Grao en Bioloxía (3ª edición)

• Perfil de ingreso

  Recoméndase que o alumno/a cursara o Bacharelato de Ciencias. Dentro deste perfil, ademais da Bioloxía, sería recomendable ter cursado Matemáticas, Física, Química, Xeoloxía e Ciencias da Terra e do Medio Ambiente.
  As cualidades desexables do futuro estudante do grao de Bioloxía son:
  • Capacidade de traballo.
  • Capacidade de razoamento.
  • Capacidade de observación, análise, interpretación e síntese.
  • Capacidade de obter, interpretar e aplicar coñecementos.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos: libre cun máximo de 75 créditos.

• Acción titorial e acollida

  • Páxina web: https://www.usc.gal/es/centro/facultad-biologia
  • Iniciativas de información e promoción das titulacións impartidas no centro.
  • Accións como a xeración de noticias e reportaxes, a creación de contido de promoción na páxina web da facultade, ou a potenciación da información difundida a través dos buscadores máis comúns, en prensa virtual ou en redes sociais (Facebook, Instagram, Twitter etc.).
  • Apoio a estudantes do Manual de Procesos do SGC da Facultade de Bioloxía. Devandito proceso organiza aqueles encamiñados a orientar ao estudante sobre calquera cuestión que poida ser relevante, por exemplo información sobre saídas profesionais ou a posibilidade de reforzar a súa formación mediante mobilidade.
  A Facultade de Bioloxía non dispón dun plan de acción titorial (PAT) a nivel de facultade, pero devandito plan está en desenvolvemento neste momento.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:
  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  As probas de acceso ás tres universidades galegas (Avaliación de Bacharelato para o acceso á Universidade (ABAU) e para persoas maiores de 25 e 45 anos) están organizadas pola Comisión Interuniversitaria de Galicia (CIUG). Para solicitar praza, o alumnado debe cumprir algúns dos seguintes requisitos de acceso establecidos no artigo 3 do RD 412/2014:
  • Ter un título de bacharelato ou equivalente e superar a proba de acceso á universidade.
  • Cumprir os requisitos esixidos para o acceso á universidade nos sistemas educativos de Estados membros da Unión Europea ou de outros Estados cos que España teña subscrito acordos internacionais nesta materia.
  • Ter superada a proba de acceso á universidade para maiores de 25 anos, para maiores de 40 anos con experiencia laboral ou profesional ou a proba para maiores de 45 anos.
  • Posuír un título de técnico superior de formación profesional, ensino de artes plásticas e deseño ou de técnico deportivo superior, ou títulos equivalentes.
  • Ter un título universitario oficial de grao, máster ou un título dos correspondentes á anterior ordenación do ensino universitario (diplomado universitario, arquitecto técnico, licenciado, arquitecto, enxeñeiro) ou títulos equivalentes.
  • Ter cursados estudos universitarios parciais estranxeiros ou españois, ou que, ó finalizar os estudos universitarios estranxeiros, non teñan obtido a súa homologación en España e queiran continuar estudos nunha universidade española. Neste suposto, será requisito indispensable que a universidade correspondente recoñeza a lo menos 30 créditos ECTS.
  • Estar en condicións de acceder á universidade segundo ordenacións educativas anteriores á Lei Orgánica 8/2013, non incluídas nos apartados anteriores.
  De maneira xeral existen as seguintes vías de acceso á Universidade:
  • Proba de acceso á universidade (ABAU): Unha vez terminado o bacharelato, para poder acceder a un grao universitario débese superar a Avaliación de Bacharelato para o acceso á Universidade.(ABAU) .
  • Acceso desde a Formación Profesional: Se se dispón dun título oficial de técnico superior de formación profesional, de técnico superior de artes plásticas e deseño ou de técnico deportivo superior, ou títulos, diplomas ou estudos declarados equivalentes ou homologados no sistema educativo español, pódese acceder a estudar unha titulación de grao na universidade. As solicitudes ordenaranse segundo a nota media do título de técnico superior realizado sobre un máximo de 10. Se se desexa mellorar a nota de admisión aos estudos de grao, pódese facer a proba da parte voluntaria da ABAU. Mellora nota de acceso desde FP
  • Proba de acceso para maiores de 25 anos: Poden facer esta proba as persoas que sexan maiores de 25 anos de idade no ano en que se celebre a proba e que non teñan ningunha titulación académica que dea acceso á universidade por outra vía.
  • Maiores de 45 anos: Os maiores de 45 anos de idade poden estudar titulacións oficiais de grao despois de superar unha proba de acceso adaptada.
  • Acceso maiores de 40: mediante validación da experiencia laboral.
  O acceso de maiores de 40 anos ao Grao en Bioloxía mediante validación da experiencia profesional realizarase considerando os perfís profesionais idóneos e a entrevista de carácter persoal.
  Por parte da Universidade estableceuse a seguinte relación de familias profesionais e niveis con acceso ao grao en Bioloxía:
  Relación de familias profesionais e niveis con acceso ao grao
  • Industrias alimentarias: Nivel 3.
  • Química: Nivel 2 e 3.
  • Sanidade: Nivel 2 e 3.
  • Seguridade e Medio Ambiente: Nivel 2 e 3.

O obxectivo principal do Grao en Bioloxía é formar profesionais con unha base fundamental de coñecementos sobre esta disciplina e unha visión xeral do papel da ciencia na sociedade actual. Ademais, o Grao en Bioloxía ten como propósito formar profesionais con unha actitude científica na interpretación do noso entorno e unha formación no campo da experimentación biolóxica e de destrezas/habilidades/competencial sólida, que lles permita recoñecer e analizar novos problemas no ámbito da Bioloxía, planear estratexia para solucionalos, e garantir con elo a súa incorporación no exercicio profesional.
Obxectivos formativos das mencións
Mención en Bioloxía Biosanitaria: Ten unha clara orientación sanitaria/biomédica e está centrada no estudo do funcionamento do corpo humano. O obxectivo de esta mención é iniciar o proceso de formación de profesionais capacitados para, entre outros, realizar asesoramento científico-técnico no campo da Biomedicina, ensinar e transmitir a públicos especializados e non especializados coñecementos relacionados co campo biosanitario, traballar na investigación Biomédica, laboratorios clínicos, clínicas de reprodución asistida, investigación/desenvolvemento/control de procesos biotecnolóxicos, industria farmacéutica/química/agroalimentaria ou nutrición/dietética.
Mención en Bioloxía Ambiental: Ten como obxectivo la formación de profesionais capacitados, entre outros, para a identificación, estudo e clasificación dos seres vivos incluídos na nosa biosfera, conservar esta biodiversidade, analizar as relacións entre as diferentes especies e as súas adaptacións ó medio abiótico e a súa organización en estruturas superiores (ecosistemas), planificar/xestionar/explotar/conservar estas poboacións, ecosistemas e recursos naturais terrestres e mariños, ou realizar informes técnicos para avaliar as consecuencias que un determinado proxecto, instalación ou actividade humana causa sobre o medio ambiente.

• Competencias

  Com01 - Que os estudantes demostraran posuír, comprender e utilizar os coñecementos das distintas áreas da bioloxía, incluíndo algúns aspectos da vangarda do seu campo de estudo.
  Comp02 - Que os estudantes desenvolveran aquelas habilidades de aprendizaxe necesarias para emprender estudos posteriores con un alto grao de autonomía.
  Comp03 - Que los estudantes saiban aplicar os seus coñecementos ao seu traballo ou vocación de unha forma profesional e posúan as capacidades que adoitan amosarse por medio da elaboración e defensa de argumentos e a resolución de problemas dentro da súa área de estudo.
  Comp04 - Coñecer e saber aplicar as técnicas instrumentais, e deseñar protocolos de traballo no laboratorio e no campo, aplicando a normativa e as técnicas apropiadas relacionadas coa seguridade, hixiene, xestión de residuos, calidade e desenvolvemento sostible.
  Comp05 - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética.
  Comp06 - Ser capaces de transmitir información tanto por escrito como de forma oral e de debater ideas, problemas e solucións relativos á Bioloxía, ante un público xeral ou especializado.
  Comp07 - Ser capaz de integrarse en equipos interdisciplinares e aplicar os coñecementos teórico-prácticos para resolver problemas complexos, participar en proxectos científico-técnicos ou clínicos do ámbito biosanitario e garantir a saúde e o benestar.
  Comp08 - Coñecer e saber aplicar as técnicas, principios e procesos básicos para avaliar o estado de conservación dos ecosistemas e propoñer solucións en escenarios de cambio global, como criterio central na consecución dos obxectivos de Desenvolvemento sostible.

• Habilidades e destrezas

  H/D01 - Aplicar de xeito integrado os coñecementos teóricos-prácticos adquiridos na transmisión da información/ideas e na formulación e resolución de problemas, tanto en contextos académicos como profesionais.
  H/D02 - Saber obter e interpretar información relevante e resultados experimentais e obter conclusións en temas relacionados coa bioloxía.
  H/D03 - Estudar e aprender de forma autónoma, con organización de tempo e recursos, novos coñecementos e técnicas en Bioloxía.
  H/D04 - Propor, aplicar e interpretar modelos matemáticos e métodos estatísticos no ámbito da Bioloxía.
  H/D05 - Desenvolver a capacidade de obter, manexar, conservar, identificar e clasificar espécimes biolóxicos, así como os seus restos e rastros.
  H/D06 - Saber describir, analizar e interpretar o medio físico e a súa relación cos seres vivos.
  H/D07 - Capacidade para buscar, procesar, analizar e sintetizar información procedente de diversas fontes, incluíndo o emprego de TICs no ámbito da Bioloxía.
  H/D08 - Capacidade para o razoamento, a argumentación e o pensamento crítico.
  H/D09 - Capacidade para organizar e planificar o traballo.
  H/D10 - Capacidade para traballar no grupo e abarcar situacións problemáticas de maneira colectiva.
  H/D11 - Capacidade para elaborar e presentar un texto organizado e comprensible, reflexando axeitadamente as fontes de información empregadas.
  H/D12 - Capacidade para realizar unha exposición en público de forma clara, concisa e coherente.
  H/D13 - Manter un compromiso ético, así como un compromiso coa igualdade e a integración.
  H/D14 - Iniciativa, creatividade, espírito emprendedor e adaptación a novas situacións (resiliencia).

• Coñecementos

  Con01 - Coñecer os conceptos, métodos e resultados máis importantes das distintas ramas da Bioloxía.
  Con02 - Coñecer e comprender os principios físico-químicos da Bioloxía.
  Con03 - Coñecer a orixe da vida, os mecanismos da herdanza e a súa avaliación.
  Con04 - Coñecer a diversidade dos seres vivos e os ciclos biolóxicos, así como desenvolver a capacidade de analizar e interpretar as súas adaptacións ao medio.
  Con05 - Coñecer a estrutura das biomoléculas, as súas propiedades fisicoquímicas e relacionalo coas súas funcións, integrando os distintos niveis de organización dos seres vivos.
  Con06 - Comprender os principios da bioenerxética e biosinalización, e coñecer as principais rutas metabólicas e a súa regulación, así como o fluxo da información xenética e bioquímica nos seres vivos.
  Con07 - Coñecer e comprender a estrutura e a función de virus, células procariotas e eucariotas.
  Con08 - Coñecer e comprender o desenvolvemento, morfoloxía e anatomía dos seres vivos.
  Con09 - Comprender e integrar o funcionamento e regulación dos principais procesos fisiolóxicos dos seres vivos así como a súa interacción co ambiente biótico e abiótico.
  Con10 - Coñecer e comprender a estrutura e dinámica das poboacións e comunidades.
  Con11 - Coñecer o fluxo de enerxía nos ecosistemas e os ciclos bioxeoquímicos.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa).
https://www.usc.gal/gl/servizos/area/internacional
O centro convoca reunións informativas para o alumnado de segundo e terceiro curso, sobre os distintos programas de mobilidade, nas que participan o/a RAM, o/a xestor/A do centro e o/a coordinador/a de mobilidade do programa SICUE. Ademais, os/as coordinadores/as académicos/as dos programas e o/a xestor/a do centro axudan ao alumnado na xestión da documentación para o establecemento dos convenios.

Prácticas

O plan de estudos para o Grao en Bioloxía contempla a realización de prácticas externas obrigatorias por un total de 6 ECTS.
O/a alumno/a poderá matricularse ao longo do cuarto curso sempre que teña superados 150 ECTS.
Aínda que as prácticas externas están programadas para o 1º semestre do cuarto curso do Grao, o alumnado poderá realizalas ao longo do curso académico.
Organizaranse e administraranse coa fin de garantir a calidade, o recoñecemento académico e o aproveitamento máis axeitado das mesmas por parte do alumnado. Para iso o alumnado terá un/a titor/a externo/a, pertencente á institución na que levan a cabo as prácticas e que se coordinará cun titor/a académico/a, que realizará a avaliación en función da calidade de memoria que o alumnado presente e do informe emitido polo/a titor/a externo/a.
Poderán realizarse en organismos ou entidades colaboradoras, tales como empresas, entidades públicas e privadas, relacionadas co ámbito da Bioloxía, así como en instalacións da USC; na actualidade a Facultade de Bioloxía ten acordos activos con numerosas entidades.

• Perfil de egreso

  O título presenta dúas mencións, que poden ser cursadas ou non polo alumnado: A Mención en Bioloxía Biosanitaria e a Mención en Bioloxía Ambiental. A primeira ofrecerá o alumnado un afondamento/especialización no ámbito biosanitario, permitíndolle desenvolver a súa actividade en laboratorios cínicos, reprodución humana, saúde pública, nutrición e dietética, entre outros.
  Pola súa parte, a Mención en Bioloxía Ambiental está orientada a proporcionar ao alumnado unha formación que lle permitirá desenvolver a súa actividade no campo da conservación, caracterización e xestión da biodiversidade e do medio natural.
  Tamén permitiría ao alumnado realizar unha especialización optando por distintos Mestrados nas áreas de Ciencias, Ciencias da Saúde, Ciencias do Medio Ambiente ou Enxeñaría.

• Saídas profesionais

  • Profesional sanitario en laboratorio clínico, reprodución humana, saúde pública, nutrición e dietética, saúde animal e vexetal, entre outros.
  • Profesional da investigación e desenvolvemento científico en todos os ámbitos de avance fundamental e aplicado das ciencias experimentais e da vida, desenvolvendo as súas tarefas en centros de investigación fundamental e en departamentos de investigación e desenvolvemento de empresas, industrias ou hospitais.
  • Profesional da industria farmacéutica, agroalimentaria e química, principalmente desenvolvendo tarefas de responsabilidade nas áreas técnica, de produción e xestión da calidade, desde a química, a bioquímica, a microbioloxía, a toxicoloxía, a fisioloxía, a farmacoloxía e a epidemioloxía e outras perspectivas científicas que quedan reflexadas no seu exercicio como profesional da investigación e o desenvolvemento.
  • Profesional agropecuario na optimización dos cultivos vexetais, animais e fungos xa explotados regularmente e na busca de novos xacementos de recursos vivos explotables.
  • Profesional do medio ambiente principalmente en sectores como a ordenación, conservación e control do territorio, xestión de recursos – forestales, agrícolas, marítimos,...-, xestión de residuos, avaliación de impactos e restauración do medio natural.
  • Profesional de información, documentación e divulgación.
  • Profesional do comercio e márketing de produtos e servicios relacionados coa ciencia biolóxica en todos os ámbitos descritos nos apartados anteriores.
  • Profesional da xestión e organización de empresas que realiza tarefas de dirección ou alta xestión experta en ámbitos empresariais relacionados coa formación e a profesión de biólogo.
  • Profesional docente.

Para a obtención do título de Graduado/a en Bioloxía é obrigatorio a realización dun Traballo Fin de Grao (TFG) de 12 créditos ECTS, consistente nun traballo orixinal elaborado polo estudante, no que se integren e desenvolvan os contidos formativos recibidos, as capacidades, competencias e habilidades adquiridas durante os estudos do Grao en Bioloxía.
Cada estudante poderá matricularse e, por tanto, realizar o TFG ao longo do cuarto curso académico do Grao, sempre que non teña pendentes máis de 75 créditos para completar os estudos, excluídos os correspondentes ao Traballo Fin de Grao.
Os TFG poderán ser experimentais (investigación básica ou aplicada), industrial ou bibliográfico, e incluirán, como mínimo, tarefas de procura e revisión bibliográfica, lectura e integración de información, elaboración de resultados, redacción, presentación e defensa.
Hai dúas materias de TFG, unha correspondente a cada mención. Así, os 12 ECTS do TFG específico sumaranse aos 36 ECTS de materias optativas para a obtención cada mención.
Deste xeito, o TFG, desenvolverase nos dous semestres de 4º, servirá como un reforzamento práctico dos coñecementos adquiridos nas materias optativas do devandito itinerario.