Máster Universitario en Turismo Urbano e Xestión de Empresas Turísticas

Condicións de terminación:

Orientación profesional:

Obrigatorios 30
Optativos 9
Practicum obrigatorio 9
Traballo Fin de Máster 12
Total 60

Orientación investigadora:

Obrigatorios 30
Optativos 12
Optativos vinculados 6
Traballo Fin de Máster 12
Total 60

Orientación académica:

Obrigatorios 30
Optativos 18
Traballo Fin de Máster 12
Total 60

Este máster conta con tres orientacións: profesional, investigadora e académica.

Cada alumno/a debe realizar unha das tres orientacións, de acordo coas materias de que consta cada unha delas.

Todos os alumnos deben realizar 30 créditos obrigatorios e un Traballo de fin de máster de 12 créditos.

Os alumnos da orientación profesional realizarán prácticas externas obrigatorias de 9 créditos.

O alumnado da orientación investigadora debe cursar obrigatoriamente as materias optativas vinculadas a esta opción: “Metodoloxía de investigación: Cartografía aplicada ao turismo” e “Metodoloxía de investigación en xestión de empresas turísticas”, de 3 créditos cada unha. É necesario cursar estas dúas materias para poder acceder ao programa de doutoramento (etapa de tese). Ademais debe cursar outros 12 créditos optativos sen vinculación.

Na orientación profesional o alumnado ten que cursar 9 créditos optativos e na académica 18 créditos optativos.

Este máster persegue dotar ao alumnado das competencias relevantes para a planificación e dirección do turismo urbano e da xestión de empresas nese ámbito, ao mesmo tempo que forma a expertos que orienten a súa carreira cara á investigación e o desenvolvemento do coñecemento no ámbito turístico.

• Perfil de ingreso

  O Máster Universitario en Turismo Urbano e Xestión de Empresas Turísticas vai dirixido principalmente a alumnos procedentes dos novos títulos de grao relacionados co turismo e diplomados en turismo.

  Resulta aconsellábel que o alumnado mostre:

  - Interese polo sector turístico e pola xestión de empresas deste ámbito.
  - Actitude favorábel cara á integración en equipos de composición diversa.
  - Capacidade de adaptación.
  - Emprego de ferramentas informáticas a nivel de usuario.

• Número mínimo de créditos ECTS de matrícula por estudante e período lectivo

  Condicións de terminación:

  Orientación profesional:

  Obrigatorios 30
  Optativos 9
  Practicum obrigatorio 9
  Traballo Fin de Máster 12
  Total 60

  Orientación investigadora:

  Obrigatorios 30
  Optativos 12
  Optativos vinculados 6
  Traballo Fin de Máster 12
  Total 60

  Orientación académica:

  Obrigatorios 30
  Optativos 18
  Traballo Fin de Máster 12
  Total 60

• Acción titorial e acollida

  Na páxina web da Facultade de Ciencias Económicas e Empresariais destacarase o Máster Universitario en Turismo Urbano e Xestión de Empresas Turísticas, fornecendo información actualizada sobre as actividades que se realizarán durante o curso académico, e os seus correspondentes vínculos coa información recollida nas páxinas xerais da Universidade de Santiago.

  A coordinación do mestrado, os coordinadores das diferentes materias e o profesorado, nas horas dedicadas á tutorización, apoiarán e orientarán o alumnado na adquisición de competencias.

  Hai que sinalar tamén que o persoal de administración e servizos adscrito á Facultade de Ciencias Económicas e Empresariais de Santiago presta un apoio permanente e directo neste labor.

  Durante a primeira semana de cada novo curso académico realizaranse sesións informativas especiais para o alumnado de novo ingreso coa finalidade de proporcionarlles unha orientación xeral sobre a titulación, explicarlles o seu funcionamento, os servizos de que dispoñen ou o persoal ao que deben acudir.

  A cada alumno asignaráselle un titor académico e un titor profesional na organización de prácticas. O titor académico orientará o alumno sobre a organización en que van desenvolver as súas prácticas, as actividades e os comportamentos adecuados e sobre a estrutura da memoria de prácticas que debe realizar e entregar o alumno ao final do período de prácticas. O titor profesional constatará que as tarefas desempeñadas nas prácticas contribúen á adquisición de competencias e que a súa organización cumpre as condicións establecidas no convenio de colaboración

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  1. Titulados en Turismo
  2. Resto das titulacións
  Establécese un módulo preparatorio de complementos de formación que consta de dúas materias de dous créditos cada unha: Fundamentos de Contabilidade e Fundamentos de Finanzas. Fundamentos de Finanzas debe ser cursada por todo o alumnado que non realizase un mínimo de 2 créditos en materias sobre finanzas en titulacións universitarias. Fundamentos de contabilidade deberá ser cursada por todo o alumnado que non realizase un mínimo de 2 créditos en materias sobre contabilidade en titulacións universitarias.
  Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B2, consonte o Acordo do Consello de Goberno da USC do 30 de xullo de 2018.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

1. Titulados en Turismo
2. Resto das titulacións
Establécese un módulo preparatorio de complementos de formación que consta de dúas materias de dous créditos cada unha: Fundamentos de Contabilidade e Fundamentos de Finanzas. Fundamentos de Finanzas debe ser cursada por todo o alumnado que non realizase un mínimo de 2 créditos en materias sobre finanzas en titulacións universitarias. Fundamentos de contabilidade deberá ser cursada por todo o alumnado que non realizase un mínimo de 2 créditos en materias sobre contabilidade en titulacións universitarias.
Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B2, consonte o Acordo do Consello de Goberno da USC do 30 de xullo de 2018.
De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

• Competencias básicas

  - Posuír e comprender coñecementos que cheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación

  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo

  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos

  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades

  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Aplicar os coñecementos adquiridos á realidade do sector turístico
  - Resolver problemas en contornos novos ou pouco coñecidos
  - Tomar decisións a partir de información incompleta ou limitada
  - Comunicar información, ideas, problemas e propostas de solución a públicos especializados e non especializados
  - Integrar coñecementos que acheguen unha base ou oportunidade de seren orixinais no desenvolvemento e/ou aplicación de ideas
  - Definir o turismo urbano e a xestión de empresas turísticas

• Competencias específicas

  - Identificar as tendencias e a dinámica dos mercados turísticos
  - Demostrar unha visión estratéxica perante os problemas empresariais
  - Aplicar as técnicas de xestión empresarial no sector turístico
  - Dirixir e xestionar os distintos tipos de organizacións turísticas
  - Aplicar metodoloxías científicas adecuadas
  - Identificar as novas tendencias na xestión de destinos urbanos
  - Definir os principios da xestión sustentábel
  - Diagnosticar necesidades e oportunidades e identificar potencialidades e ameazas
  - Describir o destino turístico como sistema
  - Explicar as políticas que afectan o destino urbano
  - Aplicar as tecnoloxías da comunicación e a información ao turismo
  - Describir o marco legal que regula as actividades e destinos turísticos
  - Aplicar instrumentos de planificación
  - Aplicar as técnicas para avaliar o impacto económico do turismo urbano.
  - Utilizar técnicas de recollida e análise de datos
  - Describir as competencias e funcións das áreas de xestión

• Competencias transversais

  - Aplicar a ética a a toma de decisións
  - Demostrar razoamento crítico.
  - Analizar e sintetizar a información
  - Traballar en equipos de composición diversa
  - Formular propostas creativas e emprendedoras

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

As prácticas externas teñen carácter obligatorio só para a orientación profesional, mentres que para as orientacións investigadora e académica son optativas. Nelas o alumnado debe aplicar os coñecementos adquiridos, e mellorar e desenvolver novas competencias a través da súa inmersión nun contorno de traballo representativo do contexto profesional futuro.

Realizaranse nunha empresa ou institución onde, guiado por un/unha titor/a profesional, tomarase contacto co exercicio profesional. O alumno debe realizar e entregar ao terminar o período de prácticas unha memoria de actividades en que recollerá as actividades desempeñadas, as competencias desenvolvidas, os problemas atopados, así como a súa valoración persoal sobre a práctica realizada.

O alumnado debe elaborar e defender un Traballo Fin de Máster en que se demostre que adquiriu as competencias xerais da titulación e é, xa que logo, capaz de aplicar dun modo integrado os coñecementos e habilidades adquiridos nas asignaturas do Máster. A cada estudante asignaráselle un director ou directora, coa autorización previa da Comisión Académica do Máster, que será quen oriente e asesore o estudante na súa realización.

A elaboración e defensa deste traballo terá carácter individual

O equipo docente está formado por profesores de diversos departamentos da Universidade de Santiago.

Poderase contar coa participación de profesores de diversas universidades, directivos e xerentes de recoñecida traxectoria profesional no ámbito do turismo e altos funcionarios da administración pública turística, para que aporten a súa visión particular e especializada sobre temas de actualidade turística.