Máster Universitario en Procesos de Formación

Créditos que ten que realizar un estudante para obter o título de máster:

Materias obrigatorias: 24 ECTS
Materias optativas: 18 ECTS
Prácticas Obrigatorias: 6 ECTS
Traballo fin de Máster: 12 ECTS
Créditos totais: 60 ECTS

O título contempla dous itinerarios diferentes:

1. Innovación e Calidade
2. Orientación e Asesoramento

O alumnado pode elixir entre cursar un itinerario, superando as materias optativas do módulo correspondente, ou escoller libremente as materias optativas da titulación.

Máster mixto de investigación e profesionalizante cun contido que promove, por un lado, a formación en competencias vinculadas á investigación e, por outro lado, forma especialistas no deseño, implementación e avaliación da Formación, tanto en contextos escolares como laborais e profesionais.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que ten que realizar un estudante para obter o título de máster:

  Materias obrigatorias: 24 ECTS
  Materias optativas: 18 ECTS
  Prácticas Obrigatorias: 6 ECTS
  Traballo fin de Máster: 12 ECTS
  Créditos totais: 60 ECTS

• Acción titorial e acollida

  O sistema de apoio e orientación aos estudantes se fundamenta na titoría individualizada e nun
  sistema de orientación do conxunto de profesores. O sistema de orientación conxunto utilizará dúas estratexias:
  a) Reunións periódicas para a análise do progreso académico, das necesidades e liñas para a mellora e da proxección nos ámbitos profesionais. Contémplase nesta estratexia unha reunión avanzado o curso para a asignación de titores do proxecto final de Máster que inclúe a deliberación conxunta sobre o ámbito no que cada proxecto centrarase. Unha vez asignado titor, o asesoramento e seguimento do proxecto será individualizado.
  b) Un espazo en rede virtual que utiliza unha plataforma colaborativa en rede onde se poden
  xestionar documentación, grupos de traballo, pódense organizar debates e, a través de foros, realizar unha reflexión sobre o proceso de formativo que consolide a aprendizaxe.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios específicos

  Titulacións por orde de preferencia:

  1. Titulacións de Ciencias da Educación: Pedagoxía, Psicopedagoxía, Mestre, e Ed. Social.
  2. Titulacións en Psicoloxía; en Socioloxía; en Documentación; en Actividade Física e Deporte; en Xornalismo; en Comunicación Audiovisual; en Economía; en Administración e Dirección de Empresas; en Ciencias Políticas e da Administración; en Investigación e Ciencias de Mercado; outras titulacións da rama de Ciencias Sociais e Xurídicas
  3. Titulacións da rama de Humanidades
  4. Titulacións de Ciencias e Ciencias da Saúde

  Os alumnos procedentes de países de lingua diferente ao galego, portugués ou español deberán acreditar o nivel de lingua galega: Celga II, ou española: B2, consonte o Acordo do Consello de Goberno da USC do 30 de xullo de 2018.

  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido

  Criterios de Selección:

  -Terase en conta a nota media do expediente.
  -Multiplicarase a nota media polo grao de afinidade da titulación: 1, 2, 3, 4 (de menor a maior afinidade).
  -Ordenaranse os expedientes de acordo co resultado.

  Información actualizada en cada convocatoria de matrícula

1. Coñecer en profundidade os diversos ámbitos de proxección da Investigación pedagóxica e de inserción laboral dos posgraduados en Educación.
2. Coñecer as diversas actividades profesionais especializadas (postos e funcións) que desempeñan os postgraduados en Educación.
3. Desenvolver competencias especializadas para o traballo ante nichos atractivos de intervención profesional en ámbitos que requiren unha especialización (a calidade, o e-learning, o deseño de contidos didácticos dixitais, o asesoramento individual ou institucional, a validación de competencias, a formación continua, a investigación e innovación educativa etc.)
4. Deseñar propostas formativas que atendan a contextos de diversidade e teñan en conta a igualdade de xénero, á equidad e ao respecto aos dereitos humanos.
5. Mellorar/completar as competencias transversais dos profesionais da educación para a investigación, o desenvolvemento e a innovación (I D I) como bases fundamentais da mellora profesional e da calidade das funcións e servizos prestados polos especialistas da educación nos seus contextos laborais.
6. Analizar as achegas da investigación pedagóxica e os procesos de xeración de coñecemento científico en diversos campos especializados.

• Competencias xerais

  1. Coñecer e utilizar variedade de recursos e técnicas especializadas para a construción de coñecementos científicos sobre a Formación.
  2. Expor e resolver problemas extraídos da práctica, chegando a usar esquemas de resolución non coñecidos (ser creativo).
  3. Adoptar actitudes favorables cara á participación e implicación en procesos de formación e cara á colaboración como pauta de relación profesional.
  4. Organizar e xestionar a utilización e o funcionamento de recursos humanos, materiais e tecnolóxicos en contornas formativas.
  5. Actuar con soltura no uso e aplicación de metodoloxías didácticas.
  6. Asumir un compromiso ético e metodolóxico coa práctica científica e profesional.
  7. Ter iniciativa na intervención en contextos complexos que afectan a estudantes con diferentes capacidades e distintos ritmos de aprendizaxe
  8. Adecuarse a situacións novas ou cambiantes, reaccionar positivamente e aceptar, entender ou introducir novos puntos de vista cando a situación o precise.
  9. Actuar con rigor e obxectividade e cautela á hora de emitir xuízos atendendo aos valores democráticos.
  10. Desenvolver unha actitude crítica na actuación profesional.

• Competencias específicas

  Desenvolver unha actitude positiva, crítica e plural da investigación como ferramenta de comprensión e mellora da realidade educativa.
  Tomar conciencia do valor social do coñecemento científico.
  Comprender e aplicar técnicas e estratexias metodolóxicas adecuadas para a resolución de casos.
  Identificar aspectos específicos das problemáticas e tendencias educativas actuais.
  Desenvolver unha actitude positiva cara á incorporación das técnicas e/ou procedementos de recollida de información no traballo profesional.
  Contribuír ao establecemento de políticas ou estratexias de actuación para a mellora da formación.
  Participar de forma colaborativa no desenvolvemento do coñecemento científico, empregando unha linguaxe formal científica e promovendo a transferencia dos achados da investigación educativa á práctica profesional.
  Deseñar e pór en marcha procesos formativos de calidade que respondan a necesidades da práctica profesional e nichos formativos emerxentes.
  Implicarse, aconsellar, organizar e dirixir plans de formación, desde o diagnóstico de necesidades ata a concreción en accións de formación organizadas por prioridade, así como a súa avaliación e seguimento.
  Coñecer os fundamentos e a metodoloxía de avaliación, referida a programas, contextos, procesos, produtos, profesionais, institucións e/ou organizacións e sistemas educativos.
  Promover, planificar e dirixir a implantación de procesos e modelos de xestión da calidade.
  Axudar outros profesionais na elaboración de programas de formación tomando como soporte os medios e redes de información e comunicación.
  Deseñar materiais didácticos e contornas formativas en rede axustados ás características dos suxeitos e os contextos nos que van ser implementados.
  Elaborar e utilizar dispositivos de avaliación diagnóstica das características de suxeitos e colectivos en relación cos seus coñecementos, destrezas, valores e actitudes.
  Detectar e avaliar os diferentes factores tanto persoais, interpersoais ou sociais que inciden en determinadas situacións e que son xeradores ou manteñen situacións de exclusión.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

Redactarase un plan de prácticas, no que se establecerán os procedementos: asignación de prazas e titores, preparación, desenvolvemento e avaliación.
O proceso de xestión das prácticas externas que ten por obxecto establecer como organizar e xestionar as prácticas dos estudantes en empresas e institucións de forma que se garanta a calidade, o recoñecemento académico e o aproveitamento máis adecuado das mesmas por parte dos/as estudantes da USC. Estas prácticas están orientadas a completar a formación dos alumnos e titulados universitarios así como facilitar o seu acceso ao mundo profesional.
Co obxectivo de comprobar o correcto desenvolvemento das prácticas por parte das entidades colaboradoras e do propio alumnado así como para detectar situacións irregulares e carencias do proceso, decidiuse implantar os seguintes mecanismos de control, sen prexuízo doutros que puidesen engadirse:
- Orientación ao estudante a través do coordinador de prácticas.
- Medición da satisfacción dos estudantes e empresas a través de enquisas.
- Xestión de queixas e reclamacións a través do Centro e da Oficina de Análise das Reclamacións.
- Memoria do proceso e Plan de mellora anual.
A metodoloxía de ensino incluirá:
- Explicacións ao alumnado por parte do coordinador/a e dos/as supervisores/as sobre o proceso, desenvolvemento e institucións nas que se vai a realizar a experiencia profesional que supón o Practicum e presentación das actividades a realizar.
- Contacto e coordinación entre o supervisor/a e o titor/a en a institución.
- Estancia dos/as alumnos/as nas institucións.
- Seguimento e titoría do alumnado nas institucións.
- Titoría e seguimento para a elaboración do Proxecto do Practicum.
- Avaliación do Practicum.
As tarefas a realizar no proceso de estancia en distintas institucións, centros, empresas,administracións, etc serán.:
- Observación e análise das realidades sociais e institucionais que configuran a especialización profesional.
- Organizacións e relacións laborais da súa familia profesional.
- Deseño, desenvolvemento e avaliación de programas ou proxectos de formación.
- Análise dos Procesos de Formación en marcha.

O proxecto final do Máster: é o traballo final e poderá enfocarse desde diversas orientacións:
- Como elaboración persoal dos contidos traballados ao longo do curso.
- Como profundización titorizada nalgún dos ámbitos/problemáticas da profesión que máis interesen ao estudante (análise conceptual en profundidade).
- Como inicio-continuación nos procesos de investigación a través dun traballo de investigación, o que implicaría a incorporación dos estudantes aos grupos de investigación existentes nos departamentos.
Para iniciar o Traballo de Fin de Master será necesario superar todas as materias do primeiro cuadrimestre. No momento da presentación do traballo o alumno deberá ter superado todos os demais créditos necesarios para o título. O Traballo de Fin de Máster poderá ser presentado en ambos cuadrimestres.

O profesorado está composto por profesores doutores que pertencen a departamentos Didáctica e Organización Escolar e Métodos de Investigación e diagnóstico en educación da USC, con experiencia acreditada. O 75% do profesorado ten máis de 20 anos de docencia e con perfís especializados nas materias do título.