Máster Universitario en Matemáticas

Créditos ECTS que debe realizar o alumno para obter o título:
Materias obrigatorias 21 ECTS;
Materias optativas 21 ECTS;
Traballo fin de Máster 18 ECTS;
Créditos totais 60 ECTS;

Non se contemplan

Este máster pretende que o alumno complete a súa formación en distintos temas matemáticos, a través de materias de carácter interdepartamental e interdisciplinar, obtendo unha visión global e proporcionándolle unha base para cursos de capacitación profesional noutras áreas en que as matemáticas teñen unha presenza cada vez maior.

• Perfil de ingreso

  Titulados superiores en Matemáticas; titulados superiores en disciplinas científicas e tecnolóxicas con alto contido matemático.

• Número mínimo de créditos ECTS de matrícula por estudante e período lectivo

  Créditos ECTS que debe realizar o alumno para obter o título:
  Materias obrigatorias 21 ECTS;
  Materias optativas 21 ECTS;
  Traballo fin de Máster 18 ECTS;
  Créditos totais 60 ECTS;

• Acción titorial e acollida

  Durante os primeiros días de clase, e con obxecto de manter aberta de forma dinámica unha vía de comunicación permanente cos alumnos, a Comisión Académica nomeará un titor para cada un dos alumnos, que non terá que ser necesariamente o seu futuro director de tese, e cuxas funcións principais serán a de atender o seu tutorando, derivando as cuestións que este lle suscite ás canles adecuadas, e a de facer un seguimiento que permita localizar posíbeis dificultades académicas co adianto suficiente para seren corrixidas.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: matrícula directa

  Titulacións de acceso:

  -Todas as titulacións da rama de Ciencias, da rama de Ciencias da Saúde, da rama de Enxeñaría e Arquitectura e as titulacións de Economía e Administración e Dirección de Empresas.

  Información actualizada en cada convocatoria anual de matrícula.

1. Proporcionar unha formación especializada e avanzada en Matemáticas, que capacite para a incorporación a grupos de investigación competitivos ou para impartir docencia superior.
2. Introducir na investigación aos e as estudantes, como parte integrante dunha formación profunda, preparándoos para a eventual realización posterior dunha tese doutoral.
3. Formar profesionais capaces de resolver problemas de moi diversa índole no mundo da industria, da empresa e da administración utilizando a linguaxe e as ferramentas que proporciona a matemática, que lles permita o acceso a postos de traballo altamente cualificados e a incorporación a equipos multidisciplinares, especialmente os que requiran un alto nivel de destreza en formulación e resolución de problemas, capacidade de análise, síntese e pensamento abstracto.

• Competencias xerais

  1. Adquisición de ferramentas matemáticas de alto nivel para diversas aplicacións cubrindo as expectativas de graduados en matemáticas e outras ciencias básicas.
  2. Coñecer o amplo panorama da matemática actual, tanto nas súas liñas de investigación, como en metodoloxías, recursos e problemas que aborda en diversos ámbitos.
  3. Capacitar para a análise, formulación e resolución de problemas en contornas novas ou pouco coñecidos, dentro de contextos máis amplos.
  4. Preparar para a toma de decisións a partir de consideracións abstractas, para organizar e planificar e para resolver cuestións complexas.

• Competencias específicas

  a. Capacitar para o estudo e a investigación en teorías matemáticas en desenvolvemento.
  b. Aplicar as ferramentas da matemática en diversos campos da ciencia, a tecnoloxía e as ciencias sociais.
  c. Desenvolver as habilidades necesarias para a transmisión da matemática, oral e escrita, tanto no que respecta á corrección formal, como en canto á eficacia comunicativa, salientando o uso das TIC apropiadas.
  d Utilizar bibliografía e ferramentas de procura de recursos bibliográficos xenerais e específicos de Matemáticas, incluíndo o acceso por Internet.
  e Xestionar de forma óptima o tempo de traballo e organizar os recursos dispoñibles, establecendo prioridades, camiños alternativos e identificando erros lóxicos na toma de decisións.
  f Potenciar a capacidade para o traballo en contornas cooperativas e pluridisciplinarias.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

Non se contemplan

Para iniciar o Traballo de Fin de Máster será necesario superar todas as materias obrigatorias do primeiro cuadrimestre. Cada proposta de Traballo de Fin de Máster podería incluír indicacións sobre materias optativas relacionadas que sería aconsellable cursar por parte do alumno. No momento da presentación do traballo o alumno deberá ter superado todos os demais créditos necesarios para o título. O Traballo de Fin de Máster poderá ser presentado, con carácter xeral, no segundo cuadrimestre, e de forma excepcional no primeiro por alumnos matriculados a tempo parcial, con matrícula de continuación de estudos, ou con materias validadas.

O profesorado está composto por profesores que pertencen a departamentos da propia Universidade, con experiencia docente e investigadora acreditada. Unha elevada porcentaxe do profesorado ten contrastada experiencia e bo coñecemento das empresas e do mercado laboral que espera aos futuros titulados. De feito, este profesorado intensificou nos últimos anos a súa investigación matemática ligada ao tecido produtivo galego mediante convenios e contratos de investigación.