Biorreactores

O obxectivo xeral da materia é introducir ao alumnado no coñecemento dos principios básicos e das bases do deseño e funcionamento dos biorreactores, os cales presentan características específicas que os diferencian do resto de reactores empregados na industria de procesos químicos.

Os contidos da materia segundo a memoria do título son:

- Catálise enzimática e microbiana. Ecuacións de velocidade e modelos cinéticos.
- Biorreactores Ideais
- Axitación, aireación i esterilización en biorreactores
- Aplicacións industriais de biorreactores.

Bibliografía básica:
•Gòdia Casablancas, F. e López Santín, J. (editores); Casas Alvero, C., Lema Rodicio, J.M., Roca Bordello, E. et al. Ingeniería Bioquímica. Ed. Síntesis. Madrid (1998). ISBN: 84-7738-611-0. (Sinaturas USC: QUT 329, QUT 58). Acceso directo por USC e-libro: https://iacobus.usc.gal/permalink/34CISUG_USC/o7pcup/alma99101339565480…
•Najafpour, Ghasem D. Biochemical Engineering and Biotechnology. 2nd Edition. Elsevier. Amsterdam, Netherlands. (2015). ISBN: 0-444-63377-4. (Acceso directo por USC-Elsevier ScienceDirect Books).

Bibliografía complementaria:
•Bailey, J.E., e Ollis, D.F. Biochemical Engineering Fundamentals. 2nd ed. McGraw Hill, New York (1986). ISBN:0-07-003212-2. (Sinaturas USC: QUT 54, QUT 55)
•Díaz Fernández, Mario. Ingeniería de bioprocesos. 3ª Ed. Editorial Paraninfo.2021. ISBN 9788413660233. (Sinaturas USC: ETSE A160 12C, A160 12B). Acceso directo por USC-elibro: https://iacobus.usc.gal/permalink/34CISUG_USC/o7pcup/alma99101353275110…
•Aiba, S., et al. Biochemical Engineering. 2nd ed. University of Tokyo Press. Tokyo (1973). ISBN: 0-12-045052-6. (Sinaturas USC: B Intercentros, DEP 15501; ETSE, Sala lectura 160 15)
•Atkinson, B., e Mavituna, F. Biochemical Engineering and Biotechnology Handbook. Stockton Press (1991). ISBN : 1561590126. (Sinaturas USC: B Intercentros, DEP 15764; ETSE, Sala lectura 169 1)

Coñecementos:
-Con02: Recoñecer as bases físicas, químicas, matemáticas i estatísticas dos procesos biolóxicos.

Habilidades ou destrezas:
-H/D01: Aplicar axeitadamente as ferramentas físicas, químicas, matemáticas i estatísticas ao estudo dos procesos biolóxicos.
-H/D03: Empregar os principios químicos e termodinámicos da biocatálise e o papel das enzimas no funcionamento das células e organismos.

Competencias:
-Comp01: Desenvolver a capacidade de organizar e planificar axeitadamente o traballo, partindo dunha síntese e análise que permitan tomar decisións.

A consecución dunha formación básica do alumno será mediante 28 horas de clases magistrais (actividade presencial de docencia expositiva), onde se explicarán os fundamentos teóricos da materia e se resolverán exercicios e problemas que sirvan para aplicar os coñecementos teóricos. Buscarase a participación activa do alumno que será incentivado a intervir continuamente.
Os seminarios (8 horas) formúlanse como unha actividade presencial de docencia interactiva na que poderán abordarse aspectos moi diversos como técnicas auxiliares de cálculo, resolución de cuestións e problemas, debates sobre temas de interese relacionados cos contidos da asignatura, etc.
As clases prácticas, constitúen una actividade presencial de asistencia obrigatoria e docencia interactiva na aula de informática (12 horas). Consistirán nunha introducción á simulación de procesos bioquímicos con aplicación particular ao deseño dun bioproceso. Realizaranse titorías individuales para aclarar problemas particulares de cada alumno e titorías con grupos reducidos (2 horas) para traballar dúbidas e/ou temas específicos.
En todo momento usarase como apoio á docencia o Campus Virtual da USC.
De ser posible, realizaranse visitas a instalacións industriais de bioprocesos para observar in situ as aplicacións dos coñecementos adquiridos. Estas visitas ou prácticas de campo estarán suxeitas á dispoñibilidade de financiamento e posibilidade de realización tanto por parte das empresas/instalacións visitadas como da USC.

“Para os casos de realización fraudulenta de exercicios ou probas será de aplicación o recollido na “Normativa de avaliación do rendemento académico dos estudantes e de revisión de cualificacións”.
O sistema de avaliación é continuo con probas parciais específicas (exame) e seguimento da aprendizaxe coa formulación de casos prácticos e actividades a resolver, individualmente ou por grupos, principalmente nas horas de seminario. A cualificación final do alumno considerará tanto o resultado do exame (probas específicas parciais) (50%) como da avaliación continua (50%). Nesta avaliación continua inclúense tanto as actividades desenvolvidas na aula (30%) como.as sesións prácticas realizadas na aula de informática (20%).
Soamente os estudantes que non realizaran ningunha das actividades avaliables poderán obter a cualificación final de Non Presentado.

A)-PRIMEIRA OPORTUNIDADE:
A avaliación realizarase mediante Avaliación Continua (50%) e Exame consistente en probas parciais específicas (50%).

*A1)-Avaliación Continua, a cualificación mínima esixida será do 50% (2,5 puntos) e constará de dous apartados:

1º) Prácticas na aula de informática (presenciais e obrigatorias): realizadas de maneira síncrona. Cualificación: ata 2 puntos. Cualificación mínima esixida: 1 punto. Valorarase a iniciativa persoal, a capacidade para aplicar os coñecementos ao deseño e simulación dun bioproceso e para afrontar e resolver os problemas que podan formularse, así como os resultados acadados e a súa crítica. Competencias avaliadas: Con02 (5%), H/D01 (40%), H/D03 (5%), Comp01 (50%). As prácticas na aula de informática son de asistencia obrigatoria e debido a seu carácter non se poderán repetir na segunda oportunidade.

2º) Actividades na Aula: realizadas de maneira síncrona. Cualificación: ata 3 puntos, cualificación mínima esixida: 1,5 puntos. Nas actividades en aula valoraranse as intervencións do alumno e a resolución dos problemas e cuestións que selle propoñan. Competencias avaliadas: Con02 (25%), H/D01 (25%), H/D03 (25%), Comp01 (25%).

A2) Probas parciais específicas (Exame): síncronas. Tratase de probas teórico-prácticas sobre os contidos da materia. Cualificación: ata 5 puntos, cualificación mínima esixida: 2,5 puntos. Competencias avaliadas: Con02 (25%), H/D01 (25%), H/D03 (25%), Comp01 (25%).

É obrigatorio acadar a cualificación mínima esixida en cada un dos apartados avaliados (prácticas, actividades na aula e probas parciais específicas)para poder obter unha nota media. É necesario obter, como mínimo, unha nota media de 5 puntos para superar a materia nesta oportunidade.

No caso de que o estudante realice pero non obteña a cualificación mínima esixida nalgún dos apartados anteriores, será avaliado de novo dese apartado na data correspondente ao exame da primeira oportunidade.
No caso de que o estudante non realice algún dos apartado anteriores, recibirá a cualificación de suspenso e deberá presentarse ao exame da segunda oportunidade.

B)-SEGUNDA OPORTUNIDADE:

Os estudantes que non acadaron a nota media esixida na avaliación da primeira oportunidade deberán realizar un Exame Final presencial coas seguintes características:
Exame final: proba teórico-práctica de carácter síncrono sobre todos os contidos da materia. Cualificación 100%, cualificación mínima esixida 5 puntos. Competencias avaliadas: Con02 (25%), H/D01 (25%), H/D03 (25%), Comp01 (25%).

Esta asignatura divídese en 28 horas de clases expositivas, 8 horas de seminarios, 12 horas de docencia iterativa en aula de informática, 3 horas de titorías en grupo, e 4 horas para a realización de probas de avaliación e exames (55 horas presenciais en total). Con todo isto o alumno deberá empregar un total de 95 horas de traballo persoal para completar un total de 150 horas dedicadas a asignatura (6 ECTS).

O alumno debe ter coñecementos previos de balances macroscópicos, fenómenos de transporte, equilibrio e cinética química.
Por esta razón resulta moi recomendable que teña cursado as asignaturas: Enxeñaría de Bioprocesos, Enzimoloxía e Microbioloxía
Tamén é aconsellable ter coñecementos de manexo de follas de cálculo (Microsoft Excell) a nivel de ususario.

A docencia da materia impartirase nas dúas linguas oficiais da comunidade autónoma galega: galego e castelán