Máster Universitario en Xestión do Patrimonio Artístico e Arquitectónico, Museos e Mercado da Arte

Obrigatorias: 12
Optativas: 42
Traballo fin de máster: 6
Total: 60

Este máster ten as seguintes especialidades:

-Especialidade en Patrimonio Arquitectónico e Cidade Histórica 24.0 ECTS
-Especialidade en Espazos de Conservación e Exhibición do Patrimonio Artístico 18.0 ECTS
-Especialidade en Arte e Mercado 9.0 ECTS

Para obter unha ou máis especialidades, o alumnado debe superar todas as materias do módulo correspondente; tamén pode cursar o máster sen obter ningunha especialidade elixindo as materias optativas libremente.

O máster proporciona formación ao seu alumnado para responder á crecente demanda de profesionais no estudo, investigación e xestión cultural vinculada coas cidades históricas, museos, mercado da arte, turismo e, en xeral, o patrimonio cultural de índole histórico-artístico. É un máster interuniversitario de 60 créditos coa universidade de Las Palmas de Gran Canaria.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Obrigatorias: 12
  Optativas: 42
  Traballo fin de máster: 6
  Total: 60

• Acción titorial e acollida

  A Comisión Académica nomeará un titor para cada un dos alumnos, que non terá que ser necesariamente o seu futuro director de tese, e cuxas funcións principais serán a de atender o seu tutorando, derivando as cuestións que este lle formule ás canles adecuadas, e a de facer un seguimento que permita localizar posíbeis dificultades académicas co adianto suficiente para seren corrixidas.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios xerais

  Titulacións de acceso por orde de preferencia:

  1º Lic. ou Grao en Hª da Arte; en Historia; Humanidades; Arquitectura; Historia e Ciencias Musicais; Belas Artes; Estudos Superiores de Conservatorio de Música; Filoloxías; Documentación, e Tradución e Interpretación.

  2º Lic. ou Grao en Xeografía; Xeografía e Ordenación do Territorio; Comunicación Audiovisual; Xornalismo. Diplomatura, Lic. ou Grao en Turismo.

  Información actualizada en cada convocatoria de matrícula

Modalidade: criterios xerais

Titulacións de acceso por orde de preferencia:

1º Lic. ou Grao en Hª da Arte; en Historia; Humanidades; Arquitectura; Historia e Ciencias Musicais; Belas Artes; Estudos Superiores de Conservatorio de Música; Filoloxías; Documentación, e Tradución e Interpretación.

2º Lic. ou Grao en Xeografía; Xeografía e Ordenación do Territorio; Comunicación Audiovisual; Xornalismo. Diplomatura, Lic. ou Grao en Turismo.

Información actualizada en cada convocatoria de matrícula

• Competencias xerais

  1 - Capacitar para deseñar e xestionar proxectos
  2 - Predispoñer para traballar en equipos interdisciplinares.
  3 - Desenvolver destrezas de xestión: capacidade de tomar decisións, motivación.
  4 - Capacitar para aplicar o coñecemento á práctica
  5 - Concienciar sobre as capacidades propias
  6 - Capacitar para traballar nun contexto internacional
  7 - Capacitar para a adaptación a novas situacións
  8 - Potenciar o interese pola calidade e o manexo da información

• Competencias específicas

  1 - Dotar das capacidades críticas necesarias para a actividade profesional ou investigadora en arte, arquitectura vinculados co patrimonio cultural, cidade histórica, espazos de conservación e exhibición do patrimonio artístico e arte e mercado
  2 - Dotar dos coñecementos suficientes para incorporarse ao ámbito profesional nas disciplinas impartidas no máster.
  3 - Preparar para emitir e redactar informes histórico-artísticos e arquitectónicos a través da análise crítica, avaliación e síntese de ideas novas e complexas
  4 - Capacitar no asesoramento en plans directores, plans especiais, etc. nun contexto internacional
  5 - Posuír e comprender coñecementos en torno á xestión cultural
  6 - Utilizar e criticar os fundamentos metodolóxicos e teóricos da restauración, conservación, protección e exhibición do patrimonio artístico e arquitectónico.
  7 - Proporcionar os patróns de interpretación crítica vinculados á historia da arte, arquitectura, a música, os elementos audiovisuais, o patrimonio cultural e a cidade histórica.
  8 - Preparar o egresado, de ser o caso, para realizar unha tese de doutoral nos ámbitos propios das disciplinas de historia da arte, arquitectura, música, audiovisuais e patrimonio cultural

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

As prácticas en empresa poderán ser elixidas polo alumnado de forma optativa. Consistirán na realización de prácticas nunha empresa ou institución, durante 300 h para os efectos da obtención dun total de 12 créditos equivalentes. Terán unha duración aproximada de dúas semanas e realizarase habitualmente ao final do segundo cuadrimestre.

Asignarase ao alumno un titor académico entre o Persoal Docente e Investigador do Centro, que fará un seguimento ao traballo realizado polo alumno e velará pola calidade da estancia realizada, e un titor externo na empresa, encargado de garantir as condicións apropiadas para a súa realización.

Nestes momentos, a facultade de Xeografía e Historia ten asinados 28 convenios para a realización de prácticas con diversas entidades.

O traballo fin de máster consistirá na elaboración dun traballo de investigación no cal o alumnado poida demostrar as súas capacidades e competencias vinculadas co contido deste máster.

O cadro docente do máster está formado por persoal docente e investigadores das dúas universidades participantes con unha recoñecida experiencia neste campo.