Os requisitos de acceso para realizar estudos de doutoramento recóllense no Real decreto 99/2011, modificado polo Real decreto 576/2023.
A solicitude de novas admisións en programas de doutoramento realizarase a través da Secretaría Virtual, nos prazos que se establezan no Calendario da Convocatoria xeral de matrícula. O alumnado cumprimentará os datos persoais e de acceso requiridos na solicitude de admisión, incluíndo na mesma o documento de identidade e copia da titulación de acceso e, de ser o caso, xuntará os documentos adicionais e específicos que se lle esixan por parte do programa de doutoramento no que solicita a admisión.
Así mesmo cumprimentará na solicitude de admisión un formulario no que realizará unha declaración xurada de que posúe os requisitos de acceso aos estudos de doutoramento, sen necesidade de achegar os documentos orixinais nese momento, e sen prexuízo do deber de achegalos no proceso de matrícula.
As Comisións Académicas dos Programas de Doutoramento, realizarán a selección do alumnado e publicarán as listaxes provisionais e definitivas de admitidos e excluídos, de acordo cos criterios de selección establecidos no programa, na Sede Electrónica da USC e na Secretaria Virtual do solicitante.
Contra esta resolución o alumnado poderá presentar reclamación perante as Comisións Académicas no prazo establecido na Convocatoria xeral de matrícula.
Requisitos xerais
Son aqueles requisitos comúns e mínimos a nivel académico para o acceso aos estudos de doutoramento.
Con carácter xeral, para o acceso a un programa oficial de doutoramento será necesario estar en posesión dos títulos oficiais españois de Grao, ou equivalente, e de Máster universitario, ou equivalente, sempre que se superasen, polo menos, 300 créditos ECTS no conxunto destas dúas ensinanzas.
Ademais, existen outras posibilidades que permiten o acceso aos estudos oficiais de doutoramento, que están reguladas no artigo 6 do RD 99/2011.
Requisitos específicos e criterios de admisión
Os requisitos específcos son aqueles que marca cada programa de doutoramento en concreto, e os criterios de admisión son os que permiten ao programa realizar a baremación das solictude presentadas. Para consultalos están especificados en cada programa.
Estudantado con titulacións estranxeiras de acceso sen homologar
Poderá solicitar a admisión nos estudos de doutoramento sempre que acredite un nivel de formación equivalente aos requisitos de acceso especificados. O recoñecemento desta equivalencia para a admisión non implicará, en ningún caso, a homologación do título previo nin o recoñecemento para outros efectos que os de acceso a estas ensinanzas.
O estudantado poderase matricular sen esperar a resolución de equivalencia, pero a validez da súa matrícula quedará condicionada a esta declaración.
As resolucións de equivalencia constarán no expediente do estudantado e poderanse certificar como calquera outro aspecto que o integre.
Poderá solicitarse a equivalencia no enderezo electrónico sxa@usc.es
No Servizo de Xestión Académica pódese solicitar a equivalencia dos estudos realizados no país de orixe do doutorando para acceder ao doutoramento e a equivalencia académica do título de doutor obtido nunha universidade estranxeira. Débese consultar a páxina deste servizo para máis información.
En función do perfil de acceso dun determinado solicitante, o Programa de Doutoramento poderá establecer a necesidade de cursar determinadas actividades formativas que completen os coñecementos do estudante; esta formación denomínse complementos formativos.
A comisión académica do programa e, no seu nome, o coordinador terán que especificar, se procede, os complementos de formación que debe cursar e superar cada doutorando para ser admitido, correspondéndolles o seguimento e control dos complementos de formación cursados.
1. Os complementos de formación non poderán superar os 15 ECTS.
2. A realización destes complementos será previa ou simultánea á matrícula en tutela académica no programa de doutoramento.
3. Se a matrícula destes complementos é previa á matrícula da tutela académica producirá os seguintes efectos:
- O estudantado só se matriculará dos complementos formativos
- Non se asinará o compromiso de supervisión nin se abrirá o documento de actividades do/a doutorando/a ata a súa superación
- O desenvolvemento daqueles nin computará para os efectos do límite temporal establecido para a realización da tese, nin para os efectos dos requisitos ordinarios de acceso ao programa de doutoramento
4. No caso de cursar os complementos de formación simultaneamente coa tutela académica, o estudantado deberase matricular dos ditos complementos no momento de formalizar a matrícula de tutela académica no programa de doutoramento, e deberanse superar no prazo máximo de tres cuadrimestres consecutivos; no caso contrario causarase a baixa do doutorando/a no correspondente programa de doutoramento.
1. Solicitude
Poderán presentar a solicitude de preinscripción, nos prazos indicados na convocatoria de matrícula, aquelas persoas que cumpran cos requisitos de admisión xerais e específicos de cada Programa de Doutoramento.
A solicitude realizarase a través da secretaría virtual da USC.
2. Documentación
O alumno cubrirá os datos persoais de acceso requeridos na solicitude de admisión, incluíndo na mesma o:
a) Documento Nacional de Identidade (españois), NIE (residentes en España) ou Pasaporte (extranxeiros).
b) Copia da titulación de acceso
c) De ser o caso, os documentos específicos que se lle esixan por parte do Porgrama de Doutoramento no que solicita a admisión.
No caso de títulos extranxeiros homologados polo Ministerio de Educación español, deberase engadir ademais, a copia da credencial de homologación do título estranxeiro polo Ministerio de Educación español.
No caso de títulos estranxeiros non homologados, deberá engadir a solicitude de equivalencia correspondente: Más información.
3. Resolución
Finalizado o prazo de presentación de solicitudes de preinscrición, a Comisión Académica de Doutoramento ( CAPD) de cada Programa de Doutoramento baremará as solicitudes, atendendo aos criterios de admisión e baremación previstos en cada Programa de Doutoramento.
O Servizo de Xestión Académica publicará as listaxes provisionías de admitidos e excluídos no Taboleiro Electrónico da USC.
4. Subsanación
No caso que a solicitude de preinscrición a un Programa de Doutoramento resulte “admitida condicional”, para poder matricularse, o/a estudante deberá proceder a emendar a súa solicitude no prazo establecido. Se non se emenda no prazo establecido, o/a estudante perderá o dereito á reserva á praza inicialmente asignada, que se ofertará no chamamento de lista de espera.
5. Prazo de Reclamación
Contra a resolución publicada, o alumno poderá presentar reclamación, no prazo establecido, dirixida ao Coordinador da CAPD e presentarase a través da Sede Electrónica da USC ou en calquera dos lugares indicados da Lei 39/2015 do 1 de outubro, do Procedemento Administrativo Común das Administracións Públicas.
Unha vez resoltas o Servizo de Xestión Académica publicará no Taboleiro Electrónico da USC as listaxes definitivas de alumnos/as admitidos, así como a listaxe de agarda, de ser o caso.
Admisión e matrícula anticipada para titulados de sistemas educativos alleos ao Espazo Europeo de Educación Superior
Convocatoria dirixida a alumnado procedente de sistemas educativos alleos ao Espazo Europeo de Educación Superior (EEES) que posúa un título homologado a un título universitario oficial español ou a outro expedido por unha institución de educación superior pertencente a outro estado membro do EEES ou un título declarado equivalente polo Ministerio de Educación, e que faculte en ambos casos para o acceso a estudos de doutoramento.
Tamén poderá acceder o alumnado de sistemas educativos alleos ao EEES sen necesidade de homologar o seu título, previa comprobación pola universidade de que o título acredita un nivel de formación equivalente aos correspondentes títulos universitarios oficiais españois e que faculta no país expedidor para acceder ás ensinanzas de doutoramento.
Quedan excluídos desta convocatoria os estudantes que teñan residencia en España e os que estean ou tiveran estado matriculados en calquera titulación das tres universidades galegas. Tamén quedan excluídos os estudantes procedentes de sistemas educativos do Espazo Europeo de Educación Superior (EEES). Estes estudantes poder solicitar a súa admisión pola cota xeral.
Debes facer a túa solicitude atendendo aos prazos fixados a través da Secretaría Virtual declarando os datos dos expedientes académicos das titulacións universitarias que che dan acceso