Máster Universitario en Bioloxía Mariña

Créditos que deberá cursar o alumno para obter a titulación:
Obrigatorios 42
Optativos 18
Prácticas Externas Obrigatorias 6
Traballo Fin de Máster 24
Total 90

Non se contemplan

O máster, de carácter interuniversitario, ten un dobre obxectivo: proporcionar coñecementos de base e de perfeccionamento para profesionais en tarefas relacionadas coa Bioloxía Mariña, e formar persoal investigador para a súa incorporación a centros científicos ou equipos de investigación de organismos públicos, privados ou de empresas.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:
  Obrigatorios 42
  Optativos 18
  Prácticas Externas Obrigatorias 6
  Traballo Fin de Máster 24
  Total 90

• Acción titorial e acollida

  Plan de accion titorial

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios específicos

  Titulacións de acceso por orde de preferencia:

  1º- Bioloxía e Ciencias do Mar
  2º- Titulacións de Ciencias Experimentarias ou Ciencias da Saúde.

  Criterios de Selección

  a) Curriculum vitae: até o 90% da nota

  -Expediente Académico: até o 65% do CV
  Titulacións de preferencia 1= nota media x1%
  Titulacións de preferencia 2= nota media x2%
  -Experiencia investigadora : até o 15% do CV
  -Experiencia profesional relativa á bioloxía: até o 15% do CV
  -Outros méritos: 5% do CV

  b) Carta de interés: hasta el 10% de la nota

  -Declaración personal de interés: hasta el 5% da nota (extensión mínima de 200 palabras)
  -Carta de recomendación: hasta el 5% de la nota (escrita preferentemente por un ex-profesor del alumno)

  Consultar a información actualizada en cada convocatoria anual de matrícula.

Obxectivos xerais do título:

A especial vinculación da Comunidade Autónoma de Galicia co medio mariño demanda a formación de especialistas que poidan facerse cargo da avaliación, xestión e correcta valoración da diversidade e dos recursos mariños dun área xeográfica determinada, garantindo a súa conservación dentro do marco xurídico vixente. Así mesmo, é igualmente imprescindible a formación de persoal dedicado a desenvolver tarefas docentes e investigadoras no campo da bioloxía mariña.

Obxectivos específicos do título:

a) Proporcionar aos alumnos as técnicas e ferramentas máis recentes e novas para deseñar e executar traballos experimentais, así como para analizar, e avaliar problemas teóricos e prácticos relacionados co ámbito da bioloxía mariña.
b) Formalos en capacidades e competencias que permitan a súa integración en departamentos de I+D+ i ou centros de investigación doutras institucións tanto públicas como privadas.
c) Dotalos dos coñecementos fundamentais na xestión sostible dos recursos mariños.
d) Dotalos de ferramentas complementarias xerais que lles serán de utilidade no futuro noutras áreas biolóxicas e biotecnolóxicas relacionadas coa conservación e xestión do medio mariño.

Conseguir estes obxectivos leva parello obter unha serie de coñecementos e adquirir unha serie de habilidades e destrezas. Entre os coñecementos que os alumnos poden adquirir neste programa, destacan aqueles sobre:
a) Organización, estrutura, funcionamento e métodos de estudo de organismos e ecosistemas mariños.
b) Avaliación e métodos de estudo de procesos contaminantes e outras agresións ao medio mariño.
c) Resposta dos ecosistemas mariños á actividade antropogénica.
d) Técnicas de análise molecular e as súas aplicacións en acuicultura, pesqueiras, trazabilidade, conservación e evolución.
As habilidades e destrezas que os estudantes poderán adquirir serán diversas. De forma xeral pódense destacar que recibirán instrucción sobre:
a) Procura e utilización de bibliografía científico-técnica.
b) Manexo de software básico para a análise de datos e a avaliación de procesos.
c) Manexo de instrumental para a mostraxe de comunidades naturais e cuantificación de variables ambientais. Aplicación de técnicas de tratamento estatístico de datos.
d) Redacción e elaboración de informes técnicos e artigos científicos.
e) Emprendemento de iniciativas e toma de decisións relacionadas con impactos ambientais nos ecosistemas mariños.

• Competencias xerais

  1. Desenvolvemento das capacidades comprensivas, de análises e sínteses.
  2. Utilización de criterios e métodos científicos na formulación e resolución de problemas.
  3. Desenvolvemento de capacidades para aplicar coñecementos a contornas novas, especialmente en contextos multidisciplinares.
  4. Desenvolvemento das capacidades de traballo en equipo.
  5. Procura, análise e integración de información a partir de diferentes fontes e capacidade para a súa interpretación e avaliación.
  6. Aprendizaxe de diversas técnicas e métodos analíticos tanto no medio natural como no laboratorio.
  7. Desenvolvemento de habilidades no manexo e tratamento de ferramentas, matemáticas, estatísticas e informáticas.
  8. Desenvolvemento da habilidade de elaboración, presentación e defensa de traballos e informes técnicos.

• Competencias específicas

  Competencias específicas: coñecemento
  A. Coñecemento físico-químico do medio oceánico e costeiro.
  B. Coñecemento da diversidade dos organismos vivos nos ecosistemas mariños, a súa diversidade xenética e as súas estratexias adaptativas.
  C. Coñecemento e comprensión da importancia das interaccións dos organismos mariños e o seu hábitat.
  D. Comprensión do funcionamento dos ecosistemas mariños e costeiros a nivel de poboacións, comunidades e ecosistemas.
  E. Coñecemento da metodoloxía de investigación en oceanografía biolóxica.
  F. Coñecemento das técnicas de obtención, rexistro, procesado, validación e análise de datos no medio natural e no laboratorio.
  G. Coñecemento da problemática e os principios da sustentabilidade en relación coa utilización e explotación do medio mariño.
  H. Coñecemento dos principais índices biolóxicos utilizados como ferramentas no control da calidade do medio mariño.
  I. Coñecemento de especies mariñas de interese económico, as súas características e propiedades.
  J. Coñecemento do potencial biotecnolóxico dos organismos mariños.
  K. Coñecementos de cartografía e teledetección aplicados ao medio mariño
  Competencias específicas: habilidades
  A. Deseño e planificación dos usos do litoral e do medio mariño e xestión sostible dos recursos.
  B. Conservación e restauración da diversidade biolóxica nos ecosistemas mariños e costeiros.
  C. Manexo de técnicas instrumentais aplicadas ao medio mariño.
  D. Catalogación, cartografía, avaliación, conservación, restauración e xestión de recursos naturais e biolóxicos do medio mariño.
  E. Identificación e avaliación de contaminación orgánica, inorgánica e radioactiva no medio mariño.
  F. Identificación e avaliación de impactos ambientais no medio mariño. Diagnóstico e solución de problemas. Identificación e avaliación de indicadores de calidade ambiental no medio mariño.
  G. Dirección e realización de análise de biotoxinas mariñas.
  H. Deseño, planificación, desenvolvemento, control e xestión de centros de recuperación de especies mariñas contaminadas e/ou ameazadas.
  I. Deseño, planificación, desenvolvemento, dirección e xestión de instalacións de acuicultura.
  J. Planificación, dirección, xestión e desenvolvemento de departamentos de calidade, medio ambiente e seguridade de conserveiras, industrias pesqueiras e depuradoras.
  K. Control de calidade de augas en plantas de produción acuícola e depuradoras.
  L. Análises microbiolóxicas da auga e de patoloxías de organismos mariños.
  M. Dirección técnica na análise da comunidade microbiana no medio mariño.
  N. Deseño, planificación, desenvolvemento, dirección e xestión de acuarios e museos relacionados co medio mariño.
  O. Participación en programas de formación e divulgación de coñecementos relacionados coa bioloxía mariña e os medios mariño e litoral.
  P. Impartición de docencia no ámbito científico nos diferentes niveis educativos.
  Q. Planificación, dirección e redacción de informes técnicos sobre cuestións mariñas.
  R. Realización de estudos e informes de caracterización económica e social da actividade produtiva pesqueira e marisqueira para entidades públicas e privadas.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

Debido ao duplo perfil do máster, a Comisión Académica proporá diferentes opcións para a realización de prácticas externas vinculadas pola temática coa orientación do máster cursada, que permitirán que o alumno desenvolva un itinerario profesionalizante ou académico/investigador. Mediante estas prácticas externas preténdese promover a análise crítica mediante a visualización desde o mundo "real" dos problemas prácticos e cotiáns que xorden dentro do campo das empresas e os laboratorios mariños.

Os alumnos que opten polo perfil profesional poderán realizar as súas prácticas en empresas do sector mariño.

O alumno debe realizar un Proxecto Fin de Máster no que realice un traballo relacionado con algún dos aspectos tratados no Máster. Resulta un traballo de síntese dos coñecementos adquiridos e ademais favorece a planificación e estruturación dun proxecto, co cal o alumno debe organizar, baixo a supervisión do titor específico TFM, a estrutura e organización dos contidos e resultados obtidos. Se o perfil seleccionado é académico-investigador, o titor debe ser un Doutor designado pola Comisión Académica do Máster.

O máster conta cun amplo elenco de profesionais e profesores de recoñecido prestixio no ámbito de Bioloxía Mariña a nivel nacional e internacional.