Grao en Mestre de Educación Infantil

• Perfil de ingreso

  En canto ao perfil de acceso/ingreso, é recomendable que o/a aspirante posúa as seguintes características persoais e académicas:
  - Interese por todos os aspectos relacionados coa cultura e a infancia.
  - Compromiso social.
  - Compromiso ético.
  - Curiosidade científica.
  - Habilidade para as relacións interpersoais.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta 9 aulas de uso xeral, con capacidade entre 90 e 230 postos, e 8 aulas dotadas de recursos específicos para impartir determinadas materias, como música ou novas tecnoloxías. Tamén conta con unha aula de seminario, dous laboratorios e un pavillón deportivo.

Existen ademais diversos espazos con equipamento adecuado para que o alumnado poida realizar traballo en grupo.

A Biblioteca da Facultade de Ciencias de Educación no campus norte conta con máis de 80 postos de lectura.

O obxectivo principal do Grao é formar mestres/as atendendo aos principios da Lei Orgánica 2/2006 de Educación, do 3 de maio (BOE do 04/05/2006).
Esta titulación de grao capacita para educar de xeito integral a nenos en etapa de educación primaria como profesor xeneralista en centros públicos e privados de Educación Infantil, servizos de apoio para a escola e centros de ocio. Pode desenvolver as súas actividades tanto na Administración e Organismos Públicos coma en empresas privadas, así coma na docencia.

• Competencias básicas

  - Que os estudantes demostren posuír e comprender coñecementos nunha área de estudo que parte da base da educación secundaria xeral, e soe atoparse a un nivel que, aínda apoiándose en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo
  - Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que adoitan demostrarse por medio da elaboración e defensa de argumentos e a resolución de problemas dentro da súa área de estudo
  - Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitir xuízos que inclúan unha reflexión sobre temas relevantes de índole social, científica ou ética
  - Que os estudantes poidan transmitir información, ideas, problemas e solucións a un público tanto especializado como non especializado
  - Que os estudantes desenvolvan aquelas habilidades de aprendizaxe necesarias para emprender estudos posteriores cun alto grao de autonomía

• Competencias xerais

  1. Comprender os procesos educativos e de aprendizaxe do período 0-6, nos contextos escolar, familiar e social.
  2. Facilitar aprendizaxes desde unha perspectiva globalizadora das dimensións cognitiva, emocional, psicomotora e volitiva, que contribúan ao desenvolvemento integral dos nenos e nenas.
  3. Deseñar e regular espazos de aprendizaxe en contextos de diversidade que atendan á igualdade de xénero, á equidade e ao respecto aos dereitos humanos.
  4. Observar, reflexionar e favorecer a convivencia dentro e fóra da aula e promover a resolución pacífica de conflitos.
  5. Promover tanto a aprendizaxe cooperativa como a autonomía e singularidade de cada nena/o, traballando as súas emocións, sentimentos e valores.
  6. Coñecer a evolución da linguaxe na primeira infancia, saber identificar posibles disfuncións e velar pola súa correcta evolución, tamén en contextos multilingües.
  7. Coñecer as implicacións educativas das tecnoloxías da información e a comunicación na infancia.
  8. Coñecer fundamentos de dietética e hixiene infantís, de atención temperá e de procesos psicolóxicos, de aprendizaxe e de construción da personalidade na primeira infancia.
  9. Coñecer a organización, funcionamento e modelos de mellora dos centros de educación infantil. Asumir as competencias da función docente así como a necesidade da formación permanente para ir adaptándoa aos cambios científicos, pedagóxicos e sociais.
  10. Orientar a nais/pais en relación coa educación familiar no período 0-6 e dominar habilidades sociais no trato coas familias.
  11. Reflexionar sobre as prácticas de aula para innovar e mellorar o labor docente.
  12. Comprender a función, posibilidades e límites, da educación na sociedade actual

• Competencias específicas

  - Comprender os procesos educativos e de aprendizaxe no período de 0-6, no contexto familiar, social e escolar.
  - Coñecer os desenvolvementos da psicoloxía evolutiva da infancia nos períodos 0-3 e 3-6. - Coñecer os fundamentos de atención temperá.
  - Recoñecer a identidade da etapa e as súas características cognitivas, psicomotoras, comunicativas, sociais, afectivas.
  - Saber promover a adquisición de hábitos en torno a autonomía, a liberdade, a curiosidade, a observación, a experimentación, a imitación a aceptación de normas e de límites, o xogo simbólico e heursístico.
  - Coñecer a dimensión pedagóxica da interacción cos iguais e os adultos e saber promover a participación en actividades colectivas, o traballo cooperativo e o esforzo individual
  - Identificar dificultades de aprendizaxe, disfuncións cognitivas e as relacionadas coa atención.
  - Saber informar a outros profesionais especialistas para abordar a colaboración do centro e do mestre na atención ás necesidades educativas especiais que se formulen.
  - Adquirir recursos para favorecer a integración educativa de estudantes con dificultades.
  - Crear e manter lazos de comunicación coas familias para incidir eficazmente no proceso educativo
  - Coñecer e saber exercer as funcións de titor e orientador en relación coa educación familiar.
  - Promover e colaborar en accións dentro e fóra da escola, organizadas por familias, concellos e outras institucións con incidencia na formación cidadá.
  - Analizar e incorporar de forma crítica as cuestións máis relevantes da sociedade actual que afectan a educación familiar e escolar: impacto social e educativo das linguaxes audiovisuais e das pantallas; cambios nas relacións de xénero e intergeracionais; multiculturalidade e interculturalista; discriminación e inclusión social e desenvolvemento sustentábel.
  - Coñecer a evolución histórica da familia, os diferentes tipos de familias, de estilos de vida e educación no contexto familiar.
  - Coñecer os principios básicos dun desenvolvemento e comportamento saudábeis.
  - Identificar trastornos no soño, a alimentación, o desenvolvemento psicomotor, a atención e a percepción auditiva e visual.
  - Colaborar cos profesionais especializados para solucionar os devanditos trastornos.
  - Detectar carencias afectivas, alimenticias e de benestar que perturben o desenvolvemento físico e psíquico adecuado dos estudantes.
  - Comprender que a dinámica diaria en educación infantil é cambiante en función de cada estudante, grupo e situación e saber ser flexíbel no exercicio da función docente.
  - Valorar a importancia da estabilidade e a regularidade no contorno escolar, os horarios e os estados de ánimo do profesorado como factores que contribúen ao progreso harmónico e integral dos estudantes.

• Competencias transversais

  - Coñecemento instrumental de linguas estranxeiras.
  - Coñecemento instrumental da lingua galega.
  - Coñecemento instrumental das tecnoloxías da información e da comunicación.
  - Competencia informacional.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

2ª edición

As Prácticas distribúense en dous períodos coa intención de aproveitar o seu potencial ao longo da formación dos estudantes. Os períodos de Practicum propostos desenvólvense progresivamente conforme a seguinte secuencia:

a. PRACTICUM I (18 créditos. 3º curso, 5º cuadrimestre): O sentido xeral deste Practicum é centrarse na observación en torno á vida da aula e ás tarefas do profesorado, o proceso da aprendizaxe da tarefa docente, os proxectos e prácticas desenvoltos no centro escolar e no seu contexto, así como no proceso de aprendizaxe na ensinanza.

b. PRACTICUM II (24 créditos. 4º Curso 8º cuadrimestre): o sentido xeral deste Practicum é centrarse nos proxectos e prácticas desenvoltos no centro escolar e no seu contexto, e no proceso de aprendizaxe da ensinanza e nos procesos de mellora de aula e centro. Ao longo do Prácticum II o alumno deberá realizar un Proxecto de traballo vinculado á mención, ao que se lle outorga un valor de 6 créditos do total de 24 que comprende este Prácticum.

1ª edición

As Prácticas distribúense en tres períodos coa intención de aproveitar o seu potencial ao longo da formación dos estudantes. Os períodos de Practicum propostos desenvólvense progresivamente conforme a seguinte secuencia:

a. PRACTICUM I. Vida de aula e tarefas do profesorado. (12 créditos. 2º curso, 3ºcuadrimestre): O sentido deste Practicum é centrarse nas tarefas que o docente realiza en relación ao contexto inmediato do aula, así como en analizar e reflexionar sobre o que alí acontece. Será requisito ter superados polo menos 48 créditos do primeiro curso.

b. PRACTICUM II. O centro escolar e o seu contexto: proxectos e prácticas. (18 créditos. 3º Curso 6º cuadrimestre): contextualizando as prácticas do docente nun centro e unha localidade, trátase de deseñar, desenvolver e avaliar proxectos de centro e de aula e de comprender que os límites da función do profesor non están delimitados polo espazo físico inmediato no que traballa habitualmente cos alumnos e que forma parte dun equipo docente, polo que debe estar atento ao conxunto da Comunidade Educativa, sempre desde unha actitude crítica e reflexiva. Procurarase, na medida do posible, que o alumnado realice, un destes dous períodos de prácticas no ciclo 0-3. Será requisito ter superados polo menos 48 créditos do segundo curso, entre os que se inclúen necesariamente os do Practicum I.

c. PRACTICUM III. Procesos de mellora de aula e centro. (12 créditos. 4º curso, 7º cuadrimestre): Neste último practicum trátase de salientar o perfil de mestre innovador, reflexivo e investigador, engadindo ao traballo nos períodos anteriores elementos de mellora de proxectos de centro e aula en procesos de investigación-acción. Será requisito ter superados polo menos 48 créditos do terceiro curso, entre os que se inclúen necesariamente os do Practicum II.

O Traballo de Fin de Grao articúlase como unha materia anual no último curso cunha distribución en 3 créditos no 7º cuadrimestre e 6 no 8º. A súa programación anual permitirá, por unha banda diferencialo do Prácticum, e por outra facilitar ao alumno o tempo necesario para planificar, desenvolver e integrar as competencias adquiridas ao longo da formación do grao.
Para ser admitido no Traballo Fin de Grao, será requisito ter superados polo menos 150 créditos dos tres primeiros cursos do Grao.