Máster Universitario en Biodiversidade Terrestre: Caracterización, Conservación e Xestión

Condicións de terminación:

Obrigatorias: 36
Optativas: 33
Prácticas externas 12
Traballo fin de máster: 9
Total: 90

Non se contemplan

Este Master vai dirixido a Licenciados/graduados/enxeñeiros en Bioloxía, Ciencias Ambientais, Enxeñería Forestal e do Medio Natural, Enxeñería Agrícola e Agroalimentaria, Farmacia, Química, Veterinaria e Ciencias do Mar.

A Comisión Académica Interuniversitaria será a encargada de valorar a admisión de alumnado doutras titulacións de ciencias (no caso de existir prazas dispoñibles), indicando de ser necesario, a necesidade de cursar complementos formativos (que serían materias dos Graos en Bioloxía da UDC, USC ou UVigo).

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 36
  Optativas: 33
  Prácticas externas 12
  Traballo fin de máster: 9
  Total: 90

• Acción titorial e acollida

  O día de inicio do Máster o coordinador explicará nunha sesión informativa ao alumnado os seus obxectivos xerais e as competencias e destrezas que se deberán atinxir coa formación obtida.

  A Comisión Académica nomeará un titor para cada un dos alumnos, que fará un seguimento dos seus estudos e asesorarao naquelas cuestións que o requiran.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: Criterios xerais

  Titulacións de acceso por orde de preferencia:

  1º): Titulacións de Bioloxía.

  2º): Titulacións de Ciencias Ambientais, Enx. Agrícola e Agroalimentaria, e Enx. Forestal e do Medio Natural.

  3º): Titulacións de Ciencias do Mar, Farmacia, Química, e Veterinaria, así como outras titulacións de ciencias que acorde a Comisión Académica Interuniversitaria.

  Información actualizada en cada convocatoria de matrícula

Un obxectivo específico deste mestrado é a inserción laboral nas administraciós públicas ou nas empresas consultoras ambientais que traballan para elas. Ao mesmo tempo, contempla un itinerario para formar futuros investigadores.

• Competencias básicas

  - Posuír e comprender coñecementos que aporten unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo.
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades.
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Adquisición da capacidade de análise sobre a situación actual e futura da biodiversidade
  Adquisición de la capacidad de análisis sobre la situación actual y futura de la biodiversidad
  - Uso da terminoloxía adecuada.
  - Empregar fontes de información e bases de datos necesarias para contribuír o análise e xerar información específica.
  - Redactar informes profesionais e publicacións científicas
  - Contribuír ao desenvolvemento do coñecemento no ámbito da biodiversidade.

• Competencias específicas

  - Coñecemento dos principios de funcionamento dos Sistemas de Información Xeográfica e as súas posibilidades na planificación e xestión do medio natural.
  - Capacidade para aplicar análise estatística á caracterización global das respostas das comunidades aos factores ambientais.
  - Capacidade para deseñar e realizar adecuadamente mostraxes e experimentos, e interpretar correctamente os resultados.
  - Adquirir coñecementos para a avaliación de riscos no medio natural e para a súa prevención.
  - Coñecer e saber aplicar a metodoloxía para o seguimento de poboacións naturais e recoñecer, de ser o caso, o grao de ameaza dunha especie, ou ben o seu potencial invasor.
  - Coñecer as técnicas de identificación dos organismos e as tipoloxías de interaccións biolóxicas.
  - Saber recoñecer os diferentes hábitats e o seu estado de conservación
  - Coñecer os aspectos xeolóxicos, xeomorfolóxicos e edafolóxicos relevantes para comprender a biodiversidade.
  - Coñecer os principais factores de degradación de ecosistemas acuáticos e terrestres, e as estratexias de restauración.
  - Identificar, avaliar e prever os efectos dos cambios ambientais sobre os diferentes compoñentes da biodiversidade
  - Coñecer os factores sociais, económicos e legais implicados na conservación da biodiversidade
  - Capacidade para elaborar estudos de impacto ambiental.
  - Capacidade para comunicar información relativa a biovidersidade.
  - Capacidade de análise de situacións empresariais.
  - Coñecer as bases para a elaboración de plans de xestión de espazos naturais protexidos e redes de reservas.

• Competencias transversais

  - Capacidade de análise y síntese.
  - Capacidade para o razoamento, argumentación e toma de decisións.
  - Capacidade para traballar en grupo e abarcar situacións problemáticas de forma colectiva.
  - Capacidade para obter información adecuada, diversa e actualizada en distintos idiomas.
  - Compromiso de veracidade da información que ofrece aos demais.
  - Capacidade para resolver problemas mediante a aplicación integrada dos coñecementos.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

A Facultade de Bioloxía da USC conta cun membro do equipo de dirección do centro para asumir as funcións de responsábel académico de mobilidade (RAM), que, de acordo coa normativa vixente, convocará e presidirá as comisións de selección de estudantes naqueles procesos que así se determinen. Ademais velará por que se cumpra a aplicación das normas e criterios establecidos nos distintos programas de mobiliade e recibirá os estudantes procedentes doutras universidades para dirixilos aos respectivos coordinadores, verificando que estes cumpren coa obriga de tutelar os estudantes universitarios.

Prácticas

As Prácticas en Empresa constan de 12 créditos de carácter obrigatorio e están orientadas a completar a formación do alumnado así como a facilitar o seu acceso ao mundo profesional.

Estas prácticas xestiónanse de modo que se garante a calidade, o recoñecemento académico e o seu correcto aproveitamento. Así,cada alumna/o conta cun titor externo pertencente á entidade en que realizan as prácticas, e cun titor académico que se coordina co externo para planificaren as prácticas e que avalía o alumno en función da memoria que presente xunto co informe emitido polo titor externo. Na actualidade, as facultades implicadas, teñen xa convenios en activo con diversas entidades do sector.

O Traballo Fin de Máster (TFM), consta de 9 créditos obrigatorios e será regulado de acordo coa normativa vixente da USC.

Xa que logo, realizarase baixo a tutela dun/ha profesor/a do mestrado. A Comisión Académica do máster poderá designar un co-titor, ou excepcionalmente dous co-titores se así o ve oportuno.

O TFM só poderá ser defendido e avaliado unha vez que o estudante superou todos os créditos necesarios para obter o título de máster, agás os correspondentes ao propio traballo.

O equipo docente deste Master está formado por profesorado das tres universidades participantes (UDC, USC e Uvigo). Por outra banda, contémplase a posibilidade de que profesionais externos ás tres Universidades poidan colaborar na docencia do máster de ser necesario.