Programa de Doutoramento en Comunicación e Información Contemporánea

• Perfil de ingreso

  Requisitos de acceso específicos:

  É requisito obrigatorio para a admisión no programa de doutoramento a presentación por parte do/a estudante dunha carta de referencia dun(ha) profesor(a) do programa que avale a viabilidade da futura tese no marco da liña de investigación á que se vincule. Ademais, dadas as características e o nivel científico do programa de doutoramento, os/as alumnos/as que procedan de países cuxo idioma oficial non sexa o español, excepto os alumnos que procedan de países cuxo idioma oficial sexa o portugués, deberán acreditar un nivel de coñecemento B2 de español.

  Perfil de ingreso sen complementos de formación:

  De forma xeral, poderán acceder ao Programa de Doutoramento en Comunicación e Información Contemporánea, sen necesidade de realizar complementos de formación, os alumnos que cursasen algún máster oficial adscrito á/s rama/s de coñecemento de xornalismo, comunicación audiovisual e publicidade, e relacións públicas, e ó/ós ámbito/s de coñecemento de xornalismo, comunicación, publicidade e relacións públicas. Tamén terán acceso ao programa sen cursar complementos os estudantes co título de DEA obtido a través dos programas específicos de xornalismo, comunicación audiovisual e publicidade, e relacións públicas. No caso doutros perfís que non realizasen máster necesitarase unha equivalencia de formación en créditos de investigación, iguais polo menos aos do máster que dá acceso directo.

  Perfil de ingreso de alumnos procedentes de titulacións afíns:

  Considerarase titulación afín todos os másteres oficiais da gran área de Ciencias Sociais, exceptuando os específicos de xornalismo, comunicación audiovisual e publicidade, e relacións públicas. A comisión académica avaliará de forma individualizada cada caso para determinar a obrigatoriedade de cursar un itinerario de formación complementaria a través da superación de materias específicas de comunicación (como máximo ata 15 ECTS).

  Outros perfís:

  No caso doutro tipo de perfís diferentes dos anteriores, a comisión académica establecerá a esixencia da superación de complementos de formación específicos de comunicación. Para calquera outro perfil a CAPD estudará os casos individualmente, podendo admitir ou non ós/ás alumnos/as e establecendo complementos formativos en caso de ser necesario. No caso de que o alumnado careza da formación previa esixida no programa, a admisión poderá quedar condicionada á superación dos complementos de formación que estableza a Comisión Académica. Estes complementos non poderán superar os 15 ECTS.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  A selección de estudantes para a súa admisión no programa de doutoramento realizarase en función dos seguintes criterios:
  - Expediente académico: valorarase un 50% sobre o 100% da nota de acceso final. O criterio será as cualificacións obtidas no máster (ou DEA ou suficiencia investigadora).
  - Curriculum: valorarase un 25% sobre o 100% da nota de acceso final. No currículo valoraranse os méritos da experiencia investigadora (publicacións, contribucións científicas a congresos, estancias e idiomas) e da experiencia profesional. Só se valorarán os méritos relacionados co ámbito da comunicación, sempre que estean debidamente acreditados.
  - Entrevista persoal: valorarase un 25% sobre o 100% da nota de acceso final. Na entrevista valorarase a motivación, a implicación, o grao de coñecemento do tema que se quere investigar e a capacidade de comunicación e de argumentación.
  Aplicaranse os mesmos criterios para admitir a todos/as os/as estudantes, independentemente de que a súa dedicación sexa a tempo completo ou parcial

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

A CAPD do programa de doutoramento avaliará de forma individualizada aos/ás candidatos/as e a aqueles con perfís que non se axusten aos indicados para o acceso directo ao programa de doutoramento propoñeralles uns complementos de formación específicos adecuados ao seu perfil. Os complementos de formación que deberán cursar estableceranse en función da formación previa do/a alumno/a e serán tales que lle permitan alcanzar as competencias necesarias para o bo desenvolvemento da súa tese doutoral dentro do programa de doutoramento. Devanditos complementos de formación poderán ser de materias ou módulos de máster e grao e terán, a efectos de prezos públicos e de concesión de bolsas e axudas ao estudo, a consideración de formación de nivel de doutoramento. No caso de realizarse con carácter previo, o seu desenvolvemento non computará a efectos do límite temporal establecido para a realización da tese. Estes créditos non computarán para os efectos dos requisitos comúns de acceso ao programa de doutoramento. No caso específico do Programa de Doutoramento en Comunicación e Información Contemporánea, considerarase a posibilidade de esixir complementos de formación (como máximo ata 15 ECTS) a aqueles perfís que non acrediten formación en másteres oficiais con contidos exclusivos de xornalismo, de comunicación, de comunicación audiovisual ou de publicidade e relacións públicas. A realización dos complementos será previa ou simultánea á matrícula en tutela académica no programa. No caso de realización simultánea o alumnado deberá matricularse destes complementos no momento de formalizar a matrícula de tutela académica no programa. No caso de ser previa só se matriculará destes complementos, non se asinará o Compromiso de Supervisión nin se abrirá o Documento de Actividades do doutorando ata a súa superación, e a súa realización non computará para os efectos dos prazos mínimos e máximos marcados para a realización dos estudos de doutoramento. Os complementos son valorados pola CAPD durante o proceso de admisión, antes de formalizar a matrícula. A cada alumno/a asígnanselle uns diferentes (máis ou menos materias), segundo a proximidade que teña coas Ciencias da Comunicación (maior ou menor) a titulación coa que accede ao doutoramento. Os complementos de formación deberán superarse no prazo máximo de catro cuadrimestres consecutivos (durante o primeiro ano de matrícula). De non facelo así, o alumno causará baixa no programa.

• Os espazos da comunicación: discursos, obxectos e suxeitos da comunicación audiovisual

  Profesores	Área
  Antia Maria Lopez Gomez	Comunicación Audiovisual e Publicidade
  Ana Isabel Rodriguez Vazquez	Comunicación Audiovisual e Publicidade
  Enrique Castello Mayo	Comunicación Audiovisual e Publicidade
  Fernando Redondo Neira	Comunicación Audiovisual e Publicidade
  Roi Mendez Fernandez	Comunicación Audiovisual e Publicidade
  Marta Perez Pereiro	Comunicación Audiovisual e Publicidade
  Maria Soliña Barreiro Gonzalez	Comunicación Audiovisual e Publicidade
  Jose Luis Castro De Paz	Comunicación Audiovisual e Publicidade

• Estudos xornalísticos e procesos de comunicación. O impacto de internet e das tecnoloxías dixitais na estrutura, nos contidos e nos aspectos formais dos medios

  Profesores	Área
  Xose Lopez Garcia	Xornalismo
  Jose Miguel Tuñez Lopez	Xornalismo
  Xose Antonio Neira Cruz	Xornalismo
  Jose Soengas Perez	Comunicación Audiovisual e Publicidade
  Berta Garcia Orosa	Xornalismo
  Carlos Toural Bran	Xornalismo
  Jose Sixto Garcia	Xornalismo
  Alba Silva Rodriguez	Xornalismo
  Maria Cruz Negreira Rey	Comunicación Audiovisual e Publicidade
  Jorge Vázquez Herrero	Xornalismo

A principal finalidade deste Doutoramento é garantir unha aprendizaxe que satisfaga as exixencias dos alumnos que realizaron o grao en Xornalismo ou en Comunicación Audiovisual, e tamén noutras titulacións, principalmente de Ciencias Sociais, e que desexan continuar a súa formación investigadora.

O Doutoramento en Comunicación e Información Contemporánea ofrece unha formación universitaria cun alto nivel de especialización para atender as necesidades académicas e científicas que se derivan das diferentes liñas de investigación vinculadas ó Xornalismo e á Comunicación Audiovisual. A principal finalidade deste Doutoramento é garantir unha aprendizaxe que satisfaga as exixencias dos alumnos que realizaron o grao en Xornalismo ou en Comunicación Audiovisual, e tamén noutras titulacións, principalmente de Ciencias Sociais, e que desexan continuar a súa formación investigadora. Trátase dun programa que ofrece múltiples opcións de especialización a través de liñas de traballo xa consolidadas, explorando as linguaxes e as posibilidades informativas e comunicativas dos diferentes formatos e soportes.

Apóstase por unha formación altamente cualificada e por un coñecemento vencellado ó intercambio científico permanente a través dos convenios que existen con universidades de referencia europeas e americanas, que xa colaboran cos grupos de investigación que participan no programa de Doutoramento.

• Competencias básicas

  • Desenvolverse en contextos en los que hay poca información específica

  • Encontrar las preguntas claves que hay que responder para resolver un problema complejo

  • Diseñar, crear, desarrollar y emprender proyectos novedosos e innovadores en su ámbito de conocimiento

  • Trabajar tanto en equipo como de manera autónoma en un contexto internacional o multidisciplinar

  • Integrar conocimientos, enfrentarse a la complejidad y formular juicios con información limitada

  • La crítica y defensa intelectual de soluciones.

• Competencias específicas

  • Obter o dominio das distintas metodoloxías, sistemáticas e instrumentais da investigación (xa no campo da investigación básica ou aplicada, xa cun sesgo cuantitativo ou cualitativo) a través do estudo de diversos modelos de análises e interpretación, autores de referencia, escolas epistemolóxicas, etc
  • Adquirir o potencial creativo e de xeración de ideas orixinais de cara á superación de e/ou resolución de problemas vinculados á praxe académica e profesional nos ámbitos da Comunicación e Información, primando o recurso a aquelas habilidades de tipo disrutivo
  • Capacidade emprendedora e innovadora aplicable a diversos medios e soportes informativos e comunicativos, tanto a partir da reflexión teórica como do desenvolvemento de obxectos de estudo aplicado de carácter innovador
  • Adaptación do perfil do candidato (bagaxe sociocultural, habilidades innatas e adquiridas, et
  • c), como garante da súa imbricación no tornadizo ámbito da comunicación multimediática en diversos contornos socioculturais ou tecnoeconómicos
  • Obter a capacidade analítica e crítica no seguimento das rutinas profesionais e académicas nos diversos campos disciplinares que integran a Comunicación e a Información Contemporánea
  • Competencia técnica e profesional para a investigación cunha actitude decididamente coalescente entre o ámbito académico e as demandas da sociedade na que se inscribe, asumindo dinámicas de innovación e transferencia tecnolóxica e de coñecemento
  • Coñecemento das estruturas, tecnoloxías e procesos comunicativos nas diferentes fases da cadea de valor das industrias culturais e nas interaccións entre os axentes comunicativos: autores, institucións, empresas, medios, soportes e receptores
  • Xestión de principios toraeles na investigación no campo da comunicación, principalmente no concernente á análise e a xestión de recursos tecnolóxicos e humanos entre as institucións e empresas do sector
  • Coñecemento epistemolóxico e metodolóxico das diversas ramas da investigación, desenvolvemento e innovación da comunicación audiovisual, do xornalismo e dos contornos tecnolóxicos emerxentes

• Outras competencias

  • Obter o dominio das distintas metodoloxías, sistemáticas e instrumentais da investigación (xa no campo da investigación básica ou aplicada, xa cun sesgo cuantitativo ou cualitativo) a través do estudo de diversos modelos de análises e interpretación, autores de referencia, escolas epistemolóxicas, etc

  • Adquirir o potencial creativo e de xeración de ideas orixinais de cara á superación de e/ou resolución de problemas vinculados á praxe académica e profesional nos ámbitos da Comunicación e Información, primando o recurso a aquelas habilidades de tipo disrutivo

  • Capacidade emprendedora e innovadora aplicable a diversos medios e soportes informativos e comunicativos, tanto a partir da reflexión teórica como do desenvolvemento de obxectos de estudo aplicado de carácter innovador

  • Adaptación do perfil do candidato (bagaxe sociocultural, habilidades innatas e adquiridas, etc), como garante da súa imbricación no tornadizo ámbito da comunicación multimediática en diversos contornos socioculturais ou tecnoeconómicos

  • Obter a capacidade analítica e crítica no seguimento das rutinas profesionais e académicas nos diversos campos disciplinares que integran a Comunicación e a Información Contemporánea

  • Competencia técnica e profesional para a investigación cunha actitude decididamente coalescente entre o ámbito académico e as demandas da sociedade na que se inscribe, asumindo dinámicas de innovación e transferencia tecnolóxica e de coñecemento

  • Coñecemento das estruturas, tecnoloxías e procesos comunicativos nas diferentes fases da cadea de valor das industrias culturais e nas interaccións entre os axentes comunicativos: autores, institucións, empresas, medios, soportes e receptores

  • Xestión de principios toraeles na investigación no campo da comunicación, principalmente no concernente á análise e a xestión de recursos tecnolóxicos e humanos entre as institucións e empresas do sector

  • Coñecemento epistemolóxico e metodolóxico das diversas ramas da investigación, desenvolvemento e innovación da comunicación audiovisual, do xornalismo e dos contornos tecnolóxicos emerxentes

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título