Día da Ciencia (2011)

O día 4 de novembro de 2011 varios centros da USC, uníndose ao ensino de primaria e secundaria, celebraron por vez primeira o Día da Ciencia en Galego, polo dereito a gozar da ciencia no noso idioma. Dese xeito, dábaselle tamén continuidade á campaña "En galego tamén se fai ciencia" que as tres universidades galegas argallaron para a mesma conmemoración no ano 2010.

Presentamos a seguir unha relación das actividades desenvolvidas (vid. o  cartel en formato PDF -117 KB), que completamos con diversos materiais relacionados con cada unha delas.

Biblioteca Intercentros do Campus de Lugo

• Centro de interese:  Publicacións científicas ou de divulgación en galego [fotos e publicación que recolle os fondos expostos]

Escola Politécnica Superior

• Mostra de publicacións e traballos científicos en galego de profesorado e alumnado da Escola
• Exposición sobre María Wonenburger
• Proxección de documentais de divulgación científica realizados en galego ou subtitulados a esta lingua:
  • As catedrais do silencio
  • Unha semente de cada vez, para protexer o futuro da comida (subtítulos en galego)
  • Como pode manter o mercado os regatos correndo? (subtítulos en galego)
  • Aves do Campus
  • A Granxa Agrícola Experimental de Galicia

Escola Técnica Superior de Enxeñaría

• Exposición Mulleres ConFormando a ciencia
• Charla "Os teus proxectos, en galego" da ex-alumna Celia Castro, dirixida ao estudantado dos últimos cursos
• Táboa redonda "O galego na docencia e na investigación da ETSE"

Facultade de Bioloxía

• Táboa redonda "O uso do galego nas ciencias"

Facultade de Ciencias

• Exposición de bibliografía científica en galego
• Acto conmemorativo do Día da Ciencia en Galego
  • Presentación do XXIV Congreso da Asociación de Ensinantes de Ciencias de Galicia (ENCIGA), por Beatriz Fernández
  • Presentación do libro O nome e o símbolo dos elementos químicos, por Ana Mª González Noya
  • Charla “Química con produtos caseiros: ácidos e bases, colorantes e antioxidantes”, por Manuel Paz Castañal
  • Obradoiro de química recreativa, por Julio A. Seijas e Pilar Vázquez Tato
• Distribución gratuíta de exemplares do Vocabulario de química galego-español-inglés

Facultade de Física

• Comezo do ciclo de conferencias "Física en Compostela: Investigando"
• Proxección dos documentais
  • LHCb. The Beauty Experiment
    (subtitulado ao galego)
  • Big-bang no LHC

Facultade de Matemáticas

• Presentación da Comisión de Normalización Lingüística da Facultade
• Presentación do concurso Explícoche Matemáticas 2.0
• Presentación de Minerva, o repositorio institucional da USC

Facultade de Veterinaria

• Presentación dalgunhas das liñas de investigación máis relevantes que están en marcha nese centro:
  • Principais parasitismos do cabalo en Galicia. Posibilidades de control biolóxico para o desenvolvemento da gandería ecolóxica
  • A fauna profunda das costas galegas
  • Metabolismo mineral en ruminantes
  • Prevención das enfermidades no gando vacún
  • Xenética para a acuicultura e para a conservación de recursos biolóxicos
  • Diagnóstico anatomopatolóxico: aplicación práctica en acuicultura
  • Envellecemento cerebral no can: un modelo da enfermidade de Alzheimer
• Distribución gratuíta de exemplares do Vocabulario de morfoloxía, anatomía e citoloxía veterinaria