Programa de Doutoramento en Estatística e Investigación Operativa

• Perfil de ingreso

  De forma xeral os estudos de Máster que permitirán o ingreso a este programa de doutoramento sen complementos de formación será o Máster en Técnicas Estatísticas ofertado pola USC, UDC e UVigo.

  Tamén terán acceso no programa sen complementos os estudantes con suficiencia investigadora ou co título de DEA obtidos a través dos programas anteriores de Doutoramento en Estatística e Investigación Operativa nas tres universidades participantes (USC, UDC e UVigo).

  No caso de alumnos que realizasen algún Máster distinto do anterior, a Comisión Académica do Programa de Doutoramento (CAPD) avaliará de forma individualizada cada caso e considerarase a posibilidade de esixirlles complementos de formación (ata 15 ECTS) cando na súa formación anterior non cursasen polo menos 60 ECTS na área de Estatística e Investigación Operativa de nivel de Máster a xuízo da CAPD.

  No caso de alumnos que non realizasen Máster necesitarase unha equivalencia de formación en nivel de Máster de polo menos 60 ECTS preferentemente na área de Estatística e Investigación Operativa. Esta equivalencia será determinada pola CAPD.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  Ter unha puntuación superior a 12 puntos de acordo cos seguintes criterios:

  • Expediente académico (ata 10 puntos)

  • Entrevista persoal (ata 10 puntos).

  A entrevista persoal realizarase ante a CAPD para xulgar a valía do candidato e a súa adecuación a algunha das liñas de investigación dispoñibles no Programa de Doutoramento. Para facilitar este requisito aos futuros estudantes, a CAPD fará públicas na páxina web as liñas de investigación abertas e dispoñibles e así mesmo facilitará o contacto, con carácter previo a esta entrevista, entre os futuros candidatos e os promotores das devanditas liñas de investigación.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

No caso de alumnos que realizasen algún máster distinto do anterior, a Comisión Académica do Programa de Doutoramento (CAPD) avaliará de forma individualizada cada caso e considerarase a posibilidade de esixirlles complementos de formación (ata 15 ECTS) cando na súa formación anterior non cursasen polo menos 60 ECTS na área de Estatística e Investigación Operativa de nivel de Máster a xuízo da CAPD.

No caso de alumnos que non realizasen máster necesitarase unha equivalencia de formación en nivel de máster de polo menos 60 ECTS preferentemente na área de Estatística e Investigación Operativa. Esta equivalencia será determinada pola CAPD.

• Estatística

  Profesores	Área
  Manuel Febrero Bande	Estatística e Investigación Operativa
  Wenceslao Gonzalez Manteiga	Estatística e Investigación Operativa
  María José Lombardía Cortiña	Escola de Doutoramento Internacional
  Luis Alberto Ramil Novo	Estatística e Investigación Operativa
  Cesar Andres Sanchez Sellero	Estatística e Investigación Operativa
  José Antonio Vilar Fernández	Escola de Doutoramento Internacional
  Jacobo De Uña Álvarez	Escola de Doutoramento Internacional
  María Del Carmen Iglesias Pérez	Escola de Doutoramento Internacional
  Ricardo José Cao Abad	Escola de Doutoramento Internacional
  María Amalia Jacome Pumar	Escola de Doutoramento Internacional
  Rubén Fernández Casal	Escola de Doutoramento Internacional
  Beatriz Pateiro Lopez	Estatística e Investigación Operativa
  Rosa María Crujeiras Casais	Estatística e Investigación Operativa
  Alberto Rodriguez Casal	Estatística e Investigación Operativa
  Paula Saavedra Nieves	Estatística e Investigación Operativa
  Germán Aneiros Perez	Escola de Doutoramento Internacional
  Javier Roca Pardiñas	Escola de Doutoramento Internacional
  Juan Carlos Pardo Fernández	Escola de Doutoramento Internacional
  Mario Francisco Fernández	Escola de Doutoramento Internacional
  Ana Perez González	Escola de Doutoramento Internacional
  Mercedes Conde Amboage	Estatística e Investigación Operativa
  Maria Isabel Borrajo Garcia	Estatística e Investigación Operativa
  Jose Ameijeiras Alonso	Estatística e Investigación Operativa
  Juan Manuel Vilar Fernández	Escola de Doutoramento Internacional
  Salvador Naya Fernández	Escola de Doutoramento Internacional
  Antonio Vaamonde Liste	Escola de Doutoramento Internacional
  Alejandro Quintela Del Río	Escola de Doutoramento Internacional
  Javier Tarrio Saavedra	Escola de Doutoramento Internacional

• Investigación operativa e teoría de xogos

  Profesores	Área
  Balbina Virginia Casas Mendez	Estatística e Investigación Operativa
  Jose Maria Alonso Meijide	Estatística e Investigación Operativa
  Ignacio Garcia Jurado	Escola de Doutoramento Internacional
  Julio Gonzalez Diaz	Estatística e Investigación Operativa
  Silvia María Lorenzo Freire	Escola de Doutoramento Internacional
  Maria Luisa Carpente Rodríguez	Escola de Doutoramento Internacional
  Leticia Lorenzo Picado	Escola de Doutoramento Internacional
  Juan José Vidal Puga	Escola de Doutoramento Internacional
  Gustavo Bergantiños Cid	Escola de Doutoramento Internacional
  María Estela Sánchez Rodríguez	Escola de Doutoramento Internacional
  Maria Gloria Fiestras Janeiro	Escola de Doutoramento Internacional

A estatística e a investigación operativa son hoxe de grande importancia como parte das matemáticas e como disciplinas necesarias para a comprensión e o avance doutras ramas como a Economía, a Enxeñaría ou a Medicina, entre outras. Este Doutoramento en Estatística e Investigación Operativa pretende proporcionar unha sólida formación no ámbito da estatística e da investigación operativa, capaz de adaptarse ás necesidades da sociedade actual.

Así mesmo preténdese fomentar a formación continua dos profesionais na área da estatística e a investigación operativa e a interconexión entre as diversas parcelas da área merced á colaboración no Doutoramento de profesores pertencentes a diferentes liñas e grupos de investigación.

Este Doutoramento adecúase aos obxectivos estratéxicos da Universidade en tanto en canto persegue a obtención da excelencia investigadora e a transferencia da tecnoloxía e dos coñecementos da Universidade á sociedade, en particular ao mundo da empresa que é onde as aportacións da estatística e da investigación operativa deben ser tidas en conta.

A estatística e a investigación operativa son hoxe de grande importancia como parte das matemáticas e como disciplinas necesarias para a comprensión e o avance doutras ramas como a Economía, a Enxeñaría ou a Medicina, entre outras. Este Doutoramento en Estatística e Investigación Operativa pretende proporcionar unha sólida formación no ámbito da estatística e da investigación operativa, capaz de adaptarse ás necesidades da sociedade actual. Así mesmo preténdese fomentar a formación continua dos profesionais na área da estatística e a investigación operativa e a interconexión entre as diversas parcelas da área merced á colaboración no Doutoramento de profesores pertencentes a diferentes liñas e grupos de investigación.

Este Doutoramento adecúase aos obxectivos estratéxicos da Universidade en tanto en canto persegue a obtención da excelencia investigadora e a transferencia da tecnoloxía e dos coñecementos da Universidade á sociedade, en particular ao mundo da empresa que é onde as aportacións da estatística e da investigación operativa deben ser tidas en conta.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • Capacidade de integración en grupos de traballo multidisciplinares desenvolvendo modelos innovadores da Estatística e a Investigación Operativa
  • Detección de ámbitos de nova aplicación para os modelos da Estatística e a Investigación Operativa
  • Capacidade para liderar proxectos de investigación no ámbito da Estatística e a Investigación Operativa
  • Capacidade para implementar ou transferir solucións innovadoras no ámbito da Estatística e a Investigación Operativa.

• Outras competencias

  • Capacidade de integración en grupos de traballo multidisciplinares desenvolvendo modelos innovadores da Estatística e a Investigación Operativa

  • Detección de ámbitos de nova aplicación para os modelos da Estatística e a Investigación Operativa

  • Capacidade para liderar proxectos de investigación no ámbito da Estatística e a Investigación Operativa

  • Capacidade para implementar ou transferir solucións innovadoras no ámbito da Estatística e a Investigación Operativa.

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título