O TFG é unha materia obrigatoria do 4.º curso do Grao en Química, de 15 ECTS, orientada á avaliación das competencias asociadas ao título. Para a súa presentación é requisito necesario ter aprobadas as demais materias do Grao.
O TFG consistirá na elaboración dun traballo académico orixinal no que se integren e desenvolvan os coñecementos, capacidades, competencias e habilidades adquiridos durante os estudos realizados nas titulacións de grao e incluirá, como mínimo, tarefas de busca e revisión bibliográfica, lectura e integración de información, redacción, presentación e defensa.