Plan de Acción Titorial

Os obxectivos do Plan de Acción Titorial son:

• Facilitar a integración do alumnado de novo ingreso.
• Orientar, apoiar e asesorar ao alumnado no seu proceso formativo.
• Informar ao alumnado sobre aspectos académicos e profesionais que lle permitan planificar o seu itinerario académico e o seu futuro profesional.
• Realizar un seguimento personalizado do alumnado.
• Identificar as dificultades de aprendizaxe e organizativas nos estudos de Grao para poder analizalas e atoparlles unha solución.
• Animar ao alumnado á participación na vida da Facultade de Educación e da Universidade de Santiago de Compostela.

Orientación a estudantes de novo ingreso

• Xornada de acollida e presentación da Facultade.
• Presentación da Biblioteca
• Acompañamento a través do Programa de alumnos titores da USC. Este programa ten como obxectivos formar o alumnado seleccionado para que poida dar acollida aos estudantes de novo ingreso.

Orientación ao longo dos estudos

• Sesión informativa sobre o TFG.
• Sesión informativa sobre o TFM.
• Sesión informativa sobre prácticas externas.
• Sesión informativa sobre programas de mobilidade.

Orientación para a toma de decisións ao finalizar os estudos

• Sesións e conferencias sobre procura de emprego e emprendemento e oferta de formación de posgrado.

A normativa de avaliación do rendemento académico da USC permite establecer un sistema de apoio titorial extraordinario para axudar aos estudantes a superar aquelas materias que lles presenten especiais dificultades.

Poden solicitalo os/as alumnos/as matriculados/as en calquera titulación, agás nas de posgrao, sempre que reúnan estes requisitos:

1. Ter pendentes de superación para o remate dos estudos de título un máximo de 18 créditos ou tres materias (excluído o cómputo do Traballo de fin de grao, as prácticas obrigatorias, as prácticas tuteladas e o prácticum.
2. Ter esgotadas 2 convocatorias, cando menos, en cada unha das materias que soliciten apoio.