Máster Universitario en Investigación en Educación, Diversidade Cultural e Desenvolvemento Comunitario

Créditos que deberá cursar o alumno para obter a titulación:

Obrigatorios 24;
Optativos 21;
Traballo Fin de Máster 15;
Total 60.

Non se contemplan

O máster facilita unha formación de carácter especializado e multidisciplinar nas Ciencias da Educación, poñendo énfase na diversidade cultural e nos procesos de desenvolvemento en clave educativa. Promove, tamén, a iniciación do alumnado en tarefas investigadoras.

• Perfil de ingreso

  Non se contempla

• Número mínimo de créditos ECTS de matrícula por estudante e período lectivo

  Créditos que deberá cursar o alumno para obter a titulación:

  Obrigatorios 24;
  Optativos 21;
  Traballo Fin de Máster 15;
  Total 60.

• Acción titorial e acollida

  Disporase dun sistema de titorización específico de carácter presencial e telemático para cada módulo e seminario.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Titulacións de acceso por orde de preferencia:

  1º Licenciaturas/graos en Pedagoxía e Psicopedagoxía. Graos en Educación Social e Mestre.
  2º Diplomatura en Educación Social; Mestres (todas as especialidades)
  3º Licenciaturas e graos en ciencias Xurídicas e Sociais / Humanidades

  Os alumnos procedentes de países de lingua diferente ao galego, portugués ou español deberán acreditar o nivel de lingua galega Celga II, ou española B2, consonte o Acordo do Consello de Goberno da USC do 28 de febreiro de 2019.
  De non posuíren algún dos títulos, a USC realizaralles unha proba de nivel e, de non superala, deberán asistir a un curso intensivo de galego ou español no primeiro semestre até acadaren o nivel requirido.

  Información actualizada en cada convocatoria de matrícula

1º Facilitar unha formación avanzada, de carácter especializado e multidisciplinar, nas Ciencias da Educación, poñendo énfase na diversidade cultural e nos procesos de desenvolvemento en clave educativa.
2º Promover a iniciación do alumnado en tarefas investigadoras, posibilitando, no caso de cumprir os requisitos, o acceso ao Programa de Doutoramento en Educación, que culmina coa realización e defensa dunha tese doutoral.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación
  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo
  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  - Que os estudantes posúan as habilidades de aprendizaxe que lles permitan continuaren a estudar dun modo que haberá de ser en grande medida autodirixido ou autónomo.

• Competencias xerais

  - Aplicar os coñecementos adquiridos para a resolución de problemas en contornos novos ou pouco coñecidos dentro de contextos multidisciplinares relacionados coa súa área de estudo
  - Integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos
  - Comunicar as conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades
  -Facer uso das habilidades de aprendizaxe que permitan continuar a estudar dun modo principalmente autodirixido ou autónomo

• Competencias específicas

  - Recoñecer a dimensión científica do proceso investigador na área socio-histórico-educativa
  - Vincular o coñecemento científico, a investigación educativa e as súas achegas metodolóxicas aos procesos de cambio socioeducativo
  - Aplicar modelos e procedementos de investigación a problemas concretos da educación, asociando as súas contribucións a procesos de acción-intervención educativa e á implementación de programas
  - Adquirir un dominio básico dos fundamentos epistemolóxicos, teóricos e metodolóxicos da investigación cualitativa no coñecemento e a transformación das realidades sociais
  - Coñecer os principais enfoques e estratexias da avaliación de programas na intervención socio-comunitaria

• Competencias transversais

  - Coñecer e respeitar a Declaración universal dos dereitos humanos, fomentando unha cultura de paz, a conciencia democrática e unha resolución pacífica de conflitos así como os mecanismos básicos para a participación cidadá como exercicio que rexe a elaboración das Memorias de responsabilidade social universitaria da USC
  - Incorporar os principios de igualdade de xénero entre homes e mulleres e de accesibilidade universal segundo as recomendaciones da USC na súa II Plan estratéxico de igualdade de oportunidades entre mulleres e homes, os criterios de elaboración dunha linguaxe profesional e non sexista e o Protocolo de prevención e actuación fronte ao acoso sexual e ao acoso por razón de sexo, orientación sexual e identidade de xénero
  - Desenvolver aptitudes para o traballo cooperativo e colaborativo a través da participación en equipos; dentro e fóra da aula, empregando habilidades de negociación e responsabilidade no desempeño das tarefas asignadas nas materias e módulos do mestrado. Presentación e elección de valores como son o esforzo, respeito e compromiso coa procura da calidade no proceso de ensino-aprendizaxe como signo de identidade
  - Xerar unha actitude para a sustentabilidade ambiental e o consumo responsábel desde os principios que rexen o Plan de desenvolvemento Sustentábel da USC
  - Desenvolver valores profesionais desde os distintos grupos de investigación presentes no mestrado para poder defender unha ética da investigación no ámbito da educación, onde se respeite a diversidade de opinións e os xeitos de «ser», «estar» e «facer»

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa): Portal Internacional

Prácticas

Non se contemplan

Os contidos do traballo fin de máster vincularanse ás temáticas das liñas de investigación desenvolvidas por cada un dos grupos que participan no máster.

Está composto por profesorado que pertencen á propia Universidade, e que forma parte de tres grupos de investigación cunha longa traxectoria (Grupo SEPA-interea; Grupo ESCULCA; Grupo Terceira Xeración) e un de máis recente creación (Grupo Edunartex), así como por colaboradores alleos á USC que desempeñan a súa actividade en universidades españolas, portuguesas e brasileiras. Tamén forma parte da equipa de apoio outro persoal que desenvolve as súas funcións profesionais en diferentes ámbitos educativos (regulados e non regulados).