Máster Universitario en Psicoloxía Xeral Sanitaria

É recomendable que o/a estudante conte con características actitudinais e aptitudinais que favorezan tanto o aproveitamento académico dos estudos como o desenvolvemento profesional efectivo, entre elas: Capacidade de análise e síntese; capacidade executiva na resolución de problemas; constancia e responsabilidade no traballo; hábitos de traballo en equipo; empatía interpersonal e capacidade de comunicación; capacidade de autoavaliación do desempeño propio; compromiso cos principios éticos de igualdade de oportunidades, tolerancia, respecto ás diferenzas, solidariedade e honestidade no desempeño académico e profesional.
É necesario tamén un nivel de inglés suficiente para a lectura e comprensión de material científico nese idioma (nivel B1), ademais do coñecemento das linguas oficiais da Comunidade Autónoma.

Condicións de terminación:

Obrigatorias: 36
Optativas: 12
Prácticas externas: 30
Traballo fin de máster: 12
Total: 90

O desenvolvemento das materias se complementa con titorías individualizadas (presenciais e a través de internet) nas que os membros do equipo docente orientan e supervisan o traballo dos alumnos. Polo que respecta á coordinación do Traballo de Fin de Máster, realizarase unha reunión dos profesores titores ao comezo do período de desenvolvemento da materias
Ao longo do Máster, desenvólvese un proceso continuo de supervisión, orientación e guía por parte do profesorado. Este sistema de titoría, con especial énfase na supervisión das prácticas externas e do Traballo de Fin de Máster, potencia a implicación e motivación do estudante no seu programa formativo.

Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

• A admisión de matrículas de novo ingreso na titulación.
• A supresión gradual da impartición da docencia.
• Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

Acceso

Para acceder aos ensinos oficiais de Máster será necesario estar en posesión de:
A.1. Un título universitario oficial español.
A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
A.4. Un título superior das Ensinanzas Artísticas Superiores do sistema educativo español.

Admisión

Modalidade: criterios xerais

Titulacións de acceso:

Licenciatura ou Grao en Psicoloxía
Para acceder ao máster, o alumno/a deberá acreditar 90 créditos ECTS de formación especificamente sanitaria (os alumnos de universidades distintas da USC deberán achegar unha certificación da súa universidade con esta acreditación, ou no seu defecto o expediente académico)

Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B2, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

Información actualizada en cada convocatoria de matrícula

1. Adquirir, desenvolver e poñer en práctica un concepto de saúde integral, que contemple os compoñentes biopsicosociais da mesma, de acordo coas directrices establecidas pola OMS.
2. Coñecer en profundidade a natureza psicolóxica dos trastornos mentais e comportamentais, así como dos factores psicolóxicos asociados aos problemas de saúde/enfermidade.
3. Coñecer en profundidade os distintos modelos de avaliación, diagnóstico, intervención e tratamento no campo da Psicoloxía Clínica e da Saúde, así como as técnicas e procedementos que deles se derivan para a abordaxe dos trastornos psicolóxicos, a promoción da saúde, e os factores psicolóxicos implicados nos procesos de saúde e enfermidade.
4. Planificar, desenvolver e, no seu caso, supervisar o proceso de avaliación psicolóxica dos diferentes tipos de trastornos psicolóxicos e neuropsicolóxicos, así como dos factores psicolóxicos implicados nos procesos de saúde e enfermidade, nos diferentes contextos, para establecer, como resultado desa avaliación, o diagnóstico correcto.
5. Deseñar, desenvolver, supervisar e no seu caso avaliar plans e programas de intervención e tratamento psicolóxico, en función do diagnóstico e das variables de tipo individual e social que concorran en cada caso, e de acordo co obxectivo da intervención (prevención, tratamento, rehabilitación,...).
6. Mostrar habilidades de comunicación interpersoal e de manexo das emocións adecuadas para unha interacción terapeuta/paciente efectiva, nos procesos de identificación do problema, avaliación, comunicación do diagnóstico e intervención e seguimento.
7. Saber identificar e formular problemas de investigación no contexto do seu exercicio profesional, e contribuír á súa abordaxe de acordo cos métodos, técnicas e procedementos de investigación propios da Psicoloxía.

1. Saber aplicar as principais teorías sobre a etioloxía dos trastornos psicolóxicos na conceptualización dun caso clínico concreto.
2. Ser capaz de planificar e desenvolver unha sesión de avaliación e diagnóstico, establecendo hipótese das que deducir enunciados contrastables.
3. Saber seleccionar e aplicar as técnicas e os instrumentos de avaliación máis convenientes para cada caso de acordo coas súas características e contexto.
4. Saber analizar e interpretar os resultados dunha avaliación psicolóxica.
5. Saber elixir e aplicar as técnicas de intervención psicolóxica máis adecuadas de acordo coa súa finalidade (prevención, tratamento,rehabilitación, consello, asesoramento, etc.).
6. Saber planificar e desenvolver unha intervención psicolóxica, establecendo obxectivos pertinentes e realistas en función das características do problema e o contexto.
7. Saber realizar o seguimento dunha intervención, de acordo cos obxectivos fixados, para introducir, si fose o caso, cambios na mesma durante o seu desenvolvemento.
8. Saber proporcionar retroalimentación aos destinatarios de forma adecuada e precisa co fin de implicalos nas distintas fases do proceso de avaliación, intervención e tratamento.
9. Saber deseñar programas de prevención e de promoción da saúde psicolóxica en función dos factores relevantes (de risco e protección) e os recursos dispoñibles.
10. Saber elaborar informes psicolóxicos con diferentes propósitos e atendendo a distintas audiencias.
11. Coñecer o marco de actuación propio do psicólogo xeral sanitario e saber derivar, si fose o caso, ao profesional especialista correspondente.
12. Saber interpretar de forma crítica as teorías, os métodos e os resultados das investigacións nos ámbitos da Psicoloxía Clínica e da Saúde e a Psicobioloxía.
13. Saber identificar e formular problemas de investigación e participar no deseño e desenvolvemento de proxectos de investigación no ámbito da Psicoloxía Clínica e da Saúde e a Psicobioloxía