Máster Universitario en Técnicas Estatísticas

Condicións de terminación:

Obrigatorias: 5
Optativas: 70
Traballo fin de máster: 15
Total: 90

O plan de estudos do mestrado non contempla especialidades, no entanto, os estudantes deberán elixir entre dous itinerarios diferentes dependendo das súas preferencias:

-Itinerario Aplicado
-Itinerario Teórico

O Itinerario Aplicado corresponderá a aqueles estudantes que desexen que a énfase estea posta nas aplicacións da estatística, sen esquecer en ningún momento o rigor matemático na presentación dos conceptos e metodoloxías. No Itinerario Teórico a presentación das distintas técnicas centrarase en profundar máis nos aspectos metodolóxicos, aínda que sen perder de vista as aplicacións. As materias optativas destes dous itinerarios configuráronse de tal xeito que se garanta que os alumnos de ambos os itinerarios desenvolvan as mesmas competencias básicas e xerais, diferenciándose nas competencias específicas.

Os estudantes deberán matricular un dos dous módulos de itinerario no primeiro semestre. Excepcionalmente, a comisión do título poderá autorizar o intercambio dalgunha materia do itinerario elixido pola correspondente do outro itinerario.

O máster, de carácter interuniversitario, proporciona formación avanzada en Estatística e Investigación operativa e na aplicación de métodos estatísticos á biomedicina, as finanzas, a enxeñaría ou a investigación social, facilitando a realización de prácticas en empresas e o acceso ao programa de doutoramento correspondente.

• Perfil de ingreso

  O mestrado ten como finalidade proporcionar unha sólida formación en estatística e investigación operativa. Esta área de coñecemento é enormemente transversal polo que o título presenta unha estrutura académica cun elevado número de materias optativas, que permitan cursar o mestrado a titulados de moi diversa procedencia. Así, recoméndase o mestrado non só a licenciados ou graduados en matemáticas ou en estatística senón a calquera titulado que acredite uns coñecementos básicos en matemáticas e estatística con motivación para a análise, visualización e modelado de datos en calquera contexto.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 5
  Optativas: 70
  Traballo fin de máster: 15
  Total: 90

• Acción titorial e acollida

  Ao comezo de cada curso académico, a Comisión do Título organiza unha xornada de acollida de novos estudantes. Ese primeiro día os coordinadores reciben os estudantes de novo ingreso nas aulas de vídeoconferencia onde se imparte o mestrado. A xornada ten por obxecto proporcionar información sobre:

  - Presentación dos coordinadores e información de contacto. Canles físicas e virtuais para comunicar incidencias, queixas ou suxestións no mestrado.

  - Instrucións para darse de alta na base de datos do título que servirá de vínculo permanente entre o profesorado e o alumno e que se usará como plataforma docente e informativa conxunta.

  - Presentación do plan de estudos e descrición das prácticas en empresas.

  - Presentación do equipamiento das aulas, en particular do equipo de vídeoconferencia e canóns de vídeo. Facilítanse instrucións de uso, así como información dos procedementos de solución de incidencias.

  - Presentación aos estudantes dos servizos que ofrece cada universidade: rede Wifi, Biblioteca, aulas de informática, etc.

  O mestrado contará cun sistema de apoio tutorial. Unha vez os estudantes matriculados, a Comisión de Título asignará un profesor titor a cada estudante que fornecerá asesoramento en todas as cuestións de índole académica (validación de estudos, cambio de matrícula, elección de prácticas, etc) que sexa necesario. Este apoio tutorial reforzará o asesoramiento que proporcionan os distintos coordinadores, e servirá de enlace entre os estudantes e estes.

  No sitio web do título canalizarase toda a información relativa ao mestrado, creando listas de difusión de información tanto académica (horarios, exames, aulas, etc) como máis xeral (ofertas de emprego, difusión de xornadas científicas de interese, foros de emprego, etc). O mestrado pon á disposición dos estudantes e egresados un grupo en Linkedin para a difusión de información de tipo profesional de interese.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Límite de prazas e criterios específicos

  Titulacións de acceso:
  Licenciados ou graduados en Matemáticas ou en Estatística e calquera titulado que acredite coñecementos básicos en Matemáticas e Estatística, con motivación para a análise, visualización e modelado de datos en calquera contexto.

  Criterios:
  • Titulación de acceso (70% - ata 7 puntos)
  o Titulacións con contidos dun grao en Matemáticas valoraranse entre 6 e 7 puntos
  o Outros títulos universitarios cun contido relativamente amplo de estatísticas descritivas e inferencia estatística valoraranse entre 5 e 6 puntos (graos en Bioloxía, Psicoloxía, Enxeñaría, Medicina, Administración e Dirección de Empresas, Economía ou outros similares).
  o Títulos de grao restantes que teñan un contido básico de estatísticas entre 3 e 4 puntos.
  • Expediente do alumno (20% - ata 2 puntos)
  • Currículo vitae del candidato (10% - ata 1 punto)

Límite de prazas e criterios específicos

Titulacións de acceso:
Licenciados ou graduados en Matemáticas ou en Estatística e calquera titulado que acredite coñecementos básicos en Matemáticas e Estatística, con motivación para a análise, visualización e modelado de datos en calquera contexto.

Criterios:
• Titulación de acceso (70% - ata 7 puntos)
o Titulacións con contidos dun grao en Matemáticas valoraranse entre 6 e 7 puntos
o Outros títulos universitarios cun contido relativamente amplo de estatísticas descritivas e inferencia estatística valoraranse entre 5 e 6 puntos (graos en Bioloxía, Psicoloxía, Enxeñaría, Medicina, Administración e Dirección de Empresas, Economía ou outros similares).
o Títulos de grao restantes que teñan un contido básico de estatísticas entre 3 e 4 puntos.
• Expediente do alumno (20% - ata 2 puntos)
• Currículo vitae del candidato (10% - ata 1 punto)

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.

  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo

  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos

  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades

  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Coñecer, comprender e saber aplicar os principios, metodoloxías e novas tecnoloxías na estatística e a investigación operativa en contextos científico-académicos, tecnolóxicos ou profesionais especializados e multidisciplinares, así como adquirir as destrezas e competencias descritas nos obxectivos xerais do título.
  - Desenvolver autonomía para identificar, modelar e resolver problemas complexos da estatística e a investigación operativa en contextos científico-académicos, tecnolóxicos ou profesionais especializados e multidisciplinares.
  - Desenvolver a capacidade para realizar estudos e tarefas de investigación e transmitir os resultados a públicos especializados, académicos e xeneralistas.
  - Integrar coñecementos avanzados e enfrontarse á toma de decisións a partir de información científica e técnica.
  - Desenvolver a capacidade de aplicación de algoritmos e técnicas de resolución de problemas complexos no ámbito da estatística e a investigación operativa, manexando o software especializado adecuado.

• Competencias específicas

  - Coñecer, identificar, modelar, estudar e resolver problemas complexos de estatística e investigación operativa, nun contexto científico, tecnolóxico ou profesional, xurdidos en aplicacións reais.
  - Desenvolver autonomía para a resolución práctica de problemas complexos xurdidos en aplicacións reais e para a interpretación dos resultados de cara á axuda na toma de decisións.
  - Adquirir coñecementos avanzados dos fundamentos teóricos subxacentes ás distintas metodoloxías da estatística e a investigación operativa, que permitan o seu desenvolvemento profesional especializado.
  - Adquirir as destrezas necesarias no manexo teórico-práctico da teoría da probabilidade e as variábeis aleatorias que permitan o seu desenvolvemento profesional no ámbito científico/académico, tecnolóxico ou profesional especializado e multidisciplinar.
  - Profundar nos coñecementos sobre os fundamentos teórico-prácticos especializados do modelado e estudo de distintos tipos de relacións de dependencia entre variábeis estatísticas.
  - Adquirir coñecementos teórico-prácticos avanzados de distintas técnicas matemáticas, orientadas específicamente á axuda na toma de decisións, e desenvolver a capacidade de reflexión para avaliar e decidir entre distintas perspectivas en contextos complexos.
  - Adquirir coñecementos teórico-prácticos avanzados de distintas técnicas de optimización matemática, tanto en contextos unipersoais como multipersoais, e saber aplicalos con autonomía suficiente nun contexto científico, tecnolóxico ou profesional.
  - Adquirir coñecementos teórico-prácticos avanzados nas técnicas destinadas á realización de inferencias e contrastes relativos a variáeis e parámetros dun modelo estatístico, e saber aplicalos con autonomía suficiente un contexto científico, tecnolóxico ou profesional.
  - Coñecer e saber aplicar con autonomía en contextos científicos, tecnolóxicos ou profesionais, técnicas de aprendizaxe automática e técnicas de análises de datos de alta dimensión (big data).
  - Adquirir coñecementos avanzados sobre metodoloxías para a obtención e o tratamento de datos desde distintas fontes, como enquisas, internet, ou contornas "na nube".

• Competencias transversais

  - Desenvolver firmes capacidades de razoamento, análise crítica e autocrítica, así como de argumentación e de síntese, en contextos especializados e multidisciplinares.
  - Desenvolver destrezas avanzadas no manexo de tecnoloxías da información e a comunicación (TIC), tanto para a obtención de información como para a difusión do coñecemento, nun ámbito científico/académico, tecnolóxico ou profesional especializado e multidisciplinar.
  - Ser capaz de resolver problemas complexos en contornos novos mediante a aplicación integrada dos coñecementos.
  - Desenvolver unha sólida capacidade de organización e planificación do estudo, asumindo a responsabilidade do seu propio desenvolvemento profesional, para a realización de traballos en equipo e de forma autónoma.
  - Desenvolver capacidades para a aprendizaxe e a integración no traballo en equipos multidisciplinares, nos ámbitos científico/académico, tencolóxico e profesional.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Non se contemplan

Para obter o título é obrigatorio realizar un Traballo Fin de Máster (TFM) de 15 créditos ECTS. Este traballo, en función do interese profesional ou académico pode elaborarse como:

1. Traballo de investigación, como primeira etapa dos estudos de doctorado do estudante.

2. Traballo académico aplicado consistente na análise, estudo e resolución de problemas con datos reais en que se deben aplicar técnicas avanzadas e actuais da estatística ou da investigación operativa.

3. Realización dun traballo ao abeiro dun convenio de colaboración cunha empresa, que poderá ter carácter presencial ou non, segundo se estabeleza na ficha do traballo fin de mestrado. Teñen como obxectivo que o alumno analice, estude e resolva na medida das súas posibilidades problemas da área da estatística ou a investigación operativa en que estean interesadas as empresas colaboradoras. A colaboración coa empresa estabelecerase mediante un convenio de colaboración educativa. Este convenio pode ser substituído por un contrato de traballo ou unha bolsa na empresa en que se realice o TFM.

O profesorado do máster está formado por persoal docente e investigador das universidades participantes, así como de outras nacionais e estranxeiras coas que se ten o correspondente convenio.