Grao en Bioloxía

• Perfil de ingreso

  Dado que non se esixe ningunha formación previa específica, os alumnos/as poden ser admitidos na titulación de Grado de Biología si reúnen os requisitos de acceso. De todos os xeitos, recoméndase que o alumno/a haxa cursado as ramas científico-tecnolóxica ou ciencias da saúde. Dentro destes perfís, ademais da biología, resulta recomendable, pero non imprescindible, haber cursado as materias de matemáticas, física e química.

  Calidades desexables do futuro estudante do grado de Biología:

  - Capacidade de traballo
  - Capacidade de razonamiento
  - Capacidade de obter, interpretar e aplicar coñecementos
  - Espírito científico

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  Conscientes de que o estudante novo ten dificultades para asimilar e moverse no complexo entramado universitario, o Programa A Ponche, deseñou un plan de acollida en cada centro baseado nos seguintes puntos:

  - Unha sesión informativa especial a cargo do equipo decanal o primeiro día do curso na cal se explican os detalles do funcionamento da Facultade (aulas de informática, préstamo bibliotecario, salas de estudo...) e as orientacións xerais sobre o plan de estudos: normas de permanencia, exames, consellos sobre matrícula, convocatorias... A esta sesión asistirá un representante do equipo reitoral que informará aos novos alumnos do funcionamento da Universidade en xeral e sobre todo dos seus dereitos e deberes. Esta sesión acaba coa asignación a cada grupo de dez alumnos, dun alumno-titor que seguirá con eles durante toda a tarde e poñeraos ao corrente da vida académico-universitaria.
  - Sistema de titorías personalizadas: No segundo cuadrimestre de cada curso prepararase un grupo de alumnos de último ano para seren alumnos-titores dos alumnos novos no curso seguinte. Este Curso de Titores, impartido por persoal cualificado, ponos ao corrente en todo o relacionado coa USC e coa forma de tratar aos novos estudantes. Como se dixo arriba, a súa titorización comeza o primeiro día do curso seguinte e segue durante todo o curso académico.
  - Persoal administrativo con funcións de información a estudantes: Responsable da Unidade Administrativa de Apoio ao Centro e aos Departamentos, Secretaría do Decanato, Conserxes, Persoal de Biblioteca...

  A Facultade conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

A facultade de Bioloxía conta con 10 aulas de propósito xeral de distinta capacidade. Para a formación práctica, conta con 4 laboratorios de prácticas dotados de infraestrutura con capacidade para 24 persoas, 8 laboratorios de prácticas con equipamento específico para realización de prácticas nas distintas materias, con capacidade para 20 alumnos cada un e un laboratorio con equipamento e infraestrutura para a docencia práctica, con capacidade para 24 alumnos. Así mesmo, dispón de tres aulas de informática para a docencia.

Existen tamén espazos habilitados para o alumnado:

• Dúas aulas de informática de uso libre que están dotadas con ordenadores.
• Unha sala na biblioteca para a realización de traballos en equipo, con soporte informático e conexión a internet.

O centro dispón dunha biblioteca que concentra os fondos específicos desta titulación e que conta con cerca de 300 postos de lectura.

Tamén hai que destacar que desde calquera punto da Facultade é posible a conexión sen fíos a Internet.

1. Proporcionar adecuados coñecementos sobre a vida en todos os seus niveis de organización, así como das relacións que se establecen entre os distintos niveis e entre estes e o ambiente.
2. Proporcionar os coñecementos teóricos e prácticos fundamentais para poder exercer profesionalmente en ámbitos tan diversos como a docencia, a investigación, empresas de base biotecnolóxica, sanidade, xestión ambiental, entre outros.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Coñecer os conceptos, métodos e resultados máis importantes das distintas ramas da Bioloxía, incluíndo a perspectiva histórica do seu desenvolvemento.
  2. Reunir e interpretar datos, información e resultados relevantes, obter conclusións e emitir informes razoados en problemas relacionados coa Bioloxía.
  3. Aplicar tanto os coñecementos teórico-prácticos adquiridos como a capacidade de análise e de abstracción na definición e plantexamento de problemas e na busca das súas solucións tanto en contextos académicos como profesionais.
  4. Comunicar, tanto por escrito como de forma oral, coñecementos, procedementos, resultados e ideas en Bioloxía, tanto a un público especializado como non especializado.
  5. Estudar e aprender de forma autónoma, con organización do tempo e recursos, novos coñecementos e técnicas en calquera disciplina científica ou tecnolóxica.

• Competencias específicas

  1.- Coñecementos instrumentais, destrezas e habilidades
  2.- Orixe e bases moleculares da vida, células, tecidos e órganos
  3.- Análise da Biodiversidade, poboacións e ecosistemas
  4 - Bioloxía humana, herdanza e evolución
  5- Biotecnoloxía e biomedicina

Mobilidade

A mobilidade dos estudantes realízase a partir do segundo ano de estudos na titulación, en períodos cuadrimestrales ou anuais. A selección dos candidatos lévase a cabo, para cada convocatoria ou programa, por unha Comisión de Selección, composta polo decano ou decana, o vicedecano ou vicedecana responsable de programas de intercambio, o/a responsable da UAGCD e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, no seu caso, as competencias en idiomas que esixe a Universidade de destino.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional
Regulación mobilidade Facultade de Bioloxía

Prácticas

Prográmanse prácticas externas de carácter obrigatorio de 4,5 créditos. As Prácticas Externas poderán realizarse en forma de estancias en empresas, rotatorios pola Estacións de Bioloxía da USC, en Centros de Investigación da USC ou do CSIC, en Museos, Acuarios, Hospitais, etc.

Regulación Prácticas en empresas Facultade de Bioloxía

O alumnado poderá inscribirse para a realización do Traballo de Fin de Grao unha vez superados na súa totalidade os tres primeiros cursos (180 ECTS). No momento da presentación do traballo o alumnado deberá superar todos os demais créditos necesarios para a obtención do Grao, polo menos 234 ECTS. A Facultade ofertará traballos fin de grao nos dous cuadrimestres.
Regulación TFM Facultade de Bioloxía