores	Área
  Juan Ramon Piñeiro Chousa	Economía Financeira e Contabilidade
  Cristina Aibar Guzman	Economía Financeira e Contabilidade
  Maria Del Carmen Castro Casal	Organización de Empresas
  Maria Luisa Del Rio Araujo	Comercialización e Investigación de Mercados
  Emilio Ruzo Sanmartin	Comercialización e Investigación de Mercados
  Vicente Angel Lopez Lopez	Organización de Empresas
  Maria Belen Bande Vilela	Comercialización e Investigación de Mercados
  Mª Angeles Lopez Cabarcos	Organización de Empresas
  Beatriz Aibar Guzman	Economía Financeira e Contabilidade
  Paula Vazquez Rodriguez	Organización de Empresas
  Maria Bastida Dominguez	Organización de Empresas
  Guadalupe Vila Vazquez	Organización de Empresas
  Adolfo Carballo Penela	Organización de Empresas
  Maria De La Concepcion Varela Neira	Comercialización e Investigación de Mercados
  Sandra Castro Gonzalez	Comercialización e Investigación de Mercados
  Paula Alvarez Gonzalez	Organización de Empresas

En particular, destacaremos pola súa especial relevancia para sectores clave da economía que se pretende desenvolver no medio e longo prazo os temas relacionados co turismo e a innovación. Así mesmo, as liñas de investigación profundan na análise da internacionalización e o emprendemento.

Aprovéitase a oportunidade suscitada polo cambio da normativa reguladora dos programas de doutoramento para axustar a súa oferta ás liñas de investigación activas na USC, ao mesmo tempo que se busca a colaboración con outras universidades (tanto do SUG como doutras universidades nacionais) e institucións de investigación na procura dunha optimización dos recursos dispoñibles, así como para reforzar áreas estratéxicas da Universidade. Ao mesmo tempo buscouse unha maior integración entre as actuais titulacións de grao coas novas propostas de programas de doutoramento.

A oferta proposta adecúase á actuación prevista consistente na conformación dunha oferta de posgrao especializada e competitiva respecto á contorna universitaria, nacional e internacional, incrementando o prestixio social dos estudos de posgrao. Coa esta proposta preténdese reforzar o prestixio da traxectoria investigadora da USC. Se promoverá a incorporación de doutores e doutoras ás empresas co fin de estender a súa capacidade máis aló da docencia e a investigación, co fin de impulsar a actividade produtiva. Así mesmo, a proposta é consecuente coa necesaria modificación dos patróns de xestión de recursos, buscando a optimización do uso dos mesmos, mediante fórmulas de colaboración internas e externas.

A proposta relaciónase estreita e directamente co I+D+i en todas e cada unha das liñas de investigación que abarca o Programa de Doutoramento en Economía e Empresa. Precisamente, algunhas destas liñas produciron xa resultados de investigación que se transferiron en forma de coñecemento á sociedade, ao sector privado e aos organismos públicos encargados de tomar decisións. En particular, destacaremos pola súa especial relevancia para sectores crave da economía que se pretende desenvolver no medio e longo prazo os temas relacionados co turismo e a innovación. Así mesmo, as liñas de investigación profundan na análise da internacionalización e o emprendemento.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • OC01. Capacidade de realizar investigacións aplicadas nos campos da economía e a empresa.
  • OC02. Capacidade de realizar investigacións aplicadas nos ámbitos do desenvolvemento económico, o cambio estrutural, a innovación, a diversificación empresarial e sectorial, o papel do sector público e as políticas sectoriais encamiñadas a impulsar estes procesos desde a perspectiva da súa sustentabilidade, a dirección e xestión empresarial.
  • OC03. Coñecemento das diferentes metodoloxías, ferramentas e manexo das técnicas de análise empírica da investigación económica e empresarial.

• Outras competencias

  • OC01- Capacidade de realizar investigacións aplicadas nos campos da economía e a empresa.

  • OC02- Capacidade de realizar investigacións aplicadas nos ámbitos do desenvolvemento económico, o cambio estrutural, a innovación, a diversificación empresarial e sectorial, o papel do sector público e as políticas sectoriais encamiñadas a impulsar estes procesos desde a perspectiva da súa sustentabilidade, a dirección e xestión empresarial.

  • OC03- Coñecemento das diferentes metodoloxías, ferramentas e manexo das técnicas de análise empírica da investigación económica e empresarial.

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado 7 da Memoria do Título