As prácticas favorecen a adquisición de competencias que preparan para o exercicio de actividades profesionais, facilitan a empregabilidade e fomentan a capacidade de emprendemento.
Poden realizarse en empresas, institucións e entidades públicas e privadas no ámbito nacional e internacional. Tamén poderán realizarse en centros da USC. As prácticas abéiranse nun convenio de colaboración educativa polo que non hai vencello laboral coa entidade colaboradora onde se realizan.
No Grao en Bioloxía (3ª edición) as prácticas son unha materia de cuarto curso, de carácter obrigatorio de 6 créditos (1 ECTS equivale a 25 horas de prácticas). Para cursala o alumno terá que ter superados un mínimo de 150 créditos.
No Grao en Bioloxía (en extinción) as prácticas son unha materia de cuarto curso, de carácter obrigatorio de 4,5 créditos (1 ECTS equivale a 25 horas de prácticas). Para cursala o alumno terá que ter superados os créditos dos dous primeiros cursos e un 70% do terceiro (requisitos recomendados na Memoria do Grao en Bioloxía) ou ter superados un mínimo de 162 créditos.
Existen dúas convocatorias de Prácticas Externas: a primeira entre os meses de maio‐xullo do curso académico anterior á realización das prácticas; e unha segunda convocatoria nos meses de xaneiro‐febreiro do curso en vigor.
Unha vez rematadas as prácticas, o alumno/a deberá entregar ao seu titor/a académico, xunto coa Memoria de prácticas, esta enquisa satisfacción sobre as prácticas recibidas.
O plan de estudos para o Grao en Biotecnoloxía contempla a realización de prácticas externas por un total de 4,5 ECTS.
As prácticas realizaranse en empresas ou entidades públicas e privadas, relacionadas cos diversos campos da biotecnoloxía (investigación e desenvolvemento, farmacéutica, sanidade, industria, xestión ambiental, agroalimentaria, agropecuaria, etc). Poderán realizarse igualmente en entidades colaboradoras ou en centros de investigación da USC.
Para cursala o alumnado terá que ter superados un mínimo de 150 créditos.
Existen dúas convocatorias de Prácticas Externas: a primeira entre os meses de maio‐xullo do curso académico anterior á realización das prácticas; e unha segunda convocatoria nos meses de xaneiro‐febreiro do curso en vigor.
Unha vez rematadas as prácticas, o alumno/a deberá entregar ao seu titor/a académico, xunto coa Memoria de prácticas, esta enquisa satisfacción sobre as prácticas recibidas.