Programa de Doutoramento en Avances e Novas Estratexias en Ciencias Forenses

• Perfil de ingreso

  Requisitos de acceso específicos:
  É requisito obrigatorio para a admisión no programa de doutoramento a presentación dun informe de viabilidade por parte do/a estudante: manifestación de dispoñibilidade ou carta de referencia dun(ha) profesor(a) do programa que avale a viabilidade da futura tese no marco da liña de investigación á que se vincule
  Perfil de ingreso:
  O perfil de ingreso determina as titulacións de acceso ao programa máis idóneas e que determinan admisión e, no seu caso, a necesidade ou non de realizar complementos formativos por parte dos doutorando/as.
  Perfil de ingreso sen complementos de formación: Actualmente os estudos de máster que permiten o ingreso a este programa de doutoramento sen complementos de formación son os seguintes, dentro dos ofertados actualmente pola USC:
  - Atención Sanitaria, Xestión e Coidados
  - Avogacía
  - Biotecnoloxía
  - Ciencias Odontolóxicas
  - Investigación Biomédica
  - Investigación e Desenvolvemento de Medicamentos
  - Investigación en Medicina e Sanidade Veterinaria
  - Química Avanzada
  - Química Orgánica
  De forma máis xeral, poderán acceder a este programa de doutoramento, sen necesidade de realizar complementos de formación, alumnos que cursasen determinados masters adscritos á rama de coñecemento de Ciencias da Saúde e aos ámbitos de coñecemento de Ciencias Biomédicas, Medicina e Odontoloxía, Bioloxía e Xenética, Enfermería, Química e Dereito e especialidades xurídicas. Tamén terán no programa acceso sen complementos os estudantes co título de DEA obtido a través dos seguintes programas de doutoramento da USC:
  - Ciencias Forenses e Patoloxía
  - Medicina Molecular
  - Bioquímica e Bioloxía Molecular
  - Investigación básica e aplicada en ciencias veterinarias
  - Investigación en medicina e sanidade veterinaria
  Outros perfís: tamén poderán acceder ao programa de doutoramento alumnos con outro tipo de perfil diferente dos anteriores, sempre que este sexa considerado adecuado pola CAPD, que avaliará de forma individualizada cada caso. Considerarase a posibilidade de esixirlles complementos de formación (como máximo ata 15 ECTS). No caso doutros perfís que non realizasen máster necesitarase unha equivalencia de formación en créditos de investigación, iguais polo menos aos do máster que dá acceso directo, que serán 15 ECTS.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se teñan cursado, polo menos, 300 créditos ECTS no conxunto destas dúas ensinanzas.

  2. Así mesmo, poderá acceder quen se atope nalgún dos seguintes supostos:

  a) Estar en posesión dun título universitario oficial español ou doutro país integrante do Espazo Europeo de Educación Superior, que habilite para o acceso ao máster de acordo co establecido no artigo 16 do RD 1393/2007, e superar un mínimo de 300 créditos ECTS no conxunto de estudos universitarios oficiais, dos cales polo menos 60 deberán ser de nivel de máster.

  b) Estar en posesión dun título oficial español de graduado ou graduada, cuxa duración, conforme normas de dereito comunitario, sexa de polo menos 300 créditos ECTS. Ditos titulados deberán cursar con carácter obrigatorio os complementos de formación requiridos polo programa, agás que o plan de estudos do correspondente título de grao inclúa créditos de formación en investigación equivalentes en valor formativo aos créditos en investigación procedentes de estudos de máster.

  c) Os titulados universitarios que, logo da obteren praza en formación na correspondente proba de acceso a prazas de formación sanitaria especializada, superen con avaliación positiva polo menos dous anos de formación dun programa para a obtención do título oficial dalgunha das especialidades en ciencias da saúde.

  d) Estar en posesión dun título obtido conforme sistemas educativos estranxeiros, sen necesidade da súa homologación, logo da comprobación pola Universidade de que este acredita un nivel de formación equivalente á do título oficial español de máster universitario e que faculta no país expedidor do título para o acceso a estudos de doutoramento. Esta admisión non implicará, en ningún caso, a homologación do título previo do cal estea en posesión o interesado nin o seu recoñecemento para outros efectos que o do acceso a ensinos de doutoramento.

  e) Estar en posesión doutro título español de doutor obtido conforme anteriores ordenacións universitarias.

  f) Estar en posesión dun título universitario oficial que obtivera a correspondencia ao nivel 3 do Marco Español de Cualificacións para a Educación Superior, de acordo co procedemento establecido no Real Decreto 967/2014, de 21 de novembro, polo que se establecen os requisitos e o procedemento para a homologación e declaración de equivalencia a titulación e a nivel académico universitario oficial e para a validación de estudos estranxeiros de Educación Superior, e o procedemento para determinar a correspondencia aos niveis do Marco Español de Cualificacións para a Educación Superior dos títulos oficiais de Arquitecto, Enxeñeiro, Licenciado, Arquitecto Técnico, Enxeñeiro Técnico e Diplomado.

  3. Os doutorandos que iniciasen o seu programa de doutoramento conforme anteriores ordenacións universitarias poderán acceder ao ensino de doutoramento, logo da súa admisión de acordo co establecido no Regulamento de estudos de doutoramento da USC. En todo caso deberán reunir os requisitos establecidos con carácter xeral no citado Regulamento para acceder aos estudos de doutoramento.

  4. Poderán acceder aos estudos de doutoramento os licenciados, arquitectos ou enxeñeiros que posúan o diploma de estudos avanzados obtido de acordo co disposto no Real decreto 778/1998, do 30 de abril, ou alcancen a suficiencia investigadora regulada no Real decreto 185/1985, do 23 de xaneiro.

  5. Poderán acceder aos estudos de doutoramento os licenciados, arquitectos ou enxeñeiros que posúan un título de máster oficial conforme o Real decreto 56/2005 ou o Real decreto 1393/2007, modificado polo Real decreto 861/2010, ou teñan superados 60 ECTS de estudos de máster oficial.

  6. Tamén poderán acceder os diplomados, enxeñeiros técnicos ou arquitectos técnicos que acrediten ter 300 créditos ECTS superados no conxunto de estudos universitarios oficiais, dos cales, polo menos 60, deberán ser de nivel de máster.

• Criterios de admisión

  A selección de estudantes para a súa admisión no programa realizarase en función dos seguintes criterios, que serán valorados pola CAPD:
  - Expediente académico 25%
  - Curriculum: 35% (valoraranse os méritos de experiencia investigadora (publicacións, contribucións científicas a congresos ou reunións científicas, estancias, idiomas) e da experiencia profesional, e a súa adecuación ás liñas de investigación do programa de doutoramento.
  - Coñecemento de linguas: 15% (coñecemento de lingua estranxeira de nivel B1 ou superior).
  - Outros méritos (coñecemento de informática, manexo de equipos e programas, manexo de información bibliográfica, …): 25%
  Todos os solicitantes de admisión no programa deben acompañar a súa solicitude de, polo menos, un informe de viabilidade, que consistirá nunha carta de referencia dun dos profesores titores do programa que avale a posibilidade da realización dunha tese na liña de investigación á que se vinculará o alumno e a dispoñibilidade de profesorado para realizala (requisito específico necesario para acceso ao programa). A información sobre as liñas de investigación e o profesorado que ofrece cada unha delas, así como as súas direccións de correo electrónico, está dispoñible na web co obxectivo de facilitar aos candidatos a elección dun tema e o contacto con posibles directores e/ou titores. Aplicaranse os mesmos criterios para admitir a todos/as os/as estudantes independentemente de que a súa dedicación sexa a tempo completo ou parcial.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

• Avances en Medicina Legal e Criminoloxía

  Profesores	Área
  Maria Sol Rodriguez Calvo	Medicina Legal e Forense
  Fernando Antonio Vazquez-Portomeñe Seijas	Dereito Penal
  Jose Ignacio Muñoz Barus	Medicina Legal e Forense
  Jose Manuel Suarez Peñaranda	Anatomía Patolóxica
  Lucia Ordoñez Mayan	Enfermaría
  María Inmaculada Valeije Álvarez	Dereito Penal

• Toxicoloxía Forense

  Profesores	Área
  Inés Sánchez Sellero	Toxicoloxía
  Manuel Lopez-Rivadulla Lamas	Toxicoloxía
  Ana Maria Bermejo Barrera	Toxicoloxía
  Angelines Cruz Landeira	Toxicoloxía
  Ana De Castro Rios	Toxicoloxía
  Elena Lendoiro Belio	Toxicoloxía
  Maria Jesús Tabernero Duque	Medicina Legal e Forense

• Xenética Forense

  Profesores	Área
  Maria Victoria Lareu Huidobro	Medicina Legal e Forense
  Angel Maria Carracedo Alvarez	Medicina Legal e Forense
  Antonio Salas Ellacuriaga	Medicina Legal e Forense

O obxectivo principal do programa é formar aos mellores profesionais e investigadores nos distintos ámbitos das Ciencias Forenses, que xeren investigación de calidade e impacto internacional, e adecuadamente preparados para afrontar os cambiantes retos científicos que lles plantexará a sociedade.

As Ciencias Forenses constitúen un ámbito de coñecemento complexo cunha clara aplicación práctica na resolución de cuestións de gran transcendencia social, xa que forman profesionais especializados que son requiridos para prestar auxilio ao Ministerio de Xustiza en cuestións de suma transcendencia (investigación de mortes violentas, diagnóstico toxicolóxico, paternidade, identificación, etc.).

O programa está apoiado polos grupos de investigación de Medicina Legal e Criminoloxía, Xenética Forense, e Toxicoloxía Forense, tamén vinculados ao Instituto de Ciencias Forenses da USC. O tres grupos, referentes a nivel nacional e internacional neste ámbito, desenvolven tres grandes liñas de investigación, sempre guiadas polos últimos avances científicos e enfocadas á resolución das principais incógnitas do momento.

O obxectivo principal do programa é formar aos mellores profesionais e investigadores nos distintos ámbitos das Ciencias Forenses, que xeren investigación de calidade e impacto internacional, e adecuadamente preparados para afrontar os cambiantes retos científicos que lles plantexará a sociedade.

• Competencias básicas

  • Comprensión sistemática dun campo de estudo e dominio das habilidades e métodos de investigación relacionados co devandito campo

  • Capacidade de concibir, deseñar ou crear, pór en práctica e adoptar un proceso substancial de investigación ou creación

  • Capacidade para contribuír á ampliación das fronteiras do coñecemento a través dunha investigación orixinal

  • Capacidade de realizar unha análise crítica e de avaliación e síntese de ideas novas e complexas

  • Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos modos e idiomas de uso habitual na súa comunidade científica internacional

  • Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade baseada no coñecemento.

• Competencias específicas

  • Capacidade de identificar os principais retos de investigación dentro do seu ámbito de especialización no campo das Ciencias Forenses.
  • Manexar as técnicas cualitativas e cuantitativas necesarias para o deseño de experimentos no ámbito das Ciencias Forenses no que se especialice.
  • Adquisición de habilidades na análise e resolución de problemas complexos no seu ámbito de especialización dentro das Ciencias Forenses.
  • Lograr un nivel de formación que consiga facer avanzar o coñecemento nunha das liñas de investigación do ámbito das Ciencias Forenses, tanto na súa vertente teórica como na súa vertente metodolóxica.

• Outras competencias

  • Capacidade de identificar os principais retos de investigación dentro do seu ámbito de especialización no campo das Ciencias Forenses.

  • Manexar as técnicas cualitativas e cuantitativas necesarias para o deseño de experimentos no ámbito das Ciencias Forenses no que se especialice.

  • Adquisición de habilidades na análise e resolución de problemas complexos no seu ámbito de especialización dentro das Ciencias Forenses.

  • Lograr un nivel de formación que consiga facer avanzar o coñecemento nunha das liñas de investigación do ámbito das Ciencias Forenses, tanto na súa vertente teórica como na súa vertente metodolóxica.

Para dar cobertura a todos os requirimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servizos a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e ao Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha meirande unidade e operatividade aos recursos de apoio á investigación cos que conta a USC.

A Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. A tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para a Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos

Unha descrición máis detallada dos recursos materiais está dispoñible no apartado sete da Memoria do Título