Grao en Mestre de Educación Primaria

• Perfil de ingreso

  En canto ao perfil de acceso/ingreso, é recomendable que o/a aspirante posúa as seguintes características persoais e académicas:
  - Interese por todos os aspectos relacionados coa cultura e a infancia.
  - Compromiso social.
  - Compromiso ético.
  - Curiosidade científica.
  - Habilidade para as relacións interpersoais.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta 9 aulas de uso xeral, con capacidade entre 90 e 230 postos, e 8 aulas dotadas de recursos específicos para impartir determinadas materias, como música ou novas tecnoloxías. Tamén conta con unha aula de seminario, dous laboratorios e un pavillón deportivo.

Existen ademais diversos espazos con equipamento adecuado para que o alumnado poida realizar traballo en grupo.

No campus norte, a Biblioteca atópase na planta baixa do edificio da Facultade, e conta con máis de 80 postos. No campus sur, a Biblioteca está situada no módulo central que comparten as facultades de Ciencias da Educación e Psicoloxía.

O obxectivo principal do Grao é formar mestres atendendo aos principios da Lei Orgánica 2/2006 de Educación, do 3 de maio (BOE do 04/05/2006).
Esta titulación de grao capacita en España para educar de xeito integral a nenos en etapa de educación primaria como profesor xeneralista en centros públicos e privados de Educación Primaria, servizos de apoio para a escola e centros de ocio. Pode desenvolver as súas actividades tanto na Administración e Organismos Públicos coma en empresas privadas, así coma na docencia

• Competencias básicas

  -Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;
  -Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;
  -Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;
  -Que os estudantes poidan transmitir información, ideas, problemas e solucións a un público tanto especializado como non especializado;
  -Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Coñecer as áreas curriculares da Educación Primaria, os criterios de avaliación e os procedementos de ensino e aprendizaxe.
  2. Deseñar, planificar e avaliar procesos de ensino e aprendizaxe individualmente e en colaboración con outros profesionais.
  3. Abordar situacións de aprendizaxe de linguas en contextos multiculturais e plurilingües. Fomentar a lectura e o comentario crítico de textos científicos e culturais.
  4. Deseñar e regular espazos de aprendizaxe en contextos de diversidade e que atendan á igualdade de xénero, á equidade e ao respecto dos dereitos humanos.
  5. Fomentar a convivencia na aula e fóra dela, resolver problemas de disciplina e contribuír á resolución pacífica de conflitos.
  6. Coñecer a organización e o funcionamento dos colexios de educación primaria. Desempeñar as funcións de titoría e de orientación cos estudantes e as súas familias.
  7. Colaborar cos distintos sectores da comunidade educativa e da contorna social. Asumir a dimensión educadora da función docente e educar para unha cidadanía activa.
  8. Manter unha relación crítica e autónoma cara aos saberes, os valores e as institucións sociais.
  9. Valorar a responsabilidade individual e colectiva na consecución dun futuro sostible.
  10. Reflexionar sobre as prácticas de aula para innovar e mellorar o labor docente. Adquirir hábitos e destrezas para a aprendizaxe autónoma e cooperativa.
  11. Coñecer e aplicar nas aulas as tecnoloxías da información e da comunicación. Discernir a información audiovisual que contribúa ás aprendizaxes e á formación cívica.
  12. Comprender a función, as posibilidades e os límites da educación na sociedade actual e coñecer modelos de mellora da calidade dos centros educativos.

• Competencias específicas

  - Comprender os procesos de aprendizaxe relativos ao período 6-12 no contexto familiar, social e escolar
  - Coñecer as características destes estudiantes, así como as características dos seus contextos motivacionais e sociais
  - Dominar os coñecementos necesarios para comprender o desenvolvemento da personalidade destes estudantes e identificar disfuncións
  - Identificar dificultades de aprendizaxe, informalas e colaborar no seu tratamento
  - Coñecer as propostas e desenvolvementos actuais baseados na aprendizaxe de competencias
  - Identificar e planificar a resolución de situacións educativas que afectan estudantes con diferentes capacidades e distintos ritmos de aprendizaxe
  - Analizar e comprender os procesos educativos na aula e fóra dela relativos ao período 6-12
  - Coñecer os fundamentos da educación primaria
  - Analizar a práctica docente e as condicións institucionais que a enmarcan
  - Coñecer a evolución histórica do sistema educativo no noso país e os condicionantes políticos e lexislativos da actividade educativa
  - Coñecer os procesos de interacción e comunicacion na aula
  - Abordar e resolver problemas de disciplina
  - Promover o traballo cooperativo e o traballo e esforzo individuais
  - Promover accións de educación en valores orientados á preparación dunha educación activa e democrática
  - Coñecer e abordar situacións escolares en contextos multiculturais
  - Deseñar, planificar e avaliar a actividade docente e a aprendizaxe na aula
  - Coñecer e aplicar experiencias innovadoras en educación primaria
  - Participar na definición do proxecto educativo e na actividade xeral do centro atendendo a criterios de xestión de calidade
  - Coñecer e aplicar metodoloxías e técnicas básicas de investigación educativa e ser capaz de deseñar proxectos de innovación identificando indicadores de avaliación
  - Mostrar habilidades sociais para entender as familias e facerse entender por elas

• Competencias transversais

  - Coñecemento instrumental de linguas estranxeiras
  - Coñecemento instrumental da lingua galega
  - Coñecemento instrumental das tecnoloxías da información e da comunicación
  - Competencia informacional

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

2ª edición

As Prácticas distribúense en dous períodos coa intención de aproveitar o seu potencial ao longo da formación dos estudantes. Os períodos de Practicum propostos desenvólvense progresivamente conforme a seguinte secuencia:

- PRACTICUM I (18 créditos. 3º curso, 5º cuadrimestre): O sentido xeral deste Practicum é centrarse na observación en torno á vida da aula e ás tarefas do profesorado, o proceso da aprendizaxe da tarefa docente, os proxextos e prácticas desenvoltos no centro escolar e no seu contexto, así como no proceso de aprendizaxe na ensinanza.

- PRACTICUM II (24 créditos. 4º Curso 8º cuadrimestre): o sentido xeral deste Practicum é centrarse nos proxectos e prácticas desenvoltos no centro escolar e no seu contexto, e no proceso de aprendizaxe da ensinanza e nos procesos de mellora de aula e centro. Ao longo do Prácticum II o alumno deberá realizar un Proxecto de traballo vinculado á mención, ao que se lle outorga un valor de 6 créditos do total de 24 que comprende este Prácticum.

1ª edición

As Prácticas distribúense en tres períodos coa intención de aproveitar o seu potencial ao longo da formación dos estudantes. Os períodos de Practicum propostos desenvólvense progresivamente conforme a seguinte secuencia:

- PRACTICUM I. Vida de aula e tarefas do profesorado. (12 créditos. 2º curso, 3ºcuadrimestre): O sentido deste Practicum é centrarse nas tarefas que o docente realiza en relación co contexto inmediato da aula, así como en analizar e reflexionar sobre o que alí acontece. Será requisito ter superados polo menos 48 créditos do primeiro curso.

- PRACTICUM II. O centro escolar e o seu contexto: proxectos e prácticas. (18 créditos. 3º Curso 6º cuadrimestre): contextualizando as prácticas do docente nun centro e unha localidade, trátase de deseñar, desenvolver e avaliar proxectos de centro e de aula e de comprender que os límites da función do profesor non están delimitados polo espazo físico inmediato no que traballa habitualmente cos alumnos e que forma parte dun equipo docente, polo que debe estar atento ao conxunto da Comunidade Educativa, sempre desde unha actitude crítica e reflexiva. Procurarase, na medida do posible, que o alumnado realice, un destes dous períodos de prácticas no ciclo 0-3. Será requisito ter superados polo menos 48 créditos do segundo curso, entre os que se inclúen necesariamente os do Practicum I.

- PRACTICUM III. Procesos de mellora de aula e centro. (12 créditos. 4º curso, 7º cuadrimestre): Neste último practicum trátase de salientar o perfil de mestre innovador, reflexivo e investigador, engadindo ao traballo nos períodos anteriores elementos de mellora de proxectos de centro e aula en procesos de investigación-acción. Será requisito ter superados polo menos 48 créditos do terceiro curso, entre os que se inclúen necesariamente os do Practicum II.

O Traballo Fin de Grao articúlase como unha materia anual no último curso cunha distribución en 3 créditos no 7º cuadrimestre e 6 no 8º. A súa programación anual permitirá, por unha banda diferencialo do Prácticum, e por outra facilitarlle ao alumno o tempo necesario para planificar, desenvolver e integrar as competencias adquiridas ao longo da formación do grao. Para ser admitido no Traballo Fin de Grao, será requisito ter superados polo menos 150 créditos dos tres primeiros cursos do Grao.