Máster Universitario en Servizos Culturais (semipresencial)

Créditos que deberá cursar o alumno para obter a titulación:

Obrigatorias: 24
Optativas: 24
Prácticas ou traballo compl 6
TFM (liña profesional) 6
TFM (liña investigadora) 6
Total: 60

O máster ten dúas orientacións: a profesional e a investigadora. O alumno debe optar
por unha delas.
• Para obter o título pola orientación profesional, o estudante deberá cursar os 24 ECTS
das materias obrigatorias, 24 ECTS de materias optativas ordinarias e 6 de prácticas externas,
e o traballo fin de máster.
• Para obter o título pola orientación investigadora, o estudante deberá cursar os 24
ECTS das materias obrigatorias, 24 ECTS de materias optativas ordinarias e 6 da materia
complementaria do traballo fin de máster, e o traballo fin de máster.
Así mesmo, o máster recolle dúas especialidades:
• Especialidade en xestión dos bens culturais.
• Especialidade en xestión do patrimonio lingüístico e literario.
O alumno poderá optar por:
a) Obter unha especialidade: cursando 12 ECTS do módulo desa especialidade e os
outros 12 ECTS do módulo de optativas xerais.
b) Obter as dúas especialidades: cursando 12 ECTS de cada módulo de especialidade.
c) Cursar o máster sen especialidade, cursando os 24 ECTS de calquera dos tres módulos
optativos.

Os servizos culturais son un vasto campo de acción que integra todas as actividades relacionadas coa produción e consumo cultural na sociedade moderna. O obxectivo do máster é formar especialistas de alto nivel na análise e xestión da cultura nun sentido amplo e aplicado, así como na xestión, deseño e programación de actividades e proxectos culturais de índole diversa (exposicións, espectáculos audiovisuais, museos, galerías, dinamización do patrimonio material e inmaterial, posta en valor de bens culturais, etc.).

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:

  Obrigatorias: 24
  Optativas: 24
  Prácticas ou traballo compl 6
  TFM (liña profesional) 6
  TFM (liña investigadora) 6
  Total: 60

• Acción titorial e acollida

  Se fundamenta na titoría individualizada e nun sistema de orientación do conxunto de profesores. Faranse reunións periódicas para a análise do progreso académico, das necesidades e liñas para a mellora e da proxección nos ámbitos profesionais. Contémplase unha reunión avanzado o curso para a asignación de titores do proxecto final de Máster que inclúe a deliberación conxunta sobre o ámbito no que cada proxecto se centrará. Unha vez asignado titor, o asesoramento e seguimento do proxecto será individualizado.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Procedemento de admisión : criterios xerais (expediente).
  Titulacións de acceso por orde de preferencia:
  1. Titulacións de nivel de Licenciado ou Graduado da rama de coñecemento Artes e Humanidades e da rama de coñecemento Ciencias Sociais e Xurídicas
  2. Outras titulacións universitarias

Procedemento de admisión : criterios xerais (expediente).
Titulacións de acceso por orde de preferencia:
1. Titulacións de nivel de Licenciado ou Graduado da rama de coñecemento Artes e Humanidades e da rama de coñecemento Ciencias Sociais e Xurídicas
2. Outras titulacións universitarias

• Competencias xerais

  1. Capacidade de manexar eficientemente a información proveniente de distintas canles para a produción de coñecementos relacionados co ámbito da cultura.
  2. Capacidade de aplicar os coñecementos adquiridos na detección e resolución de problemas nos contextos específicos do seu ámbito profesional.
  3. Toma de conciencia das responsabilidades sociais e éticas vinculadas ao exercicio profesional e capacidade de reflexión e revisión crítica das dinámicas socio-culturais existentes.
  4. Adquisición de habilidades e hábitos de traballo que posibiliten a autoaprendizaxe e que fomenten a formación continua (educación ao longo de toda a vida (learning for life, segundo as directrices da UNESCO).
  5. Adquisición das habilidades para fomentar e garantir o respecto aos Dereitos Humanos e aos principios de accesibilidade universal, igualdade, non discriminación e aos valores democráticos e da cultura da paz.

• Competencias específicas

  1. Coñecemento do funcionamento das novas formas de transmitir información, de acceder a ela e de apropiarse dela.
  2. Capacitación para desenvolver proxectos culturais de distinto tipo e finalidade.
  3. Habilidade na xestión da comunicación cultural e a súa difusión por todas as canles de distribución do ámbito literario,musical e audiovisual.
  4. Adquisición da capacidade e o espírito emprendedor que propicien a creación e impulso de proxectos culturais, comunicativos e educativos
  5. Capacidade para a elaboración, redacción e presentación dun traballo escrito de iniciación elemental á investigación.
  6. Comprensión razoada do interese do diálogo intercultural e a necesidade do respecto ás diferenzas culturais.
  7. Capacidade para describir e analizar as características asociadas á xestión da competencia intercultural.
  8. Adquisición dos coñecementos precisos dos fundamentos das políticas de integración e redefinición das identidades no marco dos movementos migratorios.
  9. Adquisición dun coñecemento axustado dos principios e a metodoloxía da recuperación da memoria histórica e cultural.
  10. Adquisición das capacidades de traballo, no ámbito da cultura, con grupos humanos con necesidades específicas e/ou con risco de exclusión.
  11. Coñecemento do papel das organizacións non gobernamentais na cooperación entre os estados e as culturas.
  12. Desenvolvemento das aptitudes e destrezas precisas para organizar equipos humanos e formar parte deles.
  13. Adquisición dunha comprensión adecuada das correntes de influencia mutua entre a cultura global e a cultura local.
  14. Habilidade para traballar nunha contorna multicultural, coñecendo os movementos sociais, as manifestacións artísticas e as crenzas máis significativas das sociedades.
  15. Adquisición dunha adecuada comprensión das políticas de protección e das dinámicas de recuperación do patrimonio histórico-cultural.
  16. Coñecemento das técnicas de análises territorial e a metodoloxía de planificación estratéxica para a posta en marcha de iniciativas de desenvolvemento.
  17. Coñecemento activo das políticas turísticas, programas e servizos para a organización de dinámicas de turismo cultural.
  18. Coñecemento da metodoloxía e a práctica investigadora en todas as áreas vinculadas á xestión dos bens culturais.
  19. Coñecemento dos expoñentes culturais e literarios dos países de linguas hispánicas.
  20. Adquisición das destrezas e estratexias de composición de discursos, así como das ferramentas lingüísticas e pragmáticas precisas para realizar con éxito os trámites administrativos e as campañas de divulgación propias dos servizos culturais.
  21. Capacidade de elaboración de comentarios razoados e críticos de obras e textos relacionados con calquera área do ámbito humanístico.
  22. Capacidade de comprensión doutras culturas; recoñecemento da diversidade e o seu reflexo en usos lingüísticos e literarios.
  23. Capacidade para adquirir un coñecemento avanzado das funcións discursivas.
  24. Adquisición dos coñecementos básicos que permitan comprender os distintos compoñentes que interveñen na actividade lingüística e os principais métodos e recursos para o seu estudo científico.
  25. Adquisición das ferramentas necesarias para extraer os máximos coñecementos lingüísticos e aplicalos ás actividades profesionais, académicas e investigadoras concretas.
  26. Adquisición das competencias pragmáticas e discursivas necesarias para xestionar a comunicación intercultural.
  27. Coñecemento das políticas de xestión da diversidade lingüística nas sociedades multiculturais.
  28. Capacidade de situarse ante contextos culturais concretos e desempeñar as funcións dun xestor cultural.
  29. Capacidade de observar os principais fenómenos que inciden na modernidade e analizalos desde a perspectiva dun xestor cultural.
  30. Adquisición das ferramentas precisas para a difusión dos produtos culturais.
  31. Adquisición das ferramentas necesarias para valorar os procesos que efectivamente se levan a cabo en distintos ámbitos da xestión cultural.
  32. Capacidade para establecer unha valoración crítica das diversas actividades que se levan a cabo en contornas reais de xestión cultural.
  33. Adquisición da capacidade de planificación necesaria para o deseño de proxectos de xestión cultural.
  34. Adquisición dos rudimentos precisos para a elaboración dun traballo de iniciación á investigación.

Mobilidade

A Comisión Académica realizará as xestións que estean ao seu alcance para promover a mobilidade dos estudantes do Máster. Para iso recorrerá aos servizos propios da universidade.
A súa planificación e xestión desenvólvese a través da Vicerreitoría de Internacionalización e da Oficina de Relacións Exteriores da Universidade, en coordinación coa Facultade a través da Unidade de apoio á xestión de centros e departamentos (UAGCD) e do vicedecano/a responsable de programas de intercambio.
Actualmente a Universidade de Santiago de Compostela colabora nos programas Sócrates-Erasmus, Erasmus Mundus e Sicue, que complementa con varios programas que pretenden fomentar a mobilidade dos membros da comunidade universitaria con universidades de América, Asia, Australia e Suiza.
A Facultade ademais, conta coa colaboración de varios profesores/as que actúan como coordinadores académicos e cuxa función é titorizar e asistir nas súas decisións académicas aos estudantes propios e de acolleita. A selección de candidatos lévase a cabo, para cada convocatoria ou programa, por unha comisión de selección, composta polo decano ou decana, o vicedecano ou vicedecana responsable de programas de intercambio, o/a responsable da UAGCD e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, no seu caso, as competencias de idiomas que esixe a Universidade de destino.
A USC dispón de servizos propios de atención aos estudantes. Na USC estes servizos canalízanse a través da Oficina de Relacións Exteriores, mantén un sistema de información permanente a través da páxina web, que se complementa con campañas e accións informativas específicas de promoción das convocatorias. Ademais, conta con recursos de apoio para os estudantes de acolleita, tales como a reserva de prazas nas Residencias Universitarias, ou o Programa de acompañamento de estudantes estranxeiros (PAE) da Vicerreitoría de Internacionalización, a través do cal voluntarios/as da USC realizan tarefas de acompañamento dirixidas á integración na cidade e na Universidade dos estudantes de acolleita.
En canto aos/as estudantes de acolleita, organízase unha sesión de recepción, ao comezo de cada semestre, na que se lles informa e orienta sobre a Facultade e os estudos, á vez que se lles pon en contacto cos coordinadores académicos, que actuarán como titores, e o persoal do Centro implicado na súa atención.
A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
Portal Internacional

Prácticas

Tras cursar esta materia os alumnos han de ser capaces de :
1. Comprender e tratar as múltiples manifestacións socio-culturais do mundo actual.
2. Desenvolver proxectos culturais de distinto tipo e finalidade.
3. Comprender a complexidade do fenómeno intercultural e as diferentes aproximacións á multiculturalidade.
4. Coñecer os diferentes ámbitos profesionais e de investigación vinculados aos servizos culturais, tomando en consideración a especificidade das entidades públicas, semipúblicas e privadas.
5. Traballar no ámbito da cultura con grupos humanos con necesidades específicas e/ou con risco de exclusión.
6. Aplicar as aptitudes e destrezas necesarias para organizar equipos humanos e formar parte deles.
7. Aplicar as destrezas necesarias para deseñar estratexias de intervención e actuación para cada un dos ámbitos e institucións culturais.
8. Estimular a creatividade para dar respostas adecuadas aos problemas suscitados e fomentar o gusto pola innovación a partir do fomento da análise crítica dos datos e teorías presentadas.
9. Respectar a diversidade étnica, lingüística e cultural e valorar a necesidade de conservar dita diversidade.
10. Respectar os dereitos fundamentais e de igualdade entre homes e mulleres, respectar e promocionar os Dereitos Humanos e os principios de igualdade de oportunidades, non discriminación e accesibilidade universal das persoas con discapacidade, así como os valores propios dunha cultura de paz.
Os alumnos que sigan a Modalidade A, profesionalizante, deberán empregar 6 créditos ECTS no desenvolvemento de prácticas en institucións públicas, semipúblicas ou privadas (concellos, fundacións, empresas culturais, etc.) coas que a Facultade de Humanidades teña establecido o pertinente convenio de colaboración. Ao finalizar esta etapa o alumno deberá presentar unha breve memoria ao seu titor.
Entre as metodoloxías docentes usadas, está a exposición do funcionamento xeral da entidade de prácticas e das actividades a realizar, o desempeño das actividades prácticas encomendadas, a orientación e supervisión das actividades prácticas e a elaboración da memoria de prácticas.
O sistema de avaliación consiste na valoración do informe sobre o cumprimento das obrigacións realizado polo coordinador de prácticas e da memoria de actividades presentada polo alumno.

Tras cursar esta materia os alumnos han de ser capaces de:
1. Desenvolver proxectos culturais de distinto tipo e finalidade.
2. Aplicar as destrezas necesarias para deseñar estratexias de intervención e actuación para cada un dos ámbitos e institucións culturais.
3. Dar respostas adecuadas aos problemas suscitados e fomentar o gusto pola innovación a partir do fomento da análise crítica dos datos e teorías presentadas.
4. Saber seleccionar e determinar un campo aplicativo relevante para a realización do proxecto ou informe técnico.
5. Determinar obxectos concretos de utilidade aplicativa, e a súa posibilidade de constitución máis correcta
6. Adquirir as destrezas que permitan a exposición oral e o debate dos argumentos e conclusións expostos no Traballo.
O Traballo Fin de Máster non se concibe como programa de contidos ao modo habitual senón que vai referido a unha ou varias das liñas que definen as materias deseñadas polas diferentes materias do plan de estudos.
Para poder defender o Traballo Fin de Máster é necesario superar 48 créditos de materias obrigatorias (24 créditos) e optativas (24 créditos).

Imparte este máster profesoras e profesores das áreas humanísticas da Facultade de Humanidades (Historia, Xeografía, Arte, Literatura, Linguas española, galega, portuguesa, inglesa, francesa, Filosofía ou Antropoloxía) así como doutros centros da USC dos campus de Santiago e Lugo: Administración e Dirección de Empresas, Historia, Filoloxía, Ciencias da Comunicación e Formación do Profesorado, entre outros. Máis do 80% do seu cadro docente ten a cualificación de doutor ou doutora.

Este equipo está composto por docentes novos e dinámicos, comprometidos cunha universidade de calidade e dispostos á constante reciclaxe e actualización nas súas respectivas áreas de coñecemento. Cómpre salientar tamén a súa ampla experiencia en intercambios nacionais e internacionais, con períodos de formación e de exercicio profesional en universidades estranxeiras, o que se ten plasmado na súa participación en intercambios científicos con universidades europeas e americanas.