MALDI

Técnica empregada para a determinación de masa molecular onde se obtén o espectro xeral da mostra no rango de masas analizado. Pódese realizar medidas en modo lineal (baixa resolución) ou modo reflector (alta resolución, rango de masas 50-4000 Da); con polaridade positiva ou negativa. 

As mostras enviaranse sólidas ou en disolución nun vial etiquetado co seu código identificativo, e ter unha concentración axeitada segundo a seguinte táboa:

Táboa: guía de concentración das mostras para MALDI

Convén non empregar disolventes como DMSO ou DMF, e evitar a presenza de sales que poden interferir na mostra (NaCl, NaOAc...). No caso de que a mostra teña sales, pódese realizar un desalgado previo (servicio facturable) co “Desalgado Zip-Tip”.

As mostras a analizar serán mesturadas con unha matriz orgánica segundo o protocolo estándar da Unidade e depositada na superficie metálica da placa MALDI. No caso de que se necesite medir as mostras noutras matrices, distintas ás habituais das que dispón a Unidade, ou si se precisa dun protocolo específico de preparación, o usuario debe indicalo no apartado de “Observacións” do Formulario de Solicitude de Servicio ou poñerse en contacto coa Unidade.

Matrices:

As matrices empréganse dependendo do tipo de analito a medir, podendo ser necesario á adición de algún tipo de aditivo. As matrices e aditivos coas que conta a Unidade actualmente, e que son as máis habituais en MALDI, son as seguintes:

Para outro tipo de matrices, por favor contactar coa Unidade.

Aínda que os equipos empregados en MALDI poden adquirir espectros en Alta Resolución (modo Reflector), non realizan a Medida de Masas Exactas, xa que non é unha técnica axeitada para ese servizo adicional. Polo contrario, pódese facilitar ó usuario unha comparativa visual do pico experimental co teórico da fórmula facilitada, pero sen os datos estatísticos da MME.

Instrumentación: Autoflex (Bruker), Ultraflex III (Bruker).