Programa de Doutoramento en Ciencias Odontolóxicas

• Perfil de ingreso

  Requisitos de acceso específicos:

  É requisito obrigatorio para a admisión no programa de doutoramento a presentación dun informe de viabilidade por parte do/a estudante: carta de referencia dun(ha) profesor(a) do programa que avale a viabilidade da futura tese no marco da liña de investigación á que se vincule. Este requisito se barema con 30 puntos (30%).
  Ademais, dadas as características e o nivel científico do programa de doutoramento, o/a alumno/a debe ter acreditado un nivel mínimo de coñecementos de inglés equivalente ao nivel B1, non soamente por ser a lingua franca de comunicación científica a nivel internacional na actualidade senón porque parte dos cursos, tanto de formación específica como transversal, así como outras das actividades do programa poden realizarse neste idioma. O nivel de inglés acreditarase coa correspondente certificación oficial das incluídas na listaxe de acreditacións recoñecidas polo Centro de Linguas Modernas (CLM) da USC para os distintos niveis do Marco Común Europeo: https://www.usc.gal/es/servizos/clm/acreditacion/index.html
  Para resultar admitido no programa será preciso un mínimo de 50 puntos (50%) realizándose o proceso de ponderación, de acordo aos principios de igualdade, capacidade, mérito e transparencia.

  Perfil de ingreso:

  O perfil de ingreso determina as titulacións de acceso ao programa máis idóneas e que determinan a admisión e, no seu caso, a necesidade ou non de realizar complementos formativos por parte dos doutorandos/as.
  De forma xeral, poderán acceder a este programa, sen necesidade de realizar complementos de formación, alumnos que cursasen algún máster adscrito á área de coñecemento de estomatoloxía e ao ámbito de coñecemento da odontoloxía.
  No caso doutros perfís que non realizasen máster necesitarase unha equivalencia de formación en créditos de investigación, iguais polo menos aos do máster que dá acceso directo, que serán 60 créditos ECTS.
  Para calquera outro perfil a CAPD estudará os casos individualmente, podendo admitir ou non aos/ás alumnos/as e establecendo complementos formativos en caso de ser necesario. No caso de que o alumnado careza da formación previa esixida no programa, a admisión poderá quedar condicionada á superación dos complementos de formación que estableza a Comisión Académica. Estes complementos non poderán superar os 15 ECTS

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  A selección de estudantes para a súa admisión no programa realizarase en función dos seguintes criterios:
  - Expediente académico (20 puntos; 20%).
  - Experiencia investigadora previa e os seus resultados (10 puntos; 10%): neste apartado valoraranse publicacións, comunicacións e outras contribucións científicas a congresos e a súa adecuación ás liñas de investigación do programa. Os candidatos deberán presentar documentación xustificativa.
  - Experiencia profesional no ámbito da odontoestomatología (5 puntos; 5%).
  - Outros aspectos acreditados no currículo do candidato (10 puntos; 10%): cursos realizados e cursos impartidos relacionados coas liñas de investigación do programa. Coñecemento de lingua estranxeira de nivel B1 ou superior e coñecementos doutros idiomas distintos da lingua materna etc. Os candidatos deberán presentar documentación xustificativa.
  - Proxecto de tese doutoral (25 puntos; 25%)
  Aplicaranse os mesmos criterios para admitir a todos/as os/as estudantes independentemente de que a súa dedicación sexa a tempo completo ou parcial.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

 A CAPD do programa de doutoramento avaliará de forma individualizada aos/ás candidatos/as e a aqueles con perfís que non se axusten aos indicados para o acceso directo ao programa de doutoramento propoñeralles uns complementos de formación específicos adecuados ao seu perfil. Os complementos de formación que deberán cursar estableceranse en función da formación previa do/a alumno/a e serán tales que lle permitan alcanzar as competencias necesarias para o bo desenvolvemento da súa tese doutoral dentro do programa de doutoramento. Devanditos complementos de formación poderán ser de materias ou módulos de máster e grao e terán, a efectos de prezos públicos e de concesión de bolsas e axudas ao estudo, a consideración de formación de nivel de doutoramento. No caso de realizarse con carácter previo, o seu desenvolvemento non computará a efectos do límite temporal establecido para a realización da tese. Estes créditos non computarán para os efectos dos requisitos comúns de acceso ao programa de doutoramento. Estas competencias adquiriranse cursando materias, ata un máximo de 15 créditos ECTS, de cursos e seminarios de metodoloxía da investigación. A realización dos complementos será previa ou simultánea á matrícula en tutela académica no programa. No caso de realización simultánea o alumnado deberá matricularse destes complementos no momento de formalizar a matrícula de tutela académica no programa. No caso de ser previa só se matriculará destes complementos, non se asinará o Compromiso de Supervisión nin se abrirá o Documento de Actividades do doutorando ata a súa superación, e a súa realización non computará para os efectos dos prazos mínimos e máximos marcados para a realización dos estudos de doutoramento.

• Investigación en odontoloxía restauradora, endodoncia e rehabilitación oclusal

  Profesores	Área
  Maria Jesus Jose Mora Bermudez	Estomatoloxía
  Juan Antonio Suarez Quintanilla	Anatomía e Embrioloxía Humana
  Maria Mercedes Gallas Torreira	Estomatoloxía
  Jose Luis Da Silva Dominguez	Estomatoloxía
  Victor Alonso De La Peña	Estomatoloxía
  Benjamin Jose Martin Biedma	Estomatoloxía
  Urbano Antonio Santana Penin	Estomatoloxía
  Juan Carlos Perez Varela	Estomatoloxía
  Benito Rilo Pousa	Estomatoloxía
  Pablo Castelo Baz	Estomatoloxía
  Berta Rivas Mundiña	Estomatoloxía
  Urbano Alejandro Santana Mora	Estomatoloxía
  Ramon Miguens Vila	Estomatoloxía
  José Martín Cruces	Escola de Doutoramento Internacional da USC (EDIUS)

• Investigación en odontoloxía médico-cirúrxica

  Profesores	Área
  Juan Manuel Seoane Leston	Estomatoloxía
  Andres Blanco Carrion	Estomatoloxía
  Maria Mercedes Suarez Cunqueiro	Estomatoloxía
  Javier Fernández Feijoo	Estomatoloxía
  Juan Blanco Carrion	Estomatoloxía
  Abel Garcia Garcia	Estomatoloxía
  Jose Maria Suarez Quintanilla	Estomatoloxía
  Pedro Diz Dios	Estomatoloxía
  Maria Teresa Abeleira Pazos	Estomatoloxía
  Eva Maria Otero Rey	Estomatoloxía
  Mercedes Outumuro Rial	Estomatoloxía
  Jose Manuel Somoza Martin	Estomatoloxía
  María Pilar Batalla Vázquez	Estomatoloxía
  Jacobo Limeres Posse	Estomatoloxía
  Mario Pérez-Sayáns García	Estomatoloxía
  Antonio Liñares Gonzalez	Estomatoloxía
  Pilar Gandara Vila	Estomatoloxía
  Inmaculada Tomas Carmona	Estomatoloxía
  Pablo Ignacio Varela Centelles	Estomatoloxía
  Juan Manuel Seoane Romero	Estomatoloxía
  Alba Regueira Iglesias	Estomatoloxía
  Triana Blanco Pintos	Estomatoloxía
  Márcio Diniz Freitas	Estomatoloxía
  Alba Pérez González	Estomatoloxía

A proposta do Programa de Doutoramento en Ciencias Odontolóxicas de acordo co establecido no Regulamento dos estudos de Doutoramento, este programa se adscribe á Escola de Doutoramento Internacional da Universidade de Santiago de Compostela (USC) e nace co propósito de dar resposta a unha serie de necesidades formativas, científicas e de investigación constatables no Sistema Universitario de Galicia (SUG). O Programa de Doutoramento que presentamos potencia os estudos a nivel de posgrao e promove a formación en investigación de estudantes no ámbito das Ciencias da Saúde e concretamente no campo da Odontoloxía.

A proposta do Programa de Doutoramento en Ciencias Odontolóxicas de acordo co establecido no Regulamento dos estudos de Doutoramento, este programa se adscribe á Escola de Doutoramento Internacional da Universidade de Santiago de Compostela (USC) e nace co propósito de dar resposta a unha serie de necesidades formativas, científicas e de investigación constatables no Sistema Universitario de Galicia (SUG):

• En primeiro lugar, o Programa de Doutoramento que presentamos potencia os estudos a nivel de posgrao e promove a formación en investigación de estudantes no ámbito das Ciencias da Saúde e concretamente no campo da Odontoloxía.

• En segundo lugar, o Programa de Doutoramento recolle a experiencia adquirida por un equipo docente e investigador cuantitativamente limitado pero altamente especializado e cohesionado cunha ampla produción científica

• En terceiro lugar, tanto os estudos de grao como de Máster posúen unha moi elevada demanda, a porcentaxe de prazas vacantes foi nula ou case nula desde a súa creación e aprobación.

Existe en toda España, unha elevada demanda de programas de Doutoramento únicamente deseñados para propiciar a realización de teses doutorais. A un interese persoal no ámbito científico da Odontoloxía non se asocia, polo xeral, o inicio dunha carreira investigadora profesional, exceptuando os docentes universitarios. Non é fácil ademais levar a cabo unha tese doutoral que reúna os requisitos de rigor científico e pertinencia académica actuais senón se reestruturan os programas de doutoramento establecendo unha relación de supervisión entre o director/a e os doutorandos directa e limitada no tempo, aproveitando a experiencia acumulada de socios estratéxicos (asesores, expertos) recoñecidos que participen no proceso. Neste sentido, o programa intégrase na estratexia de I +D+i da USC (incrementar o carácter internacional do Doutoramento, unir potencialidades, promover programas multidisciplinares atractivos,...). Tampouco facilita o proceso o feito de que as condicións laborais dos futuros doutorandos restan tempo e disponibilidade. Pero é notable, o feito de que son máis os recentemente licenciados e graduados que na actualidade solicitan estes estudos coa idea de implementar a súa curricula cunha experiencia investigadora para logo incorporarse a un mercado laboral con valor engadido. Esta demanda real débese moi probablemente ao esforzo en crear sinerxias e internacionalización dos investigadores que forman o cadro docente deste programa de Doutoramento.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • Capacidade de aplicar a metodoloxía propia da Odontoloxía baseada na evidencia (OBE)
  • Competencia na realización de investigación translacional en Odontoloxía
  • Capacidade de análise de viabilidade, necesidades materiais e recursos dun proxecto de investigación

• Outras competencias

  • Capacidade de aplicar a metodoloxía propia da Odontoloxía baseada na evidencia (OBE)

  • Competencia na realización de investigación translacional en Odontoloxía

  • Capacidade de análise de viabilidade, necesidades materiais e recursos dun proxecto de investigación

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título