A Facultade de Ciencias Económicas e Empresariais da USC conta cun Plan de Acción Titorial para as titulacións de Economía e ADE ao abeiro do que se organizan actividades, unhas colectivas e outras máis personalizadas, dirixidas a orientar o estudantado en diferentes aspectos da súa vida académica e do seu futuro profesional.
O Plan de Acción Titorial ten por obxectivos:
- Facilitar a integración académica do estudantado no contexto universitario e fomentar a súa participación na vida universitaria e nos órganos de participación e xestión.
- Orientar ao estudantado na dispoñibilidade e o uso dos recursos para a aprendizaxe.
- Ofrecer apoio académico ao estudantado para configurar o seu proxecto académico e profesional.
- Orientar ao estudantado sobre opcións de inserción laboral e formación continua.
- Dotar aos profesores de información e recursos para afrontar as demandas do novo sistema educativo.
Orientación a estudantes de novo ingreso
- Xornada de acollida e presentación da Facultade.
- Presentación da Biblioteca Intercentros
- Acompañamento a través do Programa de alumnos titores da USC. Este programa ten como obxectivos formar o alumnado seleccionado para que poida dar acollida aos estudantes de novo ingreso.
Orientación ao longo dos estudos
- Sesión informativa sobre o TFG.
- Sesión informativa sobre prácticas externas.
- Sesión informativa sobre programas de mobilidade.
- Programa de Apoio titorial extraordinario da USC para axudar aos estudantes a superar aquelas materias que lles presentan especiais dificultades.
Orientación para a toma de decisións ao finalizar os estudos
- Conferencias sobre procura de emprego e emprendemento.
- Sesión informátiva sobre oferta de formación de posgrado.
A normativa de avaliación do rendemento académico de USC permite establecer un sistema de apoio titorial extraordinario para axudar aos estudantes a superar aquelas materias que lles presenten especiais dificultades.
Poden solicitalo as/os estudantes matriculadas/os en calquera titulación, agás nas de posgrao, sempre que reúnan este requisitos:
1. Ter pendentes de superación para o remate dos estudos de título un máximo de 18 créditos ou tres materias (excluído o cómputo do traballo de fin de grao, as prácticas obrigatorias, as prácticas tuteladas e o prácticum)
2. Ter esgotadas 2 convocatorias, cando menos, en cada unha das materias que soliciten apoio.