Practicas externas

Os obxectivos das prácticas, que teñen carácter obrigatorio para a orientación profesional, son que o alumnado aplique coñecementos adquiridos, mellore e desenvolva novas competencias a través da súa inmersión nunha contorna de traballo representativo do contexto profesional futuro.

As 225 horas da matería van destinadas á realización de prácticas en destacadas empresas e institucións do sector turístico. Os contidos variarán en función do posto e da organización na que o alumno realice as prácticas.

Non procede.

As competencias adquiridas estarán en función da natureza da organización na que se realiza a práctica e do perfil do posto desenvolvido pero, en todo caso, tras realizalas, o alumnado será capaz de:
-Aplicar os coñecementos adquiridos á realidade do sector turístico.
-Resolver problemas en contornas novas ou pouco coñecidas
-Tomar decisións a partir de información incompleta ou limitada.
-Demostrar unha visión estratéxica ante os problemas empresariais.
-Dirixir e xestionar os distintos tipos de organizacións turísticas.
-Aplicar a ética á toma de decisións.
-Demostrar razoamento crítico.
-Traballar en equipos de composición diversa.
-Formular propostas creativas e emprendedoras.

A cada alumno asignaráselle un titor académico e un titor profesional na organización de prácticas. Nas sesións individuais, o titor académico orientará ao alumno sobre a organización na que vai desenvolver as súas prácticas, as actividades e os comportamentos adecuados e sobre a estrutura da memoria de prácticas que debe realizar o alumno. O alumno debe realizar e entregar ao titor académico, ao termo do período de prácticas, unha memoria de actividades na que recollerá as actividades desempeñadas, as competencias desenvolvidas, os problemas atopados, así como a súa valoración persoal sobre as prácticas realizadas.

Durante o período de prácticas, o titor académico realizará un seguimento das prácticas, establecendo contactos co alumno e o titor profesional para constatar que as tarefas desempeñadas contribúen á adquisición de competencias e que a organización de prácticas cumpre as condicións establecidas no convenio de colaboración.

A cualificación das prácticas será realizada polo titor académico, baseándose nos informes do titor profesional e na memoria de prácticas realizada polo alumno.
A cualificación final será numérica entre 0 e 10.

As prácticas son 9 créditos e cada crédito equivale a 25 horas.
Polo tanto, o alumnado ten que realizar 225 horas de prácticas na organización de destino.

Para maximizar a aprendizaxe durante o período de prácticas é conveniente que o alumnado estea en contacto co titor académico e co titor profesional, e que lles informe inmediatamente sobre calquera problema ou dúbida.

As prácticas son obrigatorias para o alumnado da orientación profesional.