Campus Virtual

O Campus Virtual da Universidade de Santiago de Compostela nace como unha aposta para enriquecer a experiencia educativa e favorecer a innovación na educación universitaria.

Con este propósito, o Campus Virtual pretende poñer en liña os recursos educativos da USC, complementando así o seu modelo de ensinanza presencial con actividades virtuais.

Para construír este espazo, a USC seleccionou como plataforma a Moodle. Esta ferramenta é unha iniciativa de código aberto e conta cunha ampla acollida na comunidade educativa. Entre as posibilidades que ofrece esta ferramenta cabe destacar:

• A docencia virtual con materiais de estudio, actividades e tarefas que permiten un contacto permanente entre o profesorado e o estudantado.
• A posibilidade de establecer unha comunicación rápida e efectiva entre docente e estudante.
• Ferramentas para o estudo.
• O seguimento do estudantado a distancia e a súa avaliación de xeito continuado. 

No seguinte enlace podes consultar a guía completa:

• Guía de introdución ao Campus Virtual para o estudantado

• Protocolo de uso do Campus Virtual
• Condicións de uso dos materiais que figuran no Campus Virtual da USC

P. Non podo acceder, non teño as miñas credenciais de usuario
R. Podes solicitar as credenciais no seguinte enlace: Novos usuarios.

P. Non recordo a miña chave de paso.
R. Consulta como recuperala no seguinte enlace: Cambiar chave de paso.

P. Non teño acceso a todas as materias nas que me matriculei.
R. Non todos os docentes empregan o Campus Virtual, polo que é posible que non vaian estar dispoñibles. Consulta co responsable da materia antes de contactar co CAU informando dun problema na plataforma.

P. Xa fixen a matrícula. Os meus compañeiros teñen acceso a unha determinada aula e eu non.
R. O sistema darache acceso automaticamente nun breve prazo. Se transcorridas 48h segues sen poder acceder, contacta co CAU.

P. Non sei como funciona a ferramenta “x” da plataforma.
R. Se tes calquera dúbida referente á plataforma, fala en primeiro lugar co docente responsable da materia. Tamén podes consultarnos directamente: Contactar co Centro de Formación de Persoal (técnicos/as e-learning).

P. Teño un problema técnico que non aparece neste listado.
R. Contacta co Centro de Atención a Usuarios (CAU) a través do seguinte enlace: Acceso ao CAU

• Campus Virtual 2023/2024: Novidades
• Guía rápida para importar contidos entre aulas virtuais
• Guía completa para importar contidos entre aulas virtuais

• 01 | Acceso ao Campus Virtual da USC
• 02 | Modificar a visibilidade dunha aula no Campus Virtual
• 03 | Organización básica dunha aula no Campus Virtual
• 04 | Como subir un arquivo ao Campus Virtual
• 05 | Como crear unha páxina no Campus Virtual
• 06 | Introdución á actividade Tarefa no Campus Virtual
• 07 | Uso básico dos foros no Campus Virtual
• 08 | Como gravar vídeo e audio no Campus Virtual
• 09 | Informes de actividade no Campus Virtual
• 10 | A actividade Cuestionario no Campus Virtual: Introdución
• 11 | A actividade Cuestionario no Campus Virtual: O banco de preguntas
• 12 | A actividade Cuestionario no Campus Virtual: Creación dunha proba
• 13 | A actividade Cuestionario no Campus Virtual: Revisión de resultados
• 14 | Xestión de grupos no Campus Virtual
• 15 | Uso do condicional no libro de cualificacions do Campus Virtual

Durante os últimos anos o Campus Virtual estase a converter nun soporte fundamental de apoio á docencia. O PDI da USC fai uso do Campus para comunicarse cos estudantes e para compartir materiais didácticos e tarefas. Este uso masivo fai necesario que dende a Universidade se estableza un Protocolo de actuación para todo o persoal docente e investigador que fai uso do Campus.

• Protocolo de uso do Campus Virtual

Co fin de informar do uso do Campus Virtual da USC no desenvolvemento da actividade docente dende o Centro de Formación de Persoal expedirase os informes correspondentes.

A solicitude dos Informes de Uso do Campus Virtual poderá realizarse a través da Secretaría Virtual en calquera momento do ano académico. Poderán solicitarse informes de cursos anteriores ou do presente, unha vez rematada a docencia das materias en cuestión. Para informar do emprego da aula virtual terase en conta como criterio técnico o número de accesos do/a docente, que será dun mínimo de cinco.

No caso de non ser persoal da USC, no momento actual, pode realizar a súa solicitude a través do seguinte enderezo: campusvirtual@usc.gal

• Acceder á aplicación online para obter os Informes de Uso do Campus Virtual

P. Non consigo acceder ao Campus Virtual, teño un problema coa chave de paso, a sinatura electrónico ou co meu equipo.
R. Contacta co Centro de Atención a Usuarios (CAU) a través do seguinte enlace: Acceso ao CAU

P. Que debo facer para solicitar as aulas virtuais para as miñas materias?
R. As aulas están dispoñibles e actualizadas de xeito automático, non é necesario realizar ningún trámite. Recorda que se atopan ocultas para o estudantado, polo que debe facelas visibles.

P. Quero solicitar unha aula para unha materia ou actividade que non está recollida no Campus Virtual. Que debo facer?
R. Debes poñerte en contacto co Centro de Formación de Persoal (técnicas/os e-learning), enviando por correo electrónico unha solicitude motivada e os datos básicos da aula. Recibirás indicacións adicionais para continuar coa solicitude.

P. Como engado ao meu estudantado ás miñas aulas?
R. As aulas actualizan a listaxe do estudantado de xeito automático e inmediato unha vez estes formalizan a matrícula, e non antes. Non é necesario realizar ningún trámite.

P. Necesito máis información sobre o uso do Campus Virtual.
R. Na sección "Guías do Campus Virtual" están dispoñibles titoriais, vídeos e outro material de apoio no uso do Campus Virtual así como outras ferramentas relacionadas.

P. Teño un problema ou unha dúbida que non aparece neste listado.
R. Se se trata dun problema técnico debes contactar co CAU, do contrario podes consultarnos directamente a nós a través do seguinte enlace: Contactar co Centro de Formación de Persoal (técnicas/os e-learning).