Máster Universitario en Dirección de Proxectos

Créditos que deberá cursar o alumno para obter a titulación:

Obrigatorios 30;
Prácticas en Empresa Obrigatorias 15;
Traballo Fin de Máster 15;
Total 60.

Non se contemplan

O máster, aínda que ten un perfil profesional, permite o acceso aos estudos de doutoramento, orientado a titulados que na súa actividade profesional, necesitan formarse na dirección de proxectos. Os seus contidos abranguen as áreas de coñecemento recoñecidas polas dúas organizacións internacionais líderes neste campo: o Project  Management  Institute e a  International Project  Management  Association.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:

  Obrigatorios 30;
  Prácticas en Empresa Obrigatorias 15;
  Traballo Fin de Máster 15;
  Total 60.

• Acción titorial e acollida

  Como plantexamento específico salientar en primeiro lugar a existencia, dende o ingreso do alumno na titulación, dun profesor que actúa como "titor persoal" de cada alumno dun xeito individualizado. A aportación da referida actividade de titoración vai encamiñada a aportar apoio ó alumno no seu desenvolvemento académico por unha banda, e por outra, resolver todos os potenciais problemas que podan acontecer ó alumno nas decisións que teña que realizar (por exemplo onde realizar as prácticas, temática do proxecto fin de carreira, axudas e posibilidades de mobilidade, orientación laboral,...).
  Unha vez matriculados os alumnos, o procedemento de acollida incluirá a asignación dun titor persoal, designado por a Comisión Académica, que manterá unha entrevista persoal co estudante, onde se intentara facilitar a súa incorporación, explicándoselle os procedementos do curso. De non telo feito na fase de admisión de alumnos, na referida entrevista tentarase coñecer a experiencia profesional dos alumnos e o seu nivel de coñecementos en dirección de proxectos.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: Máster con límite de prazas e criterios xerais
  Por orde de preferencia:
  1. Enxeñarías Superiores e Arquitectura
  2. Licenciados e Graduados
  3. Enxeñeiros Técnicos e Arquitectos Técnicos
  4. Diplomados
  Ofértase exclusivamente a tempo parcial

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  Información actualizada en cada convocatoria de matrícula

Conseguir profesionais cunha axeitada capacidade de dirección de proxectos, capacidade para levalos a cabo, diágnose dos problemas existentes e metodoloxías e coñecementos para a toma de decisións e resolución de problemas. Todo elo mellorando a eficiencia das actuacións das organizacións.

Consideramos que se daría unha resposta a unha demanda crecente de profesionais tanto dende o ámbito particular, como da Administración e a empresa. Preténdese proporcionar ós estudiantes unha formación tecnica e metodolóxica avanzada e de calidade nos aspectos teóricos e prácticos que son de aplicación no ámbito da dirección de proxectos e polo tanto axudar a posta o día de profesionais neste ámbito, así como tamén potenciar a súa especialización.

• Competencias xerais

  1º Liderar e traballar eficazmente en equipos interdisciplinares
  2º Traballar de forma autónoma e con iniciativa
  3º Aplicar pensamento crítico, lóxico e creativo
  4º Capacidade de análise e síntese
  5º Resolver problemas de forma efectiva
  6º Comparar e seleccionar alternativas técnicas e de xestión
  7º Tomar decisións considerando globalmente aspectos técnicos, económicos, sociais e ambientais
  8º Capacidade para establecer estratexias, para resolver desacordos relacionados co proxecto, intentando chegar a unha solución satisfactoria para todos, incluíndo as posibles situación de conflicto e crise.
  9º Capacidade para abrirse ás aportacións, suxerencias, dúbidas e preocupacións doutros, de xeito que o proxecto se poda beneficiar delo (actitude aberta).
  10º Capacidade para manterse firme nas posicións ou actuacións que favorecen ao proxecto (autoconfianza).
  11º Realizar estudos bibliográficos e sintetizar resultados
  12º Identificar metodoloxías e técnicas emerxentes

• Competencias específicas

  - Capacidade para comprender e aplicar o concepto de proxecto e de dirección de proxectos (orientación a proxectos), nun entorno de orientación aos resultados.
  - Capacidade para comprender as implicacións básicas do entorno que rodea o proxecto: a organización permanente que o desenvolve; os programas e carteras de proxectos; o entorno económico, financeiro e mercantil; o entorno tecnolóxico; e o entorno legal.
  - Estimar a viabilidade económica e financiera dun proxecto, e definir os seus obxectivos.
  - Capacidade de crear a estrutura de desagregación de traballos do proxecto, incluíndo o establecemento dos límites do proxecto e os seus entregables, e de crear a estructura organizativa do proxecto.
  - Capacidade de crear outras estructuras de desagregación (de traballos, organizativa, de riscos, entre outras).
  - Coñecer os sistemas e ferramentas de xestión da calidade en proxectos
  - Coñecer os sistemas e ferramentas de xestión de recursos, custos e prazos en proxectos
  - Capacidade para seleccionar a estratexia contractual máis axeitada
  - Coñecer unha metodoloxía e técnicas para a xestión de riscos en proxectos
  - Capacidade para xestionar os datos do proxecto e para redactar informes periódicos e finais de proxecto
  - Coñecer unha metodoloxía específica para a xestión dos recursos humáns do proxecto
  - Partes interesadas: capacidade para identificar as partes interesadas no proxecto e os seus intereses, e para priorizalos.
  - Capacidade para redactar o plan de xestión dun proxecto cunha visión integradora das diferentes áreas directivas (alcance, plazo, coste, calidade, …), e para realizar actividades de lanzamento e peche efectivos do proxecto.
  - Capacidade para identificar e xestionar os cambios do proxecto.
  - Capacidade para establecer modos de apreciar cando a dirección do proxecto ten sido exitosa.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

O período de prácticas en empresa dos estudantes será avaliado pola comisión académica, vistos os informes aportados polo titor e a empresa na que se destina o alumno. Ambos informes estarán a disposición dos coordinadores do Master para valorar ao alumno de modo individual, pero considerando todas as aportacións que presente no Master.
O Master plantexa de xeito directo un módulo especificamene deseñado para a realización de prácticas en empresas ou administracións públicas por parte dos alumnos, todo elo dacordo coa vocación profesional do mesmo.
As referidas prácticas en empresa deberán garantir un nivel axeitado para os traballos a realizar
polo alumno, tanto a nivel competencial como de adicación. Para elo as empresas e actividades a realizar polos alumnos serán estudiadas pola comisión académica do Master a cal, ademáis de nomear un titor, de entre o claustro de profesores do Master, dará a súa aprobación a cada programa de prácticas proposto por cada alumno, e supervisará a estadía na empresa do alumno.
Cumpre salientar que a avaliación final do alumno derivarase non só dos exames do primero módulo de materias, senón tamén do traballo realizado por o mesmo neste módulo de prácticas, a consideración da empresa onde levou a cabo a estadía, e o informe do titor académico.
Na medida en que avancen as fases de tramitación do máster iranse incorporando convenios con
empresas e outras entidades coas que se estableza a realización de prácticas ademais daquelas coas que xa existen convenios por parte das tres universidades organizadoras do mesmo. En canto a mobilidade, intentarase que os alumnos poidan asistir a seminarios específicos de formación, tanto organizados polo máster como existentes dende outros ámbitos universitarios ou empresariais.

Os alumnos realizarán un traballo de fin de Máster no que porán a proba os coñecementos adquiridos nas distintas materias. Dito traballo ademáis de supervisarse polos titores será revisado polos profesores do Máster das materias que estean mais directamente implicadas na memoria final. Establecerase unha comisión dos profesores do Máster que avaliarán de forma conxunta as aportacións do traballo.
O traballo fin de Máster pretende ser unha actividade profesional anticipada onde o alumno aplica os coñecementos adquiridos na súa formación, a un problema real e complexo. O realizar un traballo propio da xestión de proxectos deberá analizar o problema, elixir a solución mais axeitada para resolvelo, e implementar as actuacións para a posta en práctica desa solución, rematando cunha potencial avaliación dos resultados esperados.
Preténdese establecer dous itinerarios distintos no densenrolo do traballo fin de máster. Posibilitase que o alumno desenrole un proxecto fin de máster aplicado á xestión dun proxecto, coa suficiente magnitude e, preferiblemente derivado dun encargo real. Tamén se permite que o alumno desenrole un traballo ligado á investigación no ámbito da Dirección de Proxectos. Os alumnos que se acollan a esta opción poderán darlle unha maior difusión ao seu traballo, dado que poderán presentalo a un workshop interuniversitario.

Imparten docencia no Máster Oficial en Dirección de Proxectos profesores da área de Proxectos de Enxeñería da USC, cunha ampla experiencia docente e investigadora. Así mesmo participan docentes da UDC ligados ao ámbito da Dirección de Proxectos.

Ademais o máster conta coa participación de conferenciantes, de recoñecido prestixio, que expoñen as súas experiencias profesionais como directores de proxectos.