Na actualidade, ademais dos convenios xerais da USC, hai convenios específicos para a realización de prácticas por parte do alumnado da Facultade en diferentes empresas e institucións.
O estudantado tamén poderá propiciar, a través das facultades e escolas da USC, do Consello Social ou de FEUGA, a oferta de prácticas nunha determinada empresa ou entidade, sempre que non exista convenio previo con ela, e para as cales terán prioridade.
A USC ofrece ao alumnado a posibilidade de facer prácticas en empresas e outras entidades públicas e privadas como complemento á súa formación académica. Este programa ampárase nun convenio de cooperación educativa, polo que non hai vinculación laboral coa empresa onde se realizan as prácticas.
As prácticas en empresa son un medio de adquirir coñecementos, experiencia laboral e obter créditos.
O alumnado do Grao en Matemáticas deberá cursar 36 créditos optativos correspondentes a 6 materias, de 6 créditos cada unha, elixidas libremente entre 12 ofertadas (6 en cada cuadrimestre).
Os estudantes poderán obter recoñecemento académico dun máximo de 6 créditos optativos por realización de prácticas externas relacionadas co título.
Os mecanismos de recoñecemento dos créditos aos que se refiren este punto, así como os criterios de valoración e os procedementos de acreditación das competencias que se citan serán establecidos pola USC. En calquera caso, os recoñecementos deberán contar co informe da Comisión de Docencia e Asuntos Académicos da Facultade.
- Arquivo Histórico Diocesano Santiago
- Asesoría Luis Fernando SL, Vimianzo
- Asesoría Sober
- Biostatech, Advice, Training &Innivation in Biostatistics, SL
- CESGA (Centro de Supercomputación de Galicia)
- Concello de Arteixo
- Concello de Arzúa
- Concello de Cambados
- Concello de Foz
- Concello de Lugo
- Concello de Illa de Arousa
- Concello de Ribadeo
- Concello de Rianxo
- Concello de O Corgo
- Conservas Calvo
- Droga Conde
- Federación Gelega de Municipios e Provincias
- Fundación Proxecto Home Galicia
- IDIS-Fundación Ramón Domínguez
- Instituto Galego de Estatística
- INDRA Galicia
- Instituto Nacional de Estadística
- ITMATI-Instituto Tecnolóxico de Matemática Industrial
- KIDCODE
- Maquinaria Agrícola Cancela
- Meteogalicia
- Quorum
- RSME
- RS Motor Power Solutions, Porriño
- SERGAS
Existen outras vías de acceso ás prácticas:
- Consello Social. Só válidas para plans non adaptados ao EEES. O formulario de solicitude pódese atopar na sede do Consello Social e no seu web, desde onde tamén é posible a inscrición utilizando o DNI e a clave da TUI. A convocatoria ordinaria adoita ser en xaneiro. A través do formulario de adxudicación directa o estudante pode propor a empresa na que desexa realizar as prácticas.
- FEUGA. A fundación ten en marcha dous programas de prácticas en empresas:
- O Convenio de Cooperación Educativa FEUGA dirixe a súa oferta a estudantes das tres universidades galegas. Estas prácticas adoitan convocarse en maio para ser realizadas durante un período mínimo dun mes e un máximo de catro meses.
- O Plan de Bolsas FEUGA diríxese a licenciados das universidades galegas que estean nos últimos tres anos, cun máximo de 30 anos de idade, e poden acceder ás bolsas de prácticas en empresas novos titulados sen experiencia laboral. Convócanse ao longo de todo o ano e a súa duración non pode exceder 12 meses.
- As solicitudes para participar en calquera destas bolsas FEUGA deben enviarse por correo postal ou presentarse na súa sede de Santiago ou na oficina de Vigo.
- Centros e facultades. Coordinan as prácticas dos graos. Cómpre consultar os convenios que teñan subscritos. Se non existise convenio, pode propoñerse a empresa onde se vai traballar. A solicitude axustarase aos seguintes requisitos:
- A duración mínima será a que determine o centro, sendo a máxima de 500 horas.
- Cómpre presentar unha proposta que inclúa o plan de traballo que se vai realizar.
- O estudantado non poderá realizar as prácticas naquelas empresas dirixidas por persoas coas que teñan un parentesco de consanguinidade dentro do cuarto grao, ou de afinidade dentro do segundo.
- Proxecto Faro Global. Prácticas en empresas de países da Unión Europea. Iniciativa encadrada dentro do Programa Leonardo da Vinci.