Grao en Enxeñaría Agrícola e Agroalimentaria

• Perfil de ingreso

  Aínda que non se esixe unha formación previa específica, é recomendable que o estudante cursara durante o bacherelato a modalidade de Ciencias e Tecnoloxía (R.D. 1467/2007). É así mesmo recomendable que posúa as seguintes características persoais e académicas:

  - Curiosidade intelectual
  - Hábito de lectura
  - Capacidade analítica
  - Capacidade crítica
  - Capacidade de aplicar fundamentos para a resolución de problemas
  - Constancia e responsabilidade no traballo
  - Capacidade para o traballo en equipo
  - Capacidade para usar o tempo de forma efectiva
  - Competencia en expresión oral e escrita
  - Competencia lingüística en inglés (nivel B1), ademais de en castelán e en galego
  - Competencia en ferramentas informáticas básicas
  - Coñecementos básicos en Debuxo Técnico e Xeoloxía a nivel de Bacherelato.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC realiza todos os anos, a comezo de curso, xornadas de acolleita organizadas pola vicerreitoría con competencia en asuntos estudiantís que se desenvolven na primeira quincena do curso en todos os centros universitarios, e que teñen por obxecto presentar aos novos estudantes as posibilidades, recursos e servizos que lle ofrece a Universidade.

  A Escola Politécnica Superior, pola súa banda, recibe nunha xornada de acolleita aos novos estudantes o primeiro día de clase. Nela ofréceselles unha presentación da Escola, do seu equipo xestor, dos servizos administrativos e da organización académica do Centro, ademais de mostrarlles as súas instalacións e o funcionamento da Biblioteca Intercentros e doutros servizos de interese para o alumnado de novo ingreso.

  Ademais a Escola Politécnica Superior desenvolve, en solitario ou conxuntamente con outros centros, as seguintes accións de apoio e orientación para os estudantes matriculados no Grao a impartir:
  - Programa de alumnos titores: A figura do alumno titor é a dun estudante “veterano”, que, fundamentalmente, orienta e apoia aos novos estudantes que se incorporan ao centro, estando a disposición destes para facilitarlles a orientación e a súa mellor integración no ámbito universitario.

  - Presentación da Biblioteca Intercentros e formación de usuarios: Ao longo do curso académico, esta biblioteca realiza sesións de presentación dirixidas a alumnos de novo ingreso e organiza cursos adaptados aos diferentes tipos de usuarios e ás diferentes áreas temáticas que se imparten na Universidade. Así, realízanse cursos de manexo do catálogo, instrumentos básicos de consulta, bases de datos, revistas e libros electrónicos, recursos accesibles a través de internet, etc.

  - Atención continuada no Centro: a Dirección do Centro e a súa Unidade de Apoio á Xestión están accesibles a diario para calquera consulta de ámbito académico que afecte aos estudos da Escola. Ademais, a páxina web do Centro mantense permanentemente actualizada como referencia básica de información, na que se poden consultar horarios de actividades académicas, calendarios de avaliación, programas de asignaturas, horas de tutoría do profesorado, actividades extraordinarias, normativa, etc.

  A USC ten un programa de alumnos titores para as titulacións de grao, de forma que alumnos de últimos cursos, despois dunha formación que lles facilita a Universidade, realizan tarefas de orientación aos alumnos que inician os estudos. A figura do alumno titor é a dun estudante “veterano”, que, fundamentalmente, orienta e apoia aos novos estudantes que se incorporan ao centro, estando a disposición destes para facilitarlles a orientación e á súa mellor integración no ámbito universitario.
  Así mesmo, nas titorías atenderase ao alumnado para discutir, comentar, aclarar ou resolver cuestións concretas en relación coas súas tarefas dentro da materia (recolleita de información, preparación de probas de avaliación, traballos...).

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta con 18 aulas de uso xeral, 6 salas de seminario e 6 aulas de informática para docencia. Ademais dispón de 18 laboratorios e 8 naves taller, 2 aulas de expresión gráfica e 1 seminario de topografía. Cabe destacar a existencia dunha finca de prácticas adscrita ao centro para o uso das titulacións ligadas á rama agraria e forestal.

Entre os espazos habilitados para o alumnado, conta cunha aula de informática de acceso libre, existindo conexión sen fíos dende calquera punto do centro.

O servizo de Biblioteca do Campus universitario de Lugo atópase centralizado nun único edificio denominado Biblioteca Intercentros situado ao lado do centro onde os alumnos dispoñen de máis de 1600 postos de consulta repartidos en 9 salas, incluíndo unha sala de traballo en grupo.

O título de Grao en Enxeñaría Agrícola e Agroalimentaria que se propón é a adaptación ao Espazo Europeo de Educación Superior da titulación de Enxeñaría Técnica Agrícola atendendo ás normas vixentes a nivel nacional, autonómico e da propia Universidade de Santiago de Compostela. Ademais na súa formulación atendéronse os requerimientos da Orde CIN/323/2009, de 9 de febreiro, pola que se estabelecen os requisitos para a verificación dos títulos universitarios oficiais que habiliten para o exercicio da profesión de Enxeñeiro Técnico Agrícola, o que permitirá aos futuros titulados o exercicio desta profesión regulada.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  - Coñecemento en materias básicas, científicas e tecnolóxicas que permitan unha aprendizaxe continua, así como unha capacidade de adaptación a novas situacións ou contornos cambiantes.
  - Capacidade de resolución de problemas con creatividade, iniciativa, metodoloxía e razoamento crítico.
  - Capacidade de liderado, comunicación e transmisión de coñecementos, habilidades e destrezas nos ámbitos sociais de actuación.
  - Capacidade para a procura e utilización da normativa e regulamentación relativa ao seu ámbito de actuación.
  - Capacidade para desenvolver as súas actividades, asumindo un compromiso social, ético e ambiental en sintonía coa realidade do contorno humano e natural.
  - Capacidade para o traballo en equipos multidisciplinares e multiculturais.

• Competencias específicas

  - Capacidade para a redacción e sinatura de estudos de desenvolvemento rural, de impacto ambiental e de xestión de residuos das industrias agroalimentarias, explotacións agrícolas e gandeiras, e espazos relacionados coa xardinaría e o paisaxismo.
  - Capacidade para dirixir a execución de das obras obxecto dos proxectos relativos a industrias agroalimentarias, explotacións agrarias e espazos verdes e as suas edificacións, infraestruturas e instalacións, a prevención de riscos asociados a esa execución e a dirección de equipos multidisciplinares e xestión de recursos humanos, de conformidade con criterios deontolóxicos.
  - Capacidade para a redacción e sinatura de medicións, segregacións, parcelacións, valoracións e taxacións dentro do medio rural, a técnica propia da industria agroalimentaria e os espazos relacionados coa xardinaría e o paisaxismo, teñan ou non carácter de informes periciais para órganos xudiciais ou administrativos, e con independencia do uso ao que estea destinado o ben móbel ou inmóbel obxecto das mesmas.
  - Capacidade para a dirección e xestión de toda clase de industrias agroalimentarias, explotacións agrícolas e gandeiras, espazos verdes urbanos e/ou rurais, e áreas deportivas públicas ou privadas, con coñecemento das novas tecnoloxías, os procesos de calidade, trazabilidade e certificación e as técnicas de marketing e comercialización de produtos alimentarios e plantas cultivadas.
  - Capacidade para a preparación previa, concepción, redacción e sinatura de proxectos que teñan por obxecto a construción, reforma, reparación, conservación, demolición, fabricación, instalación, montaxe ou explotación de bens móbeis ou inmóbeis que pola súa natureza e características queden comprendidos na técnica propia da produción agrícola e gandeira (instalacións ou edificacións, explotacións, infraestruturas e vías rurais), a industria agroalimentaria (industrias extractivas, fermentativas, lácteas, conserveiras, hortofrutícolas, cárnicas, pesqueiras, de salgaduras e, en xeral, calquera outra dedicada á elaboración e/ou transformación, conservación, manipulación e distribución de produtos alimentarios) e a xardinaría e o paisaxismo (espazos verdes urbanos e/ou rurais parques, xardíns, viveiros, arborado urbano, etc., instalacións deportivas públicas ou privadas e contornos sometidos a recuperación paisaxística).
  - Coñecemento adecuado dos problemas físicos, as tecnoloxías, maquinaria e sistemas de fornecemento hídrico e enerxético, os límites impostos por factores presupostarios e normativa construtiva, e as relacións entre as instalacións ou edificacións e explotacións agrarias, as industrias agroalimentarias e os espazos relacionados coa xardinaría e o paisaxismo co seu contorno social e ambiental, así como a necesidade de relacionar aqueles e ese contorno coas necesidades humanas e de preservación do medio ambiente.
  - Capacidade para coñecer, comprender e utilizar os principios da enxeñaría e tecnoloxía dos alimentos: engeniería e operacións básicas de alimentos. Tecnoloxía de alimentos. Procesos nas industrias agroalimentarias. Modelización e optimización. Xestión da calidade e da seguridade alimentaria. Análise de alimentos. Trazabilidade
  - Capacidade para coñecer, comprender e utilizar os principios da enxeñaría das industrias agroalimentarias: Equipos e maquinarias auxiliares da industria agroalimentaria. Automatización e control de procesos. Enxeñaría das obras e instalacións. Construcións agroindustriais. Xestión e aproveitamento de residuos.

• Competencias transversais

  - Capacidade para o razoamento e a argumentación
  - Capacidade de análise e síntese.
  - Capacidade de traballo individual, con actitude autocrítica.
  - Capacidade para traballar en grupo e abranguer situacións problemáticas de forma colectiva.
  - Capacidade para obter información adecuada, diversa e actualizada
  - Capacidade para elaborar e presentar un texto organizado e comprensíbel.
  - Capacidade para realizar un relatorio en público de forma clara, concisa e coherente.
  - Compromiso de veracidade da información que ofrece aos demais.
  - Habilidade no manexo de tecnoloxías da información e da comunicación (TIC).
  - Utilización de información bibliográfica e de Internet.
  - Utilización de información en lingua estranxeira.
  - Capacidade para resolver problemas mediante a aplicación integrada dos seus coñecementos.

Mobilidade

As accións de mobilidade dos/as estudantes pretenden mellorar a calidade da educación superior e reforzar a súa dimensión, tanto nacional como internacional, fomentando a cooperación entre as universidades, potenciando os intercambios e mellorando a transparencia e o recoñecemento académico de diferentes estudos e cualificacións. Neste sentido, considéranse unha peza importante para a consecución dos obxectivos propostos no título, tanto no que se refire ás competencias xerais dos futuros egresados como ás competencias transversais a adquirir coa titulación.

A súa planificación e xestión desenvólvese a través da Vicerreitoría de Relacións Exteriores e Internacionalización e do Servizo de Relacións Exteriores da Universidade, en coordinación coa Escola Politécnica Superior a través da “Unidade de apoio á xestión de centros e departamentos” (UAGCD) e do subdirector/a responsable de programas de intercambio.

A Escola, ademais dos responsables citados arriba, conta coa colaboración de varios profesores/as que actúan como coordinadores académicos, e cuxa función é titorizar e asistir nas súas decisións académicas aos estudantes propios e de acolleita.

A mobilidade dos estudantes realízase no segundo ano de estudos da titulación, en períodos semestrais ou anuais. A selección dos candidatos lévase a cabo, para cada convocatoria ou programa, por unha Comisión de Selección, composta polo director/a, o subdirector/a responsable de programas de intercambio, o/a responsable da UAGCD e os/as coordinadores académicos, de acordo con criterios de baremación, previamente establecidos, que teñen en conta o expediente académico, unha memoria e, no seu caso, as competencias en idiomas que esixe a Universidade de destino.

A Universidade, a través do Servizo de Relacións Exteriores, mantén un sistema de información permanente a través da web que se complementa con campañas e accións informativas específicas de promoción das convocatorias.

Ademais, conta con recursos de apoio para os estudantes de acolleita, tales como a reserva de prazas nas Residencias Universitarias, ou o Programa de Acompañamento de Estudantes Estranxeiros (PAE), a través do cal voluntarios/as da USC realizan tarefas de acompañamento dirixidas á integración na cidade e na Universidade dos estudantes de acolleita.

En canto aos/as estudantes de acolleita, organízase unha sesión de recepción, ao comezo de cada semestre, na que se lles informa e orienta sobre a Escola e os estudos, á vez que se lles pon en contacto cos coordinadores académicos, que actuarán como titores, e o persoal do Centro implicado na súa atención.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Nesta titulación de Grao as prácticas externas contémplanse como optativas, polo que é necesario garantir unha oferta anual de prazas para prácticas externas que cubra a demanda dos estudantes do Grao. As prácticas consistirán na realización, por parte do alumno, de prácticas nunha empresa ou organismo durante 150 h máis a elaboración do informe correspondente, a efectos de obtención de 6 créditos equivalentes (1 crédito ECTS = 25 horas de prácticas).

A oferta de prácticas no Grao sustentarase no actual Programa de Prácticas Externas que xestiona a Escola Politécnica Superior cuxa coordinación recae na Subdirección de Prácticas do centro. As prácticas realizaranse a tempo completo preferiblemente nun período non lectivo de aproximadamente 4 semanas de duración, que poderán situarse tanto no primeiro como no segundo semestre. Cando as características do traballo así o requiran, poderanse establecer períodos e xornadas diferentes de realización (tempo parcial, días alternos, etc.), garantindo en todo caso as 150 horas de dedicación dos estudantes.

A organización, xestión e seguimento das prácticas externas correrá a cargo da Subdirección de Prácticas e Orientación Laboral do centro, que se encargará da asignación dos centros de prácticas e do seu seguimento. Ademais, propoñerá á Comisión do Título a asignación ao alumno dun titor académico entre o Persoal Docente e Investigador do Centro, que fará un seguimento ao traballo realizado polo alumno e velará pola calidade da estancia realizada, e un titor externo na empresa, encargado de garantir as condicións apropiadas para a realización da práctica.

A Comisión do Título elaborará unha memoria anual recollendo a información relevante de centros asignados, satisfacción dos estudantes, valoración dos titores, etc.

Exercicio orixinal a realizar individualmente e presentar e defender ante un tribunal universitario, consistente nun proxecto no ámbito das tecnoloxías específicas da Enxeñaría Agrícola de natureza profesional no que se sinteticen e integren as competencias adquiridas nos ensinos.

A avaliación realizarase a partir dos seguintes criterios:

- Seguimiento por parte da comisión de título, do coordinador e do titor do traballo fin de grao
- Avaliación do traballo por parte dun tribunal universitario.

Os contidos do traballo fin de grao (TFG) estarán dentro do ámbito profesional da Enxeñaría Técnica Agrícola. Para determinar a procedencia dunha temática a desenvolver como TFG, o estudante deberá presentar unha proposta seguindo un formulario normalizado ante o coordinador de TFG da titulación. Unha vez obtida a aprobación da proposta, o TFG poderá ser elaborado e presentado para a súa defensa.

O deseño do título permite que con 240 ECTS cursados se poidan obter ata dúas mencións diferentes. Por cada mención cursada que o estudante desexe que lle figure no título oficial, deberá de presentarse un Traballo Fin de Grao no ámbito das tecnoloxías específicas correspondentes.