Prácticas nos Graos
A Facultade de Ciencias Económicas e Empresariais facilita ao seu alumnado a posibilidade de realizar tanto prácticas curriculares como extracurriculares en dúas convocatorias:
- Curriculares: Os plans de estudos dos Graos en ADE e Economía contemplan con carácter optativo a realización de prácticas externas. Estas prácticas teñen carácter curricular e unha duración de 150 horas (6 créditos).
- Extracurriculares: As prácticas non forman parte do plan de estudos pero figuran no teu expediente e no Suplemento Europeo ao Título (SET). Son como mínimo de 7 créditos (175 horas) e como máximo 30 créditos (750 horas).
Para poder solicitar a realización de prácticas hai que ter superado 120 créditos no momento da convocatoria á que se queira acudir.
As prácticas curriculares deben de estar realizadas e cualificadas sempre antes da defensa do TFG.
Hai dúas convocatorias de prácticas
- En outubro, para realizalas entre outubro ou novembro e ata abril.
- En marzo ou abril, para facelas ata o mes de setembro.
Podes atopar a información detallada dos pasos a seguir e a forma de avaliación das prácticas na Guía docente das prácticas curriculares.
O alumno ou alumna que vaia a realizar prácticas durante o curso debe asistir ás seguintes actividades formativas específicas que organiza o Centro:
- O contacto profesional coa empresa: elaboración do CV e correo de presentación
- O uso de Linkedin como ferramenta de aprendizaxe e empregabilidade
- Estás preparada/o para o teu primeiro día de traballo?
- Supera un proceso de selección