O máster proporciona formación avanzada en química cuántica e noutras áreas da química computacional, tanto a nivel de aplicacións como de desenvolvemento de métodos e ferramentas computacionales.
Duración:
2 anos académicos
Código RUCT: 4314273
Número de ECTS: 120
Número prazas: 6
Decano/a ou director/a do centro:
Jesus Sanmartin Matalobos
jesus.sanmartin@usc.es
Coordinador-a do título:
Saulo Angel Vazquez Rodriguez
saulo.vazquez@usc.es
Linguas de uso:
Castelán, Galego
Universidade coordinadora:
Universidade Autónoma de Madrid
Universidade(s) participante(s):
Universidade de Estremadura
Universidade das Illas Baleares
Universidade de Barcelona
Universidade de Santiago de Compostela
Universidade de Murcia
Universidade de Oviedo
Universidade de Salamanca
Universidade de Cantabria
Universidade de Valencia
Universidade de Valladolid
Universidade do País Vasco
Universidade Autónoma de Madrid
Universidade de Vigo
Universidade Jaume I de Castellón
Data da autorización de implantación do título pola Xunta de Galicia:
21/04/2014
Data de publicación no BOE:
27/07/2015 (Modf:02/07/2021)
Data da última acreditación:
23/02/2018
É un máster interuniversitario coordinado no que participan 14 universidades españolas e outras 10 europeas. As españolas son: Santiago de Compostela, Barcelona, Cantabria, Estremadura, Illes Balears, Jaume I de Castellón, Murcia, Oviedo, País Vasco/ Euskal Herriko Unibertsitatea, Salamanca, Valencia, Valladolid e Vigo, coa a coordinación xeral da Universidade Autónoma de Madrid. As estranxeiras son: Sorbonne Université, Université Tolouse III Paul Sabatier, Université de Montpellier, Université de Pau et des Pays de l'Adour, Université de Bordeaux, Università degli Studi di Perugia, Università degli studi di Trieste, Università di Pisa, Rijksuniversiteit Groningen y KU Leuven. O primeiro ano do máster impártese a nivel estatal e o segundo a nivel europeo.
O máster proporciona formación avanzada en química cuántica e noutras áreas da química computacional, tanto a nivel de aplicacións como de desenvolvemento de métodos e ferramentas computacionales.
Condicións de terminación:
Obrigatorias: 47
Optativas: 43
Traballo fin de máster: 30
Total: 120
Non se contemplan
Non se contempla
Condicións de terminación:
Obrigatorias: 47
Optativas: 43
Traballo fin de máster: 30
Total: 120
Toda persoa interesada no máster en Química Teórica e Modelización Computacional poderá acceder á información sobre o título e sobre os procesos de acceso e matriculación a través de diferentes vías como son as páxinas web institucionais das catorce universidades implicadas no convenio. Nestas páxinas web ofrécese información detallada sobre o Máster de tipo características xerais, obxectivos e competencias do plan de estudos, os criterios, órganos e procedementos de admisión, o plan de formación (obxectivos/competencias, metodoloxía, contidos, criterios de avaliación, recursos bibliográficos e documentais, responsable docente, etc.)
O Coordinador do Máster Universitario ocuparase persoalmente de liquidar todas aquelas dúbidas que o potencial alumnado lle suscite, facilitándolles as direccións pertinentes dos diferentes servizos das Universidades aos que poden dirixirse. No caso de que a persoa interesada o requira terán unha reunión previa á matriculación para explicar de forma detallada as características do Máster Universitario.
Cada Universidade conta con Unidades encargadas de dar información e asesoramento sobre a oferta formativa de posgrao.
Os estudantes inscritos no programa serán recibidos no seu primeiro día polo Coordinador do máster na súa Universidade. O Coordinador presentarao ao resto de persoal, explicaralle os procedementos propios da Universidade e poñeraos en contacto coa oficina de xestión do máster para requirimentos posteriores relacionados co mesmo.
Unha vez matriculados, a normativa de xestión de Másteres Universitarios (oficiais) establece que os estudantes contarán cun titor ou titora persoal que lles asignará a Comisión de Coordinación Académica do Máster trala súa matrícula, ademais do director de traballo fin de máster, que cada estudante escolle baseándose na oferta anual de traballos realizada polo profesorado. Ambos actuarán como orientadores na toma das decisións necesarias para o bo desenvolvemento académico dos seus estudos de posgrao.
Así mesmo, o responsable e os profesores ou profesoras que forman a Comisión de Coordinación Académica do Máster están sempre accesibles ás necesidades do alumnado do Máster, así como todo o profesorado implicado, que dispón dun tempo de titoría.
Poderán acceder ás ensinanzas oficiais de máster:
1. As persoas que estean en posesión dun título universitario oficial español.
2. Aquelas que teñan un título expedido por unha institución de educación superior do EEES que faculta no país expedidor do título para o acceso a ensinanzas de máster.
3. Os titulados conforme a sistemas educativos alleos ao EEES sen necesidade de homologación dos seus títulos, previa comprobación pola Universidade de que os ditos títulos acreditan un nivel de formación equivalente aos correspondentes títulos universitarios españois e que facultan no país expedidor do título para o acceso a ensinanzas de posgrao.
Modalidade: criterios xerais
Titulacións de Acceso
Titulacións da rama de Ciencias, da rama de Ciencias da Saúde e da rama de Arquitectura e Enxeñaría
Información actualizada en cada convocatoria de matrícula
Modalidade: criterios xerais
Titulacións de Acceso
Titulacións da rama de Ciencias, da rama de Ciencias da Saúde e da rama de Arquitectura e Enxeñaría
Información actualizada en cada convocatoria de matrícula
- Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación.
- Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo.
- Que os estudantes sexan capaces de integrar coñecementos e enfrontarse á complexidade de formular xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos.
- Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüedades,
- Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.
- Os estudantes son capaces de fomentar, en contextos académicos e profesionais, o avance tecnolóxico e científico dentro dunha sociedade baseada no coñecemento e no respecto a:
a) os dereitos fundamentais e de igualdade de oportunidades entre homes e mulleres
b) os principios de igualdade de oportunidades e accesibilidade universal das persoas con discapacidade
c) os valores propios dunha cultura de paz e de valores democráticos.
- Os estudantes son capaces de resolver problemas e tomar decisións de calquera índole baixo o compromiso coa defensa e práctica das políticas de igualdade.
- Os estudantes son capaces de traballar en equipo tanto a nivel multidisciplinar como cos seus propios pares respectando o principio de igualdade de home e mulleres.
- Os estudantes desenvolven un pensamento e razonamento crítico e saben comunicalos de xeito igualitario e non sexista tanto en forma oral como escrita, na súa lingua propia e nunha lingua estranxeira.
- Os estudantes demostran o seu coñecemento e comprensión dos feitos aplicando conceptos, principios e teorías relacionadas coa Química Teórica e Modelización Computacional.
- Adquire unha visión global das distintas aplicacións da Química Teórica e modelización en campos da Química, Bioquímica, Ciencias de Materiais, Astrofísica e Catálise.
- Comprende os fundamentos teóricos e prácticos de técnicas computacionais coas que pode analizar a estrutura electrónica, morfolóxica e estrutural dun composto e interpreta adecuadamente os resultados.
- Manexar as principais fontes de información científica relacionadas coa Química Teórica e Modelización Computacional.
- É capaz de realizar unha contribución a través dunha investigación orixinal, que mereza, polo menos en parte, a publicación referenciada a nivel nacional.
- O/a estudante comprende a base da Mecánica Estatística formulada a partir das colectividades.
- Sabe calcular funcións de partición e aplica estatística cuánticas e clásica aos sistemas ideais de interese en Química.
- O/a estudante posúe a base matemática necesaria para o correcto tratamento da simetría en átomos, moléculas e sólidos, con énfase nas posibles aplicacións.
9. Está familiarizado cos postulados fundamentais da Mecánica Cuántica necesarios para un bo entendemento dos métodos máis comúns utilizados en química cuántica.
- Os estudantes manexan as técnicas máis usuais de programación en física e en química e está familiarizado coas ferramentas de cálculo esenciais nestas áreas.
- É capaz de desenvolver programas eficientes en Fortran co fin de utilizar ditas ferramentas no seu traballo cotián.
- O/a estudante está familiarizado coas técnicas computacionais que, baseadas na mecánica e dinámica molecular, son a base do deseño de moléculas de interese en campos tales como farmacoloxía, petroquímica, etc.
- Coñece e avalía criticamente a aplicabilidade dos métodos avanzados da Química Cuántica.
- Coñece a existencia de técnicas computacionais avanzadas tales como: canalización de instrucións e datos, procesadores superescalar e multiescalares, operacións en cadea, plataformas en paralelo, etc.
- O/a estudante é capaz de adaptarse a diferentes contornos culturais demostrando que responde ao cambio con flexibilidade.
- O/a estudante é organizado no traballo demostrando que sabe xestionar o tempo e os recursos de que dispón.
- O/a estudante posúe capacidade de análise e síntese de tal forma que pode comprender, interpretar e avaliar a información relevante asumindo con responsabilidade a súa propia aprendizaxe ou, no futuro, a identificación de saídas profesionais e xacementos de emprego.
- O/a estudante ten capacidade de xerar novas ideas a partir das súas propias decisións.
- Capacidade de razoamento e reflexión crítica e autocrítica como vía para mellorar o propio proceso de aprendizaxe e a xeración e desenvolvemento de ideas nun contexto profesional ou de investigación.
- Compromiso social e ético con colectivos en situación de risco ou exclusión asumindo responsabilidades vinculadas á complexidade da intervención profesional.
- Saber comunicar e argumentar coñecementos, resultados e conclusións da investigación ou práctica profesional a públicos especializados e non especializados dun modo claro e sen ambigüidades
- Decidir e utilizar os procedementos adecuados para conseguir financiamento como investigador/a ou como emprendedor/a
-Capacidade de obter, seleccionar, elaborar e procesar información proveniente de fontes diversas con criterios obxectivos, priorizándoas segundo a súa calidade e pertinencia
- Predicir e controlar a evolución de situacións complexas mediante o desenvolvemento de novas e innovadoras metodoloxías de traballo adaptadas ao ámbito científico/investigador e profesional
- Identificar e seleccionar con rigor a metodoloxía adecuada para formular hipótese, definir problemas e deseñar estratexias de traballo propias da investigación incidiendo no compromiso ético
- Fomentar en contextos académicos e profesionais o avance do coñecemento científico-tecnolóxico, social ou cultural e o seu transferencia á sociedade
- Capacidade de asumir a responsabilidade do propio desenvolvemento profesional, de acordo aos retos e oportunidades que suscita a sociedade
No Máster Universitario en Química Teórica e Modelización Computacional establécense accións de mobilidade específicas. De feito está previsto que se produza a mobilidade de estudantes durante o mesmo xa que é necesario para alcanzar as competencias previstas.
A organización da mobilidade de estudantes para cursar os ensinos que se imparten en sedes distintas da de orixe será planificada cada curso académico pola Comisión de Coordinación Académica do Máster que xestionará as solicitudes de axuda económica a estudantes a través das convocatorias oficiais publicadas ao efecto. Así mesmo, esta Comisión planificará cada curso académico os cursos a impartir por profesoras e profesores doutras Universidades españolas ou estranxeiras.
En canto ao financiamento, a participación nestas actividades e estancias realizaranse sempre sen custo adicional para o alumnado xa que se espera dispoñer do programa de mobilidade para estudantes de Máster do Ministerio de Educación Cultura e Deporte como en edicións anteriores dispúxose desta axuda do Ministerio de Ciencia e Innovación.
No caso de asistencia a congresos e reunións científicas poderíase contar, entre outros, coas bolsas de viaxe que outorgan as universidades aos estudantes (en xeral cobren os gastos de viaxe dun congreso ao ano); e con fondos propios dos grupos de investigación a través de proxectos propios, que contemplan sempre financiamento para asistencia a congresos. Por esta vía cóbrense os gastos de inscrición e os gastos de viaxe e asistencia a algúns congresos.
A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):
Portal Internacional
Non se contemplan
Co TFM preténdese alcanzar as competencias xerais e específicas da materia e adquirir os coñecementos teóricos e prácticos descritos nos seus contidos así como desenvolver as competencias de carácter persoal, interpersoal e vinculado ao desenvolvemento ético e responsable da profesión.
O TFM consiste no deseño, planificación e desenvolvemento dun proxecto de investigación orixinal no que os estudantes demostran o seu coñecemento e comprensión dos feitos aplicando conceptos, principios e teorías relacionadas coa Química Teórica e Modelización Computacional.
As metodoloxías docentes consisten en:
a. Seminarios: Neles discutiranse os resultados obtidos nos traballos e as dúbidas sobre as metodoloxías empregadas.
b. Presentacións orais de temas previamente preparados, incluíndo debate con compañeiros e profesores.
c. Orientación e supervisión na preparación de informes ou memorias escritas.
d. Seguimento do Traballo de Fin de Máster.
e. Participación activa en tarefas que permitan o desenvolvemento de destrezas comunicativas.
O sistema de avaliación consiste na realización e defensa pública e oral ante un tribunal avaliador do informe escrito sobre o traballo de investigación orixinal realizado polo estudante.
O máster é impartido por persoal docente e investigador de recoñecido prestixio das diferentes universidades participantes, tanto españolas como extranxeiras.