Máster Universitario en Investigación en Ciencias da Visión

Condicións de terminación:

Obrigatorias: 6
Optativas: 24
Traballo fin de máster: 30
Total: 60

As materias agrúpanse en perfís ou itinerarios formativos que dan lugar ás seguintes especializacións:

- Técnicas en Investigación e Diagnóstico en Ciencias da Visión
- Enfermidades do Aparello Visual
- Óptica Visual ou Fisiolóxica
- Neurofisioloxía da Visión

Cada itinerario está constituídos por diversas materias específicas e unha obrigatoria, denominada Fundamentos da Visión, máis un quinto itinerario mixto, que non conduce a ningunha especialización. A materia Fundamentos da Visión estabelece o nivel mínimo de coñecementos xerais que todos os estudantes que están formándose no programa deben ter sobre os aspectos anatómicos, histopatolóxicos, xenéticos, ópticos, fisiolóxicos e oftalmolóxicos (clínicos) do proceso da visión.

Deses itinerarios, un posúe un perfil Físico-Óptico e está orientado fundamentalmente á formación nos aspectos ópticos da visión. Outro é de perfil Biomédico e achega coñecementos útiles en aspectos xerais das liñas de investigación biomédicas. O terceiro está orientado á formación nos aspectos neurofisiolóxicos da visión.

Finalmente, poderíanse seleccionar combinacións de materias deses itinerarios sen conducir a unha especialización definida. É o que denominamos itinerario mixto.

Para obter unha especialización o alumno debe cursar un mínimo de 12 créditos do itinerario específico elixido.

Fundamentalmente a titulados/as en Medicina, Bioloxía, Química, Bioquímica, Farmacia, Física, Veterinaria, Estatística, Óptica, Optometría e Enfermaría.

Tamén se pode realizar coas seguintes titulacións: Enxeñaría en Informática, Telecomunicacións, Industrial e Electrónica.

No caso de haber máis solicitudes que prazas ofertadas aplicaranse os seguintes criterios específicos de selección:

• Nota media mínima do expediente: 1,6 (escala 1-4) (este criterio é excluínte. De non chegar o solicitante a esta nota media desestimarase a solicitude, agás que concorran circunstancias excepcionais)
• Cualificacións das materias relacionadas co máster obtidas na titulación de acceso.
• Traballos, cursos, seminarios realizados co perfil do máster.
• Coñecemento de inglés (nivel B1 ou equivalente)
• Outros méritos
• Carta de motivación e interese na investigación neste campo.

• Perfil de ingreso

  -

• Número mínimo de créditos ECTS de matrícula por estudante e período lectivo

  Condicións de terminación:

  Obrigatorias: 6
  Optativas: 24
  Traballo fin de máster: 30
  Total: 60

• Acción titorial e acollida

  Os estudantes matriculados na USC dispoñen de diversos servizos para o apoio e orientación do alumnado durante a súa traxectoria universitaria, que se describen a continuación:

  Asesoramiento e acción tutorial.

  - Informar sobre as características académicas dos estudos e sobre as súas saídas profesionais.
  - Informar sobre o réxime de acceso e permanencia do alumnado na universidade.
  - Informar sobre os dereitos do alumnado e asesorar sobre o modo de exercelos e/ou reclamalos.
  - Informar, a nivel xeral e nos centros, sobre as bolsas e axudas convocadas.
  - Promover a creación de bolsas e axudas e propoñer ás xuntas de goberno as accións a levar a cabo, en materia de bolsas, axudas e exencións.
  - Asesorar na procura de emprego. Nesta liña realízanse varias actuacións que teñen como finalidade atender necesidades de información e orientación laboral. Ofrécese información sobre saídas profesionais, prácticas, ofertas de emprego, direccións de empresas, axudas e subvencións para o autoemprego.
  - Asesorar na creación de empresas novas.
  - Programas europeos.

  Dispoñen tamén de plans de acción tutorial que asigna profesorado titor a cada estudante para oferecer asesoramento académico en canto ás opcións e a orientación do seu proxecto académico e profesional.

  Así mesmo, informan dos recursos e servizos que a universidade pon a disposición do estudantado e da información sobre o seu funcionamento xeral, sobre os aspectos administrativos, académicos, de xestión e de participación nas estruturas de goberno.

  A Universidade de Santiago de Compostela conta cos seguintes servizos directamente relacionados cos servizos de apoio ao alumnado:

  - Área de Cultura
  - Área de Orientación Laboral e Emprego
  - Área de Tecnoloxías da Información e das Comunicacións (ATIC)
  - Gabinete de Comunicación
  - Oficina de Igualdade de Xénero
  - Oficina de Información Universitaria (OIU)
  - Servizo de Normalización Lingüística
  - Servizo de Participación e Integración Universitaria
  - Servizo de Relacións Exteriores (SRE)

  Nesta titulación os estudantes contarán cun espazo dedicado ás tutorías personalizadas en cada unha das materias. O sistema de titorías explícase aos estudantes na reunión de benvida.

• Criterios de suspensión do título

  Cando se produza a suspensión dun título oficial, a USC garante o adecuado desenvolvemento efectivo das ensinanzas que iniciasen os seu alumnado ata a súa finalización. Para iso, o Consello de Goberno aproba os criterios relacionados, entre outros, con:

  • A admisión de matrículas de novo ingreso na titulación.
  • A supresión gradual da impartición da docencia.
  • Se o título extinguido é substituído por outro similar (modificando a natureza do título), fixa as condicións que faciliten aos/as estudantes a continuidade de estudos no novo título e as equivalencias entre as materias dun e doutro plan.

• Acceso

  Acceso

  Para acceder aos ensinos oficiais de Máster será necesario estar en posesión de:
  A.1. Un título universitario oficial español.
  A.2. Un título expedido por unha institución de educación superior pertencente a outro Estado integrante do Espazo Europeo de Educación Superior que faculte no mesmo para o acceso a ensinos de Máster.
  A.3. Un título pertencente a un sistema educativo alleo ao Espazo Europeo de Educación, previa comprobación pola Universidade de que o citado título acredita un nivel de formación equivalente aos correspondentes títulos universitarios oficiais españois e faculta no país expedidor do título para o acceso a ensinos de posgrao.
  A.4. Un título superior das Ensinanzas Artísticas Superiores do sistema educativo español.

  Admisión

  Modalidade: criterios específicos

  Titulacións de acceso:

  -Licenciaturas e graos en Medicina, Bioloxía, Química, Bioquímica, Farmacia, Física, Veterinaria, Estatística, Biotecnoloxía.
  -Enxeñarías e graos en Informática, Telecomunicacións, Industrial e Electrónica.
  -Diplomaturas e graos en Óptica e Optometría e en Enfermaria.

  CRITERIOS DE SELECCIÓN:

  - Nota media mínima do expediente: 6,5 (escala 0-10)
  (Este criterio é excluínte. De non chegar o solicitante a esta nota media desestimarase a súa solicitude, agás que concorran circunstancias excepcionais)
  - Cualificacións das materias relacionadas co mestrado obtidas na titulación de acceso.
  - Traballos, cursos, seminarios realizados co perfil do máster.
  - Coñecemento de inglés (nivel B1 ou equivalente)
  - Outros méritos
  - Carta de motivación e interese na investigación neste campo.

  Información actualizada en cada convocatoria de matrícula

- Potenciar a calidade da investigación en Oftalmoloxía e Ciencias da Visión, axuntando para iso os esforzos de diferentes Departamentos e Institutos Universitarios con programas de investigación relacionados con ese tema.

- Promover a cooperación científica entre os diferentes grupos de investigación participantes no programa, tanto nacionais como estranxeiros, e o intercambio para unha abordaxe máis completa da formación en investigación e en técnicas docentes dos estudantes.

- Potenciar a mobilidade dos estudantes entre os centros de investigación participantes e outros centros internacionais co fin de favorecer a súa incorporación futura a equipos de investigación distintos do de procedencia.

- Promover a colaboración con empresas para conseguir unha formación investigadora non só
específica, tamén útil á sociedade.

• Competencias básicas

  - Posuír e comprender coñecementos que acheguen unha base ou oportunidade de ser orixinais no desenvolvemento e/ou aplicación de ideas, a miúdo nun contexto de investigación

  - Que os estudantes saiban aplicar os coñecementos adquiridos e a súa capacidade de resolución de problemas en contornos novos ou pouco coñecidos dentro de contextos máis amplos (ou multidisciplinares) relacionados coa súa área de estudo

  - Que os estudantes sexan capaces de integrar coñecementos e enfrontarse á complexidade de formularen xuízos a partir dunha información que, sendo incompleta ou limitada, inclúa reflexións sobre as responsabilidades sociais e éticas vinculadas á aplicación dos seus coñecementos e xuízos

  - Que os estudantes saiban comunicar as súas conclusións e os coñecementos e razóns últimas que as sustentan a públicos especializados e non especializados dun modo claro e sen ambigüidades

  - Que os estudantes posúan as habilidades de aprendizaxe que lles permitan continuar estudando dun modo que haberá de ser en grande medida autodirixido ou autónomo.

• Competencias xerais

  - Coñecemento do método científico: coñecer o necesario para saber planificar e executar experimentos, desenvolver a metodoloxía adecuada para cada contexto, interpretar os resultados e elaborar conclusións que permitan ampliar o coñecemento na área da investigación biomédica e contribúan á resolución de problemas de interese no ámbito das ciencias da visión.

  - Coñecementos técnicos: saber aplicar as técnicas adecuadas para a resolución dun problema experimental concreto en investigación nas ciencias da visión.

  - Capacidade de integración e autonomía: capacidade de levar a cabo un proxecto de investigación na materia baixo supervisión, non só nos temas cubertos polas materias, senón en contextos multidisciplinares.

  - Razoamento crítico e capacidade de análise, síntese e interpretación: capacidade de emitir xuízos sobre hipóteses, propostas experimentais ou experimentos xa realizados do campo da investigación biomédica no ámbito da visión, tanto sobre a validez científica como sobre aspectos éticos e sociais do enxuizado.

  - Capacidade de relación e colaboración: capacidade de traballar en equipo nun ambiente de investigación multidisciplinar para conseguir obxectivos comúns desde perspectivas diferenciadas orientados á resolución de problemas en investigación en visión.

  - Habilidades de comunicación: capacidade de comunicar propostas, experimentos, resultados, conclusións e críticas no ámbito das ciencias da visión, tanto ante públicos especializados como non especializados.
  - Capacidade de auto-aprendizaxe: desenvolver as habilidades de aprendizaxe necesarias para manterse ao día no campo da investigación biomédica en visión e nas súas técnicas de forma autónoma e ao longo da vida.

  - Capacidade de empregar polo menos un idioma estranxeiro, preferentemente o inglés, como medio de comunicación oral e escrita dentro da súa participación na comunidade científico-tecnolóxica internacional.

  - Capacidade de ser creativo na concepción, formulación e resolución de preguntas de investigación.

• Competencias específicas

  - Capacidade de realizar tarefas de investigación supervisadas no ámbito das ciencias da visión.
  - Capacidade de deseñar experimentos aplicando as técnicas adecuadas para responder á pregunta pertinente.
  - Coñecemento do marco legal no que se desenvolve a investigación biomédica actual e capacidade de emitir xuízos autónomos sobre as implicacións éticas desta investigación no contexto do relativo á visión.
  - Capacidade de entender as implicacións éticas e sociais das decisións adoptadas durante o exercicio dos labores de investigación en visión, tanto clínica como preclínica.
  - Capacidade de comprender o sistema global de I+D+i, así como os seus mecanismos (programas, proxectos e outros instrumentos) tanto a nivel nacional como internacional, con especial énfase no ámbito europeo.
  - Coñecemento das bases moleculares e as físicas dos procesos biolóxicos esenciais que participan no fenómeno da visión e que se ven alterados na patoloxía ocular animal e humana.
  - Coñecemento das alteracións subxacentes ás enfermidades oculares humanas máis importantes e de maior relevancia social. Capacidade de predecir como estas alteracións poden producir a enfermidade e identificar posibles puntos de intervención terapéutica.
  - Coñecemento dos modelos de estudo das enfermidades oculares humanas máis importantes, tanto in vitro como in vivo, coas súas vantaxes e limitacións. Coñecemento dos criterios máis importantes de selección dun modelo de estudo desas enfermidades.
  - Coñecemento dos avances máis actuais nas técnicas diagnósticas das enfermidades oculares e o trasfondo de investigación relacionado con eles.
  - Coñecemento dos avances terapéuticos máis actuais para as enfermidades oculares e o trasfondo de investigación relacionado con eles.
  - Capacidade para desenvolver un traballo de forma crítica no ámbito da investigación en visión, así como a súa discusión.

Mobilidade

Este Máster potencia a mobilidade dos estudantes. De entrada, está concibido para impartirse nas diferentes universidades que o conforman. Ten diversas sedes de impartición das materias, tantas como organismos participantes, en diversas cidades españolas (Alcalá, Madrid, Murcia, Santiago de Compostela e Valladolid). Nelas realízanse as diferentes actividades formativas repartidas segundo que organismo sexa o responsable académico. O obxectivo desta distribución é familiarizar aos estudantes con outros contextos de investigación e inicialos no camiño das estancias predoutorais noutros Centros, nacionais ou internacionais.

Ademais, a única materia obrigatoria (Fundamentos da Visión), se imparte tradicionalmente en Valladolid, de tal xeito que todos os estudantes matriculados en cada curso académico, sexa cal for a súa universidade de matriculación, desprázase a Valladolid. Iso fai que todos os estudantes de cada ano se coñezan e empecen a formar lazos. O obxectivo desta práctica é potenciar outro dos aspectos craves da investigación: a colaboración.

A mobilidade dos/as estudantes está regulada a través do “Regulamento de intercambios interuniversitarios”. A través da Oficina de Relacións Exteriores xestiónanse programas de intercambio tanto nacionais (SICUE), como europeos (ERASMUS) e extracomunitarios (intercambios con países de América Latina ou países de fala inglesa):

Portal Internacional

Prácticas

Non se contemplan

A materia denominada “Traballo de Fin de Máster” (TFM) outorga os compoñentes prácticos para o deseño e presentación, por parte do estudante, dun proxecto de investigación orixinal, tendo en conta todos os aspectos que son relevantes cando se suscita unha investigación: os antecedentes e estado actual do tema obxecto do estudo, a hipótese e os obxectivos do traballo, a metodoloxía a empregar, a análise dos posibles resultados e a discusión dos mesmos tendo en conta a literatura específica.

Para desenvolver esta materia asignarase un titor/a a cada estudante que será necesariamente un profesor do Máster con título de doutor.

O máster reúne cada ano a especialistas con recoñecida experiencia docente e investigadora que participan nas diferentes materias que conforman o programa.