Programa de Doutoramento en Láser, Fotónica e Visión

• Perfil de ingreso

  1. Sen complementos de formación:

  Estudantes que proveñan de másteres oficiais con temáticas afíns ao Programa de Doutoramento, por exemplo: o Máster Interuniversitario USC-UVigo-UDC en Fotónica e tecnoloxías do láser , Máster Interuniversitario USC-U.Valladolid, U.Coimbra, U..Murcia, UCM,UMH, en Investigación en Ciencias da Visión , Máster UVigo -UdC en Física Aplicada , Máster UVigo en Investigación en tecnoloxías e procesos avanzados na industria , Máster UPC- UAB-UB-ICFO en Fotonica , Máster UCM Tecnoloxías Opticas e da Imaxe , Máster USAL Fisica e Tecnoloxías dos Láseres , Máster de Ciencia e Tecnoloxía de Materiais, Máster de Enerxías renovables, Máster de Enxeñaría Matemática, Máster en Física Nuclear e de Partículas e as súas aplicacións tecnolóxicas e médicas, e outras a determinar pola CAPD.

  2. Outros perfís:

  No caso daqueles alumnos que procedan de Másteres cuxo contido non sexa afín ao Programa de Doutoramento, a admisión poderá quedar condicionada á superación de complementos de formación específicos que deberán ser concretados para cada alumno pola CAPD. Estes complementos de formación corresponderán, como máximo, a 12 ECTS e a súa realización poderá ser simultánea coa matrícula en tutela académica. No caso de realizalos previamente, o alumno só se matriculará destes complementos e non se asinará o Compromiso de Supervisión nin se abrirá o Documento de Actividades do doutorando ata a súa superación.

  3. Grao de coñecemento do idioma Inglés:

  É conveniente dispor de acreditación dun nivel intermedio B1 do devandito idioma (nivel establecido dentro do Marco Europeo de Referencia sobre Coñecemento de Linguas) e acreditado ante a CAPD mediante calquera certificación oficial (nivel intermedio: B1, TOEFL, Cambridge, Escola Oficial de Idiomas...). No caso de carecer da devandita certificación oficial a CAPD realizará as probas que considere oportunas: proba oral e/ou escrita e/ou entrevista persoal, para avaliar o coñecemento da lingua inglesa do alumno, pero sempre se lle requirirá que se adquira a dita certificación durante os dous primeiros anos do programa. O idioma de traballo preferencial será o inglés. Un inglés científico considérase fundamental para o programa.

  4. Recomendación complementaria:

  Finalmente, como información e recomendación complementaria ao proceso normativo de acceso e admisión no programa de doutoramento, é conveniente indicar algúns aspectos sobre actitudes, capacidades, coñecementos previos, idiomas, etc, que se consideran moi recomendables para aqueles estudantes interesados no programa de doutoramento:

  • Interese polas tarefas de investigación científico-técnica, en particular no ámbito do láser, a fotónica e a visión.

  • Saber realizar procuras bibliográficas sistemáticas sobre algún aspecto científico-técnico concreto.

  • Saber estruturar e desenvolver un traballo científico, tomando como base a experiencia adquirida no Grao e no Máster.

  • Posuír coñecementos sobre óptica en xeral e láser, fotónica e visión en particular. Cantas máis materias, cursos, etc. cursase o alumno relacionadas coa óptica máis fácil será o seu tránsito no programa.

  5. Os estudantes con título estranxeiro sen homologar poderán solicitar a admisión no programa de doutoramento sempre que se acredite un nivel de formación equivalente á do título oficial español de máster universitario e faculte no país expedidor do título para o acceso aos estudos de doutoramento. Esta admisión non implicará, en ningún caso, a homologación do título previo nin o recoñecemento a outros efectos que os de acceso a estas ensinanzas.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  • Expediente académico. Computará o 65% na cualificación global de admisión.

  • Curriculum Vitae: valorarase preferentemente a formación e experiencias profesional e investigadora, e coñecemento de idiomas. Computará o 20% na cualificación total de admisión.

  • Entrevista persoal: valorarase capacidades e motivación para o traballo científico. Computará o 15% na cualificación global de admisión.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Tecnoloxías do láser e visión

  Profesores	Área
  Luz Maria Gigirey Prieto	Física Aplicada
  Eva Maria Acosta Plaza	Óptica
  Justo Arines Piferrer	Optometría
  María José Tobar Vidal	Escola de Doutoramento Internacional
  Ana Jesús López Díaz	Escola de Doutoramento Internacional
  José Manuel Amado Paz	Escola de Doutoramento Internacional
  José Benito Vázquez Dorrio	Escola de Doutoramento Internacional
  José Carlos López Vázquez	Escola de Doutoramento Internacional
  Armando José Yáñez Casal	Escola de Doutoramento Internacional
  Jesãºs Blanco Garcã­a	Escola de Doutoramento Internacional
  Marã­acristina Trillo Yaã±Ã©Z	Escola de Doutoramento Internacional
  Ginã©S Nicolã¡S Costa	Escola de Doutoramento Internacional
  Marã­adelapaz Mateo Orenes	Escola de Doutoramento Internacional

• Laser e fotónica

  Profesores	Área
  Raul De La Fuente Carballo	Óptica
  Maria Elena Lopez Lago	Óptica
  Xesus Prieto Blanco	Óptica
  Maria Concepcion Nistal Fernandez	Óptica
  Mª Carmen Bao Varela	Óptica
  Jesus Liñares Beiras	Óptica
  Carlos Montero Orille	Óptica
  Maria Teresa Flores Arias	Óptica
  José Ramón Salgueiro Piñeiro	Escola de Doutoramento Internacional
  Humberto Javier Michinel Alvarez	Escola de Doutoramento Internacional
  Daniele Tommasini	Escola de Doutoramento Internacional
  Marcos Curty Alonso	Escola de Doutoramento Internacional
  Javier Fraile Pelã¡Ez	Escola de Doutoramento Internacional

O programa de doutoramento en Láser, Fotónica e Visión recolle a experiencia docente e investigadora de diferentes grupos de investigación moi activos na área da óptica e especializados nos campos do láser, a fotónica a a visión.

A finalidade do programa é a formación nestos campos, tanto nos seus aspectos máis fundamentais coma nas súas crecentes e espectaculares aplicacións, de científicos, técnicos e emprendedores internacionalmente demandados tanto no sector académico coma industrial.

O Láser, a Fotónica e a Visión é un ámbeto do coñecemento cuxo obxectivo é o estudo da xeneración, transmisión, detección, control e manipulación da luz e o desenvolvemento de tecnoloxías ópticas con aplicacións dun alto interés en múltiples e dispares sectores socio-económicos.

Abrangue dende elementos que forman parte da vida cotián até innovadoras investigacións que alcanzan as fronteiras do coñecemento científico, e está a ser de extrema importancia para os grandes retos científico-técnicos do século XXI e para o desenvolvemento de moitas outras disciplinas que contribúen de forma directa ao progreso e á innovación.

O programa de doutoramento en Láser, Fotónica e Visión recolle a experiencia docente e investigadora de diferentes grupos de investigación moi activos na área da óptica e especializados nos campos do láser, a fotónica a a visión.

A finalidade do programa é a formación nestos campos, tanto nos seus aspectos máis fundamentais coma nas súas crecentes e espectaculares aplicacións, de científicos, técnicos e emprendedores internacionalmente demandados tanto no sector académico coma industrial.

O Láser, a Fotónica e a Visión é un ámbeto do coñecemento cuxo obxectivo é o estudo da xeneración, transmisión, detección, control e manipulación da luz e o desenvolvemento de tecnoloxías ópticas con aplicacións dun alto interés en múltiples e dispares sectores socio-económicos.

Abrangue dende elementos que forman parte da vida cotián até innovadoras investigacións que alcanzan as fronteiras do coñecemento científico, e está a ser de extrema importancia para os grandes retos científico-técnicos do século XXI e para o desenvolvemento de moitas outras disciplinas que contribúen de forma directa ao progreso e á innovación.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • Adquirir a capacidade para realizar unha comprensión rápida e sistemática e sobre todo actualizada na(s) distinta(s) disciplina(s) nas que o alumno especializouse, tanto nas relacionadas coas Tecnoloxías do Láser e a Visión como Láser e Fotónica.
  • Coñecer e saber aplicar os distintos métodos de investigación e habilidades teóricas, sobre todo de modelado e simulación, e experimentais, sobre todo de medida, relacionados coas Tecnoloxías Láser e Visión, e co Láser e Fotónica.
  • Adquirir a capacidade para identificar, formular e resolver, ou polo menos propoñer solucións alternativas, de problemas dos ámbitos da Ciencia e Tecnoloxías Láser e Visión e o Láser e Fotónica, partindo sempre dos resultados máis recentes obtidos na comunidade científica.
  • Adquirir a capacidade de entender e desenvolver a Optica en xeral, e o Láser, a Fotónica e a Visión, en particular, coma unha actividade económica e empresarial considerando tamén os seus aspectos sociais, éticos e de sostenibilidade.
  • Adquirir a capacidade para realizar contribucións científico-técnicas mediante a investigación que amplíe as fronteiras do coñecemento e saber plasmalo tanto en publicacións científicas de impacto internacional como en documentos académicos e/ou divulgativos.
  • Adquirir a capacidade de realizar e dirixir proxectos e/ou actividades investigadoras ou de formación de forma autónoma co obxecto de alcanzar obxectivos de forma eficiente, tomando decisións, e de ser o caso, liderando equipos de traballo.
  • Coñecer os contidos científico-técnicos e saber formular os avances máis recentes e os retos máis destacados da Tecnoloxía Láser e Visión nos que o alumno especializouse (Física da Visión, Sensores Láser, Metroloxía Láser, Irradiación/Ablación Láser, instrumentación Láser, Espectroscopía Láser, ESPI, Aplicacións Industriais, Médicas e Medio-ambientais do Láser)
  • Coñecer os contidos científico-técnicos e saber formular os avances máis recentes e os retos máis destacados do Láser e Fotónica nos que o alumno especializouse (interacción Láser-Estruturas Fotónicas, Pulsos Láser, Optica Integrada Clásica e Cuántica, Plasmónica, Fibras Ópticas e Transmisión Optica, Optica Non lineal Clásica e Cuántica, Modulación Optica de Materiais, Optica Atómica (BEC, Trampas Ópticas, Pinzas Ópticas, Microóptica, Vórtices Ópticos).
  • Coñecer as medidas de seguridade no uso do Láser, e en xeral as normativas de protección, incluíndo tamén aspectos relacionados coa medida da contaminación lumínica, e en xeral a radiometría e fotometría de fontes e láseres, co obxecto de saber manexar equipamentos con diferentes fontes de luz de forma eficiente e segura.

• Outras competencias

  Coñecer aqueles conceptos, modelos e teorías fundamentais das liñas específicas de investigación sobre Tecnoloxías do Láser e Visión, e sobre Láser e Fotónica, que dote ao alumno dunha visión de conxunto, servíndolle ademais de base para posteriores aprendizaxes.

  Adquirir a capacidade para realizar unha comprensión rápida e sistemática e sobre todo actualizada na(s) distinta(s) disciplina(s) nas que o alumno especializouse, tanto nas relacionadas coas Tecnoloxías do Láser e a Visión como Láser e Fotónica.

  Coñecer e saber aplicar os distintos métodos de investigación e habilidades teóricas, sobre todo de modelado e simulación, e experimentais, sobre todo de medida, relacionados coas Tecnoloxías Láser e Visión, e co Láser e Fotónica.

  Adquirir a capacidade para identificar, formular e resolver, ou polo menos propoñer solucións alternativas, de problemas dos ámbitos da Ciencia e Tecnoloxías Láser e Visión e o Láser e Fotónica, partindo sempre dos resultados máis recentes obtidos na comunidade científica.

  Adquirir a capacidade de entender e desenvolver a Optica en xeral, e o Láser, a Fotónica e a Visión, en particular, coma unha actividade económica e empresarial considerando tamén os seus aspectos sociais, éticos e de sostenibilidade.

  Adquirir a capacidade para realizar contribucións científico-técnicas mediante a investigación que amplíe as fronteiras do coñecemento e saber plasmalo tanto en publicacións científicas de impacto internacional como en documentos académicos e/ou divulgativos.

  Adquirir a capacidade de realizar e dirixir proxectos e/ou actividades investigadoras ou de formación de forma autónoma co obxecto de alcanzar obxectivos de forma eficiente, tomando decisións, e de ser o caso, liderando equipos de traballo.

  Coñecer os contidos científico-técnicos e saber formular os avances máis recentes e os retos máis destacados da Tecnoloxía Láser e Visión nos que o alumno especializouse (Física da Visión, Sensores Láser, Metroloxía Láser, Irradiación/Ablación Láser, instrumentación Láser, Espectroscopía Láser, ESPI, Aplicacións Industriais, Médicas e Medio-ambientais do Láser)

  Coñecer os contidos científico-técnicos e saber formular os avances máis recentes e os retos máis destacados do Láser e Fotónica nos que o alumno especializouse (interacción Láser-Estruturas Fotónicas, Pulsos Láser, Optica Integrada Clásica e Cuántica, Plasmónica, Fibras Ópticas e Transmisión Optica, Optica Non lineal Clásica e Cuántica, Modulación Optica de Materiais, Optica Atómica (BEC, Trampas Ópticas, Pinzas Ópticas, Microóptica, Vórtices Ópticos).

  Coñecer as medidas de seguridade no uso do Láser, e en xeral as normativas de protección, incluíndo tamén aspectos relacionados coa medida da contaminación lumínica, e en xeral a radiometría e fotometría de fontes e láseres, co obxecto de saber manexar equipamentos con diferentes fontes de luz de forma eficiente e segura.

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título