Programa de Doutoramento en Estudos Medievais

• Perfil de ingreso

  O perfil de ingreso establece os coñecementos, habilidades e capacidades que debe posuír o estudantado que desexa acceder a este programa e, como consecuencia, as titulacións de acceso ao programa máis idóneas e que determinan a admisión e, se é o caso, a necesidade a ou non de realizar complementos formativos por parte dos doutorandos/as.

  Os estudos de máster que permitirán o ingreso a este programa de doutoramento sen complementos de formación será o de estudos medievais europeos. Imaxes, textos e contextos, ofertado pola USC. Tamén terán acceso ao Programa sen complementos os estudantes co título de DEA obtido a través dos seguintes programas da USC: Filoloxía Galega, Lingüística Galega, Teoría da Literatura e Literatura Comparada, Estudios sobre Historia da Arte e da Música, Economía e Sociedade na Historia: épocas medieval e moderna, Filoloxía Alemana, Textos e linguas da Antigüidade clásica. E, en xeral, segundo o RD 822/2021 polo que se establece a organización das ensinanzas universitarias e do procedemento de aseguramento da súa calidade, todos os másters incluídos nas áreas de Filoloxía, Estudos Clásicos, Tradución e lingüística, Historia da Arte e da expresión artística e belas Artes, Historia, Arqueoloxía, Xeografía, Filosofía e Humanidades.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de grao, ou equivalente, e de máster universitario ou equivalente, sempre que se superasen, polo menos, 300 créditos ECTS no conxunto destas dúas ensinanzas.
  2. Así mesmo, poderá acceder quen se encontre nalgún dos seguintes supostos:
  a) Estar en posesión de títulos universitarios oficiais ou títulos españois equivalentes sempre que se superasen, polo menos, 300 créditos ECTS no conxunto destas ensinanzas e acreditar un nivel 3 do marco español de cualificacións para a educación superior.
  b) Estar en posesión dun título obtido conforme sistemas educativos estranxeiros pertencentes ao Espazo Europeo de Educación Superior (EEES), sen necesidade da súa homologación, que acredite un nivel 7 do marco europeo de cualificacións sempre que o dito título faculte para o acceso a estudos de doutoramento no país de expedición deste. Esta admisión non implicará, en ningún caso, a homologación do título previo de que estea en posesión o interesado nin o seu recoñecemento para outros efectos que o do acceso a ensinanzas de doutoramento.
  c) Estar en posesión dun título obtido conforme sistemas educativos estranxeiros alleos ao EEES, sen necesidade da súa homologación, logo de comprobación pola universidade de que este acredita un nivel de formación equivalente á do título oficial español de Máster universitario e que faculta no país de expedición do título para o acceso a estudos de doutoramento. Esta admisión non implicará, en ningún caso, a homologación do título previo de que estea en posesión o interesado nin o seu recoñecemento para outros efectos que o do acceso a ensinanzas de doutoramento.
  d) Estar en posesión doutro título de doutora ou doutor.
  e) Igualmente poderán accede-los titulados universitarios que, logo de obtención de praza en formación na correspondente proba de acceso a prazas de formación sanitaria especializada, superasen con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

• Criterios de admisión

  A selección de estudantes para a súa admisión no programa realizarase en función dos seguintes criterios:

  • Título de Máster oficial da USC en Estudos medievais. Imaxes, textos e contextos (100 %). O Programa de Doutoramento está relacionado epistémicamente co Máster desde a súa fundación.
  • Para os estudantes sen esa titulación:
  o Expediente académico (60 %) determinado polas cualificacións obtidas no máster (ou DEA ou suficiencia investigadora).
  o Coñecemento de lingua estranxeira de nivel B1 ou superior e coñecemento doutros idiomas distintos da lingua materna, etc. Os candidatos deberán presentar documentación xustificativa (10 %).
  o Currículum (10 %).
  o Experiencia profesional (os candidatos deberán presentar documentación xustificativa) (5%).
  o Experiencia investigadora (os candidatos deberán presentar documentación xustificativa) (5%).
  o Outros méritos: Bolsas competitivas, premios, asistencia a congresos, cursos, seminarios: 10%
  Aplicaranse os mesmos criterios para admitir a todos/as os/as estudantes independentemente de que a súa dedicación sexa a tempo completo ou parcial.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

A CAPD do programa de doutoramento avaliará de forma individualizada aos/as candidatos/as. Aqueles con perfís que non se axusten aos indicados para o acceso directo ao programa de doutoramento propoñeráselles uns complementos de formación específicos adecuados ao seu perfil. Os complementos de formación que deberán cursar estableceranse en función da formación previa do/a alumno/a e serán tales que lle permitan alcanzar as competencias necesarias para o bo desenvolvemento da súa tese doutoral dentro do programa de doutoramento.
Devanditos complementos de formación serán de materias do máster de Estudos Medievais: imaxes, textos e contextos, e, deberán superarse no período inicial de desenvolvemento da tese, nun prazo máximo dun curso académico e a efectos de prezos públicos e de concesión de bolsas e axudas ao estudo, a consideración de formación de nivel de doutoramento.
Estas competencias adquiriranse cursando materias, ata un máximo de 12 créditos ECTS, do Máster de Estudos Medievais, en concreto nas seguintes materias obrigatorias:
· Fundamentos metodolóxicos e novas tecnoloxías (6 ECTS)
· A Europa medieval. Perspectiva histórico-social (6 ECTS)
· Arte medieval europeo (6 ECTS)
· Cultura escrita en latín na Idade Media (6 ECTS)
· Literatura medieval en linguas vernáculas (6 ECTS)
 

• Filoloxía latina e medieval

  Profesores	Área
  Manuel Enrique Vazquez Bujan	Filoloxía Latina
  José Carracedo Fraga	Filoloxía Latina
  Eva Maria Castro Caridad	Filoloxía Latina
  Jose Maria Anguita Jaen	Filoloxía Latina
  Joel Varela Rodriguez	Filoloxía Latina

• Tradicións literarias en linguas vernáculas

  Profesores	Área
  Elvira Fidalgo Francisco	Filoloxía Románica
  Santiago Lopez Martinez-Moras	Filoloxía Románica
  Maria Esther Corral Diaz	Filoloxía Románica
  Maria Isabel Moran Cabanas	Filoloxías Galega e Portuguesa
  Emilio Gonzalez Miranda	Filoloxía Alemá
  Maria Pilar Lorenzo Gradin	Filoloxía Románica
  Victor Millet Schröder	Filoloxía Alemá
  Marina Arbor Aldea	Filoloxía Románica
  Santiago Gutierrez Garcia	Filoloxía Románica
  Antonio Chas Aguión	Escola de Doutoramento Internacional
  Debora Gonzalez Martinez	Filoloxía Románica
  Mª Cleofé Tato García	Escola de Doutoramento Internacional

• Edición e transmisión de textos medievais

  Profesores	Área
  Elvira Fidalgo Francisco	Filoloxía Románica
  José António Souto Cabo	Filoloxías Galega e Portuguesa
  Maria Pilar Lorenzo Gradin	Filoloxía Románica
  Victor Millet Schröder	Filoloxía Alemá
  Marina Arbor Aldea	Filoloxía Románica
  Antonio Chas Aguión	Escola de Doutoramento Internacional
  Debora Gonzalez Martinez	Filoloxía Románica
  Eduardo José Pardo De Guevara Valdés	Escola de Doutoramento Internacional
  César Olivera Serrano	Escola de Doutoramento Internacional
  Mª Cleofé Tato García	Escola de Doutoramento Internacional
  Isabel Beceiro Pita	Escola de Doutoramento Internacional

• A civilización medieval nas súas dimensións históricas

  Profesores	Área
  Jose Miguel Andrade Cernadas	Historia Medieval
  Israel Sanmartín Barros	Historia Medieval
  Xose Manoel Sanchez Sanchez	Historia Medieval
  Mariña Bermudez Beloso	Historia Medieval
  Diana Pelaz Flores	Historia Medieval

• Historia da arte medieval

  Profesores	Área
  Mª Del Rocio Sanchez Ameijeiras	Historia da Arte
  Julio Vazquez Castro	Historia da Arte
  Begoña Fernandez Rodriguez	Historia da Arte
  Maria De Fatima Diez Platas	Historia da Arte
  Marta Cendon Fernandez	Historia da Arte
  Mª Dolores Barral Rivadulla	Historia da Arte
  David Chao Castro	Historia da Arte
  Maria Dolores Fraga Sampedro	Historia da Arte

• Libros, memoria e arquivos na idade media

  Profesores	Área
  José Carracedo Fraga	Filoloxía Latina
  Francisco Javier Varela Barreiro	Filoloxías Galega e Portuguesa
  Cesar Pablo Dominguez Prieto	Teoría da Literatura e Literatura Comparada
  Ana Isabel Suarez Gonzalez	Ciencias e Técnicas Historiográficas

O Doutoramento en Estudios medievais é unha oferta única no SUG e costitúe unha alternativa novidosa no eido das Humanidades. O seu principal obxectivo é o de proporcionar ao alumnado unha formación interdisciplinar e transversal, para que adquira o nivel máis alto de capacitación profesional e investigadora.

Os estudios medievais contan en Santiago con grupos consolidados e recoñecidos a nivel nacional e internacional, así como con liñas de investigación estables e punteiras que permitirán que os estudantes máis capacitados consigan as melloras bolsas a nivel nacional e autonómico para realizar as súas teses de doutoramento.

Ademais destes referentes de garantía, o Doutoramento posúe convenios de colaboración con selectos centros estatais e europeos, co fin de que aqueles alumnos que o desexen realicen nos mesmos estadías de investigación que enriquezan a súa traxectoria científica.

O Programa pretende recuperar a Idade Media coa adecuada combinación de especialización e divulgación, para que os doutores formados no mesmo afronten experiencias investigadoras e profesionais sólidas, que contribúan á conservación, valorización e difusión da herdanza cultural dun período histórico esencial na formación da civilización europea.

O seu principal obxectivo é proporcionar ao estudantado unha formación interdisciplinar e transversal, para que adquira o nivel máis alto de capacitación tanto a nivel profesional como investigador. Os estudos medievais contan en Santiago con grupos de investigación consolidados e recoñecidos a nivel nacional e internacional, así como con liñas de traballo estables e punteiras que permitirán que os estudantes máis capacitados obteñan as mellores bolsas a nivel nacional e autonómico para desenvolver as súas teses doutorais.
Ademais destes referentes de garantía, o doutoramento posúe convenios de colaboración con selectos centros estatais e europeos, co fin de que aqueles estudantes que o desexen realicen nas mesmas estadías que enriquezan a súa traxectoria científica.
O Programa ten como obxectivo fundamental recuperar as distintas vertentes que abrangue o patrimonio medieval coa adecuada combinación de especialización e divulgación, para que os doutores formados no mesmo afronten experiencias profesionais e/ou investigadoras sólidas, que contribúan á conservación, valorización e difusión do legado cultural dun período histórico esencial na formación da civilización europea.
O doutoramento que se presenta é unha oferta única no SUG e configúrase como unha alternativa nova no ámbito das Humanidades. O seu principal obxectivo é proporcionar ao estudantado unha formación interdisciplinar e transversal, para que adquira o nivel máis alto de capacitación tanto a nivel profesional como investigador.
Os estudos medievais contan en Santiago con grupos de investigación consolidados e recoñecidos a nivel nacional e internacional, así como con liñas de traballo estables e punteiras que permitirán que os estudantes máis capacitados obteñan as mellores bolsas a nivel nacional e autonómico para desenvolver as súas teses doutorais. Ademais destes referentes de garantía, o doutoramento posúe convenios de colaboración con selectos centros estatais e europeos, co fin de que aqueles estudantes que o desexen realicen nas mesmas estadías que enriquezan a súa traxectoria científica.
O Programa ten como obxectivo fundamental recuperar as distintas vertentes que abrangue o patrimonio medieval coa adecuada combinación de especialización e divulgación, para que os doutores formados no mesmo afronten experiencias profesionais e/ou investigadoras sólidas, que contribúan á conservación, valorización e difusión do legado cultural dun período histórico esencial na formación da civilización europea.

• Competencias básicas

  - Comprensión sistemática dun ámbito de estudo e dominio das habilidades e métodos de investigación relacionados co dito ámbito.
  ‐ Capacidade de concibir, deseñar ou crear, pór en práctica e adoptar un proceso substancial de investigación ou creación.
  ‐ Capacidade para contribuír á ampliación das fronteiras do coñecemento a través dunha investigación orixinal.
  ‐ Capacidade de realizar unha análise crítica e de avaliación e síntese de ideas novas e complexas.
  ‐ Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos xeitos e idiomas de uso habitual na súa comunidade científica internacional.
  ‐ Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade superada no coñecemento.
  ‐ Capacidade de fomentar a Ciencia Aberta e a Ciencia Cidadá, conforme o artigo 12 da Lei orgánica 2/2023, do 22 de marzo, como modo de contribuír á consideración do coñecemento científico como un ben común, mediante a avaliación de actividades transversais levadas a cabo pola doutoramento ou o doutorando relacionadas con diferentes dimensións da ciencia aberta e a ciencia cidadá, así como a capacitación adquirida en sendas disciplinas en formato de microcredenciais ou similar.

• Competencias específicas

  • Desenvolverse en contextos nos que hai pouca información específica
  • Atopar as preguntas craves que hai que responder para resolver un problema complexo.
  • Deseñar, crear, desenvolver e emprender proxectos novos e innovadores no seu ámbito de coñecemento
  • Traballar tanto en equipo como de maneira autónoma nun contexto internacional ou multidisciplinar
  • Integrar coñecementos, enfrontarse á complexidade e formular xuízos con información limitada
  • A crítica e defensa intelectual de solucións.

  Outras competencias

  • Capacidade para desenvolver a investigación no ámbito dos estudos medievais desde unha perspectiva pluridisciplinar
  • Capacidade para comunicar e debater sobre a investigación realizada nos encontros científicos nacionais e internacionais da especialidade
  • Capacidade para transferir coñecemento e difundir os resultados de investigación alcanzados nos foros científicos nacionais e internacionais do ámbito de coñecemento do Programa.

• Outras competencias

  - Capacidade para desenvolver a investigación no ámbito dos estudos medievais desde unha perspectiva pluridisciplinar
  - Capacidade para comunicar e debater sobre a investigación realizada nos encontros científicos nacionais e internacionais da especialidade.
  - Capacidade para transferir coñecemento e difundir os resultados de investigación alcanzados nos foros científicos nacionais e internacionais do ámbito de coñecemento do programa.

O perfil dos egresados do programa permitiralles adquirir unha formación avanzada en técnicas de investigación. Un doutor en 'Estudos Medievais' dispón dunha formación –á vez transversal (interdisciplinar) e específica (centrada nun período cronolóxico concreto)- que o fai idóneo para desempeñar postos de responsabilidade en museos, bibliotecas, arquivos e empresas/organismos vinculados á preservación, interpretación e estudo do patrimonio artístico e cultural, centros de investigación públicos e privados e medios de comunicación, sobre todo nunha comunidade autónoma como a galega, onde precisamente o patrimonio medieval é o máis rico e relevante.

Para dar cobertura a tódolos requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servicios a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha maior unidade e operatividade aos recursos de apoio á investigación cos que conta a USC.

O Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. Para tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnologías para el Aprendizaje (CeTA)

Redes de aulas de informática

Área de gestión de infraestructuras

Servicio de medios audiovisuales

Servicio de prevención de riesgos