Grao en Biotecnoloxía

• Perfil de ingreso

  Para o ingreso no Grao en Biotecnoloxía recoméndase de xeito especial que a formación do alumno sexa de perfil Científico-Tecnolóxico ou Ciencias da Saúde.

  Ademais, sería desexábel que o futuro estudante do Grao en Biotecnoloxía posúa as seguintes características persoais e académicas:

  - Interese pola resolución de problemas reais.
  - Habilidade no cálculo.
  - Capacidade de análise e síntese.
  - Curiosidade tecnolóxica.
  - Constancia e responsabilidade no traballo.
  - Capacidade de traballo en equipo.
  - Competencia en expresión oral e escrita.
  - Competencia lingüística en inglés.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC realiza, ao comezo de cada curso académico, xornadas de acollida organizadas polo Vicerreitorado con competencias en asuntos estudiantís. Estas xornadas teñen por obxecto presentar ao alumnado as posibilidades, recursos e servizos que lles ofrece a Universidade.

  O Programa A Ponte, deseñou un plan de acollida en cada centro baseado nos seguintes puntos:

  - Sesión informativa especial a cargo do equipo decanal, o primeiro día do curso, na cal se explican os detalles do funcionamento da facultade (aulas de informática, préstamo bibliotecario, salas de estudo...) e as orientacións xerais sobre o plan de estudos: normas de permanencia, exames, consellos sobre matricula, convocatorias... A esta sesión asistirá un representante do equipo reitoral que informará os novos alumnos do funcionamento da universidade en xeral e sobre todo dos seus dereitos e deberes. Esta sesión acaba coa asignación a cada grupo de dez estudantes, dun/a alumno/a titor/a que seguirá con eles durante toda a tarde e poraos ao corrente da vida académica-universitaria.
  - Sistema de titorías personalizadas. No segundo cuadrimestre de cada curso prepararase un grupo de estudantes de penúltimo ano para seren alumnos/as titores/as dos novos estudantes no curso seguinte. Neste curso de titores, impartido por persoal cualificado, dáse ao alumnado titor información completa sobre a USC en xeral e sobre o seu centro en particular, ademais de formación nas técnicas necesarias para poder orientar ao estudantado de novo acceso. A súa actividade comeza o primeiro día do curso seguinte e segue durante todo o curso académico. Na actualidade estas actividades de titorización teñen un recoñecemento de seis créditos ECTS nas titulacións de Grao segundo o artigo 12.8 do Real decreto 1393/2007.
  - Persoal administrativo con funcións de información a estudantes: responsábel da Unidade Administrativa de Apoio ao Centro e aos Departamentos, secretaría do decanato, conserxes, persoal de biblioteca.
  - Servizo de participación e integración universitaria (SEPIU), que traballa na integración de persoas con minusvalía e presta apoio para o desenvolvemento das adaptacións curriculares, e proporciona un protocolo para a integración na comunidade universitaria.
  - Área de Orientación Laboral, a través da que se ofrece orientación laboral a alumnos/as e graduados/as para a procura de emprego, información sobre recursos de interese profesional, actividades formativas en habilidades para a procura de emprego e intermediación entre as empresas e estudantes e titulados/as.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A Facultade de Bioloxía conta con 9 aulas xerais, 5 aulas-seminario, 3 aulas de informática, 2 aulas de videoconferencia, Aula Magna, Salón de Graos e Sala de Xuntas, todas equipadas con sistema de vídeo proxección; así como 9 laboratorios de prácticas equipados. Tamén se dispón de espazos na Escola Técnica Superior de Enxeñería para a impartición de prácticas.

O alumnado dispón de espazos adicionais, tales como áreas de traballo en grupo e local de alumnos.

Dende calquera punto da Facultade é posible a conexión sen fíos a Internet.

A Biblioteca de Bioloxía “ Victor López Seoane” forma parte da Biblioteca Universitaria de Santiago de Compostela ( BUSC) e no seu conxunto reúnen os recursos bibliográficos indispensables para a titulación. Consta de dúas salas de lectura (269 postos), unha sala de traballo en grupo (20 postos).

O obxectivo deste Grao é que o alumnado poida desenvolver e elaborar produtos e servizos de base biolóxica, adquirindo os coñecementos e as habilidades prácticas necesarias para traballar no eido da biotecnoloxía, no sector académico, científico ou industrial.

• Competencias básicas

  - Que os estudantes demostren posuír e comprender coñecementos nunha área de estudo que parte da base da educación secundaria xeral e adoita atoparse a un nivel que, aínda que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
  - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
  - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética
  - Que os estudantes poidan transmitir información, ideas, problemas e solucións a un público tanto especializado como non especializado
  - Que os estudantes desenvolvan aquelas habilidades de aprendizaxe necesarias para emprenderen estudos posteriores cun alto grao de autonomía

• Competencias xerais

  - Coñecer os conceptos, métodos e resultados máis importantes das distintas ramas da biotecnoloxía.
  - Aplicar os coñecementos teóricos-prácticos adquiridos na formulación de problemas e a procura das súas solucións tanto en contextos académicos como profesionais.
  - Saber obter e interpretar información e resultados relevantes e obter conclusións en temas relacionados coa biotecnoloxía.
  - Ser capaces de transmitir información tanto por escrito como de forma oral e de debater ideas, problemas e solucións relativos á biotecnoloxía, perante un público xeral ou especializado.
  - Estudar e aprender de forma autónoma, con organización de tempo e recursos, novos coñecementos e técnicas en biotecnoloxía e adquirir capacidade para traballar en equipo.

• Competencias específicas

  - Saber facer cálculos, analizar datos e interpretar resultados experimentais propios dos ámbitos da biotecnoloxía.
  - Comprender e saber aplicar os principios físico-químicos dos procesos biolóxicos con aplicación en biotecnoloxía, así como as principais ferramentas utilizadas para investigalos.
  - Coñecer e saber aplicar as técnicas instrumentais e os protocolos de traballo nun laboratorio, aplicando as normativas e técnicas relacionadas con seguridade e hixiene, xestión de residuos e calidade.
  - Ter unha visión integrada do funcionamento das células, incluíndo as súas biomoléculas, metabolismo, expresión xénica, relación entre compartimentos celulares, así como os mecanismos de comunicación e sinalización celular.
  - Saber obter e interpretar información das principais bases de datos (biolóxicas, ómicas, bibliográficas) e empregar ferramentas bioinformáticas.
  - Ser capaz de analizar e deseñar procesos industriais biotecnolóxicos e aplicalos á mellora de produtos.
  - Ter coñecementos sobre balances e transferencias de materia e enerxía, termodinámica aplicada e operacións de separación, así como saber aplicalos á resolución de problemas de enxeñaría.
  - Identificar e desenvolver as operacións unitarias da enxeñaría química integrándoas cos fundamentos biolóxicos.
  - Saber identificar os distintos tipos de virus, microorganismos e tecidos animais e vexetais, comprender o seu desenvolvemento, organización e fisioloxía, e coñecer a súa aplicación no campo da biotecnoloxía.
  - Coñecer as técnicas que permiten determinar as propiedades das proteínas e ser capaz de analizar e manipular a súa estrutura de acordo coa súa aplicación en biotecnoloxía.
  - Coñecer as bases moleculares e as técnicas de manipulación da información xénica en microorganismos, animais e plantas e saber aplicar adecuadamente as ditas técnicas nos diferentes ámbitos biotecnolóxicos.
  - Coñecer os fundamentos da bioenxeñaría celular e tisular, as posibilidades terapéuticas da medicina rexenerativa e as súas limitacións actuais, tanto técnicas como éticas.
  - Apreciar claramente as implicaciones éticas, sociais, económicas e ambientais da actividade profesional desenvolvida, así como coñecer e aplicar criterios de avaliación de riscos biotecnolóxicos.
  - Ter unha visión integrada do proceso de I+D+i e saber describir os conceptos básicos de empresa aplicándoo á empresa biotecnolóxica.

• Competencias transversais

  - Pensar de forma integrada e abordar os problemas desde diferentes perspectivas.
  - Buscar, procesar, analizar e sintetizar información procedente de diversas fontes.
  - Organizar e planificar o seu traballo.
  - Interpretar resultados experimentais e identificar elementos consistentes e inconsistentes.
  - Manter un compromiso ético.
  - Traballar en equipo.
  - Razoar críticamente.
  - Adaptación a novas situacións (resiliencia).
  - Liderado e dirección de equipos.
  - Iniciativa e espírito emprendedor

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

O plan de estudos para o Grao en Biotecnoloxía contempla a realización de prácticas externas por un total de 4,5 ECTS. O obxectivo fundamental é que o alumnado desenvolva as competencias adquiridas en materias do grao a través da súa inmersión nun contorno laboral representativo do seu contexto profesional futuro.

As prácticas serán organizadas e administradas co fin de garantir a calidade, o recoñecemento académico e o aproveitamento máis adecuado por parte do alumnado. Para iso designarase un/a titor/a externo/a, pertencente á institución en que se levan a cabo as prácticas que se coordinará cun titor/a académico/a que realizará a avaliación en función da memoria que o alumnado debe realizar e do informe emitido polo/a titor/a externo/a.

Poderán realizarse en organismos ou entidades colaboradoras, tales como empresas, entidades públicas e privadas, relacionadas co ámbito da biotecnoloxía nun sentido amplo (investigación e desenvolvemento, farmacéutica, sanidade, industria, xestión ambiental, agroalimentaria, agropecuaria, etc). Tamén poderán realizarse en instalacións da USC. Na actualidade, a Facultade de Bioloxía e a ETSE teñen acordos activos con numerosas entidades que traballan no ámbito da biotecnoloxía.

Para a obtención do título de Graduado en Biotecnoloxía é obligatorio a realización dun Traballo Fin de Grado (TFG) de 15 créditos ECTS, consistente nun proxecto ou traballo orixinal (individual ou colectivo) do estudante no ámbito da biotecnoloxía, a presentar individualmente perante un tribunal, en que se sinteticen e integren as competencias adquiridas nas ensinanzas previas do grao.

O alumno poderá realizar o TFG ao longo do cuarto curso académico do grao, sempre que non teña pendentes máis de 75 créditos para completar os estudos, excluídos os correspondentes ao Traballo Fin de Grado.

Os TFG poderán ser bibliográficos, industriais ou de investigación básica ou aplicada. Incluirá, como mínimo, tarefas de procura e revisión bibliográfica, lectura e integración de información, elaboración de esquemas, redacción e presentación.