Programa de Doutoramento en Filosofía

• Perfil de ingreso

  Sen complementos de formación serán:

  • Máster en Filosofía. Cuestións Actuais

  • Máster en Xestión Cultural

  • Máster Interuniversitario de Lóxica e Filosofía da Ciencia

  • En xeral, os Másteres da área de Humanidades ofertados pola USC e os Másteres de Filosofía / Humanidades ofertados por outras Universidades españolas

  • Estudantes co título de DEA obtido a través dos programas de "Filosofía" da USC ou doutras universidades españolas

  Outros perfis:

  • No caso doutro tipo de perfís diferentes dos anteriores, a Comisión Académica avaliará de xeito individualizado cada caso. Considerarase a posibilidade de esixirlles a estes alumnos a realización de complementos de formación (como máximo ata 15 ECTS)

  • No caso doutros perfís que non realizaran Máster necesitarase unha equivalencia de formación en créditos de investigación, iguais polo menos aos do máster que dea acceso directo, que serán 60 ECTS.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Corrientes actuais da filosofía

  Profesores	Área
  Marcelino Agis Villaverde	Filosofía
  Maria Xesus Vazquez Lobeiras	Filosofía
  Luis Modesto Garcia Soto	Filosofía Moral
  Alejandro Sobrino Cerdeiriña	Lóxica e Filosofía da Ciencia
  Carlos Alberto Pose Varela	Filosofía
  Francisco Javier Barcia Gonzalez	Filosofía
  Francisco Conde Soto	Filosofía
  Oscar Parcero Oubiña	Filosofía
  Fernando Julio Ponte Hernando	Historia da Ciencia
  Javier De Donato Rodríguez	Lóxica e Filosofía da Ciencia

• Modernidade e ilustración

  Profesores	Área
  Maria Xesus Vazquez Lobeiras	Filosofía
  Martin Gonzalez Fernandez	Filosofía

• Ética e política da democracia

  Profesores	Área
  Beatriz Fernandez Herrero	Filosofía Moral
  Luis Modesto Garcia Soto	Filosofía Moral
  Jesus Manuel Blanco Echauri	Filosofía Moral
  Óscar Horta Alvarez	Filosofía Moral
  Yolanda Martinez Suarez	Filosofía Moral

• Antropoloxía socio-cultural. Teorías e aplicacións

  Profesores	Área
  Marcelino Agis Villaverde	Filosofía
  Maria Nieves Herrero Pérez	Antropoloxía Social
  Guadalupe Jiménez Esquinas	Antropoloxía Social

A Facultade de Filosofía da USC vén impartindo dende fai máis de dúas décadas un programa de doutoramento que, se ben ten variado lixeiramente a súa denominación (Cuestións Actuais de Filosofía, Filosofía, Filosofía: Cuestións Actuais), ten como obxectivos fundamentais capacitar ao alumnado para a investigación e formar aos estudantes nas distintas cuestións candentes da filosofía contemporánea.

A Facultade de Filosofía da USC vén impartindo dende fai máis de dúas décadas un programa de doutoramento que, se ben ten variado lixeiramente a súa denominación (Cuestións Actuais de Filosofía, Filosofía, Filosofía: Cuestións Actuais), ten como obxectivos fundamentais capacitar ao alumnado para a investigación e formar aos estudantes nas distintas cuestións candentes da filosofía contemporánea. É o único Programa en Filosofía que se ofrece no marco do Sistema Universitario Galego.

Aporta aos estudantes a posibilidade de cursar estudos universitarios en Filosofía a partir do Grao en Filosofía e do Máster Oficial en Filosofía que se oferta na Facultade de Filosofía da USC.

Nos últimos anos o número de teses defedidas, así como os proxectos de investigación que avalan as liñas de investigación ofertadas teñen sido axeitados e consistents, e teñen atendido a demanda existencial na eurorrexión Galicia e Norte de Portugal.

Nos últimos anos levamos mantendo unha estreita colaboración con profesores de Filosofía da Universidade de Coimbra, tanto no plano docente, como investigador e de intercambios académicos. Por esta razón, incorpórase de xeito estable no programa unha catedrática da dita Universidade. Tamén incorpórase unha profesora da Universidade de Vigo, Campus de Ourense, que ten demostrado un gran dinamismo investigador nunha das liñas do programa.

O Programa de Doutoramento previo (Filosofía: Cuestións Actuais) ten promovido o intercambio de profesores e doutorandos coa Universidade de Tenri (Japón). Na actualidade un estudante deste programa está a realizar a súa investigación na mencionada Universidade japonesa, sobre a obra dun filósofo japonés actual. A súa tese enmarcase na liña de investigación "Correntes Actuais da Filosofía" e relacionase cunha materia implantada no Grao denominada "Filosofías Orientais".

O Programa intégrase na Escola Internacional de Doutoramento da USC, de acordo co establecido no Regulamento dos Estudos de Doutoramento da USC, o que permitirá mellorar a súa eficiencia e xestión.

O Programa de Doutoramento provén da transformación dun Programa de Doutoramento previo coa mesma denominación: "Filosofía".

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento

• Competencias específicas

  • Desenvolverse en contextos nos que hai pouca información específica
  • Atopar as preguntas craves que hai que responder para resolver un problema complexo.
  • Deseñar, crear, desenvolver e emprender proxectos novos e innovadores no seu ámbito de coñecemento
  • Traballar tanto en equipo como de maneira autónoma nun contexto internacional ou multidisciplinar
  • Integrar coñecementos, enfrontarse á complexidade e formular xuízos con información limitada
  • A crítica e defensa intelectual de solucións.

  Outras competencias

  • Competencia na comunicación dos resultados das investigacións filosóficas realizadas tanto por escrito como oralmente (presentación de comunicacións a congresos, recensións para revistas, conferencias, etc.)
  • Competencia no manexo de novas tecnoloxías ao servizo da investigación filosófica (power point, excel, páxinas web, portafol electrónico, foros de discusión a través da rede, etc.)
  • Competencia en dinámicas de autoaprendizaxe dos temas filosóficos a través do manexo de ferramentas automatizadas de xestión bibliográfica, por exemplo Refworks
  • Competencia en educación en valores a través de cursos que desenvolvan os principios de respecto e a promoción dos dereitos fundamentais das persoas, a igualdade, os principios de accesibilidade universal e desenvolvemento para todos, e os valores democráticos e dunha cultura de paz
  • Competencias investigadoras adquiridas a través do Programa GRADSchool de Formación Competencial para Investigadores

• Outras competencias

  • Competencia na comunicación dos resultados das investigacións filosóficas realizadas tanto por escrito como oralmente (presentación de comunicacións a congresos, recensións para revistas, conferencias, etc.)

  • Competencia no manexo de novas tecnoloxías ao servizo da investigación filosófica (power point, excel, páxinas web, portafol electrónico, foros de discusión a través da rede, etc.)

  • Competencia en dinámicas de autoaprendizaxe dos temas filosóficos a través do manexo de ferramentas automatizadas de xestión bibliográfica, por exemplo Refworks

  • Competencia en educación en valores a través de cursos que desenvolvan os principios de respecto e a promoción dos dereitos fundamentais das persoas, a igualdade, os principios de accesibilidade universal e desenvolvemento para todos, e os valores democráticos e dunha cultura de paz

  • Competencias investigadoras adquiridas a través do Programa GRADSchool de Formación Competencial para Investigadores

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado 7 da Memoria do Título