Os cursos dirixidos ao Persoal Docente e Investigador están centralizados a través do Centro de Formación de Persoal.
O SNL, a través do CFP, ofrece a seguinte formación:
- Curso de Dereitos e Deberes Lingüísticos na USC
- Curso de Galego Seguro
- Curso de Xestión do Multilingüismo nas aulas
- Curso de Elaboración de Unidades Didácticas
- Curso de Presentacións Eficientes
-
Este curso tratará de aclarar e afianzar contidos sobre dereitos lingüísticos da Constitución, o Estatuto de Autonomía, a Lei de Normalización Lingüística, os Estatutos da Universidade e, especialmente, o Regulamento de Usos Lingüísticos.
-
Este curso tenta dar seguridade nos aspectos normativos do galego. Coñecer que din (e que non din as Normas Ortográficas e Morfolóxicas do Idioma Galego). Ademais, faise un achegamento á lingua a través da posta en valor do coñecemento xa adquirido, que é moito na maior parte dos casos.
-
Vivimos nun mundo cada vez máis global no que se perciben de maneira máis clara a diversidade cultural e lingüística. O profesorado universitario debe xestionar esa realidade diversa coñecendo o valor do multilingüismo, o respecto á diversidade e a certeza que esta está baseada na utilización da lingua propia.
-
Esta formación céntrase na aprendizaxe para realizar unidades didácticas de calidade que axuden a mellorar o labor docente creando produtos útiles para o profesorado e para o alumnado.
-
Esta formación pretende ofrecer os elementos esenciais que acaban por constituír unha boa presentación como elemento de apoio para o labor docente ou para a exposición académica.