Traballos presentados

Resumo
As vivendas de uso turístico ocupan un lugar destacado nas primeiras páxinas dos xornais e no debate público nos últimos anos. A crecente popularidade convertéronos como unha opción de aloxamento preferida para millóns de persoas. Este fenómeno non está exento de polémica, xa que a súa expansión xerou unha gran variedade de efectos nas cidades. Este traballo de fin de grao céntrase na análise e a evolución recente do turismo en España e, en particular, en Galicia, a través do estudo da vivenda de uso turístico. A análise céntrase en Santiago de Compostela, cidade declarada Patrimonio da Humanidade pola UNESCO e destacado punto de interese internacional que atrae cada ano un gran número de turistas. Ao longo do traballo se estudará a evolución das vivendas de uso turístico na capital galega, así como os distintos efectos que este tipo de aloxamentos ten na cidade. Tras presentar e debater os aspectos máis relevantes do fenómeno, o traballo concluirá cunha serie de reflexións finais que sintetizan os principais resultados e propuestas para unha futuras liñas de investigación.

Dirección
PEREIRA LOPEZ, XESUS (Titoría)

Tribunal
PEREIRA LOPEZ, XESUS (Titor do alumno)

Resumo
Este traballo ten como obxectivo realizar unha análise económico-financieira para a empresa Adega Condes de Albarei SAU, a cal está situada no concello de Cambados e se dedica á elaboración de viño. Con esta análise preténdese realizar un diagnóstico completo da entidade i evaluar a súa situación. Esta será realizada para un período de anos concreto (2020-2022) e os resultados obtidos polas diferentes porcentaxes e ratios serán comparados cos dun grupo de comparación cuxas características serán similares. Como conclusión, esta análise revela que Adega Condes de Albarei SAU conta cun desequilibrio financieiro, pero cunha leve melloría nos datos do ano 2022.

Dirección
RODRIGUEZ GULIAS, MARIA JESUS (Titoría)

Tribunal
RODRIGUEZ GULIAS, MARIA JESUS (Titor do alumno)

Resumo
O presente Traballo de Fin de Grao (TFG) desenvolve un Plan de Marketing Dixital para a empresa ficticia Autos Xacobeo, especializada na venda de coches de segunda man. O obxectivo principal é deseñar unha estratexia dixital eficaz que incremente a visibilidade, optimice a captación de clientes e reforce a fidelización nun mercado altamente competitivo. Para iso, o traballo comeza cunha análise detallada do mercado de vehículos de ocasión, identificando tendencias clave e factores que impulsan o seu crecemento. Posteriormente, realízase unha análise DAFO para avaliar as fortalezas, debilidades, oportunidades e ameazas da empresa, sentando as bases da estratexia de marketing dixital. O plan estrúcturase en torno a catro piares fundamentais: Optimización dixital e posicionamento SEO: Mellor do sitio web, uso de palabras clave estratéxicas e optimización para motores de busca. Estratexia en redes sociais e publicidade dixital: Campañas segmentadas en Facebook, Instagram e Google Ads para captar e converter clientes potenciais. Marketing de contidos e email marketing: Creación de contido relevante para atraer e fidelizar clientes mediante newsletters e publicacións informativas. Medición e control de resultados: Implementación de indicadores clave de rendemento (KPIs) para avaliar a efectividade das estratexias e optimizalas continuamente. O traballo conclúe destacando a importancia dun enfoque omnicanal, combinando a venda en liña coa experiencia física no concesionario. Así mesmo, enfatízase a necesidade de transparencia e confianza no proceso de compra como elemento diferenciador no mercado de vehículos de ocasión.

Dirección
PORTO PEDRIDO, JOSE RAMON (Titoría)

Tribunal
PORTO PEDRIDO, JOSE RAMON (Titor do alumno)

Resumo
Este traballo utiliza a teoría de xogos para analizar o conflito comercial entre Estados Unidos e China, examinando conceptos como o equilibrio de Nash e o dilema do prisioneiro. Aborda como as estratexias proteccionistas e a desconfianza mutua levaron a decisións subóptimas que afectan a ambas as economías. Tamén se estudan as implicacións políticas, o papel das institucións internacionais como mediadoras e os factores económicos que inflúen nas decisións estratéxicas de ambos os países. Finalmente, a análise destaca o papel da teoría de xogos para axudar a comprender as dinámicas de cooperación e conflito no comercio internacional.

Dirección
FERNANDEZ CASTRO, María Belén (Titoría)

Tribunal
FERNANDEZ CASTRO, María Belén (Titor do alumno)

Resumo
O teletraballo cobrou unha gran relevancia nos últimos anos, especialmente tras a pandemia do COVID-19, que impulsou a súa adopción debido ás restricións sanitarias. Este Traballo de Fin de Grao, cunha extensión de 9.977 palabras, analiza a súa evolución, vantaxes, inconvenientes e percepcións desde diferentes perspectivas, combinando unha revisión teórica cun estudo empírico baseado na realización dunha enquisa. A revisión teórica baséase principalmente na evolución do teletraballo e a súa regulación en España. Tamén se centra en definir as distintas modalidades existentes de teletraballo e analízanse as vantaxes e inconvenientes deste método de traballo así como a súa tendencia actual. Na parte empírica, preséntanse os resultados dunha enquisa dirixida a persoas con e sen experiencia en teletraballo. A análise dos datos permite identificar os factores que inflúen na decisión de teletraballar ou non, así como as percepcións sobre esta modalidade. Para iso, establecéronse distintos perfís de participantes, incluíndo teletraballadores, non teletraballadores e estudantes, o que permite unha visión máis ampla e detallada sobre as opinións respecto a esta forma de emprego. Os resultados reflicten que o teletraballo é percibido positivamente en aspectos como o aforro en desprazamentos, a conciliación laboral e persoal, e a flexibilidade horaria. Con todo, tamén se identifican desafíos importantes, como a falta de interacción social, a dificultade para desconectar do traballo e a falta de interacción social. O teletraballo é unha modalidade en crecemento, a pesar do retroceso despois do levantamento das restricións sanitarias, con importantes beneficios pero tamén con retos aos que enfrontarse. O seu futuro dependerá da evolución do mercado laboral, as regulacións e a adaptación das empresas e traballadores a esta forma de emprego.

Dirección
BARRAL BUCETA, BRAN (Titoría)

Tribunal
BARRAL BUCETA, BRAN (Titor do alumno)

Resumo
Nun momento como o actual, caracterizado pola aposta pola descarbonización da economía, acompañada de dous procesos tan relevantes como o de electrificación e dixitalización, resulta de sumo interese estudar o comportamento dos territorios en canto á xeración e demanda de enerxía eléctrica. O presente TFG ten como obxectivo xeral analizar a produción e demanda de enerxía eléctrica nas comunidades e cidades autónomas do Estado español nos anos 2011, 2016 e 2021. Logo de realizar unha breve presentación do marco regulatorio español da enerxía eléctrica a modo de contextualización, a análise pretende verificar a existencia dun proceso de substitución das fontes non renovables polas renovables ao longo do tempo e identificar os territorios que están a contribuír con maior intensidade a esta transición enerxética. No ámbito da demanda, identifícanse os factores que poderían explicala (poboación, riqueza e intensidade enerxética), establecendo unha clasificación de comunidades autónomas e comprobando se esa clasificación se mantén no tempo. Deseguido, contrapóñense os comportamentos dos ámbitos da produción e da demanda para clasificar os diferentes territorios en deficitarios, excedentarios ou equilibrados, reflexionando sobre as implicacións de cada perfil. Finalmente, extráense un conxunto de conclusións estruturadas en función dos obxectivos propostos neste traballo.

Dirección
CHAS AMIL, MARIA LUISA (Titoría)

Tribunal
CHAS AMIL, MARIA LUISA (Titor do alumno)

Resumo
Este Traballo de Fin de Grao céntrase na información asimétrica dos sistemas financeiros, incluíndo conceptos fundamentais como a selección adversa, o risco moral e o deseño de incentivos. Cando unha das partes nunha transacción posúe información que a outra descoñece, pode ter lugar o fenómeno coñecido como selección adversa. Pola súa banda, o risco moral fai referencia á inclinación dunha persoa a tomar maiores riscos cando non se enfronta ás consecuencias completas das súas accións debido á cobertura ou protección que lle brinda a outra parte. A creación de mecanismos que axustan os intereses de ambas as partes e minimizan os problemas causados pola información asimétrica é o obxectivo principal do deseño de incentivos. O tema principal deste traballo é o estudo do impacto de información asimétrica nos sistemas financeiros, influíndo na estabilidade e na eficiencia financeira. Examínanse os custos de transacción relacionados coa desigualdade de información, e tamén se abordan as dificultades que enfronta o sector financeiro no seu intento de reducir eses inconvenientes. Tamén é importante resaltar as oportunidades que se presentan ao poñer en práctica as solucións eficientes e as perspectivas futuras para mellorar a transparencia e diminuír a falta de información. Finalmente, preséntanse diversos exemplos de selección adversa e de risco moral nos sistemas financeiros. Estes exemplos mostran como a falta de información simétrica pode causar resultados pouco favorables e aumentar os riscos a nivel sistémico, subliñando a necesidade de abordar estes problemas e fomentar unha maior estabilidade e eficiencia nos sistemas financeiros.

Dirección
FERNANDEZ CASTRO, María Belén (Titoría)

Tribunal
FERNANDEZ CASTRO, María Belén (Titor do alumno)

Resumo
A publicidade é unha ferramenta presente no noso día a día, non só repercute no noso consumo, tamén ten unha grande influencia nos nosos hábitos sociais, condutas e comportamentos. A miúdo presenta unha imaxe da muller que non reflicte a realidade, promovendo estereotipos que reforzan a desigualdade de xénero. Neste traballo imos estudar o papel da publicidade na creación e perpetuación destes estereotipos. Para iso, detallaremos o concepto de publicidade, así como os seus elementos. Analizarase a historia da muller na publicidade, así como a evolución da súa imaxe durante as distintas etapas. Tamén examinaremos a orixe e o significado dos estereotipos e as súas funcións dende o punto de vista de varios autores. Centrarémonos na representación da muller, nos trazos e atributos que se lle atribúen e nos principais estereotipos de xénero vinculados tanto a homes como a mulleres. Por último, realizaremos unha análise cualitativa dos estereotipos de xénero na publicidade dos supermercados, examinando diversos anuncios extraídos dunha colección de folletos e catálogos destas cadeas.

Dirección
BENITO TORRES, JOSE LEANDRO (Titoría)

Tribunal
BENITO TORRES, JOSE LEANDRO (Titor do alumno)

Resumo
Aluminios Cortizo trátase da empresa líder no sector a nivel nacional na fabricación de perfís de aluminio e PVC. Conta con presenza en 60 países e completa todo o ciclo de produción. No traballo realizaremos unha análise económica-financeira da empresa e do grupo de comparación. A primeira parte tratará da presentación da empresa obxecto de estudo, onde realizaremos tamén unha análise interna e externa da mesma. Posteriormente realizarase unha análise económica-financeira partindo do cálculo de ratios e porcentaxes para o período 2020-2022. Chegamos á conclusión de que Aluminios Cortizo é a empresa máis prometedora das analizadas, basando a súa financiación principalmente en recursos propios. Conta con rendibilidades superiores que as do grupo de comparación que permiten o seu posto como empresa líder no sector a nivel nacional.

Dirección
GARRIDO GONZALEZ, MARIA LUZ (Titoría)

Tribunal
GARRIDO GONZALEZ, MARIA LUZ (Titor do alumno)

Resumo
O presente traballo céntrase nos activos sen prezo de mercado, que son aqueles bens que posúen as empresas con capacidade operativa, pero que non contan cun mercado recorrente onde se realicen transaccións habituais e, polo tanto, o seu prezo é máis difícil e complicado de calcular. Actualmente, estes activos son fundamentais no funcionamento das empresas modernas. Estes elementos patrimoniais presentan unha correlación directa co fomento da innovación, a creación de estratexias e a transparencia financeira das empresas, dentro dun contexto sen un mercado aparente, inexacto e sen certeza. Neste estudo ponse o foco nos activos intanxibles, o goodwill ou fondo de comercio, activos especializados, instrumentos financeiros non cotizados e outros bens culturais. Dentro dos citados, realizo un maior énfase nos activos intanxibles e o fondo de comercio, debido a que nun entorno cada vez máis dixitalizado e asentado no coñecemento, son cruciais na creación de valor, o desenvolvemento e as vantaxes competitivas dunha entidade. A análise contable recae no tratamento das normativas contables que describen os criterios de recoñecemento, valoración inicial e posterior. Estas normativas son a NIC-38, dedicada principalmente á definición e recoñecemento inicial dos activos intanxibles; a NIIF-13, determinación do valor razoable; a NIIF-3 relacionada coas combinacións de negocio e a NIC-36, que establece as probas de deterioro de valor para representar unha correcta valoración. O tratamento contable baséase nunha citación e explicación minuciosa da normativa, seguida dunha presentación de casos prácticos simplificados que reflicten, dunha maneira xeral, a valoración destes activos sen prezo de mercado.

Dirección
TRELLES GONZALEZ, RAFAEL (Titoría)

Tribunal
TRELLES GONZALEZ, RAFAEL (Titor do alumno)

Resumo
Este estudo examino o impacto das patentes na innovación. A investigación analizada estuda como as patentes poden seguir sendo unha ferramenta fundamental para a innovación, ao mesmo tempo que outorgan dereitos exclusivos aos inventores. En primeiro lugar, os requisitos de patentabilidade non deben ser uniformes. Débeselle atribuír a cada sector uns requisitos diferenciados dependendo do ritmo inventivo. En segundo lugar, a duración e amplitude das patentes débese axustar ao ritmo inventivo de cada sector buscando a compensación. Por último, suxírense propostas económicas para a mellora do sistema de patentes. Estas propostas idean taxas progresivas que obrigan aos titulares a revelar o valor privado das súas innovacións, axustando a protección para evitar bloqueos a novos avances.

Dirección
ARJONA BEJAR, LUIS ENRIQUE (Titoría)

Tribunal
ARJONA BEJAR, LUIS ENRIQUE (Titor do alumno)

Resumo
Neste traballo centrarémonos nas cadeas de valor, que serán o punto de partida desde o que intentaremos explicar o fenómeno da globalización e as recentes tendencias de sustentabilidade engadidas ao proceso produtivo co fin de acadar un mundo máis limpo. En concreto, optamos por enfocar o traballo nas cadeas de valor dirixidas cara á industria electrónica, xa que, xunto coa automoción, a enerxía ou a alimentación, é unha das que máis peso e importancia ten na economía. Ademais, dentro destas e en xeral, decantámonos por este sector porque nos parece o máis interesante dada a súa relevancia nas últimas décadas, onde un sector electrónico potente é sinónimo de poder. Tamén afondaremos naquelas rexións que soportan o aspecto máis negativo destes procesos produtivos, tendo que lidar coas múltiples externalidades negativas da actividade. En resumo, o obxectivo deste traballo é investigar e aprender sobre os aspectos máis xerais das cadeas globais de valor e afondar na súa incidencia na industria electrónica, para contribuír a unha mellor comprensión da complexidade técnico-organizativa e das implicacións medioambientais dos procesos que hai detrás da fabricación de produtos electrónicos (ordenador, móbil, etc.). Todo isto, abordándoo desde un punto de vista sistémico, obxectivo e actual.

Dirección
RODIL MARZABAL, OSCAR (Titoría)

Tribunal
RODIL MARZABAL, OSCAR (Titor do alumno)

Resumo
O traballo analiza a economía social (ES) e os centros especiais de emprego (CEE) sen ánimo de lucro en Galicia. A ES baséase en valores de solidariedade e xestión democrática, e creceu como un sector clave na xeración de emprego. Os CEE facilitan a inserción laboral de persoas con discapacidade, promovendo a estabilidade e a inclusión. Porén, enfróntanse a desafíos como a redución do financiamento, a fenda salarial e a adaptación ás novas tecnoloxías. A pesar das dificultades, a ES segue sendo unha ferramenta clave para o desenvolvemento sostible, con oportunidades en sectores emerxentes.

Dirección
EXPOSITO DIAZ, PILAR (Titoría)

Tribunal
EXPOSITO DIAZ, PILAR (Titor do alumno)

Resumo
Este estudo analiza o movemento ecoloxista, definíndoo e contextualizando a súa base histórica, ao tempo que o desvincula de erróneas concepcións. Estudaremos tamén as súas principais correntes antes de centrarnos en dúas vertentes fundamentais. Estas vertentes poñen en punto de mira a defensa das comunidades e actores máis vulnerables: O ecoloxismo dos pobres e o ecofeminismo. Ambos denuncian e poñen en evidencia as desigualdades territoriais e de xénero, evidenciando como os impactos ambientais, causados polo sistema económico actual, afectan desproporcionadamente no Sur Global e nas mulleres.

Dirección
MUÑOZ ABELEDO, LUISA MARIA (Titoría)

Tribunal
MUÑOZ ABELEDO, LUISA MARIA (Titor do alumno)

Resumo
A vivenda sostible ocupa un lugar central nas políticas de desenvolvemento urbano contemporánea, especialmente en España, onde as tensións entre a demanda de vivenda e a eficiencia enerxética do parque de vivendas supoñen retos críticos. Este traballo explora como a Axenda Urbana Española (AUE) artella un enfoque estratéxico para afrontar os retos da vivenda sostible, integrando diversas ferramentas e actores clave. Aquí preséntase como elemento central o Proxecto EeMap (Plan de Acción de Hipotecas Eficientes Enerxéticas), pensado para impulsar o financiamento verde mediante o desenvolvemento e promoción de hipotecas orientadas á eficiencia enerxética. A análise céntrase no potencial transformador das hipotecas verdes, deseñadas para facilitar o acceso a vivendas eficientes enerxéticamente mediante incentivos financeiros específicos. Mediante unha revisión da súa implantación en España, analízanse os seus beneficios ambientais e económicos, xunto coas limitacións que dificultan a súa adopción masiva, como a falta de harmonización normativa e a percepción de elevados custos iniciais. Como veremos, para maximizar o potencial das hipotecas verdes requírese un entorno propicio onde se xunten políticas públicas eficaces, incentivos financeiros e colaboración intersectorial. Neste sentido, o financiamento verde pode xogar un papel decisivo na transformación do sector residencial, favorecendo a creación de cidades sostibles, inclusivas e adaptadas aos retos ambientais e sociais do futuro. Conseguir avances neste ámbito transcende o ámbito nacional e está aliñado cos compromisos internacionais asumidos para protexer o equilibrio ecolóxico do planeta.

Dirección
CADAVAL SAMPEDRO, MARIA (Titoría)

Tribunal
CADAVAL SAMPEDRO, MARIA (Titor do alumno)

Resumo
Este traballo ten como obxectivo realizar unha análise exploratoria da toma de decisións dos peregrinos nas variantes portuguesas do Camiño de Santiago. Para iso, empréganse diversas ferramentas estatísticas que proporcionan unha perspectiva máis empírica da realidade do camiño. O estudo baséase en datos de peregrinos que percorreron estas rutas no ano 2023, co fin de examinar os diferentes factores que inflúen na súa decisión. En primeiro lugar, contextualízase a relevancia do Camiño Portugués tradicional e da ruta da Costa, seguida dunha breve exposición da metodoloxía empregada e da definición das variables utilizadas. Posteriormente, aplícanse dous enfoques estatísticos para identificar tendencias e relacións significativas. Finalmente, analízanse e compáranse os resultados obtidos, xunto cunha reflexión sobre as limitacións do estudo e posibles melloras. Este traballo consta de 8.095 palabras.

Dirección
NEIRA GOMEZ, MARIA ISABEL (Titoría)

Tribunal
NEIRA GOMEZ, MARIA ISABEL (Titor do alumno)

Resumo
Este traballo analiza a evolución da crise financeira que comeza a finais de 2007 co estalido da burbulla inmobiliaria en Estados Unidos e fai unha pequena reflexión sobre a policrise posterior a 2020, con enfoques económicos, sociais e políticos. Comezamos contextualizando o panorama económico global anterior a 2008, marcado por procesos de financiarización e desigualdades estruturais que remataron en crise. Analizamos as causas da crise así como as súas consecuencias e as respostas dun grupo de países: España, China, Estados Unidos, Alemaña e Grecia. A segunda parte do traballo céntrase na análise de datos para clarificar as consecuencias desta crise mediante o PIB, a débeda pública, a balanza comercial, a taxa de desemprego e o prezo da vivenda. A través disto, observamos as diferentes políticas económicas que levaron a cabo os diferentes países. Nas conclusións, explicamos como a crise de 2008, sumada á crise da débeda soberana, non só produce un estancamento na economía, senón que tamén acaba por afectar á crise da Covid-19 e á crise enerxética posterior.

Dirección
DIOS VICENTE, ADRIAN (Titoría)

Tribunal
DIOS VICENTE, ADRIAN (Titor do alumno)

Resumo
Este traballo ten como obxectivo analizar como afectan as diferenzas de xénero nos factores psicolóxicos ás preferencias polos atributos laborais. Con esta investigación preténdese analizar se estas diferenzas de xénero nos factores psicolóxicos explican, polo menos en parte, a fenda salarial. Con ese obxectivo, tomarase como base o estudo Preference for the Workplace, Investment in Human Capital, and Gender do ano 2016 de Wiswall e Zafar, co fin de deseñar un experimento que poderá ser realizado no futuro entre o alumnado universitario da Universidade de Santiago de Compostela. Este experimento servirá para contrastar e verificar os resultados do estudo de Wiswall e Zafar. A gran maioría dos estudos actuais que tratan de investigar as diferenzas de xénero nos factores psicolóxicos chegan á evidencia de que atributos como a aversión ao risco ou a fuxida da competencia son trazos que perpetúan a fenda salarial de xénero, obrigando ás mulleres a escoller entornos laborais máis tranquilas que lles permitan unha conciliación familiar. Finalmente, propoñeremos algunhas medidas que poderían implantarse para afrontar a fenda salarial de xénero en función dos resultados que se obteñan no futuro nesta investigación. A extensión deste traballo é de 8.825 palabras.

Dirección
LORES INSUA, FRANCISCO XAVIER (Titoría)

Tribunal
AGUAYO LORENZO, EVA MARIA (Presidente/a)
PENA BOQUETE, YOLANDA (Secretario/a)
ESPERANTE PARAMOS, BRUNO (Vogal)