Grao en Xornalismo (1ª Edición)

• Perfil de ingreso

  Aínda que non se esixe ningunha formación previa específica, para o ingreso no grao en Xornalismo recoméndase que a formación do alumno sexa a propia do perfil das Ciencias Sociais (R.D. 1467/2007, BOE do 6 de novembro, polo que se establece a estrutura do bacharelato e fíxanse as ensinanzas mínimas).

  Calidades desexábeis do futuro estudante do grao en Xornalismo:

  - Interese polos medios de comunicación e polo coñecemento da actualidade.
  - Capacidade para relacionar a actualidade informativa co contexto social, económico e político no que se produce.
  - Interese pola lectura e pola escritura como actividade formativa e creativa.
  - Capacidade de observación da contorna e de interlocución cos seus axentes.

• Número mínimo de créditos ECTS de matrícula por estudante e período lectivo

  1.- O alumnado de primeiro curso por primeira vez a tempo completo ten que matricular 60 créditos. Un 15% do alumnado poderá cursar estudos a tempo parcial (30 créditos).
  2.- Continuación de estudos : libre cun máximo de 75 créditos.

• Acción titorial e acollida

  A USC ten un programa de alumnos titores para as titulacións de grao, de forma que alumnos de últimos cursos, logo dunha formación que lles facilita a Universidade, realizan tarefas de orientación aos alumnos que inician os estudos.

  Información programa alumnos titores:

  Programa alumnos titores

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seus estudantes ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Criterios de acceso e admisión

  Poden acceder a estudos de Grao aqueles estudantes que posúan os títulos, diplomas ou estudos seguintes ou otros declarados equivalentes ou homologados a estes:
  A.1. Bacharelato do Sistema Educativo Español, Bacharelato Europeo o Bacharelato Internacional.
  A.2. Bacharelato procedente de sistemas educativos de Estados membros da Unión Europea ou de otros Estados cos que se teñan subscrito acordos internacionais.
  A.3. Técnico Superior de Formación Profesional, Técnico Superior de Artes Plásticas e Diseño ou Técnico Deportivo Superior pertencente ao Sistema Educativo Español.
  A.4. Outros estudos que, nun Estado membro da Unión Europea ou noutros Estados cos que se teñan subscrito acordos internacionais en réxime de reciprocidade, acrediten os requisitos académicos esixidos en ditos Estados para acceder aos seus estudos universitarios.
  A.5. Títulos universitarios oficiais de Diplomado, Arquitecto Técnico, Enxeñeiro Técnico, Licenciado, Arquitecto, Enxeñeiro, Graduado ou Máster Universitario.
  A.6. Estudos universitarios parciais, estranxeiros ou españois.
  Tamén poderán acceder a estudios de Grao:
  B.1. Persoas maiores de vintecinco anos que superen unha proba de acceso específica.
  B.2. Persoas maiores de corenta anos con experiencia laboral ou profesional en relación cunha ensinanza universitaria.
  B.3. Persoas maiores de corenta e cinco anos que superen unha proba de acceso específica.
  Do mesmo xeito, poderán acceder a estudos de Grao:
  C.1. Persoas que estiveran en condicións de acceder á universidade segundo ordenacións do Sistema Educativo Español anteriores á Lei Orgánica 8/2013, de 9 de decembro.

O centro conta 9 aulas de propósito xeral, de diversa capacidade, 3 salas de seminario, 3 aulas de visionado, 5 salas de informática, 2 estudios de radio, 2 platós de televisión, un plató de cine con tremoia, unha aula de redacción televisiva, 7 cabinas de edición de vídeo, e unha sala de dobraxe.

Entre os espazos habilitados para o alumnado, conta dúas aulas de informática equipadas con ordenadores.

Tamén hai que destacar que desde calquera punto da Facultade é posible a conexión sen fíos a Internet.

A Biblioteca da Facultade de Ciencias da Comunicación conta con máis de 80 postos de lectura e de unha sala de traballo.

Favorecer o coñecemento racional e crítico do presente, coa finalidade de que o estudante poida comprender a sociedade actual e saiba transmitila de maneira comprensible aos demais.
Fomentar o coñecemento básico dos principais acontecementos e procesos das sociedades actuais desde unha perspectiva sincrónica e desenvolver a capacidade de comprender a diversidade e fomentar o respecto polos sistemas de valores alleos e a conciencia cívica.
Proporcionar un coñecemento suficiente das técnicas de procura, recollida de información, identificación e selección, así como dos métodos apropiados para examinar criticamente calquera clase de fontes, documentos e feitos, e transformalos en informacións de interese mediante as linguaxes informativo- comunicativas específicas.
Favorecer a expresión concisa e coherente nas linguas propias da nosa comunidade, así como noutros idiomas, en particular o inglés.
Ofrecer un coñecemento básico das teorías e métodos de investigacións propios das diferentes ramas da investigación informativo-comunicativa.

• Competencias básicas

  Que os estudantes demostrasen posuír e comprender coñecementos nunha área de estudo que parte da base da educación secundaria xeral e normalmente seencontra a un nivel que, ben que se apoia en libros de texto avanzados, inclúe tamén algúns aspectos que implican coñecementos procedentes da vangarda do seu campo de estudo;

  Que os estudantes saiban aplicar os seus coñecementos ao seu traballo ou vocación dunha forma profesional e posúan as competencias que normalmente sedemostran por medio da elaboración e defensa de argumentos e a resolución de problemas dentro da súa área de estudo;

  Que os estudantes teñan a capacidade de reunir e interpretar datos relevantes (normalmente dentro da súa área de estudo) para emitiren xuízos que inclúan unha reflexión sobre temas relevantes de índole social, científica ou ética;

  Que os estudantes poidan transmitir información, ideas, problemas e solucións a un público tanto especializado como non especializado;

  Que os estudantes desenvolvesen aquelas habilidades de aprendizaxe necesarias para emprender estudos posteriores cun alto grao de autonomía.

• Competencias xerais

  1. Aprender as técnicas de expresión oral nos medios de comunicación audiovisuais, incluíndo técnicas de locución e redacción para os medios escritos.
  2. Coñecer as técnicas para a creación de produtos multimedia
  3. Aprender as técnicas narrativas do fotoxornalismo e do documental.
  4. Capacitar para a xestión das empresas dos medios de comunicación
  5. Capacitar para desenvolver investigacións científicas dentro da área das ciencias sociais, especialmente na contorna da comunicación.
  6. Capacitar para a elaboración narrativa de produtos infográficos.

• Competencias específicas

  - Técnicas de expresión oral nos medios de comunicación audiovisuais, incluíndo técnicas de locución e redacción para os medios escritos.
  - Correcto uso da lingua española/galega.
  - Correcto uso do idioma inglés no contexto da profesión periodística.
  - Coñecer as técnicas para a correcta redacción de textos nos medios de comunicación.
  - Coñecer os mecanismos para transmitir mensaxes informativos a través dos medios de comunicación audiovisuais.
  - Coñecer os modelos de creación de información nos medios de comunicación de masas.
  - Coñecer as técnicas para a creación de produtos multimedia.
  - Aprender as técnicas narrativas do fotoxornalismo e do documental.
  - Coñecer os mecanismos de produción da información que existen nos medios de comunicación de masas.
  - Capacitar para a xestión das empresas dos medios de comunicación.
  - Capacitar para a elaboración de informes na contorna da comunicación.
  - Coñecer os mecanismos e as técnicas necesarias para una correcta organización da información.
  - Coñecer as técnicas de redacción da información especializada.
  - Capacitar para a produción de información especializada.
  - Interpretar as complexidades da comunicación ao longo da súa historia.
  - Comprender a dimensión que adquire na actualidade a participación cidadá en procesos de produción da información.
  - Coñecer o marco xurídico no que se desenvolve o xornalismo na actualidade.
  - Comprender e coñecer os organismos de regulación da comunicación e a información.
  - Comprender os modelos de comunicación existentes para a súa aplicación na actualidade.
  - Capacitar para desenvolver investigacións científicas dentro da área das ciencias sociais, especialmente na contorna da comunicación.
  - Capacitar para a xestión da programación dun medio de comunicación audiovisual.
  - Capacitar para a redacción, organización e xestión da información nos cibermedios.
  - Comprender o contexto económico e político no que se desenvolve a comunicación na actualidade.
  - Capacitar para a comprensión de informes e datos estatísticos para a súa interpretación nos medios de comunicación.
  - Adquirir os coñecementos necesarios para comprender a dimensión da comunicación de masas.
  - Capacitar para o desenvolvemento profesional do deseño e organización de elementos nos medios de comunicación.
  - Coñecer a dimensión do impacto das novas tecnoloxías no desenvolvemento profesional da comunicación.
  - Capacitar para a elaboración narrativa de produtos infográficos.

• Competencias transversais

  - Capacidade de organización e planificación.
  - Capacidade de manexo da información.
  - Traballo en equipo.
  - Aprendizaxe autónoma.
  - Creatividade.
  - Iniciativa e espírito emprendedor.
  - Coñecementos básicos da profesión.

Mobilidade

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Hai un Módulo de Prácticas en empresas xornalísticas que se trata de actividades formativas períodos formativos complementarios en empresas do sector da comunicación, vinculadas á USC a través do convenio de practicas USC-Empresa que regula esta actividade. As competencias que adquirirán os estudantes son as relacionadas co propio desenvolvemento da súa estancia formativa nas empresas convidas. Xunto a estas competencias específicas, os estudantes coñecerán a modo experimental a casuística do mercado laboral.

O Traballo fin de grao constará de 12 créditos obrigatorios a realizar no segundo cuadrimestre do cuarto curso do grao.