Máster Universitario en Acuicultura

Condicións de terminación:

Obrigatorias: 30
Optativas: 54
Traballo fin de Grao: 6
Total: 90

Para obter unha especialidade, ademais de cursar 30 créditos OB, o TFM de 6 créditos e 12 créditos OP elixidos libremente de entre a oferta de materias optativas, vinculadas o non, o alumnado debe cumprir os seguintes requisitos:

Especialidade Produción Acuícola (itinerario profesional)

-Cursar as seguintes materias OP vinculadas (15 créditos):
P1073201 Diagnóstico de enfermidades
P1073204 Calidade e xestión da agua
P1073206 Xestión de empresas acuícolas
P1073208 Cultivo de microalgas e zooplancto

-Cursar 3 créditos OP de entre as seguintes materias do itinerario:
P1073202 Desenvolvemento de ferramentas de prevención e control
P1073203 Ferramentas para a análise epidemiolóxica
P1073205 Toxicoloxía e mareas tóxicas
P1073207 Calidade, procesado e trazabilidade
P1073209 Cultivo de macroalgas
P1073210 Cultivo de peixes
P1073211 Cultivo de moluscos bivalvos
P1073212 Cultivo doutros invertebrados

-Cursar a seguinte materia de especialización (24 créditos):
P1073219 Prácticas en empresa:24 ECTS

Especialidade Biotecnoloxía en Acuicultura (itinerario investigador)

-Cursar a seguinte materia OP vinculada (3 créditos):
P1073217 Deseño experimental e análises de datos

-Cursar 15 créditos OP de entre as seguintes materias do itinerario:
P1073201 Diagnóstico de enfermidades
P1073202 Desenvolvemento de ferramentas de prevención e control
P1073203 Ferramentas para a análise epidemiolóxica
P1073207 Calidade, procesado e trazabilidade
P1073208 Cultivo de microalgas e zooplancto
P1073213 Mellora xenética
P1073214 Xestión de recursos xenéticos
P1073215 Xenómica estrutural e funcional
P1073216 Aplicacións biotecnolóxicas en acuicultura
P1073217 Deseño experimental e análises de datos
P1073218 Análise filoxenética

-Cursar a seguinte materia de especialización (24 créditos):
P1073220 Iniciación á investigación

Sen Especialidade

-Cursar 30 créditos OP de entre as materias OP ofertadas, sexan vinculadas ou non

-Cursar unha das seguintes materias de especialización (24 créditos):
P1073219 Prácticas en empresa:24 ECTS
P1073221 Proxecto de desenvolvemento novidoso:
P1073220 Iniciación á investigación

O máster proporciona ao alumnado coñecementos e destrezas para deseñar e realizar investigación en acuicultura e dar respostas profesionais de deseño e xestión de instalacións continentais e mariñas, avaliación de impacto ambiental e necesidades I+D+i para o desenvolvemento da industria acuícola. É un máster interuniversitario coas universidades de A Coruña e Vigo.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 30
  Optativas: 54
  Traballo fin de Grao: 6
  Total: 90

• Acción titorial e acollida

  Todos os centros onde se imparta o mestrado terán programas personalizados de acollida, titoría e orientación, de acordo coas directrices do Plan de Acción Tutorial das titulacións.

  A facultade conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: Máster con límite de prazas e criterios específicos.
  Titulacións de Acceso por orde de preferencia:
  Nivel 1 de preferencia:
  - Licenciado ou Graduado en Bioloxía
  - Licenciado ou Graduado en Ciencias do Mar
  - Licenciado ou Graduado en Veterinaria
  - Licenciado ou Graduado en Ciencias Ambientais

  Nivel 2 de preferencia:
  - Licenciado ou Graduado en Química
  - Licenciado ou Graduado en Farmacia
  - Licenciado ou Graduado en Enxeñaria Agroforestal

  Nivel 3 de preferencia:
  - Licenciado ou Graduado en CC. Experimentais

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
  De non posuir algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  Criterios específicos de selección:

  -Expediente académico (ponderación 30%)
  -Ter cursado as seguintes materias (ponderación 5%): bioquímica, fisioloxía, xenética, microbioloxía, zooloxía, botánica
  -Coñecemento demostrado de inglés (10%)
  -Curriculum completo (25%)
  -Experiencia profesional (15%)
  -Experiencia investigadora (15%)

  Mais información na convocatoria anual de matrícula

Este Máster foi deseñado para proporcionarlle ao estudante unha formación avanzada, específica e multidisciplinar orientada á formación académica, investigadora e profesionalizante en acuicultura. Proporcionaralle ao estudante os coñecementos, destrezas e aptitudes básicos que lle permitirán deseñar e levar a cabo investigacións no campo da acuicultura, deseñar, xestionar e controlar instalacións continentais e mariñas, avaliar o seu impacto ambiental e responder ás necesidades de i+D+i do sector, implementando estratexias que permitan o futuro desenvolvemento da industria acuícola

• Competencias xerais

  - Adquisición de capacidades de análise e prospección sobre a situación actual e futura da acuicultura.
  - Apreciar a importancia do debate e traballo en equipo, a comunicación interpersoal e a responsabilidade.
  - Valorar a importancia das análises multidisciplinares e a relación entre coñecementos para a resolución de problemas e análise de puntos críticos.
  - Empregar as terminoloxías científicas adecuadas.
  - Redactar e defender informes profesionais e publicacións científicas, fomentando a expresión audiovisual, oral e escrita.
  - Atopar as fontes de información e bases de datos necesarias; consultalas e analizar e sintetizar documentos.
  - Contribuír a incrementar o coñecemento formulando e desenvolvendo proxectos de investigación e cultivo.
  - Potenciar o manexo de idiomas estranxeiros.
  - Aplicar un pensamento crítico, lóxico e creativo.
  - Adquirir capacidade para traballar de forma individual no deseño experimental, demostrando autonomía no traballo de laboratorio.

• Competencias específicas

  - Diagnosticar, previr e controlar enfermidades.
  - Realizar controis de calidade e trazabilidade.
  - Controlar todos os factores fisiolóxicos, metabólicos, inmunolóxicos, ambientais, de alimentación..., que afectan o benestar, e implementar os procesos de reprodución, produción, mantemento e patoloxía de especies clave e especies potenciais en acuicultura.
  - Asimilación da importancia da calidade da auga e da súa supervisión.
  - Coñecemento do ciclo biolóxico e aspectos fisiolóxicos e morfolóxicos dos animais e algas de cultivo.
  - Desenvolver e coñecer as técnicas de cultivo de peixes, moluscos, outros invertebrados, de algas e cultivos auxiliares.
  - Adquirir coñecementos sobre as características técnicas e de deseño das instalacións para o cultivo.
  - Previr o potencial impacto ambiental.
  - Organizar a produción asegurando a súa viabilidade.
  - Identificar obxectivos relevantes de investigación e planificar a súa consecución.
  - Adquirir os coñecementos básicos e aplicados de xenética, xenómica e proteómica aplicada á acuicultura.
  - Coñecer as técnicas utilizadas para avaliar o estado do sistema inmunitario así como a metodoloxía utilizada para determinar os efectos da dieta, estrés, inmunoestimulantes e inmunización sobre o sistema inmunitario.
  - Identificar e aplicar a normativa internacional, estatal e comunitaria aplicable á acuicultura

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Para aqueles alumnos do Máster que desexen realizar estudos doutros cursos ou másteres, a Comisión Académica do Máster, co visto bo do Titor do alumno, facilitará a mobilidade dos estudantes e encargarase de establecer os criterios de recoñecemento dos estudos cursados.
A Facultade de Bioloxía da USC, a facultade de Bioloxía da UVIGO e a Facultade de Ciencias da UDC, participan activamente nos programas de mobilidade de estudantes, fundamentalmente no marco dos programas para o intercambio de estudantes: SICUE (Sistema de Intercambio entre Centros Universitarios Españois) con universidades españolas e Sócrates-Erasmus para as europeas. Doutra banda, mediante o programa ISEP (Internacional Student Exchange Programme), as becas MAE (do Ministerio de Asuntos Exteriores) e programas de cooperación propios das Universidades, as Facultades teñen convenios para o intercambio de alumnos con diversas universidades americanas.

Prácticas

A materia Prácticas en Empresa é optativa da titulación, pero optativa vinculada (obrigatoria) para a especialidade profesionalizante Produción Acuícola.

O mestrado, na actualidade (a través de convenios específicos entre as tres universidads galegas e as institucións/empresas correspondentes) ten asinados convenios de colaboración con 5 centros (entidades oficiais) de investigación/formación en cultivo (todos os centros do IEO a nivel nacional e 3 da Xunta), o Clúster de Acuicultura de Galicia, o Clúster de Acuicultura de Andalucía (CTAQUA), dous centros tecnolóxicos nacionais e un en Chile, 4 Grandes empresas de piscicultura de Galicia, 1 española e 3 internacionais, varias pequenas/medianas empresas/confrarías de moluscos, e anualmente se formalizan novos convenios con outras empresas que, poucos a pouco, van sabendo da nosa oferta de alumnos en prácticas, o que resulta atractivo en sentido recíproco. Isto permítenos ofertar anualmente entre 1,5 e 2 veces máis postos de prácticas que alumnos candidatos para a materia de Prácticas en Empresa, e entre 1 e 1,5 para alumnos de Iniciación á Investigación.

O Traballo de Fin de Máster constará da exposición e defensa pública dun traballo, tutorizado por un profesor do máster que recolla as competencias que o alumno adquiriu cursando o máster. Para iso utilizará como base: 1) o traballo de investigación realizado nun centro de investigación dirixido por un profesor do máster, 2) as prácticas realizadas nunha empresa do Sector, ou 3) o proxecto de desenvolvemento novidoso, segundo a opción que elixise o alumno.

Profesorado experto en cada área, das tres Universidades Galegas participantes, así como dos centros de Investigación aplicada en Acuicultura, empresas do Sector (nacionais e estranxeiras), o Clúster de Acuicultura e do Instituto Galego de Formación en Acuicultura (IGaFA), entre outros.