Programa de Doutoramento en Medio Ambiente e Recursos Naturais

• Perfil de ingreso

  O perfil de ingreso establece os coñecementos, habilidades e capacidades que debe posuír o estudantado que desexa acceder a este programa e, como consecuencia, as titulacións de acceso ao programa máis idóneas e que determinan a admisión e, se é o caso, a necesidade a ou non de realizar complementos formativos por parte dos doutorandos/as.
  En termos xerais, poderán acceder a este PD, sen necesidade de cursar complementos de formación, aqueles titulados en graos e másteres do ámbito das ciencias e o ambiente (p.e. Bioloxía, Química, Ciencias Ambientais, Enxeñaría Ambiental, etc.) ou ben en titulacións afíns ás liñas de investigación do programa. Para calquera outro perfil a CAPD estudará individualmente cada caso para admitir ou non aos potenciais estudantes e, de ser necesario, establecerá os complementos formativos que deben cursar. Estes complementos non poderán superar os 15 ECTS debendo ser superados para que a admisión ao programa sexa efectiva.

• Requisitos

  Acceso

  1. Con carácter xeral, para o acceso a un programa oficial de doutoramento será necesario estar en posesión dos títulos oficiais españois de grao, ou equivalente, e de máster universitario ou equivalente, sempre que se superasen, polo menos, 300 créditos ECTS no conxunto destas dúas ensinanzas.
  2. Así mesmo, poderá acceder quen se encontre nalgún dos seguintes supostos:
  a) Estar en posesión de títulos universitarios oficiais ou títulos españois equivalentes sempre que se superasen, polo menos, 300 créditos ECTS no conxunto destas ensinanzas e acreditar un nivel 3 do marco español de cualificacións para a educación superior.
  b) Estar en posesión dun título obtido conforme sistemas educativos estranxeiros pertencentes ao Espazo Europeo de Educación Superior (EEES), sen necesidade da súa homologación, que acredite un nivel 7 do marco europeo de cualificacións sempre que o dito título faculte para o acceso a estudos de doutoramento no país de expedición deste. Esta admisión non implicará, en ningún caso, a homologación do título previo de que estea en posesión o interesado nin o seu recoñecemento para outros efectos que o do acceso a ensinanzas de doutoramento.
  c) Estar en posesión dun título obtido conforme sistemas educativos estranxeiros alleos ao EEES, sen necesidade da súa homologación, logo de comprobación pola universidade de que este acredita un nivel de formación equivalente á do título oficial español de Máster universitario e que faculta no país de expedición do título para o acceso a estudos de doutoramento. Esta admisión non implicará, en ningún caso, a homologación do título previo de que estea en posesión o interesado nin o seu recoñecemento para outros efectos que o do acceso a ensinanzas de doutoramento.
  d) Estar en posesión doutro título de doutora ou doutor.
  e) Igualmente poderán accede-los titulados universitarios que, logo de obtención de praza en formación na correspondente proba de acceso a prazas de formación sanitaria especializada, superasen con avaliación positiva polo menos dous anos de formación dun programa para a obtención do título oficial dalgunha das especialidades en Ciencias da Saúde.

• Requisitos específicos

  É requisito obrigatorio para a admisión no programa de doutoramento a presentación dun informe por parte do/a estudante consistente nunha carta de referencia dun(a) profesor(a) do programa que i) avale a potencial viabilidade da futura teses no marco dunha liña de investigación do programa á que se vincule, e que ii) puidese exercer como director/a en caso de cumprir os requisitos necesarios para iso.
  No caso de que o estudante non demostre un coñecemento mínimo de Castelán, Galego ou Portugués, deberá ter acreditado uns coñecementos mínimos de Inglés (equivalentes a nivel B1), non só por ser a lingua común de comunicación científica a nivel internacional na actualidade senón porque parte dos cursos, tanto de formación específica como transversal, así como diversas actividades do programa poden realizarse neste idioma. O nivel de acreditarase coa correspondente certificación oficial das incluídas na listaxe de acreditacións recoñecidas polo Centro de Linguas Modernas (CLM) da USC para os distintos niveis do Marco Común Europeo: https://www.usc.gal/gl/centro/centro-linguas-modernas .

• Criterios de admisión

  A selección de estudantes para a súa admisión no programa realizarase en función dos seguintes criterios:

  • Expediente académico (40%): virá determinado polas cualificacións obtidas no máster (ou no Diploma de Estudos Avanzados ou a Suficiencia Investigadora de ser o caso).
  • Experiencia investigadora previa e os seus resultados (40%): valoraranse publicacións, comunicacións e outras contribucións científicas así como a súa adecuación ás liñas de investigación do PD. Os candidatos deberán presentar documentación xustificativa de cada mérito achegado.
  • Experiencia profesional (20%): valorarase experiencia profesional relacionada coas liñas de investigación do programa. Os/as candidatos/as deberán presentar documentación xustificativa (p.e. certificación de vida laboral, copia de contratos, bolsas, etc.)

  Aplicaranse os mesmos criterios para admitir a todos/as os/as estudantes independentemente de que a súa dedicación sexa a tempo completo ou parcial.

• Extinción do título

  O programa de doutoramento poderá extinguirse por algunha das seguintes causas:

  • Que non supere o proceso de renovación da acreditación establecido no artigo 10 do RD 99/2011.

  • Que non acredite o cumprimento dos requisitos establecidos pola normativa estatal ou autonómica vixente.

  • Que se formule unha proposta de extinción do programa ao abeiro dos procesos de revisión e mellora do título de acordo co procedemento aprobado pola universidade.

  • Que concorra calquera situación excepcional que impida o correcto desenvolvemento do programa de doutoramento.

  A extinción producirá os seguintes efectos:

  • Comportará a perda do seu carácter oficial e a baixa no RUCT.

  • Non se poderá matricular novo alumnado no programa de doutoramento.

  • En calquera caso todo o alumnado afectado deberá ser informado da extinción e das consecuencias desta no relativo ao desenvolvemento dos seus estudos.

  A Universidade adoptará as medidas necesarias para garantir os dereitos académicos do alumnado que estea cursando os ditos estudos nos termos establecidos na resolución de extinción do plan de estudo, e aprobará o procedemento de extinción dos programas de doutoramento no seo da universidade.

A CAPD do programa de doutoramento avaliará de forma individualizada aos/as candidatos/as. A Aqueles con perfís que non se axusten perfectamente aos indicados para o acceso directo ao programa de doutoramento propoñeráselles uns complementos de formación específicos adecuados ao seu perfil. Os complementos de formación que deberán cursar estableceranse en función da formación previa do/a alumno/a e serán tales que lle permitan alcanzar as competencias necesarias para o bo desenvolvemento da súa tese doutoral dentro do programa.
Devanditos complementos de formación poderán ser de materias ou módulos de máster/grao e, deberán superarse no período inicial de desenvolvemento da tese, nun prazo máximo dun curso académico e, a efectos de prezos públicos e de concesión de bolsas e axudas ao estudo, terán a consideración de formación de nivel de Doutoramento.
Estas competencias adquiriranse cursando as materias que a CAPD considere oportunas, ata un máximo de 15 créditos ECTS, que forman parte de títulos impartidos pola USC que inclúan contidos relativos a Xeoloxía e medio ambiente, Edafoloxía aplicada, sistemas biolóxicos e contaminación, restauración de ecosistemas terrestres e acuáticos etc., como serían, por exemplo, os actuais graos de Bioloxía ou de Química ou os máster de Enxeñería Ambiental ou Biodiversidade Terrestre.

• Ecotoxicoloxía e biomonitorización ambiental

  Profesores	Área
  Carlos Real Rodriguez	Ecoloxía
  Jesus Ramon Aboal Viñas	Ecoloxía
  Jose Angel Fernandez Escribano	Ecoloxía
  Montserrat Díaz Raviña	Escola de Doutoramento Internacional da USC (EDIUS)

• Ecoloxía animal e vexetal

  Profesores	Área
  Carlos Real Rodriguez	Ecoloxía
  Jesus Ramon Aboal Viñas	Ecoloxía
  Jose Angel Fernandez Escribano	Ecoloxía
  Ignacio Garcia Gonzalez	Botánica
  Jose Carlos Rubén Retuerto Franco	Ecoloxía
  Sergio Rodriguez Roiloa	Escola de Doutoramento Internacional da USC (EDIUS)
  Margarita Lema Marquez	Escola de Doutoramento Internacional da USC (EDIUS)

• Contaminación e recuperación de solos

  Profesores	Área
  Maria Josefa Fernandez Sanjurjo	Edafoloxía e Química Agrícola
  Maria Del Carmen Monterroso Martinez	Edafoloxía e Química Agrícola
  Sarah Fiol López	Química Física
  Esperanza Alvarez Rodriguez	Edafoloxía e Química Agrícola
  Juan Antelo Martínez	Escola de Doutoramento Internacional da USC (EDIUS)
  Remigio Paradelo Nuñez	Edafoloxía e Química Agrícola
  María Ángeles Prieto Fernández	Escola de Doutoramento Internacional
  Mª Del Carmen Trasar Cepeda	Escola de Doutoramento Internacional da USC (EDIUS)

• Arqueoloxía ambiental

  Profesores	Área
  Beatriz Loreto Prieto Lamas	Edafoloxía e Química Agrícola
  Antonio Manuel Martinez Cortizas	Edafoloxía e Química Agrícola
  Patricia Sanmartin Sanchez	Edafoloxía e Química Agrícola
  Francisco Xabier Pontevedra Pombal	Edafoloxía e Química Agrícola
  Olalla Lopez Costas	Arqueoloxía

• Bioxeoquímica ambiental

  Profesores	Área
  Xose Lois Otero Perez	Edafoloxía e Química Agrícola
  Teresa Maria Taboada Rodriguez	Edafoloxía e Química Agrícola
  Beatriz Loreto Prieto Lamas	Edafoloxía e Química Agrícola
  Sarah Fiol López	Química Física
  Antonio Manuel Martinez Cortizas	Edafoloxía e Química Agrícola
  Juan Antelo Martínez	Escola de Doutoramento Internacional da USC (EDIUS)
  Serafín Jesús González Prieto	Escola de Doutoramento Internacional da USC (EDIUS)
  Francisco Xabier Pontevedra Pombal	Edafoloxía e Química Agrícola
  María Ángeles Prieto Fernández	Escola de Doutoramento Internacional da USC (EDIUS)
  Olalla Lopez Costas	Arqueoloxía

• Solo e medio ambiente

  Profesores	Área
  Xose Lois Otero Perez	Edafoloxía e Química Agrícola
  Maria Josefa Fernandez Sanjurjo	Edafoloxía e Química Agrícola
  Teresa Maria Taboada Rodriguez	Edafoloxía e Química Agrícola
  Maria Del Carmen Monterroso Martinez	Edafoloxía e Química Agrícola
  Esperanza Alvarez Rodriguez	Edafoloxía e Química Agrícola
  Serafín Jesús González Prieto	Escola de Doutoramento Internacional da USC (EDIUS)
  Remigio Paradelo Nuñez	Edafoloxía e Química Agrícola
  Montserrat Díaz Raviña	Escola de Doutoramento Internacional da USC (EDIUS)
  Mª Del Carmen Trasar Cepeda	Escola de Doutoramento Internacional da USC (EDIUS)

A oferta proposta adecúase á actuación prevista na liña estratéxica 1, consistente na conformación dunha oferta de posgrao especializada e competitiva respecto á contorna universitaria, nacional e internacional, incrementando o prestixio social dos estudos de posgrao.

A USC debe aproveitar as oportunidades que brinda a calidade na súa investigación, promovendo o vínculo entre docencia e investigación, baixo a coordinación do Centro de Posgrao e a Escola Internacional de Doutoramento.

Coa oferta proposta preténdese reforzar o prestixio da traxectoria investigadora da USC. Se promoverá a incorporación de doutores e doutoras ás empresas co fin de estender a súa capacidade máis aló da docencia e a investigación, co fin de impulsar a actividade produtiva.

Así mesmo, a proposta é consecuente coa necesaria modificación dos patróns de xestión de recursos, buscando a optimización do uso dos mesmos, mediante fórmulas de colaboración internas e externas.

Procurouse establecer colaboracións con investigadores e centros estranxeiros, que nun futuro poderían ampliarse á creación de titulacións interuniversitarias.

A oferta proposta adecúase á actuación prevista na liña estratéxica 1, consistente na conformación dunha oferta de posgrao especializada e competitiva respecto á contorna universitaria, nacional e internacional, incrementando o prestixio social dos estudos de posgrao. A USC debe aproveitar as oportunidades que brinda a calidade na súa investigación, promovendo o vínculo entre docencia e investigación, baixo a coordinación do Centro de Posgrao e a Escola Internacional de Doutoramento.

Coa oferta proposta preténdese reforzar o prestixio da traxectoria investigadora da USC. Se promoverá a incorporación de doutores e doutoras ás empresas co fin de estender a súa capacidade máis aló da docencia e a investigación, co fin de impulsar a actividade produtiva. Así mesmo, a proposta é consecuente coa necesaria modificación dos patróns de xestión de recursos, buscando a optimización do uso dos mesmos, mediante fórmulas de colaboración internas e externas. Procurouse establecer colaboracións con investigadores e centros estranxeiros, que nun futuro poderían ampliarse á creación de titulacións interuniversitarias.

• Competencias básicas

  - Comprensión sistemática dun ámbito de estudo e dominio das habilidades e métodos de investigación relacionados co dito ámbito.
  ‐ Capacidade de concibir, deseñar ou crear, pór en práctica e adoptar un proceso substancial de investigación ou creación.
  ‐ Capacidade para contribuír á ampliación das fronteiras do coñecemento a través dunha investigación orixinal.
  ‐ Capacidade de realizar unha análise crítica e de avaliación e síntese de ideas novas e complexas.
  ‐ Capacidade de comunicación coa comunidade académica e científica e coa sociedade en xeral acerca dos seus ámbitos de coñecemento nos xeitos e idiomas de uso habitual na súa comunidade científica internacional.
  ‐ Capacidade de fomentar, en contextos académicos e profesionais, o avance científico, tecnolóxico, social, artístico ou cultural dentro dunha sociedade superada no coñecemento.
  ‐ Capacidade de fomentar a Ciencia Aberta e a Ciencia Cidadá, conforme o artigo 12 da Lei orgánica 2/2023, do 22 de marzo, como modo de contribuír á consideración do coñecemento científico como un ben común, mediante a avaliación de actividades transversais levadas a cabo pola doutoramento ou o doutorando relacionadas con diferentes dimensións da ciencia aberta e a ciencia cidadá, así como a capacitación adquirida en sendas disciplinas en formato de microcredenciais ou similar.

• Competencias específicas

  1. Capacidade para desenvolver unha visión holística do medio ambiente e da utilización sostible dos recursos naturais, coñecendo os impactos, riscos e as solucións tecnolóxicas necesarias para a súa solución ou a súa mitigación. Coñecer os métodos de estudo e caracterización dos sistemas bioxeoquímicos e os recursos naturais
  2. Identificar e dar a coñecer os diferentes tipos de impactos ambientais e os seus efectos, determinando a sensibilidade á degradación natural ou antrópica de chans e augas, así como as perdas de biodiversidade e o deterioro dos hábitats asociados, con especial énfases nos bioindicadores, procesos ecotoxicolóxicos e nos procesos bioxeoquímicos que regulan a evolución de todos os elementos químicos que interveñen na biosfera, os hábitats e a paisaxe que se deriva
  3. Capacidade para profundar no coñecemento dos factores de formación, compoñentes, propiedades, xéneses, clasificación, cartografía e usos adecuados dos chans e ecosistemas, así como dos seus procesos de contaminación ou degradación e as alternativas de recuperación baseadas no coñecemento físico-químico, mineralóxico, edáfico e biótico dos diferentes compartimentos bioxeoquímicos e dos recursos dispoñibles, incluíndo os residuos e produtos derivados
  4. Capacidade para profundar de forma interdisciplinar no estudo dos impactos ambientais causados polo desenvolvemento humano con especial énfases nos relacionados cos sectores industriais, mineiros, acuicultura, agricultura e silvicultura, así como todos os relacionados coa ocupación do espazo polo desenvolvemento dos sistemas urbanos, actividades produtivas ou recreativas, creación de infraestruturas, etc.
  5. Capacidade para Investigar e dar a coñecer os procesos paleoambientais que se sucederon na biosfera aplicando este coñecemento á interpretación e toma de decisións do presente
  6. Capacidade para adquirir Competencias especificas na/s liña/s sobre a que realice o seu proxecto de tese.

• Outras competencias

  1. Capacidade para desenvolver unha visión holística do medio ambiente e da utilización sostible dos recursos naturais, coñecendo os impactos, riscos e as solucións tecnolóxicas necesarias para a súa solución ou a súa mitigación. Coñecer os métodos de estudo e caracterización dos sistemas bioxeoquímicos e os recursos naturais

  2. Identificar e dar a coñecer os diferentes tipos de impactos ambientais e os seus efectos, determinando a sensibilidade á degradación natural ou antrópica de chans e augas, así como as perdas de biodiversidade e o deterioro dos hábitats asociados, con especial énfases nos bioindicadores, procesos ecotoxicolóxicos e nos procesos bioxeoquímicos que regulan a evolución de todos os elementos químicos que interveñen na biosfera, os hábitats e a paisaxe que se deriva

  3. Capacidade para profundar no coñecemento dos factores de formación, compoñentes, propiedades, xéneses, clasificación, cartografía e usos adecuados dos chans e ecosistemas, así como dos seus procesos de contaminación ou degradación e as alternativas de recuperación baseadas no coñecemento físico-químico, mineralóxico, edáfico e biótico dos diferentes compartimentos bioxeoquímicos e dos recursos dispoñibles, incluíndo os residuos e produtos derivados

  4. Capacidade para profundar de forma interdisciplinar no estudo dos impactos ambientais causados polo desenvolvemento humano con especial énfases nos relacionados cos sectores industriais, mineiros, acuicultura, agricultura e silvicultura, así como todos os relacionados coa ocupación do espazo polo desenvolvemento dos sistemas urbanos, actividades produtivas ou recreativas, creación de infraestruturas, etc.

  5. Capacidade para Investigar e dar a coñecer os procesos paleoambientais que se sucederon na biosfera aplicando este coñecemento á interpretación e toma de decisións do presente

  6. Capacidade para adquirir Competencias especificas na/s liña/s sobre a que realice o seu proxecto de tese.

Ata o momento os/as egresados/as do programa adquiriron formación multidisciplinar e desenvolveron un proxecto de teses doutoral, asociada a un ou máis dos 6 ámbitos temáticos que abranguen os campos de coñecemento de Ecoloxía animal e vexetal, Bioindicadores e ecotoxicidade, Bioxeoquímica Ambiental, Solos e medio Ambiente, Contaminación e recuperación de solos e arqueoloxía ambiental. Ademais, realizaron estadías en centros estranxeiros de investigación e puideron obter a Mención de Doutoramento Internacional/Europeo. Son investigadores/as altamente especializados e competitivos, con capacidade de estudo sistemático do ambiente e do uso sustentable dos recursos naturais, mediante a análise crítica, a avaliación e a xeración de novas ideas desde distintas ópticas. Así mesmo, son profesionais con gran capacidade de comunicación e de fomentar o avance científico, en contextos profesionais, para contribuír a unha sociedade baseada no coñecemento.

Para dar cobertura a tódolos requerimentos da actividade investigadora, ademais dos recursos propios dos centros nos que desenvolven a súa actividade os doutorandos, a USC conta con unidades de carácter centralizado que prestan os seus servicios a departamentos e grupos de investigación entre os que cabe sinalar:

A Biblioteca Universitaria que é unha unidade funcional concibida como un centro de recursos bibliográficos para a docencia, a investigación, o estudo e a aprendizaxe, ofrece servizos como os seguintes:

• Bases de datos reunidas

• Revistas electrónicas

• Sumarios electrónicos

• Servizo de préstamo interbibliotecario

Na súa condición de arquivo histórico, o Arquivo Universitario constitúe unha unidade funcional de apoio á investigación e á docencia. Está constituído por fondos documentais propios ou en depósito.

A Rede de Infraestruturas de Apoio á Investigación e Desenvolvemento Tecnolóxico (RIAIDT) é a estrutura organizativa que integra as infraestruturas instrumentais de uso común que prestan servizos de apoio á investigación da USC. O obxectivo da RIAIDT é darlle unha maior unidade e operatividade aos recursos de apoio á investigación cos que conta a USC.

O Área de Tecnoloxías da Información e a Comunicación (ATIC) da USC ten a misión de deseñar, planificar, xestionar, administrar e asegurar as infraestruturas e servizos baseados en tecnoloxías da información e comunicación (TIC) prestados á comunidade universitaria nos ámbitos da docencia, a investigación e a xestión administrativa.

O respecto á diversidade e o desenvolvemento de políticas activas de incorporación e integración de estudantes con necesidades especiais son dous principios e liñas de actuación recollidos na Memoria de Responsabilidade Social da USC. Para tal efecto, o Servizo de Participación e Integración Universitaria encárgase da coordinación, en colaboración cos distintos centros e entidades, e posta en marcha das actuacións necesarias para favorecer a igualdade entre todos os membros da comunidade universitaria.

Outros recursos:

Centro de tecnoloxías para o Aprendizaxe (CeTA)

Redes de aulas de informática

Área de xestión de infraestruturas

Servizo de medios audiovisuais

Servizo de prevención de riscos