Máster Universitario en Estudos Ingleses Avanzados e as súas Aplicacións

Condicións de terminación:

Obrigatorias: 21
Optativas: 21
Prácticas externas (practicum) 6
Traballo fin de máster: 12
Total: 60

O mestrado contempla dúas especialidades:

- Especialidade en Lingua e Lingüística Inglesa
- Especialidade en Literaturas e Culturas do Ámbito Anglófono

Para obter a titulación, o estudante deberá cursar obrigatoriamente unha das dúas especialidades. Para iso deberá superar os 21 créditos de que consta o módulo da especialidade en que se matriculase.

O máster, de carácter interuniversitario, incorpora prácticas en empresas, especializa en lingua, literatura e cultura de países de fala inglesa, na relación entre o inglés e as novas tecnoloxías da información, e en mediación cultural para facilitar a comunicación en eidos como o educativo, o xurídico e o administrativo.

• Perfil de ingreso

  - inquietude, curiosidade e sensibilidade pola investigación das manifestacións da lingua, literatura e as diferentes manifestacións culturais das sociedades anglófonas;
  - coñecementos avanzados lingüísticos e literarios, nas súas diferentes manifestacións e contextos da lingua inglesa;
  - habilidade para apreciar a comunicación como fenómeno complexo nunha sociedade cambiante e dinámica;
  - sensibilidade para a aceptación da diversidad cultural;
  - habilidades para o manexo de ferramentas de acceso á información;
  - capacidade para o traballo autónomo.

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 21
  Optativas: 21
  Prácticas externas (practicum) 6
  Traballo fin de máster: 12
  Total: 60

• Acción titorial e acollida

  Ademais dos procedementos que as universidades habilitan de forma xeral para os cursos e titulacións que oferecen, o programa de mestrado que aquí se presenta define os seguintes procesos de información:

  Todos os alumnos/as disporán de sistemas de apoio tais como titorías presenciais ou através de Internet que incluirán, en caso de ser necesario, información para o alumnado con discapacidade. O titor supervisará o progreso dos estudos e aconsellará o alumno, segundo a súa formación anterior e os seus intereses, sobre a necesidade de reforzar certos aspectos da súa formación. A Comisión Académica será a que propoña a asignación de titores aos estudantes.

  A comezo de curso terá lugar unha reunión informativa especial a cargo do equipo docente do mestrado. Na devandita reunión explícanse detalles do funcionamento das facultades (aulas de informática, procura bibliográfica e préstamo bibliotecario, salas de estudo, etc.) e danse indicacións xerais sobre o plan de estudos do máster: normas de permanencia, avaliacións, convocatorias, etc. Tamén se informa os novos estudantes do funcionamento da universidade en xeral e dos seus dereitos e deberes. Nesta mesma reunión preséntanse os titores asignados a cada alumno. Esta asignación faise de acordo cos intereses e exposición de motivos que presente na súa solicitude de acceso cada estudante. As funcións do titor son as de asesorar e orientar o alumno na elección do seu programa de estudos e en calquera outra cuestión académica relacionada co mestrado ou coa posterior incorporación ao doutorado. Así mesmo, o titor fará un seguimento do desenvolvemento tanto académico como persoal do seu tutorando ao longo do curso.

  Tamén se conta co persoal administrativo dos centros e das universidades con funcións de información a estudantes e, moi especialmente, co persoal administrativo dos departamentos implicados na docencia.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios xerais

  Titulacións de acceso por orde de preferencia:

  1º Lic. en Filoloxía Inglesa ou grao equivalente.
  2º Lic. en Filoloxía ou graos en linguas, Literaturas ou en Lingüística.
  3º Lic. ou Grao en Traducción e Interpretación; en Humanidades, e en Socioloxía.
  4º) Outras titulacións da Rama de Artes e Humanidades.
  5º) Licenciados e graduados doutras titulacións universitarias.

  Deberase acreditar coñecementos avanzados de inglés escrito e falado (recoméndase nivel C1 do Marco Común Europeo de Referencia para as Linguas).

  Información actualizada en cada convocatoria de matrícula

1. Proporcionar ao estudante especialización en lingua, literatura e cultura dos países de fala inglesa, así como na relación entre o inglés e as novas tecnoloxías da información, e con disciplinas como a psicolingüística, a sociolingüística, a análise do discurso, ou os estudos de xénero entre outros. Contén asimesmo materias con obxectivos de mediación cultural, orientadas a facilitar a comunicación en ámbitos como o educativo, o xurídico ou o administrativo.
2. Proporcionar os coñecementos necesarios para acceder a calquera programa de Doutoramento nos ámbitos dos Estudos Ingleses, a lingüística e a literatura e cultura.
3. Proporcionar, mediante o compoñente práctico do Máster, unha primeira experiencia no ámbito laboral.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirigido ou autónomo.

• Competencias xerais

  - Capacidade para profundar naqueles conceptos, principios, teorías ou modelos relacionados cos distintos campos dos Estudos Ingleses, así como para coñecer a metodoloxía necesaria para a resolución de problemas propios da devandita área de estudo.
  - Capacidade para aplicar os coñecementos adquiridos no contorno multidisciplinar e multifacético dos Estudos Ingleses.
  - Capacidade para utilizar de forma eficiente as novas tecnoloxías da información e da comunicación no ámbito dos Estudos Ingleses.
  - Capacidade para presentar en público experiencias, ideas ou informes, así como emitir xuízos en función de criterios, de normas externas ou de reflexións persoais para o que será necesario alcanzar un dominio suficiente da linguaxe académica e científica tanto na súa vertente escrita como oral.
  - Habilidades para investigar e manexar novos coñecementos e información no contexto dos Estudos Ingleses.
  - Capacidade para adquirir un espírito crítico que leve aos estudantes a consideraren a pertinencia das investigacións existentes nas áreas de estudo que conforman os Estudos Ingleses, así como das súas propias.
  - Habilidades de consolidación e desenvolvemento da competencia lingüística (nivel C2) no uso falado e escrito da lingua inglesa. .
  - Autonomía progresiva na aprendizaxe, procuras propias de recursos e información, accedendo para iso a fontes bibliográficas e documentais sobre os distintos ámbitos que conforman os Estudos Ingleses.
  - Capacidade para realizar traballos de investigación de carácter académico nos distintos ámbitos dos Estudos Ingleses.
  - Capacidade para presentar e defender un traballo de investigación utilizando a terminoloxía e os recursos adecuados e apropiados dentro do campo obxecto de estudo.

• Competencias específicas

  - Coñecemento dos principais modelos de investigación lingüística.
  - Coñecemento dos principais recursos, ferramentas e metodoloxías de investigación lingüística.
  - Capacidade de reflexionar sobre os factores que condicionan a aprendizaxe e a adquisición do inglés como lingua estranxeira..
  - Coñecemento dos estudos de cognición e procesamento dentro da investigación na lingüística inglesa.
  - Coñecemento dos estudos do inglés con fins específicos e as súas aplicacións a outras disciplinas.
  - Coñecemento dos estudos de variación e cambio lingüístico no ámbito anglófono.
  - Capacidade para analizar distintos tipos de discursos e xéneros discursivos orais e/ou escritos en lingua inglesa.
  - Coñecemento do papel do inglés nos distintos medios de comunicación.
  - Coñecemento dos principios modelos e recursos de investigación literaria/cultural no ámbito anglófono.
  - Capacidade de utilizar as técnicas empregadas para a análise de textos artísticos e culturais no ámbito anglófono.
  - Capacidade para identificar e analizar as características máis relevantes da cultura e das institucións do ámbito anglófono a través de diversos tipos de textos pertencentes a diferentes épocas históricas.
  - Capacidade para comprender diferentes aproximacións teóricas e críticas así como a súa aplicación á análise de textos literarios e culturais no ámbito anglófono.
  - Coñecemento das relacións entre as principais manifestacións artísticas e literarias no ámbito anglófono.
  - Coñecer e aplicar técnicas e métodos de análise lingüística cuantitativos
  - Coñecer contornos laborais e profesionais onde o inglés como medio e vehículo de expresión ocupa un lugar relevante.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Os contidos de practicum organizaranse ao redor dos eixos seguintes e adaptaranse, no posíbel, ao perfil do alumnado, aos seus intereses profesionais e en relación co módulo optativo cursado, xa sexa este o lingüístico ou o de carácter literario/cultural:

- Familiarización coas características e funcionamento interno da empresa ou entidade onde se van realizar as prácticas correspondentes.
- Obtención de información sobre a organización, funcións, clientes e lugar que ocupa a empresa ou institución no mercado de traballo ou no panorama cultural a nivel local e, de ser o caso, a nivel nacional e internacional..
- Realización de prácticas que implique o desenvolvemento de competencias adquiridas nos dous módulos anteriores: redacción, corrección e edición de textos en inglés, tarefas de tradución, interpretación e transliteración, uso e explotación das novas tecnoloxías, práctica docente, actividades relacionadas co turismo, cos medios de comunicación e con outros ámbitos específicos onde sexa relevante o uso do inglés, etc.
- Realización de informes e memoria do Practicum.

Este traballo de investigación ofrece ao estudante a posibilidade de elixir con flexibilidade tema e titor/a, dada a ampla e variada traxectoria académica e investigadora dos profesores implicados no título. Ademais, proporciónalle a oportunidade de comezar a súa especialización nunha determinada área dos Estudos Ingleses. É tamén, unha excelente oportunidade para preparar o estudante para unha futura investigación a nivel de douctoramento

No máster participan destacados grupos de investigación literaria e lingüística do Sistema Universitario de Galicia, o que permite ter acceso a bolsas Predoutorais da Xunta, de FPU (Ministerio de Educación), FPI (Ministerio de Economía), e a contratos de investigación financiados polos propios grupos de investigación.