Máster Universitario en Enxeñaría de Montes

Obrigatorias: 60
Optativas: 18
Prácticas externas 10
Traballo fin de máster: 12
Total: 100

O Máster en Enxeñaría de Montes oferece as seguintes especialidades:

-Especialidade en Espazos Protexidos
-Especialidade en Incendios Forestais
-Especialidade en Modelos para a Xestión Forestal

Para obter a especialidade o estudante deberá cursar as 6 asignaturas optativas de 3 ECTS cada unha (18 ECTS en total) que conforman o módulo de especialidade correspondente, así como realizar as Prácticas Externas (PE) e o Traballo Fin de Máster (TFM) en temáticas relacionadas coa especialidade elixida. O alumno tamén pode obter a titulación sen ningunha especialidade; neste caso poderá escoller libremente as 6 asignaturas optativas que desexe, sen estar obrigado a que sexan do mesmo módulo, así como realizar as Prácticas Externas e o Traballo Fin de Máster en calquera temática acorde co título proposto.

O Máster está dirixido ós graduados en Enxeñaría Forestal, aínda que outros estudantes poderán acceder tras cursar os complementos de formación que se establezan en función do título que posúan.

• Perfil de ingreso

  É recomendábel que o estudante teña cursado durante o bacharelato a modalidade de Ciencias e Tecnoloxía (RD 1467/2007). É así mesmo recomendábel que posúa as seguintes características persoais e académicas:

  - Curiosidade intelectual
  - Hábito de lectura
  - Capacidade analítica e sintética
  - Capacidade crítica
  - Capacidade de aplicar fundamentos para a resolución de problemas
  - Constancia e responsabilidade no traballo
  - Capacidade para o traballo en equipo
  - Capacidade para usar o tempo de forma efectiva
  - Competencia lingüística en inglés (nivel B1), ademais de en español e en galego
  - Competencia en ferramentas informáticas básicas

• Número mínimo de créditos ECTS de matrícula por estudante e período lectivo

  Obrigatorias: 60
  Optativas: 18
  Prácticas externas 10
  Traballo fin de máster: 12
  Total: 100

• Acción titorial e acollida

  A Escola conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acollida.

  Para a realización das prácticas externas a comisión do título asignará ao alumno un titor académico entre o persoal docente e investigador do centro, que fará un seguimento ao traballo realizado polo alumno e velará pola calidade da estancia realizada, e un titor externo na empresa, encargado de garantir as condicións apropiadas para a realización da práctica.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: con límite de prazas e criterios xerais

  Titulacións de acceso:

  Grao en Enxeñaría Forestal e do Medio natural pola USC (así como os graos doutras universidades españolas que outorguen as competencias establecidas na Orden Ministerial CIN/326/2009; p.e.: Grao en Enxeñaría Forestal pola UVIGO)

  Enxeñaría Técnica Forestal (con complementos, que deben cursarse previamente ou simultaneamente ao 1º curso do máster)

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B1, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  Información actualizada en cada convocatoria de matrícula

O obxectivo xeral do título de "Máster en Enxeñaría de Montes" é a formación de técnicos superiores capacitados para planificar, proxectar, organizar, controlar e dirixir os espazos naturais e os bens e servizos que proporciona o ámbito forestal. Entre os seus obxectivos están protexer o chan, conservar e regular os recursos hídricos, asegurar a continuidade das especies de flora e fauna silvestre, mellorar o medio ambiente rural e aproveitar os recursos forestais, tanto para a súa transformación pola industria como para o goce directo. Tamén entra dentro das súas competencias a construción de pistas forestais e naves para o almacenamento, secado e transformación da madeira. Os Enxeñeiros de Montes estudan e organizan a repoboación e conservación das áreas forestais. Para iso, adentranse nos coñecementos da loita contra as pragas e enfermidades das plantas, a prevención e extinción de incendios, a protección e fomento da fauna silvestre, tanto terrestre como acuícola, e a mellora de todas as especies vexetais silvestres. Preténdese que os estudantes que egresen do Máster sexan profesionais preparados para o exercicio da profesión regulada de "Enxeñeiro de Montes" e saiban manexar os recursos naturais renovábeis de forma racional.Este título habilita para o exercicio da profesión regulada de Enxeñeiro de Montes en España.

• Competencias xerais

  1: Capacidade para aplicar as técnicas de marketing e comercialización de produtos forestais.
  2: Capacidade para deseñar, dirixir, elaborar, implementar e interpretar proxectos e plans de actuación integrais no medio natural.
  3: Capacidade para proxectar, dirixir e xestionar industrias e instalacións forestais de primeira e sucesivas transformacións.
  4: Capacidade para aplicar e definir criterios e indicadores no campo da auditoría ambiental.
  5: Capacidade para o desenvolvemento de técnicas e proxectos no campo das enerxías renovábeis.
  6: Capacidade para o desenvolvemento de técnicas e proxectos no campo da xenética forestal.
  7: Capacidade para o desenvolvemento de políticas forestais.

• Competencias específicas

  1: Capacidade para a redacción, dirección e execución de proxectos de industrias de desenvolvemento, aserrío e moble e para o aproveitamento de enerxías renovábeis.
  2: Capacidade para a redacción, dirección e execución de proxectos de industrias de celulosa e papel, industrias de taboleiros de fibras, partículas e contrachapado e industrias de destilación da madeira.
  3: Coñecementos adecuados e capacidade para proxectar e dimensionar instalacións de industrias e produtos forestais.
  4: Enerxías renovábeis no medio Forestal e Natural.
  5: Coñecemento e capacidade para deseñar plans de desenvolvemento integral sustentábel de comarcas forestais e o desenvolvemento de indicadores de xestión.
  6: Capacidade para deseñar e calcular plans de declaración e/ou ordenación de espazos naturais protexidos.
  7: Plans de Ordenación do Territorio, áreas de Montaña e Zonas Costeiras.
  8: Planificación hidrolóxica e loita contra a desertificación.
  9: Capacidade para o control da contaminación do Medio Natural debido á actividade industrial e a xestión de residuos.
  10: Mellora xenética forestal.
  11: Elaboración de sistemas da calidade forestal e de auditoría ambiental.
  12: Capacidade para analizar e diagnosticar a contorna e a propia empresa, elaboración e xestión de plans de negocio e realización de estudos de rendabilidade de investimentos forestais.
  13: Coñecemento para a racionalización dos procesos produtivos e de métodos de traballo.
  14: Coñecemento das ferramentas para a análise económica e financeira e capacidade para a xestión dos recursos económicos.
  15: Coñecemento das estratexias de marketing, estudos de mercado e políticas de distribución.
  16: Coñecemento das ferramentas de comunicación, información, motivación e xestión do persoal.
  17: Coñecemento adecuado dos problemas básicos que afectan ao deseño das medidas de política forestal a escala autonómica, estatal e internacional.
  18: Estratexias mundiais de protección do medio natural.
  19: Socioloxía forestal e do medio natural.
  20: Realización, presentación e defensa dun exercicio orixinal consistente nun proxecto integral de Enxeñaría de Montes de natureza profesional no cal se sinteticen as competencias adquiridas nas ensinanzas.
  21: Realización de prácticas externas no ámbito profesional da Enxeñaría de Montes, e presentación dunha memoria das actividades realizadas.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

As prácticas consistirán na realización, por parte do alumno, de prácticas nunha empresa ou organismo durante 240 h (6 semanas) máis a elaboración do informe correspondente, para os efectos da obtención de 10 créditos equivalentes.

A Escola Politécnica Superior conta con perto de 400 convenios con empresas e institucións para que o alumnado das distintas titulacións que se imparten nela poida realizar prácticas externas

A metodoloxía docente a utilizar será a docencia interactiva personalizada co fin de atender as necesidades específicas de cada traballo fin de máster que, en cumprimento dos requisitos que afectan a profesión regulada de Enxeñeiro de Montes, terá de ser un exercicio orixinal e individual.

Os contidos do traballo fin de máster estarán dentro do ámbito profesional do Enxeñeiro de Montes. Para determinar a procedencia dunha temática, o estudante deberá presentar unha proposta seguindo un formulario normalizado perante a comisión de seguimiento. Unha vez obtida a aprobación da proposta, o TFM poderá ser elaborado e presentado para o seu defensa.

O cadro docente do Máster en Enxeñaría de Montes está formado por profesores da USC con ampla experiencia académica e investigadora.