Prácticas

As Prácticas Clínicas I, II e III son materias que se imparten  en 3.^er, 4.º e 5.º curso do Grao de Medicina.

As Prácticas Clínicas teñen un carácter transversal e o seu obxectivo é iniciar aos alumnos na práctica clínica (Práctica Clínica I), vivir o hospital en todas as actividades médicas que se realicen (estadillos, sesións clínicas, visita médica, consultas, cirurxía menor, intervencións cirúrxicas,...) adquirindo competencias clínicas xerais (Prácticas Clínicas II e III).

Os alumnos permanecerán o maior tempo posible cos seus titores, establecendo unha relación docente/alumno máis estreita, o que consideramos redundará nunha maior calidade da ensinanza e na satisfacción de profesores e alumnos.

As prácticas dividiranse en dous grandes bloques, aínda que non similares en extensión, médico e cirúrxico.

As prácticas están organizadas 3 grupos (A, B, C) que realizarán dúas rotacións de 2.5 semanas en 3.^er curso (no primeiro e segundo cuadrimestre), e de 5 semanas en 4.º e 5.º cursos. Unha das rotacións dos alumnos de 5.º curso realizarase nun Centro de Saúde.

As quendas de rotación por grupos serán en 3.^er curso, CAB no primeiro cuadrimestre e BCA no segundo; en 4.º ABC no primeiro cuadrimestre e CAB no segundo, e en 5.º BCA no primeiro cuadrimestre e ABC no segundo, para evitar que os momentos de maior traballo para os alumnos recaian sempre nos mesmos grupos. Non se porán facer cambios de quenda dada a distribución xa feita e que ten en conta o esforzo dos alumnos nos períodos de exames nos diferentes cursos clínicos.

Os módulos das rotacións serán de 3 horas na Práctica Clínica I (6 ECTS), e de toda a mañá na Práctica Clínica II e III (12 ECTS) incluíndo algunha garda.

As Prácticas Tuteladas organizaranse en forma de prácticas profesionais seguindo o concepto de clínica odontolóxica integrada co obxectivo de alcanzar a suficiente experiencia clínica para que os alumnos poidan realizar a avaliación final de competencias, non só das puramente clínicas, senón tamén aquelas que permitan incorporar os valores profesionais, competencias de comunicación asistencial, de xestión clínica, de razoamento clínico e xuízo crítico. Deberán incluír traballo clínico do estudante en pacientes de todas as idades e condicións dun modo integrado e baixo a adecuada supervisión. 

As prácticas clínicas en período non lectivo poderanse levar a cabo en institucións sanitarias de ámbito nacional ou internacional recoñecidas pola Comisión de Calidade do Centro e/ou polo Responsable de calidade do centro.