Grao en Bioquímica (2ª edición)

Os alumnos poden ser admitidos no Grao en Bioquímica se reúnen os requisitos de acceso e, aínda que non se esixe ningunha formación previa específica, recoméndase que a formación do alumno sexa de perfil de Ciencias e Tecnoloxía. Dentro dese perfil resulta recomendable, pero non imprescindible, cursar materias con contidos de matemáticas, bioloxía, física e química.
É recomendable que os estudantes do grao posúan algunha das seguintes capacidades:
• Capacidade de análise e síntese.
• Interese pola resolución de problemas.
• Interese pola investigación e a experimentación.
• Boa formación no ámbito das ciencias.
• Método e rigor no traballo.
• Capacidade para o traballo en equipo.
• Capacidade creativa.
• Coñecemento e interese pola utilización de ferramentas informáticas para o manexo de datos.
• Competencias lingüísticas noutros idiomas ademais do castelán e o galego, en especial o inglés.

1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
2.- Continuación de estudos: libre cun máximo de 75 créditos.

A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.
O alumnado titor é un estudante matriculado nunha titulación de grao do centro, de 2.º curso ou seguintes, que orienta e apoia o novo alumnado que se incorpora ao centro, tratando de favorecer a súa integración.

https://www.usc.gal/es/centro/facultad-ciencias/alumnado-tutor

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
• Ter un título de bacharelato ou equivalente e superar a proba de acceso á universidade.
• Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
• Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
• Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
• Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
• Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
• Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.
De maneira xeral existen as seguintes vías de acceso á Universidade:
• Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.
https://ciug.gal/gal/abau

• Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU.
https://www.usc.es/export9/sites/webinstitucional/gl/servizos/oiu/desca…
• Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
• Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.

• Acceso maiores de 40: mediante validación da experiencia laboral.

O nivel de cualificación profesional esixido ao solicitante será o correspondente ás cualificacións profesionais das familias profesionais e niveis do Catálogo Nacional de Cualificacións Profesionais (CNCP), elaborado polo Instituto Nacional das Cualificacións (INCUAL)
Por parte da Universidade estableceuse a seguinte relación de familias profesionais e niveis con acceso ao Grao en Bioquímica:
Relación de familias profesionais e niveis con acceso ao grao en Bioloxía
• Química: Nivel 3.
• Sanidade: Nivel 3.

as.
COMPETENCIAS
Comp01 - Desenvolver a capacidade de organizar e planificar adecuadamente o traballo, partindo dunha síntese e análise que permitan tomar decisións.
Comp02 - Desenvolver capacidade de liderado que permita ofrecer solucións oportunas e creativas en situacións profesionais complexas.
Comp03 - Desenvolver a capacidade de identificar e corrixir as desigualdades por razóns de xénero, socioeconómicas etc.
Comp04 - Actuar con profesionalidade rexéndose por principios éticos, de rigor científico e de desenvolvemento sostible.
Comp05 - Colaborar en equipos interdisciplinares en calquera ambiente de traballo, partindo do coñecemento da contorna e da normativa legal vixente.
Comp06 - Desenvolver a capacidade de aprender de forma autónoma con iniciativa e espírito emprendedor.
Comp07 - Utilizar as ferramentas básicas das tecnoloxías da información e da comunicación.
Comp08 - Ser capaz de comunicar unhas conclusións e coñecementos de forma argumentada a públicos especializados e non especializados con claridade e precisión, tamén en linguas estranxeiras, principalmente en lingua inglesa.

H/D01 - Aplicar axeitadamente as ferramentas físicas, químicas, matemáticas e estatísticas ao estudo dos procesos biolóxicos.
H/D02 - Utilizar os fundamentos do equilibrio químico para manexar e executar os principais métodos de instrumentación analítica.
H/D03 - Utilizar os principios químicos e termodinámicos da biocatálisis e o papel das encimas no funcionamento das células e organismos.
H/D04 - Integrar e interpretar as bases da regulación endócrina e dos distintos sistemas de comunicación intercelular e de sinalización intracelular.
H/D05 - Utilizar as técnicas adecuadas para o estudo da estrutura e función do material xenético para o desenvolvemento de aplicacións biotecnolóxicas.
H/D06 - Analizar e avaliar de forma crítica os marcadores xenéticos, moleculares e bioquímicos asociados ás diferentes patoloxías e trazos de interese.
H/D07 - Deseñar e executar as técnicas inmunoquímicas e interpretar os resultados.
H/D08 - Planificar e utilizar os principais métodos experimentais dirixidos á análise da actividade biolóxica, técnicas de illamento, caracterización de moléculas biolóxicas, desenvolvemento de sistemas terapéuticos e avaliación de substancias activas.
H/D09 - Interpretar a información das principais bases de datos biolóxicos (xenómicos, transcriptómicos, proteómicos, metabolómicos etc.) e datos bibliográficos, utilizando as ferramentas bioinformáticas básicas.
H/D10 - Avaliar as necesidades nutricionais do organismo humano en todas as etapas da vida.
H/D11 - Establecer os principais problemas e aplicacións actuais no campo da Viroloxía.
H/D12 - Elaborar, redactar e presentar oralmente un estudo ou proxecto no ámbito da Bioquímica, interpretando criticamente os resultados obtidos e avaliando as conclusións alcanzadas.
H/D13 - Aplicar axeitadamente os coñecementos e técnicas adquiridos nas diferentes materias do título para analizar unha situación ou concepto complexos e atopar unha maneira de liquidalos.

Con01 - Recoñecer a estrutura e función dos distintos tipos celulares. Comprender a diversidade e lembrar a taxonomía biolóxica.
Con02 - Recoñecer as bases físicas, químicas, matemáticas e estatísticas dos procesos biolóxicos.
Con03 - Coñecer os fundamentos químicos que determinan a estrutura das moléculas e reactividade dos grupos funcionais.
Con04 - Demostrar o coñecemento das bases químicas que permiten o deseño de calquera técnica experimental necesaria para a análise de moléculas.
Con05 - Coñecer e interpretar a diversidade do mundo microbiano, o metabolismo, a fisioloxía e a xenética que regula as súas funcións.
Con06 - Comprender en profundidade os principais procesos fisiolóxicos e metabólicos dos organismos multicelulares, así como identificar e explicar as bases moleculares e a regulación dos devanditos procesos.
Con07 - Coñecer e interpretar a estrutura, organización, transmisión, expresión, regulación e evolución do material xenético.
Con08 - Recoñecer en profundidade as bases químicas e biolóxicas, que determinan a estrutura tridimensional das moléculas e complexos supramoleculares e relacionar a súa estrutura e funcións.
Con09 - Identificar e relacionar os compoñentes do sistema inmunitario, a súa estrutura, función e mecanismos de acción.
Con10 - Adquirir coñecementos e distinguir as distintas aplicacións dos principais métodos experimentais e de instrumentación.
Con11 - Interpretar adecuadamente o marco institucional e xurídico no ámbito empresarial, protección da propiedade intelectual e industrial, aspectos éticos e bioéticos, etc.

Este grao permite a incorporación directa ao mundo laboral, dentro das actividades profesionais relacionadas coa Bioquímica e Bioloxía Molecular, e tamén capacita para a realización de estudos de máster en áreas relacionadas coas biociencias, co que orienta ao alumnado cara a un perfil profesional en investigación e docencia tanto universitaria como non universitaria.

As saídas profesionais dos graduados en Bioquímica inclúen un amplo abano de sectores nos que poden desenvolver o seu traballo, que podemos agrupar da seguinte maneira:
• A aplicación das biociencias moleculares ao estudo da saúde e a enfermidade, incluíndo o estudo dos mecanismos da enfermidade, así como o escrutinio, o diagnóstico, a prevención e o tratamento das enfermidades humanas.
• A actividade biomédica e bioanalítica. Aplicación á medicina clínica das tecnoloxías bioquímicas en hospitais, laboratorios de análises farmacéuticas e clínicos, centros de investigación sanitaria e industrias relacionadas.
• Investigación e docencia superior. En universidades, centros públicos e privados de investigación científica e tecnolóxica e departamentos de R + D + I de empresas dos sectores farmacéutico, biotecnolóxico, analítico e instrumental, e outras áreas similares.
• Docencia en ensino na secundaria. Este grao proporcionará a formación necesaria para a docencia (ESO e Bacharelato) na área de ciencias experimentais (Naturais, Física, Química) e da vida (Bioloxía).
• Industria alimentaria: produción e modificación de alimentos como base para a erradicación de moitos dos problemas de alimentación no mundo.
• Novas tecnoloxías: como os avances na computación biolóxica, que permitirá que organismos moleculares desenvolvan as tarefas propias dunha computadora.
• Química e medio ambiente: como a xeración de novos combustibles respectuosos co medio ambiente e o procesado e a valorización de residuos.