Ir o contido principal
Este portal emprega cookies propias ou de terceiros con fins analíticos, así como ligazóns a portais de terceiros para poder compartir contido nas redes sociais. Pode obter máis información na <a href="https://pro-assets-usc.azureedge.net/gl/aviso-legal">política de cookies</a>.

Estación de Hidrobioloxía "Encoro do Con"

A Estación de Hidrobioloxía "Encoro do Con" é un centro especializado no estudo da calidade e biodiversidade fluvial, tendo estabelecido colaboración científicas con diferentes países de Europa e Latinoamérica. A EHEC dispón de barcos, laboratorios, e aulas propias e capacidade para dar aloxamento a 14 alumnos e profesores.

Estación Hidrobioloxía "Encoro do Con"

Obxectivos

A Estación de Hidrobioloxía "Encoro do Con" está situada á beira do encoro do Con, en Castroagudín (Cea), no concello de Vilagarcía de Arousa. Este centro pretende ser unha ponte na cooperación entre os organismos xestores e os organismos de investigación, onde se acheguen opinións baseadas no acaído coñecemento dos ecosistemas acuáticos naturais.

Dotacións da EHEC

A estación conta con laboratorio de análise e o laboratorio “húmido”, provisto de acuarios e dous ríos artificiais,  sistemas de bombeo, filtro e regulación de temperatura dos acuarios, conxeladores e mais un taller para a elaboración de equipos de investigación.  

 

Actividades e servizos

Na súa actividade científica a estación traballa en aspectos de investigación básica, sobre invertebrados acuáticos e peixes migradores, e en investigación aplicada, en todo o relativo ao control e avaliación da contaminación en ambientes acuáticos continentais.

A EHEC ten como obxectivo prioritario impulsar a investigación da fauna doceacuícola, ocupándose de aspectos tan diversos como a realización de inventarios e o cartografado, os estudios faunísticos e de autoecoloxía das especies de importantes grupos de invertebrados acuáticos, o estudio da estrutura e evolución temporal das poboacións de peixes, da calidade biolóxica das augas, do avance en restauración do hábitat e dos impactos das invasións biolóxicas.

En canto aos aspectos aplicados cabe salientar o perfeccionamento da metodoloxía de caracterización da calidade biolóxica das augas epicontinentais (índices bióticos, análises teratolóxicos, ensaios de toxicidade, avaliación de impactos ....), permiten mellorar a xestión dos recursos, compatibilizando a demanda social sobre a auga e a conservación dos ecosistemas.

Tendo en conta as dotacións dos seus laboratorios a EHEC ofrece os seguinte servizos

Docencia

A actividade docente abrangue a formación práctica de estudantes universitarios, o desenvolvemento de cursos e másteres en contacto directo co medio acuático; a educación medioambiental en niveis non universitarios.    

Calidade

No ano 2009 a Estación de Hidrobioloxía “Encoro do Con” da USC (EHEC) obtivo, mediante un proceso de certificación externo pola EFQM (European Foundation for Quality Management), o “Selo de Compromiso cara á Excelencia Europea 200+” polo seu sistema de xestión.

Galería de fotos

Contacto

Coordinador científico

Xosé Luis Otero Pérez

Enderezo
Departamento de Edafoloxía e Química Agrícola. Facultade de Bioloxía. Rúa Lope Gómez de Marzoa, s/n, 15782 Santiago de Compostela
Teléfonos
881813300
881823116
Email
xl.otero@usc.es
Os contidos desta páxina actualizáronse o 16.01.2024.